¹ 1. ಊ ಓರ್ ಜನುನ್ ಪೂರೋ ಸಮಳಾಯೋ ಜೇರ್ ಪಚ್ ಕಪೆರ್ನು ಹುಮೇನ್ ಆಯೋ. ^{2 3 4 5} 2 . ಏಕ್ ಸೋ ಸಿಪಾಯಿರೋ ಸರ್ದಾರೆರ್ ಪ್ರೇಮೇರ್ ಬಾಂಯಾ ರೋಗೆತಿ ಷಡನ್ ಮೋತೇರ್ ವೇಲಾ ಕರೋ. 3.ಸೋಸಿಪಾಯಿರೋ ಸರ್ದಾರ ಯೇಸುರ ವಾತೆ ಸಾಮಳನ್ ಯೇಸು ಆನ್ ಓರ್ ಬಾಂಯನ್ ಅಚೋ ಕರ್ನೋಕೇನ್ ಓನ್ ನೋರಾ ಕರೇನ್ ಯುದುಲೆರ್ ಮೂಟೇ ನ್ ಓರ್ ಡೈ ಮೆಲೋ. 4.ಓ ಯೇಸುಕನ್ ಆನ್ ತೋತಿ ಈ ಭಲಾಯಿ ಲೆಲೆನ ಊ ಛ ಜೆಚ. 5. ಊ ಅಪಣ್ ಜನುನ್ ಪ್ರೇಮ್ ಕರನ್ ಆಪನೇಯ ದೇಳೀರೋ ಘರ್ ಊಜ್ ಬಂದಾಯೋ ಕೇನ್ ಓತ್ತಿ ಕೇನ್ ಘನೋ ನೋರಾಕಿದೆ. ^{6 7 8} 6. ಜೇರ್ವಾಸ್ ಯೇಸು ಊನೇರ್ ಸೋಭತ್ ಗೋ ಊ ಓ ಘರೇ ಡೈ ಆಯೋಜನಾ ಸೋ ಸಿಪಾಯಿಕೂ ಸರ್ದಾರ್ ಓರ್ ದೊಸ್ತಿಯೂನ್ ದೇಕನ್ ತಮ್ ಓರ್ ಡೈ ಜಾನ್ ಪ್ರಭು ವೇಲಾ ಪಾಮತ್ ತು ಮಾರ್ ಘರೇಮಾಯಿ ಆಯೇನ ಮ ಛಾಜೂನಿ. 7. ಸಜೆರ್ ವಾಸ್ತಾರ್ ಡೈ ಆಯೇನ ಛಜೆವಾಳೋ ಕನ್ ಮ ಕೆಲ್ದೋ ಕೋನಿ ಪಣ್ ತು ಏಕ್ ವಾತ್ ಕಸ್ತೋಜ್ ಮಾರ್ ಬಾಂಯಾ ಆಚೋವಚ, 8. ಮ ಸದಾ ಹಕಮೇರ್ ಹೆಟ್ ರೂತೋಯಿ: ಮಾರ್ ಹಾತೆ ಹೆಟ್ ಸದಾ ಸಿಪಾಯಿ ಚ ; ಮ ಏಕೆನ್ ಜೋಕೆನ್ ಕುತೋ ಜಾವಚ ಏಕೇನ್ ಆಕನ್ ಕುತೋ ಅವಚ : ಮಾರ್ ಬಾಂಯನ್ ಈ ಕರ್ ಕನ್ ಕೂತೋ ಕರೇಚ ಕನ್ ಮ ಕೋಕನ್ ಓನೇಕನ್ ಊನೆನ್ ಮೆಲೊ. ^{9 10} 9. ಯೇಸು ಏ ವಾತ್ ಸಾಮಳನ್ ಓರ್ ಕಾರ್ಣ ಪವಿತ್ತರ್ ವೇನ್ ಓರ್ ಲಾರ್ ಆರೇಜೇ ಜನೊರ್ ಮಾಳಯೇ ಸಾಮ್ ಪರನ್ _ ಇಸ್ರಾಯೇಲೇಮಾ ಸದಾ ಅತ್ರಾ ಮೊಟೂ ವಿಶ್ವಾಸ್ ಮ ದಿಟೋಕೋನಿ ಕನ್ ತಮೇತಿ ಕರೋಚು ಕನ್ ಕೋ. 