¹ ಅಮ್ರ್ಹಿನೆ ಹಮೆ ನಂಬೀಕೆತೆ ನೀತಿವಂತರ್ ಥಾಯ್ಲು ಕಾರಣಂ ಹಮರು ಕರ್ತೋ ಥೈಲೂ ಯೇಸು ಕ್ರಿಸ್ತೋನು ಮುಲಕಂ ದೇವ್ನು ದೊಡೆ ಥಾಯ್ಲುಸಮಾಧಾನಮ್ನೆ ರಿದ್ಯೆ . ² ಹಮೆ ಹಮ್ನಾ ನೆಲೆಗೊಂಡೆಲಾ ಸಿದ್ಯೆತೆ ದೇವ್ನು ಕ್ರುಪಶಯಮ್ಮೆ ಇನು ಮುಖಾನಥರಂ ನಂಬೀಕೆತೆ ಪ್ರವೆಶಂ ಚು ವುರಿ ದೇವ್ನು ಮಹಿಮೆ ಹೊಂದೆ ಅಂಕೆತೆ ಭರವಸಂತಿ ಸುಲ್ಲಾಸಂತಿ ಸಿದ್ಯೆ ³ ಆ ಮಾತ್ರಂ ನೋಯ್ತೆ ಹಮನೇ ಉಂಟ್ ಥಾಯ್ತೆ ಉಪದ್ರವಮ್ಮೆ ಬೀ ಉಲ್ತಾಸಂ ಥಾಯ್ಲಾ ಸಿದ್ಯೆ . ⁴ ಚಾತ್ನೆ ಅಂಕೆಕ್ಲೆ ಉಪದ್ರವಮ್ತಿ ತಾಳ್ಮೆ ವುಬ್ದೆ , ತಾಳ್ಮೆತಿ ಅನುಭವಿಸಿದ್ದಿ ವುಬ್ದೆ ಅನುಭವಮ್ತಿ ವುಬ್ದೆ ಕಿನೇ ಮಾಲಂ ⁵ ಆ ನಿರೀಕ್ಷೆ ಹಮರು ಆಸ್ ಭಂಗಪಡಿಸ್ತುತಿ ; ತಂನೆ ಮುಲಕಂ ಥೈನೆ ದೇವ್ನು ಪ್ರಿತಿನುಸರಂ ಹಮರು ಹೃದಯಮ್ಮೆ ಧಾರಾಳಂತಿ ಟಾಲಾಯ್ಲು ಸೇನಿ ⁶ ಹಮೆ ಆ ಶಕ್ತರ್ ಚಾವ್ತಾ ತಗ್ಡೆ ದ್ ಕ್ರಿಸ್ಟೋ ನೇಮಿತ ಕಾಲಂಮೆ ಭಕ್ತಿ ಹೀನರ್ನು ವಲ್ತಿ ಜಾನ್ ತೆಬೀ ⁷ .ನೀತಿವಂತರ್ನು ವಲ್ತಿ ಚುನ್ ತೆಬೀ ಜಾನ್ ಆಲೋನು ಅಪರೂಪಂ . ಉಪಕಾರಿನೋಲ್ತಿ ಜಾನ್ ಆಲೋನೆ ಚುನ್ ತೆಬೀ ಧಿರ್ಯಂ ಕರ್ಯು ತೆಬೀ ಕರ್ಯೋ. ⁸ ತೆ ಹಮೆ ಪಾಪಿ ಚಾವ್ತಾ ತಗ್ಡೆ ಬೀ ಕ್ರಿಸ್ತೋ ಹಮರೋಲ್ತಿ ಜಾನ್ ಆಲೆಲುಮೆ ದೇವ್ ಹಮರು ಉಪ್ಪರ್ ಇನೆ ಸೇತೆ ಪ್ರೀತಿ ಸಿದ್ಧಾಂತಂ ಕರೆಲೂಸೆ ⁹ ಹಮ್ನಾ ಹಮೆ ಇನು ಲೂಯ್ ತಿ ನೀತಿವಂತರ್ ಥೈಲಾ ರೆಹೆವೂನೆ ಇನು ಮುಲಕಂ ಅವೆತೆ ರಹೀನೆ ತಪ್ಪಿಲೆವೋನು ವುರಿ ನಿಶ್ಚಯಂ ನೋಯ್ಕಿ ¹⁰ ದೇವ್ನೆ ವೈರೀ ಚಾವ್ತಾತೆ ತೆ ಹಮೆ ಇನು