^{1 2 3} 1.ಜನ ಸೇ ದೇವೇರ್ ವಾತ್ ಸಾಮಳತೆ ಓರ್ ಉಂಪರ್ ಪದತೆ ರಾಜನಾ ಉ ಗೆನ್ನೇಸರೆತ್ ಕನ್ ತಳಾಯರ್ ಕನ್ ಕರಾಡೆ ಉಂ ಪರ್ ಹುಬ್ರೆನ್, 2. ಉ ತಳಾಯೇರ್ ಕರಾದೇ ದೈರಾಜಕೋ ದೀ ಓಡಾನ್ ದಿಟೋ ಝಿಮ್ರಿಯ ಉನೆಮಾಯಿತಿ ಉತ್ರನ್ ಜಾಳೇನ ದೋರೆತಿ. 3.ಯೇಸು ಓ ಓಡೆಮಾ ಸಿಮೊನೇರ್ ಚಜಕೋ ಏಕ್ ಓಡಾ ಛಡನ್ ಕರಾಡೆತಿ ಥೋದೇಕ್ಸ್ಕ್ ಮಾಯಿ ಧಕೇಲ್ದೇನ್ ಓನ್ ಪೂಚೆಲೆನ್ ಓಡಾಮಾ ಬೇಸನ್ ಜನ್ನೆನ ಬೋದಾಕಿದೋ. ^{4 5 6 7} 4.ಬೋದಾ ಕರೆರ್ ಥಾಮ್ ದಿನೋ ತು ಓಡಾನ್ ಉಂದೇಮಾ ಛಲಾನ್ ಮಾಚಳಿ ಪಕದೀನಾ ತಮಾರ್ ಜಾಳೆನ್ ನಾಕೊಕನ್ ಸಿಮೇಯಿನೆನ್ ಕೋ. 5. ಜನಾಸಿಮೊನ್ ಪ್ರಭು ಸರಿರತ್ ಹಮ್ ಭಾವೆಟಿಕಿದೆ; ಪಣ್ ಹಮೇನ ಕಾಯಿ ಮಾಳಿಕೂನಿ; ಹನುವ ತೊಯಿ ತಾರ್ ವಾತೆರ್ ನೈ ಜಾಳ ನಾಕುಛು ಕನ್ ಓನ್ ಕೊ. 6. ಓ ಹನು ಕರನ್ ಘಣ್ ಮಾಚಳಿ ಪಕಡ್ಲಿದೆ ಜೇರ್ವಾಸ್ ಉಂದೆರ್ ಜಾಳ್ಪಟ್ ಜಾರಿಜನಾ, 7.ಉಜ್ಜೆಕ್ ಓಡಾಮಾ ರಾಜಕೋ ಉನೆರ್ ಸೊಬ್ತೇದಾರ್ ಆನ್ ಉನೇನ್ ಮದತ್ ಕರಣು ಕನ್ ಉನೇನ್ ಬಲಾಲಿದೆ; ಓ ಆನ್ ಧೀ ಓಡಾ ಡೂಬೆಜು ಭರೇ. ^{8 9 10 11} 8. ಸಿಮೋನ್ ಪೆತ್ರು ಏನ್ ದೇಕನ್ ಯೇಸುರ್ ಮುಂಡಾಗ ಗೋಡಿ ವಾಳನ್ ಧೋಗ್ದೇನ್ ಪ್ರಭು ಮನ್ ಚೋಡನ ಜೋ; ಮ ಪಾಪಿಕನ್ ಛೂ ಕನ್ ಕೋ . 9.ಕಸ್ಸೇನ್ ಕತೋ ಓ ಪಕಡೆಜೆ ಮಾಛಳಿರ್ ರಾಸೇನ್ ಓ ಸೇ ವಿಚಿತ್ತರ್ ಪಡೆ. 10.ಹನುಜ್ ಸಿಮೊನೆತಿ ಸದಾ ಸೂಬತೇದಾರ್ ಚಜಕೋ ಜಬೇದಾಯಾರ್ ಬೇಟಾ ಯಾಕೊಬ್ ಯೋಹಾನ್ ವಿಚಿತ್ತರ್ ವೇಗೆ ಜೆರ್ವಾಸ್ ಯೇಸು ಚಮಕಮತ್ ಅಬ್ಬೆತಿ ತೊನ ಆದ್ಮಿನ್ ಪಕ್ದೆವಾಳೂ ಕರಚು ಕನ್ ಕೋ. 