¹ ದೇವ್ ಹಂನೆ ಕ್ರಿಸ್ತೋನು ಮೆ ಕ್ಷಮಿಸ್ಯೋನಿ ; ಇನು ವಲ್ತಿ ದೇವ್ನು ಪ್ರಿಯರ್ ತೈಲ ಸೋಕ್ರಾವ್ನೆ ತಕ್ಕ್ಮ್ ಇನೆ ಅನುಸರಿಸನಾರ್ ತೈಲ ರೇವ್ ನೆ ² ಕ್ರಿಸ್ತೋ ತಮ್ನೆ ದವ್ನೆ ಸುಗಂಧಮ್ನು ಬಾಸ್ ತೈಲು ಕಾನಿಉಕೆ ತೈನೆ ಬೀ ಯಜ್ಞ್ಯಂ ತೈನೆಬೀ ಸಮರ್ಪಿಸಿಲಿದೇಳು ಪ್ರಕಾರಂ ತಮೆ ಪ್ರೀತಿಯೆ ಸಾಲೋ ³ ಜಾರತ್ವ ಚು ವಿದಾಮ್ ಥೈಲು ಬಂಡುತನಂ ದ್ರವ್ವ್ಯಾಸೆ ಅವ್ನು ಸುದ್ದಿಥೆ ಬಿ ಥಮರು ಮೇ ರೆವೊನೋಯ್; ಅವ್ನೆ ದೂರ್ ಥಯ್ಲುದ್ ದೇವ್ನೆ ಲೂಕ್ನ್ ಯೋಗ್ಯಂ ಥೈಲು. ⁴ ಖಾರಬಾ ವಾಥ್ ಗೆಲು ವಾಥ್ ಕುಚೋದ್ಯ ವಾಥ್ ಆ ನಕ್ಕೋ ಆಯುಕ್ತ್ಹಂ ಥೈಲುಸೆ; ⁵ ಅವ್ನೆ ಮೇಲಿನೆ ದೇವ್ ನೇ ಉಪಕರಂ ಸ್ತುತಿ ಕರೋನು ಉತ್ತಮಂ ಜಾರರ್ ದುರಾಚಾರಿ ವಿಗ್ರಹಾರದಕರ್ ನು ಗೋಡೆ ಸೇಥೆ ಲೋಬಿಗಲ್ ಅವ್ನು ಮೇ ಎಕ್ ಲುನೆ ತೆಬಿ ಕ್ರಿಸ್ತೋನು ವುರಿ ದೆವ್ನು ರಾಜ್ಯಂ ಮೇ ಬಾದ್ಯತೆ ಕೈದ್ಮರ್ಕಿನೆ ತಮೆ ರಿಕ್ ಮಾಲಂ ಕಾರ್ಲಿ ತೆಲ ಸೇವ್ ನೋಯ್ಕಿನೆ. ⁶ ಪ್ರಯೋಜನಂ ಕೈಮರ್ಥೆ ವಾಥ್ ಕರ್ನಾರನೆ ಕಾನ್ ಆಲಿನೆ ಮೋಸಂ ಥಮೊವ್; ಎವು ಕೃಥ್ಯಂ ನು ಮುಲಕಂ ದೇವ್ನೆ ರಿ ಇನೇ ಅವಿದೇಯರ್ ಥಯ್ಲಾನು ಉಪ್ಪೆರ್ ಅವೇ. ⁷ ತಮೆ ಇವ್ನು ದೊಡೆ ಪಾಲುಗರರ್ ಥಮ್ಮೊವ್ . ⁸ ವಾಯ್ನು ಕಳಮ್ನೆ ಅಂಧರ್ ಥಾಯ್ಲ ಸೇವ್ ತೆ ಹಮನ ತಮೆ ಕ್ರಿಸ್ತ್ಹೊನುಮೆ ರೀನೆ ಆದವರು ಥಾಯ್ಲ ಸೇವ್. ⁹ ಅದ್ವರ್ನು ಬನಿನನು ಗೋಡೆ ಸಾಲೋ, ಅದ್ವಾರ್ ನು ಫಲಂ ಉಪಕರಂ ಮೇ ಬೀ ನೀತಿ ಮೇ ಬಿ ಸತ್ಯಂ ಮೇ ಬಿ ದಾಕಾಯ್. ¹⁰ ಕರ್ತ್ಹೊನೆ ಮೆಚ್ಚಿ ಗೆ ತಯ್ಲೋ ಚಾತ್ ಅನ್ಕೆವೋ ನು ಪರಿಶೋದಿಸಿನೆ ಮುಲಂ ಕರ್ಲೇವ್. ¹¹ ಅಂದರುನೆ ಸಂಬದಂ ಥಯ್ಳು ಕ್ರುಥ್ಯಂ ತಿ ಚು ಪ್ರಯೋಜನ್ ಬಿ ಅವ್ ತುಥಿ; ಇಮೇ ಪಾಲುಗರರ್ ತೈಲ ರೆನಾಂ ಇವ್ನೆ ಬೈಲ್ನೆ ಲಾವಿನೆ ಖಂಡಿಸೋ. ¹² ಎ ಲೋಕ್ ರಹಸ್ಯಂ ಥೈನೆ ಸಲಾವೆತೆ ಕಾಮ್ ನು ಕುರಿತ್ ವಾಥ್ ಕರ್ನಾರ ತೆಬಿ ಸಿವ್ದೊನೆ ಕಾರಣಂ ಥೈಲು ಸೇ. ¹³ ಅದ್ವಾರುತಿ ಹಂದಾ ಕ್ರುತ್ಯಂನು ಖರಿಗುಣಂ ದಖಡಿನಾವೆ ; ಇನ್ ವೋಲ್ತಿ ಖರಾಬ್ ಖರಾಬ್ ಕಿನೆ ದಖಯ್. ¹⁴ ವೋಲ್ತಿ - ನಿದ್ದರ್ ಕರ್ನಾರಾ ಎಎಚ್ಚರಂ ಥಾi ಮರೆಲವ್ನು ಮ್ಹೆತಿ ಉಟ್i ಕ್ರಿಸ್ತೋ ತುನೆ ಪ್ರಾಕಾಶಂ ಆಲೆ ಅಂಕಿದೆಲುಸೇ . ¹⁵ ಆ ಕರಣಂ ತೀ ತಮೆಸಾಲೋತೆ ರೀತಿನು ಕುರಿತ್ ಟಿಕ್ ದುಯ್ಲೇವ್ . ¹⁶ ಆ ದಿನ್ ಖಾರಬ್ ಥಾಯ್ಲಾಸೆ ;ಇನು ವಲ್ತಿ ಕಾಲಂ ಕೊಡುದ್ ಗಮವಿಲೆನಾಂ ಇನೆ ಬೆಲೆಸೇತೆ ಕಿನೇ ಉಪಯೋಗಿಸಿಲೇವ್ . ¹⁷ ವುರಿ ಬುದ್ದಿ ಹಿನರ್ ತೈನೆ ಸಾಲೆ ನಾಮ್ ಕರ್ತೋನು ಚಿತ್ತಂ ಚಾತ್ ಅಂಕೆವೋನು ವಿಚಾರಿಸಿನೆ ಮಾಲಂ ಕರ್ಲಿದೆಲಾ ರೇವ್ . ¹⁸ ಮದ್ಯ ಪಾನಂ ಕರಿನೇ ರೋಗ್ ಲಾವಿಲೆಮೊವ್ ;ಏತಿ ಪಟಿಂಗ ತನಂ ಉಬ್ದೆ . ¹⁹ ತೇ ಪವಿತ್ರಾತ್ಮ ಭರಿತರ್ ಥೈನೆ ಕಿರ್ತನೆತಿಬೀ ಆತ್ಮಮ್ ನೇ ಸಂಭದಂ ಥಾಯ್ಲು ಪದಮ್ತಿಬೀ ಎಕ್ಲುನೆ ಎಕ್ಲು ವಾತ್ಕರ್ಲೆತನೆ ತಮರು ಹೃದಯಂ ಮೇ ಕರ್ತೊನೆ ಗಿದ್ಗಾತಾನೆ ಕೀರ್ತನೆ ಗಿದ್ಗಾತಾನೆ ಚಾಗ್ಡೆಬೀ ಹಂದಾ ಕಾರ್ಯಮ್ನು ವಲ್ತಿ . ²⁰ ಹಮರು ಕರ್ತೋ ತೈಲೋ ಯೇಸು ಕ್ರಿಸ್ತೋನು ನಾಮ್ಮೆ ಬಾಪ್ ತೈಲೋ ದೇವ್ನೆ ಸ್ತೋತ್ರಂ ಕರ್ತಾನೆ ಕ್ರಿಸ್ತೋನೆ ಭಿನ್ನಾರಾ ತೈನೆ. ²¹ ಎಕ್ಲು ವಿನಯಂ ರ್ಹೆನಾರಾ ಥೈನೆ ಸಾಲೋ . ²² ಸ್ತ್ರಿಯಾವ್ , ತಮೆ ಕರ್ತೊನುಮೆ ಕಂಕಿ ಅಮ್ಮದ್ ಮಾಟ್ಯೋನೆಬೀ ಅಧಿನರ್ ಥೈಲಾ ರ್ಹೇವ್ . ²³ ಕ್ರಿಸ್ತೋ ಚರ್ಚ್ನೆಮುಡ್ಡಿ ಥೈಲು ಪ್ರಾಕರಮದ್ ಮಾಟೀ ಬೇರ್ನೆ ಮುಡ್ಡಿ ಥೈಲೋಸೆ . ಕ್ರಿಸ್ತೋ ಸಬೆ ಅಂಕೆತೆ ದೇಹಂ ನೇ ರಕ್ಷಕೋ ಥೈಲೋಸೆ . ²⁴ ಅದಿರೋದೆ; ಚರ್ಚ್ ಕ್ರಿಸ್ತೋನೆ ಕಮ್ ಅಧಿನಂ ಥಾಯ್ಲುಸೆಕೀ ಅಮ್ಮದ್ ಸ್ತ್ರಿಯರ್ ಇವ್ನ್ ಇವ್ನ್ ಮಾಟ್ಯೋನೇ ಹಂದಾ ವಿಷಯಂ ಮೇ ಅಧಿನರ್ ಥಾವೋನು . ²⁵ ಅದ್ಮಿಯೋವ್, ಕ್ರಿಸ್ತೋ ಸಭೇನೆ ಪ್ರಿತಿಸೇಲು ಪ್ರಾಕರಂದ್ ತಮರು ತಮರು ಬೇರ್ಯೋನೆ ಪ್ರೀತಿಸೋ . ²⁶ ಎ ಇನೆ ಪ್ರತಿಷ್ಠೆ ಕರೋನು ವಲ್ತಿ ಇನೆ ಒಪ್ಪಿಸಿನೆ ಆಲ್ಯೋ . ²⁷ ಇನೆ ಕಳಂಕ ಮ್ ಸುಕ್ಕಾ ಹಮೆಕ್ಕ್ ನಾ ಹೋಯ್ತೋ ಕನ್ನಿಕೆ ಅಂಕೆಯಂ ಪರಿಶುದ್ದಂ ನಿರ್ದೊಷಮ್ ಮಹಿಮೇ ಸೇತೆ ಸಭೆ ತೈನೆ ಇನು ಮೊಗ್ಗರದ್ ಉಬ್ಬರಾಚಿಲೆವೋನುಕಿನೆ ವಾಕ್ಯೋಪದೆಶಂ ನು ಸಹಿತಂ ಥೈಲು ಪಾನೀನು ಸ್ನಾನಂ ಕರವಿನೆ ಶುದ್ದಂ ಕರ್ಯೋ . ²⁸ ಅಮ್ಮದ್ ಅದ್ಮಿಯೋಬೀ ಸ್ವಂತಂ ಶರೀರಂ ಪ್ರಿತಿಸಿಲೆತೆ ಪ್ರಕಾರಮ್ಮದ್ ಇನು ಬೇರ್ಯೋನೆ ಪ್ರಿತಿಸೆತೆ ಹಂಗ್ನಾ ಥೈಲಾಸೆ .ಇನು ಬೇರ್ನೆ ಪ್ರಿತಿಸ್ನಾರೋ ಇನೆದ್ ಪ್ರಿತಿಸೆಲೆನಾರೋ ಥೈಲೋಸೆ. ²⁹ ಚುನ್ಬೀ ಅಂಕಿನೆ ಸ್ವ ಶರೀರಂ ಹಗೆ ಕರೆಲುನೋಯ್; ಹಂದಾಬೀ ಇವ್ನು ಶರೀರಂ ಪೋಷಿಸಿನೆ ಸಂರಕ್ಷಿಸೆ . ³⁰ ಚು ದೇಹಮ್ನೆ ಹಮೇ ಅಂಗಂ ಥೈನೆಸಿದ್ಯೇಕೀ ಸಭೆ ಅಂಕೆತೆ ಎ ದೇಹಮ್ನೆ ಕ್ರಿಸ್ತೋ ಅಮ್ಮದ್ ಪೋಷಿಸಿನೇ ಸಂರಕ್ಷಿಸೆ. ³¹ ಆನು ನಿಮಿತ್ತಂ ತೀ ಅದ್ ಮಿ ಬಾಪ್ ಯಾನೆ ಮೇಲಿನೆ ಇನು ಬೆರಯ್; ಎಬಿ ಬಾಂಡು ಎಕ್ಕದ್ ಶರೀರಂ ತೈಲ ರೆ ಅಂಕ್ಕಿನೆ ಲಚ್ಚೆಲುಸೆ ³² ಹು ಕ್ರಿಸ್ತ್ಹೊನೆಬಿ ಸಬೆ ನೆಬಿ ಸೇಥೆ ಸಂಬಂದಂ ನು ಕುರಿತ್ ವಾಥ್ಕರ್ ತೋ ಸೇಮ್; ಹದ್ದು ತೋಡಿ ಗುಪ್ಥಂ ಥೈಲು ಉತ್ತೆಲು ಆ ಸತ್ಯರ್ಥಂ ಗನ್ನು ಗಂಬಿರಂ ಥೈಲು. ³³ ಅಡಿರೋದೆ; ಥಮರು ಮೇ ಪ್ರತಿ ಎಕ್ ಅದ್ ಮಿ ಇನೇ ಪ್ರೀತಿಸಿ ಲೆಯಮ್ಮದ್ ಇನು ಬೇರ್ ನೇ ಪ್ರೀತಿ ಸೋನೆ; ಪ್ರತಿ ಎಕ್ ಡಕ್ ಲಾನಿ ಬೀ ಇನು ಮಾಟಿನೆ ಭಯ ಭಕ್ತಿ ತಿ ಸಾಲೋನು