ಮರಣಮ್ನು ಮುಲಕಂ ಇನುದೋಡೆ ಸಮಾಧಾನಂ ತಿ ರೆವೊನೆ ಇನು ದೊಡ್ಮೆ ಸಮಾಧಾನಂ ಥಾಯ್ಲೂ ಹಮ್ನೇ ಎ ದಿಕ್ರೋನೆ ಸೆಟೆ ಜಂಟಿ ರಕ್ಷಣೆ ಥಾಯ್ ವುಉರಿ ನಿಶ್ಚಯಂ ನೋಯ್ಕಿ ¹¹ ಆಕಳು ಮಾತ್ರಾಂ ನೋಯ್ತೆ ಹಮೆ ಹಮರು ಕರ್ತೋ ಥೈಲೂ ಯೇಸು ಕ್ರಿಸ್ತೋ ನು ಮುಲಕಂ ಸಮಾಧನಸ್ಥಿತಿ ಹೊಂದೆಲಾ ಥೈನೆ ಇನು ಮುಖಾನತರಂ ದೇವ್ನೆ ಹರ್ಷಗೊಲ್ಯೆ ¹² ಆ ವಿಷಯಂ ಕಾಮ್ ಅಂಕೆಕ್ಲೆ ಏಕ್ಲೋ ಮಾನ್ವಿ ತಿದ್ ಪಾಪಂ ಪಾಪಂತಿ ಮರಣಂ ಲೋಕ್ಮೆ ಬೆರಾಯೂ ; ಹಮೆ ಹಂದಾಬೀ ಪಾಪಂ ಕಾರ್ಯಾ ತಾರ್ ಮರಣಂ ಅಮ್ ಹಂದು ಮೆಬೀ ವ್ಯಾಪಿಸ್ಯು ¹³ ಧರ್ಮ ಶಾಸ್ತ್ರಂ ಉಂಟ್ತಾ ವೋನು ತಿ ಫಸ್ಟ್ದ್ ಪಾಪಂ ಲೋಕಮ್ಮೆ ಉತ್ತು ; ತೆ ಧರ್ಮ ಶಾಸ್ತ್ರಂ ಹರೆ ತಗ್ಡೆ ಪಾಪಂ ಲೆಕ್ಕಮ್ನೆ ಆವ ತುತಿ ¹⁴ ತೆಬೀ ಆದಾವೋನು ಕಾಲಮ್ತಿ ಮೊಶೇನು ಕಾಲ ವೋಡ್ತಿ ಮರನಮ್ನು ಆಳಿಕೆ ಸಾಲ್ ತುವ್ತು ಆದಾಮೋ ದೇವ್ನು ಆಜ್ಞ್ಯೆಮಿರಿನೆ ಕರೆಲು ಪಾಪಮ್ನೆ ಸಮಾನ ಪಾಪಂ ಸೇತೆ ಪಾಪಂ ನಾ ಕರೆತೆಮ್ ಉತೆಲಾನು ಉಪ್ಪರ್ಬೀ ಎ ಸಾಲ್ತುವು ಎ ಆದಾಮೋ ಆವೊನುತೆ ಎಕ್ಲೋನೆ ಸುಚಕೋ ಅಡಿ ಥಯ್ಲೋಸೆ ¹⁵ ತೆ ಎ ಅಪಾರದಮ್ನು ಸಂತತಿನೆ ಬೀ ದೇವ್ನು ಕೃಪಾದಾನಮ್ನು ಸಂಗತಿನೆ ಬೀ ಘನ್ನು ಹೆಚ್ಚು ಕಡಿಮೆಸೆ ಕಮ್ಕೆಕ್ಲೆ ಎ ಎಕ್ಲೋನು ಅಪಾರಧಂ ತಿ ಹಂದಾ ಮಾನ್ವಿ ಮರೆಲು ನಿಶ್ಚ್ಯಂ ಥೈನೆ ಹ್ರೆವೋನೆ ದೇವ್ನು ಕೃಪೆ ಯೇಸು ಕ್ರಿಸ್ಟೋ ಅಂಕೆತೆ ಆ ಏಕ್ಲೋ ಅದ್ಮಿನು ಕ್ರುಪೆತಿ ದಡೆತೆ ವರಂ ಹಂದಾ ಮಾನ್ವಿ ನಿ ಹೆರಳಮ್ತಿ ಸಿದ್ದಮ್ ಥಾಯ್ಲು ಹ್ರೆ ವುರಿ ನಿಶ್ಚಯoದ್ ನೋಯ್ ¹⁶ ಆ ನೋಯ್ತೆ ಪಾಪಂ ಕರೆಲೂ ಏಕ್ಲೋ ತಿದ್ ದುಷ್ಟಲ್ಪ ಆವೇಮ್ ಆ ವರಿಂ ಆಯುತಿ ; ಕಾಮ್ ಕೆಕ್ಲೆ ಎಕ್ಲೋದ್ ಮಾನ್ವಿನು ಪಾಪಂನು ದೆಸೆತೀ ಮರೋನು ಅಂಕೆತೆ ನಿರ್ನಯಂ ಉಂಟ್ ಚು , ತೆ ದೇವ್ನು ಕೃಪಾ ದಾನಂ ಬೆಸ್ರಾವ್ನು ಅಪರಾಧಂನು ಮರನಂತಿ ಉಂಟ್ ಥೈನೆ ಇವನೇ ನೀತಿವಂತರ್ ಕೀನೆ ನಿರ್ನಯೀ ಸೆವೂ ಥಾಯ್ಲುಸೆ ¹⁷ ಏಕ್ಲೋ ಕರೇಳು ಅಪಾರಧಮ್ತಿ ಮರಣಂ ಉಂಟ್ ಥೈನೆ ಎ ಎಕ್ಲೋನು ದೆಸೆತಿದ್ ಆಳ ನಾರೋ ಚುಕ್ಲೆ ದೇವ್ ಧಾರಳಮ್ತಿ ಅನುಗ್ರಹಿಸೆತೆ ಕೃಪಾಧನಂ ನೀತಿ ಅಂಕೆತೆ ವರಂ ಹೊಂದೆಲಾ ಯೇಸು ಕ್ರಿಸ್ತೋ ಅಂಕೆತೆ ಆ ಏಕ್ಲೋ ಅದ್ಮಿನು ಮುಲಕಂ ಜೀವ ಭಾರಿ ತರ್ ಥೈನೆ ಆಳೋನು ವುರಿ ನಿಶ್ಚಯಂ ನೋಯ್ಕಿ ¹⁸ ಅಮ್ ಹ್ರೆ ವೋನೆ ಎಕ್ಕ್ದ್ ಅಪಾರಧಮ್ನು ಮುಲ್ಕಂ ಹಂದಾ ಮಾನ್ವಿ ನೆ ಮರೂನು ಅಂಕೆತೆ ನಿರ್ಣಯಮ ಕಾಮ್ ಉಂಟ್ ಚುಕಿ ಅಮ್ಮದ್ ಎಕ್ಕ್ದ್ ಸ್ತ್ಕಾರಮ್ತಿ ಹಂದಾ ಮಾನ್ವಿನೆ ನೀತಿವಂತರ್ ಅಂಕೆತೆ ನಿರ್ಣಯಮ ಉಂಟ್ ಥೈನೆ ಜಾನ್ ಫಲಿಸೆ ¹⁹ ಎಕ್ಲೋನು ಅವಿಧೆ ಯಂತಿ ಹಂದಾಬೀ ಕಾಮ್ ಪಾಪಿ ಚಾಕೀ ಅಮ್ಮದ್ ಎಕ್ಲೋನು ವಿಧೆಯತ್ವಮ್ತಿ ಹಂದಾಬೀ ನೀತಿವಂತರ್ ಥಾಯ್ ²⁰ ಅಪ್ರಧಂ ಘನ್ನು ದಖಾಯಾ ನಾವೆಮ್ಕೈ ಧರ್ಮ ಶಾಸ್ತ್ರಂ ಬೀಚ್ಮೆ ಆಯು ತೆ ಪಾಪಂ ಘನ್ನು ಕೈಮರ್ತೆ ಕೃಪೆ ಚುಕ್ಲು ಕೀ ಘನ್ನು ಥೈನೆ ಪ್ರಬಲಂ ಚು ²¹ ಅಮ್ ಪಾಪಂ ಮರಣಂ ಉಂಟ್ ಕರ್ತೋ ಅಧಿಕಾರಂ ಸಲಾವೆನಂ ದೇವ್ನು ಕೃಪೆ ಹಮರು ಕರ್ತೋ ತಿಲೋ ಯೇಸು ಕ್ರಿಸ್ತೋನು ಮುಲಕಂ ನೀತಿ ಆಲಿನೆ ನಿತ್ಯಾ ಜೀವಮ್ನು ಉಂಟ್ ಕರ್ತುನೆ ಆಧಿಕಾರಂ ಸಲಾವೆ