11. ಓ ಓಡಾನ್ ಕರಾದೇ ಕನ್ನಲಾನ ಸೇನ್ ಚೋಡದೆನ್ ಓರ್ ಲಾರ್ ಡಗರಗೆ. ^{12 13} 12.ಉ ಏಕ್ ಗಾಮೇಮಾ ರಜನಾ ಇದೇಕ್ ಜೀವಸಾರಿ ಕೊಡತಿ ಭಾರೋಜಕೋ ಏಕ್ ಮನ್ಕ್ಯಾ ಯೇಸುನ್ ದೇಕನ್ ಧೋಗದೆನ್ -ಪ್ರಭು ತಾರ್ ಖತರೆವತೋ ಮನ್ ಆಚೋಕರ್ ಕನ್ ಕೇನ್ ಓನ ನೋರಕೀದೋ. 13.ಜನಾಉ ಹಾತ್ ಲಂಬೋ ಕರನ್ ಓನ ಚೀಪನ್ ಮಾರ್ ಖಾತರ್ ಛ; ತು ಆಚೊವೆಜೋ ಕನ್ ಕೊಡರೋಗ್ ವಾರುವೇಗೋ. ¹⁴ 14.ಜನ ಉ ತುಕೇನಿ ಕಜು ಜಾನ್ ಉನೇನ ಗವಾಯಿರ ನೈ ತಾರ್ ಜೀವೆನ್ ಯಾಜಕಾನ್ ದಕಳ್ಲೇನ್ ತು ಆಚೋ ವೇಗಕನ್ ಮೋಶೆರ್ ನೇಮ್ರ್ಮಲೋಜಕೋ ಭೇಟೆನ ಚಡಾಕನ್ ಆಜ್ಞದೀನೊ. ^{15 16} 15.ಪಣ್ ಯೇಸುರ್ ಖಬರ್ ಜಾದಾ ಮಾಲಮ್ ವೇಗೋ; ವಾರಸೀಕ್ ಜಾನೀರ ಮಳವೋ ಓರ್ ವಾತ್ ಸಾಮೆಳನ ಉನೆರ್ ರೋಗ್ ಆಚೋ ಕರಾಯೆನ್ ಭಳನ್ ಆತೇರೆವ್. 16.ಉ ಅರಾಜ್ ಕರೇನ್ ಓರ್ ಹೇವಾರ್ ನೈ ಅಡವಿನ ಜಾತೋರ. ^{18 19} 18 .ಇದೇಕ್ ಥೋಡಸೇಕ್ ಮನಕ್ಯಾ ಪಾಕತಿ ಸುಕಾರೋಜಕೋ ಏಕ್ ಆದ್ಮಿನ್ ವಚಾನೆೇತಿ ಪಾಲ್ದೇನ್ ಓನ್ ಮಾಯಿಲಾನ್ ಓರ್ ಮುಂಡಾಗ್ ಮೇಲೇನ್ ಕೋಶಿಸ್ ಕೀದೇ 19.ಪಣ್ ಜನ್ ಗೋಳಾವೇ ಜನಾ ಮಾಯಿ ಲಾಯೇನ ವಂಗಾಯಿಕೋನಿ ಜನಾಘರೇ ಉಂಪರ್ ಚಡನ್ ಝೂಪದ ವದೊಡನ್ ವಚಾನೇತಿ ಸದಾ ಯೇಸುರ್ ಮುಂಡಾಗ್ ಉನ್ನೇರ್ವಚ್ಚ ಓನ್ ವತಾರೇ. ^{20 21} 20.ಉ ಉನೆರ್ ವಿಶ್ವಸ್ ದೇಕನ್ ಆದ್ಮಿ ತಾರ್ ಪಾಪ್ ಮಾಪ್ ವೇಗೋಕನ್ ಓನೇ ಕೇತೆಖಂ. 21.