10. ಮೇಲೋಜಕೋ ದೋಸ್ತಿವಾಳ್ ಪರೇನ್ ಪರನ್ ಅನ್ ಉ ಬಂಯಾ ಆಚೋ ವೇನ್ ರಾಜೇನ್ ದಿಟೋ. ಮರ್ಗೋಜಕೋ ಮೊಟ್ಯಾರೆನ್ ವಟಾದೀರ್ ^{11 12 13 14 15} 11. ಥೋದ್ಸೆಕ್ ವಗತೆರ್ ಪಚ್ಹಉ ನಾಯಿನ್ ಗಾಮೇನ್ ಗೋ ಓರ್ ಚೇಲನ ಘನೇ ಜನೇರ ಮಾಳಾವೋ ಓರ್ ಸಾತ್ 12. ಉ ಗಾಮೆಡೈ ಆಯೋ ಜನಾ ಮರ್ಗೊಜಕೋ ಏಕ್ ಅದ್ಮಿನ್ ಬುರೇನ್ ಪಾಲ್ದೇನ್ ಜಾರೇತೆ ಓರ್ ಯಾಡಿನ್ ಉ ಎಕ್ಲೋಜ್ ಬೇಟಾ ಉರಾಂಡ್ ಬೀರ್ ಓ ಗಾಮೇರ್ ಘಣೆ ಜನ್ ಓರ್ ಲಾರ್ ಆಮಲೆ. 13. ಓನ್ ದೇಕೆನ್ ಓರ್ ಉಂಪರ್ ಮೇರ ಕರನ್ _ ರೋಮತ್ ಕನ್ ಓನೇಕನ್ ದಂಯೋ ಆನ್ ಖಾಟೆನ್ ಚಿಪತೇಖಂ ಪಾಡೆವಾಳ್ ಹುಬ್ರೇಗೇ. 14. ಸಾನ್ಕ್ಯಾ ಉಟಕನ್ ಮ ತೋನ ಕೇರೋಚು ಕನ್ ಯೇಸು ಕೇತೇಖಂ, 15. ಉ ಮರ್ಗೋ ಜಕೋ ಉಟನ್ ಬೇಸನ್ ವಾತೆ ಕರೇನ್ ಲಾಗೋ: ಯೇಸು ಓನೆ ಓರ್ ಯಾಡಿನ್ ಹವಾಲ್ ಕಿದೋ. ^{16 17} 16. ಸೇ ಚಮಕನ್ ಅಪನೇಮ ಮೋಟೋ ಭಕ್ತಿದಾರ್ ನಿಕಳೋಚ ಕನ್ ದೇವ್ ಓರ್ ಜನೂನು ದರ್ಶನ್ ದಿನೋ ಕನ್ ದೇವನೇ ಮಹಿಮಾ ಕಿದೇ. 17. ಚೆರ್ವಾಸ್ ಈ ವಾತ್ ಯೂದಾಯಾ ಸಾರಿ ಮಲ್ಕೆಮ ಅಗಲ್ ಬಗಲ್ ಸಾರಿ ಮಲ್ಕೂಮ ಮಾಲಮ್ ವೇಗಿ. ಬಾಪ್ತಿಸಂ ದಿನೋಜಕೋ ಯೋಹಾನ್ ^{18 19 20} 18. ಇಂದೆನ್ ಸೇ ಯೋಹನೇರ್ ಚೇಲಾ ಓನ್ ಮಾಲಂಕಿದೇಜನ ಯೋಹಾನ್ ಓರ್ ಚೆಲಾವೋ ದೀಯೆನ್ ಬಲಾನ್, 19. ಉಂದೆನ ಪ್ರಭುರ್ಡಾಯಿ ಮೆಲನ್ ಆಯೇವಾಳೋ ತುಜ್ ಕೇ? ಕೋನಿ ಹಮ್ ಉಜ್ಜೀಕೆರ್ ವಾಟ್ ದೇಕಣುಕ ? ಕನ್ ಪುಚೇನ್ ಮೆಲೋ. 20. ಓ ಆದ್ಮಿ ಓರ್ ಡೈ ಅನ್ ಅವಸ್ ಜಕೋ ತುಜ್ ಕಾಯಿ? ಕೆಹಮ್ ಉಜ್ಜೀಕೆರ್ ವಾಸು ದೇಕಣು ಕೇನ್ ಪೂಚೆನು ಬಾಪ್ತಿಸಂ ದಜಕೋ ಯೋಹಾನ ಹಮೇನ ತಾರ್ ಡೈ ಮೇಲೋಕನ್ ಕೇ. ^{21 22 23} 21. ಓ ಉ ವರ್ಗುತೆ ಪರನ್ ರೋಗೆವಾಳೆನ ವೇಲಾಚಜೇನ ಭೂತ ಲಾಗ್ರೇಜೇನ್ ವಾರ್ಸೆಕ್ ಆದ್ಮಿನ್ ಯೇಸು ಆಚೋ ಕರನ್ , ಆಸ್ಮಾನ್ ಆದ್ಮಿ ಕಾಣೆನ್ ನಂಜರ್ ದಿನ 22. ಜನಾ ಉ ತಮ್ ಜಾನ್ ದಿಟೆಜೆನ್ ಸಾಮಳೆಜೇನ್ ಯೋಹಾನೆನ್ ಮಾಲಂ ಕರೋ ; ಕಾನೇ ನಂಜರ್ ಲೇಲೇರೇಜ್ ಮೋಟೋ ರೊಗೇವಾಳ್ ಆಚೋ ವೆಜಾರೇಚ್. 23. ಬೇರೇ ಸಾಮಳ್ರೆಚ್ ಮರ್ಗೆಜಕೋ ಉಟರೇಚ್ ಗರಿಬೇನ್ ಆಚ್ ಖಬರ್ ಮಾಲಂ ವೇಜಾರಿಚ್ ಮಾರ್ ಕಾಣ್ ವಿಶ್ವಾಸ್ ಚೋಡಜಕೋ ನಸಿಬ್ದಾರ್ ಕನ್ ಉನೇನ್ ಜವಾಬ್ ದೀನೋ. ^{24 25 26} 24. ಯೋಹಾನೆರ್ ಸೋಜಾ ಡಗರ್ ಗೇ ಜನಾ ಉ ಯೋಹಾನೆರ್ ಕಣ್ ಜನೂರ್ ಮಳಾವುನ್ಹನುಕೇನ್ ಸರೂಕಿದೋ_ ತಮ್ ಕಾಯಿ ದೇಕೇನ್ ಅಡವಿನ ಗೇ ವಾಳೆತಿ ಹಾಲ್ರಿಜಕೋ ಸಿಂಕಳಿನ ಕಾಂಯಿ 25. ಫಚ್ ಕಾಯಿ ದೇಕೇನ್ ಗೇತೆ ? ಪಾತ್ಲು ಲತ್ತಾ ಪೆರ್ಲೇನ್ ಛಕೋ ಮನಕ್ಯಾನ್ ಕ? ಪಾತ್ಲೋ ಲತ್ತಾ ಪೆರ್ಲೇನ್ ಸೋಕೇತಿರೆವಾಳೋ ರಾಜೇರ್ ಘರೇಮಾ ರಭ. 26. ಫಣ್ ಫರನ್ ಕಾಯಿ ದೇಕೇನ್ ಗೆತೆ ? ಭಕ್ತಿ ದಾರೇನ್ ಕಾಯಿ ? ಹಾವ್ : ಪಣ್ ಭಕ್ತಿ ದಾರೇತಿ ಮೋಟೋ ಚುಕನ್ ತಮೇನ್ ಕೇರೋಚು. ^{27 28} 27. ಇದೇಕ್, ಮ ಮಾರ್ ಸೋಜಾನ್ ತಾರ್ ಆಂಗ ಮೇಲ್ರೋಚು ಉ ತಾರ್ ಆಂಗ ತಾರ್ ವಾಟ್ ತಯ್ಯಾರ್ ಕರಚ ಕನ್ ಕೇರ್ ಕಾಣ್ ಲುಕ್ಮೇಲೆಚ್ಕೊ ಉಚ್ ಈ ಯೋಹಾನ್. 28. ಬೀರ್ ಜಣಿಜೇಮಾ ಯೋಹಾನೇತಿ ಮೋಟೋ ಕೊಯಿಛೆನಿ ಫಣ್ ದೇವೇರ್ ರಾಜೇಮಾ ಕಮ್ ಚಜಕೋ ಓತಿ ಮೋಟೋಕನ್ ತಮೇಲೆ ಕೇರೋಚು. ^{29 30} 29. ಜನ ಸೇ ಸುಂಕರಿಯನ್ ಯೋಹಾನೇರ್ ಬೋದಾ ಸಾಮಳನ್ ಉದಿನೋಜೆ ಬಾಪ್ತಿಸಂ ಲೇಲೇನ್ ದೇವ್ ನೀಯತೇದಾರ್ ಕನ್ ಒಪ್ಲಿದೇ. 