^{1 2} 1. ಚುದಾದೆರ ಪಚಚ್ ಯೇಸು ಪೆಟ್ರೂನನ್ ಯಾಕೋಬಿನ್ ಓರಭಾಯಿ ಯೋಹಾನೆನ ಬಲ್ಲೆನ ತಳನ್ ಮೋಟೋ ಗತ್ತ್ಮಪರ ಗೆ 2. ವಟ್ಟ ಓನೆರ್ ಅಂಕಿರ ಮುಂದಾಜ ಓರ ರೂಪ್ ಬದ್ಮಗೋ ಓರ್ ಮುಂದೂ ದಾದೆರ್ ನೇ ಝಾಮ್ಕೋ ಓರ ಲತ್ತ ವಜಾಳೆರ ನಯೇ ತುಲವೆಗೆ ^{3 4} 03. ಅತ್ರಾಜ್ ಕೊನಿ ಮೋಶೆನ್ ಎಲಿಯಾ ಓರ್ ಸಾತ್ ವಾರ ಕರೆಜ್ಞ ಓ ದೊಟ್ಟೆ 4. ಜನ ಪೆಟ್ರೂ ಯೇಸು ಪ್ರಹು ಅಪನ್ ಅತ್ತಬರೋ ಅಚು ಅಜ್ಞಾ ದಸ್ತು ಅತ್ತ ತಿನ್ ದೆರಾವುನ್ ಬಂದುಚು ತೊನ್ ಏಕ್ ಮೋಶೆ ನ್ ಏಕ್ ಎಲಿಯಾನ್ ಏಕ್ ಕನ್ ಕೋ ^{5 6 7 8} 5. ಹನು ವಾಟೆಕರೆಜನಾ ವಜಾಳೆರ್ ವಾಜಳ್ ಬೂ ರಲೋಡಿ ಅನ್ ಈ ಮಾರ್ ಪ್ರೆಮೆರ್ ಬೇಟಾ ಏರ್ ಮಾಯಿ ಮ ಅನಂದ್ ಪಾಲುಚು ಏರ ವಾತ್ ಮನೂ ಕನ್ ಓ ವಾಜಳೆಮಾತಿ ಏಕ ಅಟ್ ಆಯಿ 6. ಏನ ಚೇ ಲಾವೂ ಸಮಲೆನ ಚಮಕಾನ್ ಉಂಡೆ ಪಡೆ ಚಮೊಕ್ಕಿಮತ್ ಕಣ್ ಕೋ 8. ಓ ಅಂಕಿ ಪಾದನ್ ದಿತ್ತೆಜನಾ ಯೇಸು ಸವಾ ದುಸ್ರೆ ಕೋಯಿ ದಕಾಯೇಕೋನಿ ^{9 10} 9. ಓ ಗತ್ತಪರೆತಿ ಉತರಿನ ಅರೆಜನ ಯೇಸು ಉನೆನ ಮನಕ್ಯಾರ ಬೇಟಾ ಮೊತೆಮಾತಿ ಉತಜೆತಾನು ಈ ದರ್ಶನಾಮೆನ ಕೆನಿ ಕೆನು ಕೊನಿ ಕಣ್ ಅಜ್ನ್ಯಾದಿನೋ 10. ಜನ ಓ ರ್ ಚೇಲಾವೂ ಹನುಕತೋ ಎಲಿಯಾ ಅಗಡಿಮಾ ಅವಜಕಣ್ ಶಾಸ್ತ್ರೀ ಕೆರೆಚಮಿ ಉ ಕಿಮ್ ಕಣ್ ಪುಚೆ ^{11 12 13} 11. ಓನ ಉ ಎಲಿ ಅಂಗಜ ಅನ್ ಗೋ ಕೇನ್ ಮ ತರೇನ ಕೆರೊ ಚು ಕಣ ಓನ ವಲ್ಕೆನಿಜು ಓನರರ್ ಖಾತರ್ ಅವಜು ಓನ ಕಿದೆ ಹನು ಮನಕ್ಯಾರ ಬೇಟಾ ಸದಾ ಉಣ್ಣೆತಿ ಭಾವತಿ ನ ಪಡಚ ಕನ್ ಕೂ 12. ಪಾನ್ ಎಲಿಯಾ ಏರಿ ಅಮ್ಗಜ್ ಎನ್ ಗೋ ಕೇನ್ ಮ ತಾರೆನ ಕೇರುಚು ಕಣ ಓನ ವಲ್ಕೆನಿಜು ಓನ್ನೇರ ಖಾಟಾರ್ ಅವಜು ಓನ್ ಕಿದೆ ಹನು ಮನಕ್ಯಾ ರ ಬೇಟಾ ಸದಾ ಉನೇತಿ ಭಾವಟಿ ಪದಚ ಕನ್ ಕೂ 13. ಜನ ಬಾಪ್ತಿಸಂ ಯೋಹಾನೆರ್ ಬಾರೆಮಾ ಅಪನೇನ್ ಈ ವಾಟೆನ ಕೆರೋಚ ಕಣ್ ಚೆಲಾವೂ ಮಲಂ ಕರ್ಮ್ದಿದೆ ^{14 15 16} 14. ಓ ಜನ್ನೇರ ಮಾಲಾವ್ ದಂಯಿ ಆಯೆಜನ ಏಕ್ಲೋ ಯೇಸುರ್ ದಾಂಯಿ ಅನ್ ಓರ ಅಂಗ ಗೋದಿವಾಲನ ದೋಕ್ಕ್ದೆನ್ 15.ಪ್ರಭು ಮಾರ್ ಬೇಟಾನ ದಯಾ ಡೆಕಲ್ ಉ ಯಾರೆತಿ ಘತ್ತೂ ವೇಳಾ ಖಾರೂಚ ಘಡಿಘಡಿ ಅಂಗಾರೆಮಾನ್ ಘಡಿಘಡಿ ಪಾಣಿಮಾನ್ ಪದರು ಚು 16. ಓನ ತಾರ್ ಛೆಲಾರ ದಮ್ಯಿ ಲಾಯೋ ಪಾನ್ ಓನ ಅವಾರುಕರೇನ್ ಬನಿಕೋನಿ ಕಣ್ ಕೂ ^{17 18} 17. ಓನ ಯೇಸು ಎ ವಿಶ್ವಸ್ ಛೆನಿಜಕೋ ವೆಂದೂ ವಾಲಾದೇವಾಲ್ ಉಜ್ಜಿ ಕತ್ರಾದಾದ್ ಮ ತಮಾ ಸೊಬ್ಯಾಟ್ ರೂ ? ಉಜ್ಜಿ ಕತ್ರಾದಾಡ್ ಟೇಮ್ನ ಖಮಳು ಪನ ಅತ್ತ ಮಾರ ದಂಯಿ ಲೇಲೆನ್ ಅವೂ ಕಣ್ ಕೋ 18. ಯೇಸು ಓನ ದಲ್ಕ್ಕಾರೋಜನ್ನ ಭೂತ ಓನ ಚೂದನ್ ದಾಗರ್ ಗೂ ಉ ವಗತೇಪರಾಜ್ ಓ ಚೂ ರಾನ ವಾರುವೆಗೋ ^{19 20 21} 19. ಪಚ್ಚ ಚೇ ಲಾವೂ ಟಳನ್ ಯೇಸು ರ್ ದಾಮ್ಯಿ ಅಂ ಓನ ಚುಡಾಏನ ಹಮೆತಿ ಕಸ್ಸೆನ್ ವಿಕೋನಿ ಕಣ್ ಪೂಚೆಜನ 20. ಉ ಉನೇನ ತಮಾರ್ ವಿಶ್ವಸ್ ಕಮ್ ಚಜೆತಿಜ ವಿಕೋನಿ ರಮ್ಯಿರ ದಾನ ಅವದಾ ವಿಶ್ವಸ್ ಟೇಮ್ನ ರತ್ತೋ ತಮ್ ಈ ಗತ್ತನ 21. ಆಟೇತಿ ವಟ್ಟ ಝು ಕಣ್ ಕಟ್ಟೋ ಉ ಜಾವಚ ಎನ್ ತಮಾರ್ ಹಾತೆತಿ ವೇಟಿಕೋ ಎಕ್ಕಿ ಛೆನಿಕಣ್ ಕೋ ^{22 23} 22. ಓ ಗಲಿಲಾಯಾಮ ಮಾಲಾವೆರ್ ಮಾಲಾವ್ ಭಲನ್ ಆಯೆಜನ ಯೇಸು ಉಣ್ಣೆನ ಮನಕ್ಯಾರ ಬೇಟಾ ಸ್ದ್ಮ್ಮಿ ರ್ ಹಾತೆನ ಹವಾಲ್ ವಚ್ಚ 23. ಓ ಒಅನ ಮರ್ನಾಕಿಯೇ ಮರಣ ತಿಂ ದಾದೆಮಾ ಇ ಜಿವ್ಯಾಏ ಕಣ್ ಕೋ ಓನ ಸಮಾಲನ್ ಓ ಘನೋ ಧುಕ್ ಪಾಯೇ ^{24 25} 24. ಓ ಕಪೆರ್ನುಮೆನ ಆಯೆಜನ ದೆವಳೇಸಾರು ಕರಾರ ಲೆವಾಲ್ ಪೆಟ್ರೂರ್ ದಾಂಯಿ ಅನಾ ತಮಾರ್ ಭುಡಕ್ ದೆವಳೇರ ಕರಾರ್ ಡೆನಿಕ ಕಣ್ ಪೂಛೆಜನಾ ಹಾವ ಡಚ್ಚ ಕಣ್ ಕೋ 25. ಪೆಟ್ರೂ ಘರೆಮಾ ಆಯೋಜನ್ನ ಯೇಸು ಓತಿನಿ ಅಂಗಜ ಸಿಮೊನ್ ತಾನ ಕೀಂ ದಕಾವಚ ತಾರತಿರ್ ರಾಜ್ ಕರಾರೆನ ತಾಸಿಲೆನ್ ತಾನ ಡಕಾವಚ ? ಥರತಿರ್ ರಾಜ್ ಕರಾರಿನ ತಾಸಿಲೇನ್ ಕೆರ ದಮ್ಯಿ ಲೇಅಜಚ ? ಓ ನೇರ್ ಬೆಪ್ಪಾತತಿಕ? ಕೋ =ನಿ ಪರಮೆವಾಲುತಿಕ ? ಕಣ್ ಪುಉಚೂ ^{26 27} 26. ಉ ಪರಲೇವಾಲುತಿಜ ಕಣ್ ಕೂ ಯೇಸು ಓನ ಹನುಕತೋ ಬೆಪ್ಪಾ ದೇರಛೆನಿ ಕೋ =ನಿ ಕ 27. ಪಂ ಅಪನ್ ಬಾರೆಮಾ ಓದುಖ ಪಾಯೇನಿಜು ತು ಸಮುದ್ರಮೇನ್ ಜಾನ್ ಗಾಲೋ ಘಾಲಾನ್ ಅಗಡಿಯಾ ಮಲಜಕೋ ಮಾಚಲಿನ ಉಮ್ಚುಪಾದ್ ಓರ್ ಮುಂದೂ ವಗದನ ದೆಕಸ್ತು ಓಮಾ ಏಕ್ ರಪ್ಯಾ ಮಲಚ ; ಲೇನ್ ಅಪನ್ ದೂಯಿರ ಕನ್ ಉಣ್ಣೆನ್ ದೇದ ಕನ್ ಕೋ