ಶಾಸ್ತ್ರಿಯುನ್ ಪರಿಸಯುನ್ ದೇವೇನ್ ಬದನಾಮ್ ಕರೇವಾಳೋ ಈ ಕುಣ್?ದೇವ್ ಏಕ್ಲೋ ಸವಾ ಪಾಪೇನ ಮಾಪ್ ಕರೇವಾಳೋ ಈ ಕುಣ್ ಛಕನ್ ಕೇ. ^{22 23 24} 22.ಯೇಸು ಉನೇರ್ ಸೋಸೇನ್ ಮಾಲಂಕರನ್ ಉನೆನ್ ದೇಕನ್ ತಮಾರ್ ದಲ್ಲೇಮಾ ತಾಮ್ ಕಾಯಿ ಸೋಸ್ ಕರ್ ರೆಚೋ. 23.ತಾರ್ ಪಾಪ ಮಾಪ್ ವೆಗೊಕನ್ ಕೇರ್ ವ್ಹಳಿಕೊ?ತು ಉಟನ್ ಚಾಲ್ ಕನ್ ಕೇರ್ ವ್ಹಳಿಕ? 24.ಧರತಿಮಾ ಪಾಪೇನ ಮಾಪ ಕರೆನ ಮನಕ್ಯರ್ ಬೇಟಾನ ಹಕ ಚಕಜೇನ್ ತಮ್ ಮಾಲಂ ಕಲ್ರೆಣುಕನ್ ಪಾಕ್ತಿ ಸುಖರೋಜೇನಾ ತು ಉಟನ್ ತಾರ್ ವಜಾನೇನ್ ಪಲ್ಡೀನ್ ತಾರ್ ಘರ್ ಜೋಕನ್ ತೋನ ಕೆರೋಚುಕನ್ ಕೋ. ^{25 26} 25.ಜನಾಜ್ ಉ ಉನೇರ್ ಮುoಡಾಗ್ ಉಟನ್ ಉ ಸುತೊರಜೆ ವಚಾನೇನ್ ಪಾಲ್ದೇನ್ ದೇವೇರ್ ಸ್ತುತಿ ಕರ್ತೋ ಓರ್ ಘರೆನ ಡಗರ್ ಗೊ. 26.ಸೇ ವಿಚಿತ್ತರ್ ವೇನ್ ಆಜ್ ಮೋಟೋ ಅಚ್ಚoಕಳಾ ದೀಟೆಕೇನ್ ದೇವೇನ್ ಮಹಿಮಾ ಕರತೆ ಢರೇತಿ ಭಾರಾಗೆ. ^{27 28} 27.ಪಚ್ಚ ಯೇಸು ನಿಕಳನ್ ಲೇವಿ ಕಜಕೋ ಏಕ ಸು೦ಕರಿಯಾ ವಾಟೆರ್ ಪಿಸಾಲೇರ್ ಜಾಗೆಕನ್ನ ಬೇತೋ ರಾಜೇನ್ ದೇಕನ್ - ಮಾರ್ಲಾರ್ ಆಕಾನ್ ಓನ್ ಕೊ . 28.ಜನಾ ಉಸೀನ್ ಛೂಡದೇನ್ ಉಟನ್ ಓರ್ ಲಾರ್ ಢಗರ್ ಗೋ. ಉ ಲೇವಿ ಓರ್ ಘರೇಮಾಓನೇ ಮೊಟೂ ದಾವಾತ್ಕಿದೋ ಸು೦ಕರಿಯಾ ವಾರೆಸ್ಕ್ ದುಸರ್ ಸೇ ಓರ ಸಾತ್ ದಾವತೇಮಾರೇ. ^{29 30 31 32} 29.ಉ ಲೇವಿ ಓರ್ ಘರೇಮಾ ಓನೆ ಮಾತೂ ದಾವತ್ ಮಾದೋ ಸಂಕರಿಯ ವಾರ್ಸೆಕ್ ದುಸರ್ ಸ್ವ ಓರ ಸಾತ್ ಡಾವತೇಮಾರೇ 30. ಫರಿಸಾಯೂಲ್ ಉನೇರ್ ಶಾಸ್ತಿಯೋ ಈ ದೇಕನ್ -ಸು೦ಕರೀಯಾವುತಿ ಪಾಪಕಿದೆಜಕೊಮನಕ್ಯಾವುತಿ ತಮ್ ಕಸೆನ್ ಖಾರೇ ಪಿರೆಛೂ? ಕನ್ ಓರ್ ಛೆಲಾ ಪರ್ ಟಣ್ಕೆ. 