¹ Onak luat ke kabant tuho, sebaek e oomat am ke sidok macam kant apangk deik. Boik nasehat ke sidok yang mudok macamp ke mpalo lelaki. ² Angap am betinok tuho sebagai umok dan betinok mudok macamp adengk dongan ponuh kemurnian. ³ Oomat am ke jano-jano, yang amat-amat jano. ⁴ Tapi kalau ado jano yang ado anak atau ucuk, bia am sidok yang petamo moik oomat ke kabant anggota keluog deik sidok. bia sidok panai malas kebaek uangk tuho, kaano pebuat ituk nyenangkan ati Tuhan ⁵ Tapi yang amat-amat jano idop kedeik. inyo nyimpant kepecayok di dalamp Tuhan. inyo bont beonti bedoa muhon padangk malamp. ⁶ tapi betinok yang idop dengan senang-senang di angap mati, walaupun iyo lagi idop. ⁷ Boik kaba ke jano-jano tentangk hal ituk, bia sidok abont idop koto. ⁸ Tapi kalau ado uangk yang abont nyedio kepeolu untok keluogoo deik e, apailagik untok langkau deik, inyo nyangkal iman dan macam uangk yang abont pecayok ke Tuhan. ⁹ Jano yang tedafta adolah betinok yang cumo sekali nikoh dan beumo abont kurangk daii onam puluh tahont. ¹⁰ inyo udoh dikenal daii pebuat baek e, apaikah inyo udoh ngaawat anak, neimo uangk numpangk dilangkau, atau udoh mosok kaki samo uangk pecayok, atau udoh nolongk uang yang mendeito, dan udoh setia dongan keejo yang baek ¹¹ Tapi untok jano-jano yang lagik mudok, ugai am masok sidok alamp dafta nyok. sobab kalau sidok tegoda lago gairoh yang ngelawant Kristus, sidok tentu onak nikoh. ¹² Dalamp hal ituk lah sidok ngaaso saloh kaano sidok abon nepati janji petamo sidok. ¹³ Sidok pun jadi tebiaso lomau. Ingkas bejalant dai langkau ke langkau, abont cumo lomau tapi sidok pe jadi uangk yang suko ngutok ngoluh uangk laent, dan bejantuh yang abont pentengk. ¹⁴ Dengan biok am aku onak, kant betinok yang lagik mudok sak nikoh, nganongk anak, ngato uumoh tangok, dongan biok abont sik waktu untok lawant nuduh kito muloh hal yang bon baek. ¹⁵ kaano baapai ikuk udoh memihak ke setan. ¹⁶ Kalau antao betinok-betinok yang pecayok ado daii kabant keluogo yang jano, bai am inyo dapat mantuk keluogo deik e yang jano nyok deh, dongan biok beaati abont muloh bebant untok jemaat kito, bia jemaat kito dapat mantu jano-jano yang sesungguhnya. ¹⁷ Sehingo kabant penatua yang udoh amat-amat memimpent, patot am di oomat duo kali lipat, apailagi untok sidok yang ngelayant Firman Tuhan dan ngaja tentangk agamo. ¹⁸ Firman Tuhan Modoh biok : "Onang sampai engkau memberangus lembu waktu lagik mengirik padi," dan "sikuk pekeejo patot neimok upoh e." ¹⁹ Onang pecayok tentangk apai yang dituduh kan uangk ke penatua, kecuali ado duo atau tigo saksi. ²⁰ Togo sapai yang bedoso didepant uangk banyak, bia yang laent jadi golak. ²¹ Aku beposant ke ikau amat-amat, Didepant Allah, Kristus Yesus, dongan malaikat-malaikat pilihan, bia ikau dapat nyago peintoh ituk tanpa prasangka, dan gabont ngelaku sesuatu kaano memihak. ²² Onang cepat amat ngelotak jaii ke sapai pun, onang tamoh uangk bebuat doso. ikau aaos nyogo deik totap jujo. ²³ Onang am minom aaii biok gono, tapi boik am ke ango siket untok menyehatkan poot ikau selalu abont nyaman. ²⁴ Doso-doso daii baapai ikuk mensio udoh dikeponai, dan sidok udoh maik yang bedoso iyok ke oongk penghakiman. tapi ado doso-doso laent yang dikeponai udoh yok lagik. ²⁵ Biok gam, pebuat yang baek akant dikeponai secao tebukok, bahkan yang laent abont dapat ditabok.