30. ಫಣ್ ಪರಿಸಯೂರ್ ಧರಂಶಾಸ್ತ್ರ ಸಿಕಾಯೇವಾಳನ್ ಓರ್ ಹಾತೆತಿ ಬಾಪ್ತಿಸಂ ನಲಜು ಉನೇರ್ ಕಾಂ ದೇವೇರ್ ಸೋಸೇನ್ ಚೆಟಿಕರ್ ದೀನೇ. ^{31 32} 31. ಜೇರ್ವಾಸ್ ಎ ಪಿಡೀರ್ ಆದ್ಮಿ ಕೇರ್ ಸರೀಕ್ ಚಕನ್ ಕು? ಓ ಕೇರ್ ಛ.? 32. ಬಜಾರೇಮಾ ಬೇಸಸ್ ತಮೇನ್ ವಾಸಳಿ ಬೋಲಾಯೇ ಪಣ್ ತಮ್ ನಾಚೆಕೋನಿ ಹಮ್ ರೋಯೇ ಪಣ್ ತಂ ರೋಯೇಕೊ ಕನ್ ಎಕೆನ್ ಎಕ್ ಕೆಲೇನ್ ಬಲಾವಜೆ ಚಛಯಾಬರೇರ್ ಚೊ. ^{33 34 35} 33. ಬಾಪ್ತಿಸಂ ದಜಕೋ ಯೋಹಾನ್ ಆಯೋ ಉ ಬಾಟಿ ಖಾದೋಕೋನಿ ಅಂಗೂರ್ ರಸ್ ಪಿದೋಕೋನಿ ಜೇರ್ವಾಸ್ ಭೂತ್ ಲಾಗಂಜಕೋ ಕೇನ್ ತಮ್ ಕೇರೇಜೋ , 34. ಮನಕ್ಯಾರ್ ಬೇಟಾ ಖಾತೋ ಪಿತೋ ಆಯೋ ; ಜೇರ್ವಾಸ್ ತಮ್ ಇದೇಕ್ , ಈ ಖಾವುಮಿತ್ ಸುಂಕರಿಯಾವುರೋ ಪಾಪಿಯೂರೋ ದೋಸ್ತಿ ಕನ್ ಕೆರೆಚೋ. 35. ಆತೋಯಿ ಗೇನ್ ಗೇನ್ಕೇನ್ ಓರ್ ಸೇ ಬೇಪ್ಪಾತಿ ಮಾನ್ಸೇರ್ ವಚ್ಚಕನ್ ಕೊ. ^{36 37 38} 36. ಪರಿಸಾಯಾಮ್ ಏಕ್ ಓರ್ ಸಾತ್ ಖಾನೋ ಖಾಯೇನ ಯೇಸುನ ಬಲಾಯೋ ಉ ಪರಿಸಾಯೂರು ಘರೇಮಾ ಖಾನೋ ಖಾದೋ. 37. ಜನಾ ಪಾಪೇಮಾ ಬಂಚರೀಜಕೋಏಕ್ ಬೀರ್ ಓ ಗಾಮೇಮಾರ ಯೇಸು ಪರಿಸಾಯುನ್ ಘರೆಮಾ ಖಾನೋ ಖಾಯೆನ್ ಬೆಟೋಚಕೇನ್ ಉ ಏಕ್ ಸಿಸಿ ಭರನ್ ಅತ್ತರ್ಲೇಲೇನ್ ಆನ್. 38. ಓರ್ ಪಗೇರ ಬಗಲ್ ಪಾಚೇರ್ವಡಿ ಹುಬ್ರೇನ್ ರೊತಿ ರೋತಿ ಓರ್ ಪಗೇನ ಓರ್ ಅಂಕಿರ್ ಹಾಂಸುತಿ ಭಿಜೋಡನ್ . ಓರ್ ಮಾತೇರ್ ಲಟ್ತಾತಿ ಲೂನ್ ಓರ್ ಪಗೆನ್ ಚೂಮನ್ ಅತ್ತರೆರ್ ತೇಲ್ ಲಗಾಡಿ . ^{39 40} 39. ಓನ್ ಬಲಾಯೇಜಕೋ ಪರಿಸಾಯೂ ಓನ್ ದೇಕೇನ್ ಈ ಭಕ್ತಿದಾರ್ ರೋವತೋ ಓನ್ ಚಿಪಿಜಕೋ ಈ ಬೀರ್ ಕುಣ್ ಕೋ, ಕನ್ ಮಾಲಮ್ ವೇನ್ರತೋ ಈ ಪಾಪಣಿಕನ್ ಮಾಲಮ್ ವೆನ್ರೇತೋ ಕನ್ ಓರ್ ದಲ್ಲೆಮಾ ಕೇಲಿದೋ. 40. ಜೇರ್ವಾಸ್ ಯೇಸು _ ಸೀಮೊನ್ ತೋನ್ ಎಕ್ ವಾತ್ ಕೇನೋಕನ್ ಕೆಲೆರೋಚು ಕನ್ ಓನ್ ಕೆತೆಖಂ ಉ ಬೋದಾ ಕೇವಾಳೋಕ ಕನ್ ಕೋ. ^{41 42 43} 41.