31.ಜೇರ್ವಾಸ್ ಯೇಸು -ದೂಕ್ಕವಾಳೆನಜ್ ಪಣ್ ಸವ್ಕೆವಾಳೂನ್ ವೈದ್ಯ ಚಾಯೇನಿ , 32. ಉಜ್ಜೆಕ್ ದಲ್ ಲೇಲೋ ಕನ್ ಪಾಪೆವಾಳೂನ್ ಬಲಾಯೇನ್ ಮ್ ಆಯೋಪನಣ್ ಆಚ್ ಮನ್ಕ್ಯಾವುನ್ ಬಳಾಯೇನ್ ಮ್ಆಯೋಕೊನಿಕನ್ ಉನೆನಕೋ. ^{33 34 35} 33.ಥೋಡಸೇಕ್ ಆದ್ಮಿ ಯೇಸುನ್ ದೇಕನ್ ಯೇಹನೇರ್ ಛೆಲಾ ವಾರ್ಸೇಕ್ ಹಪ್ತಾ ಭೋಕೇತಿ ರೇನ್ ಅರಜ್ ಕರಚ; ಹಣುಜ ಪರಿಸಾಯಿರ್ ಚೆಲಾ ಸದಾ ಕರಚ, ಪಣ್ ತಾರ್ ಚೆಲಾ ಖಾರೆಪೀರೆಚ್ ಕನ್ ಕೇ. 34.ಜನಾ ಉ-ವೇಟಡು ಉನೇರ್ ಸಾತ್ ರಾಜನಾ ವೀತಡೂರ್ ಸಾತ್ ತಮ್ ಉಪವಾಸ ರಕದೇರ್ ವಚ್ಚಕ? 35. ವೇತಡೂ ಉನೇರ್ ಡಾ0ಯಿತಿ ಲೆಜಾಯೇರ್ ದಾಡ ಅವಛ; ಓ ದಾಡುಮಾ ಓ ಭೂಕೆ ರಚ ಕನ್ ಉನೇನ್ ಕೋ. ³⁶ 36 ಉ ಉನೇನ ಏಕ ಸಾಟ್ವನ್ ಕೋ ಕಿಮ್ಕತೋ -ಕೋಯಿ ಜುನೆ ಲತ್ತಾನ್ ನವೋ ಅಂಗೂರೇರರಸ್ ನವೋಲತೋ ಉನ್ ಫಣಾಕೀಯೇ ಅತ್ರಜ ಕೊನಿ ನವೋ ಮಾಯಿತಿ ಕಾದೇಜಕೋ ಟುಕಾಡೋ ಜುನೇತಿ ಭಳೆನಿ. ^{37 38 39} 37 .ಕೋಯಿ ಜಾನ್ ಖಾಲ್ದೇರ್ ಕೊತಳಿಮಾ ನವೋ ಅಂಗೂರೇರ ರಸ್ ಘಾಲೇನಿಘಾಲತೋ ನವೋರಸ್ಜಾನ್ ಖಾಲ್ದೇರ್ ಕೋಟಳಿನ್ ಪಾಣಾಕೀಯೇ ಅನ್ ರಸ್ ರದ್ಜಾಯೇ ಕೋತಳಿ ಸದಾ ಫಾದ್ ಜಾಯೆ. 38. ಪಣ್ ನವೋ ಅಂಗುರೇರ್ ರಸ್ ನವೋ ಖಾಲ್ದೇರ್ ಕೊತಳಿಮಾ ಘಾಲ್ಣೂ. 39.ಜೂನ್ ಅಂಗೂರೇರ್ರಸ ಪಿನ್ ಜನಾಜ್ ನವೋ ರಸೆನ್ ಆಸಾಕರೆವಾಳೋ ಕೊಯಿಛೆನಿ ಜೂನೋಜ್ ಆಚೋ ಕಚ್ ಕನ್ ಕೋ.