^{1 2 3} 1 . ಓ ದಾದೆಮ ಬಪ್ತಿಸ ಯೋಹಾನ್ 2. ದೇವೆರ್ ರಾಜ್ ದಾಮ್ಯಿವೇಗಿ ದಲ್ ಬದಳನ್ ದೇವೇರ್ ಸಂ ಘರೋ ಕೆನ್ ಯೂಡಾಯಾರ್ ಝಾಡಿ ಮ ಪ್ರಚಾರ್ ಕರ್ತೋ ಆಯೋ 3. ದೇವೇರ್ ವಾಟ್ ತಯಾರ್ ಕರೋ ವಾಟೆನ್ ಸುದೋ ಕರೋಕಣ್ ಝೂಡಿಮ ಕಲ್ವಾರಿ ಮಾರಜೆರ್ ಅಟ್ ರಚ್ಕ್ಕೆನ್ ಯೇಸ್ಹಾಯ ಭಕ್ತಿದಾರ ಕೋಜಕೋ ಇಜ್ ^{4 5 6} 4. ಈ ಯೋಹಾನ್ ಹುಮ್ತ್ತೆರ್ ಲತ್ತರ್ ಲತ್ತನ್ ಪೆರ್ಲೇನ್ ಓರ ಕಡಪರ್ ಖ್ಲ್ದೆರ್ ಪಟ್ಟಿ ಭಾಮ್ದೆನ್ ರ ತಿದ್ಕಾನ ನ ಜ್ಹುಡಿರ್ ಮಮ್ಗಾಳು ಓ ರ್ ಖಾನೋವೆತ್ತೋ 5. ಜನಾ ಏರುಶಾಲೆಮೆರ್ ಯೂಡಾಯಾರ್ ಎನ್ ಯೋದರ್ನೆರ್ ಘರನ ರಾಜಕೋ ಸೆ ಓರ್ ದಮ್ಯಿ ಅನ್ 6. ಉನೇರ್ ಪಾಪೆ ನ ಮನ್ಮೆನ್ ಯೋದರ್ನ್ ನಮ್ದಿಮಾ ಬ್ಯಾಪ್ಟಿಸಮ್ ಲಿದೇ ^{7 8 9} 7. ಪಾನ್ ಓ ಫಾರಿಸಾಯರು ನ್ ಸುದ್ದುಕಾಯರು ಫನ್ ಓರ್ ದಮ್ಯಿ ಬ್ಯಾಪ್ಟಿಸಮ್ ಲೇನ್ ಆಯೆ ಜನ ಎ ಸಾಪೇರ್ ವಲಾದೆವಾಲೆವೂ ಮುಮ್ದಾಗ್ ಅವಚಕೋ ದೇವೆರ್ ರಿಸೆ ಚೋದಾಯೇನ್ ತಮೆನ ಭೋಧ ಕಿದುಜಕೋ ಕುಂ ? 8. ಹನುಕತೋ ತಮಾ ದಲ್ಮ ದೇವೆರ್ ಸಂ ಫರಿಕೆನ್ ಸಾಸೋ ಪಹಲೇತಿ ದಕಾಲೋ 9. ಅಬ್ರಾಹಾಂ ಹಮಾರ್ ವದಬುದೇರೋ ಬಾಪ್ ಕಣ್ ಕೆಲೇನ್ ಸಾಸ್ ಕರೋಮತ್ತ ದೇವ್ ಎ ಭಾತಾತಿ ಸದಾ ಅಬ್ರಾಹಾಮೆನ ಬಿತಾವುನ್ ದೆಸಕಚ್ ^{10 11 12} 10. ಅಬ್ಬಜ್ ಝುದೇರ್ ಜಡೆಮ ಕೋರಾಡಿ ಮೇಲಂ ಚ ಅಚ ಫಲ ಡೆನಿಜಕೋ ಹಯರ್ಕ್ ಝುಡೆನ್ ಕಾಟನ್ ಅಂಗಾರೆಮಾ ಫೆಕಡೆಚ್ 11. ಮ ತಮಾರ್ ದಲ್ಮ ಬದ್ಮಲೆನ್ ಪಾನಿಮ ಬಪ್ತಿಸಂ ಸಚಚ್ 12. ಚಾದ್ಮಾ ಒರ ಹಾತೆಮ ಚ ಉ ಕಹಳೆನ ಅಚೋ ಲಿಪನ್ ಓರ್ ಪೌಲ್ ನ್ ಕನಾಗಿಮಾ ಗೋಲಾಕರಚ ಪಾನ್ ಪೋತು ನ್ ವಲಾಯೆನಿಜಕೋ ಅಂಗಾರೆಮಾ ಬಲಾಚ ಕಣ್ ಕೋ ^{13 14 15} 13. ಓ ದಾದೆಮ ಯೇಸು ಯೋಹಾನೆತಿ ಬಾಪ್ತಿಸಂ ಲೇನ ಗಲಿಲಾಯಾತಿ ಯೋರ್ದಾನ್ ನಮ್ದೀನ್ ಆಯೋ 14. ಜನ ಯೋಹಾಂ ಓನ್ ಥಮಾದನ್ ಮ ತಾತಿ ಬಾಪ್ತಿಸಂ ಲೇನು ಪಾನ್ ತುಮಾರದಾಮ್ಯಿ ಆಯೆರೋ ಕಂಯಿ ? ಕಣ್ ಕೋ 15. ಪಾನ್ ಯೇಸು ಓನ್ ಅಬ್ಬ ಮನ ಹನು ಸೆ ನಿಯಾತೆನ್ ಪೂರೋಕರೆರೋ ಅಪನೆನ ಚಾಜಚ್ ಕಣ್ ಕೋ ಜನ ಒಣ ಮನಮಿದೋ ^{16 17} 16. ಯೇಸು ಬ್ಯಾಪ್ಟಿಸಮ್ ಲರ್ ಖಮ್ಮತ್ ಪಾನಿಮಾತಿ ಬಾರ್ ಆಯೋಜನ್ನ ಇದೆಕ್ ಅಸಮಾನ್ ಉಗದೂ ಫ್ದೆವೆರ್ ಆತ್ಮಾ ಕಬುತರೆರ್ ನಯೇ ಉತ್ರಾನ್ ಉಪ್ಪರ್ ಆಯೋಜೆನ್ ಡಿಟ್ಟೋ 17. ಜನ ರೀ ಮಾರ್ ಪ್ರೆಮೆರ್ ಬೇಟಾ ಏರ ಮಾಯಿ ಅನಂದ್ ಕರುಚುಕಣ್ ಅತ್ತ ಆಯಿ