ಜನಾ ಯೇಸು _ ಎಕ್ ಸಾವುಕಾರೆನ ಧೀ ಕರಜ್ದೆವಾಳ್ ರೇ ಉಂದೇಮಾ ಏಕ್ ಪಾಂಸೇ ರಪ್ಯನ್ ಉಜ್ಜೆಕೋ ಪಚ್ಚಾಸ್ ರಪ್ಯ ದೇರೋರ . 42. ಉ ಕರಜೆನ ಫೆದೇನ್ ಉನೇರ್ ಡಂಯಿ ಕಾಂಯಿ ರಕೋನಿ ಜೇರ್ವಾಸ್ ಉ ದೋಯಿನ್ ಮಾಪ್ ಕಿದೋ ; ಜೇರ್ವಾಸ್ ಉ ಇನೇಮಾ ಕೂಣ್ ಓನೆ ಜಾದಾಪ್ರೇಮಾ ಕರಚ್ ಕೇನ್ ಕ ಕೇನ್ ಪೂಚೋ. 43. ಜೇರ್ವಾಸ್ ಸಿಮೋನ್ ಉ ಜಾದಾ ಮಾಪ್ ಕಿದೋ ಕೋ ಉಜ್ ಕನ್ ಮ ಕೇಲೇರೋಚು ಕನ್ ಕೇತೇಖಂ ಉ ತು ಸಮ್ಮೊರಜ್ ಸೊಂಚಕಿದೋ ಕನ್ ಒನ್ ಕೇನ್. ^{44 45} 44. ಓ ಬೀರೇ ಸಾಮ್ ಫರನ್ ಸಿಮೋನೆನ್ ಹನುಕೋ ಎ ಬೀರೇನ್ ದೇಕ್ ರೋಚಿ ಕಾಯಿ ? ಮ ತಾರ್ ಘರೇಮಾ ಆವತೇಖಂ ತು ಮಾರ್ ತಾಂಗೆವಾಸ್ ಪಾಣಿ ದಿನೋಕೋನಿ ಪಣ್ ಈ ಓರ್ ಅಂಕಿರ್ ಹಾಂಸುತಿ ಮಾರ್ ಪಗ್ ಬಿಜೋಡನ್ ಓರ್ ಮಾತ್ತೇರ್ ಲಟ್ತಾತಿ ಲೂಯಿ. 45. ತು ಮನ್ನ ಚುಮೋಕೋನಿ ಪಣ್ ಈ ಮ ಮಾಯಿ ಆಯೋಜನ್ನಾತಿ ಮಾರ್ ಪಗೇನ್ ಚೂಮರ್ ಥಾಮಿಕೋನಿ. ^{46 47} 46. ತು ಮಾರ್ ಮಾತ್ತೇಪಾರ್ ತೆಲ್ ಲಗಾಡೋ ಕೋನಿ ಪಣ್ ಈ ಮಾರ್ ಪಗೆನ ಅತ್ತರೇರ್ ತೇಲ್ ಲಗಾಡಿ. 47. ಉ ಘಣ್ ಪ್ರೇಮ್ ಕೀದೀ ಜೇರ್ದಾಸ್ ಓರ್ ಘಣ್ ಪಾಪ್ ವೇಗಿ ಕನ್ ತೋನ್ ಕೇರೋಚ್ ; ಕೇನ್ ದಸ್ಸೇಕೋ ಮಾಪ್ ವಚಕೋ ಉ ದಾಸೇಕೋ ಪ್ರಮ್ ಕರಚ ಕನ್ ಕೇನ್. ^{48 49 50} 48. ತಾರ್ ಪಾಪ್ ಮಾಪ್ ವೇಗಿ ಕನ್ ಓ ಬೀರೇನು ಕೋ. 49. ಜನಾ ಓರ್ಲಾರ ಟೆಳೆಮಾ ಬೆಟ್ಟಿಜಕೋ ಪಾಪೆನ್ ಮಾಪ್ ಕರೆನ ಈ ಕುಣಿ ಕನ್ ಉನೇರ ಮಾಯಿ ಕಲ್ದೇ. 50. ಯೇಸು ಉ ಬೀರೇನ ದೇಕನ್ ತಾರ್ ವಿಶ್ವಾಸ್ ತೋನ ರಕ್ಷಣ್ ಕೀದೋ ಸಮಾಧಾನೆತಿ ಜೋಕನ್ ಉ ಬೀರೇನ್ ಕೋ.