^{1 2} 1.ತಿಬೀರಿಯರ್ ಕೈಸರ್ ರಾಜ್ಬಹರ್ ಕರ್ತೋರಾಜನಾ ಉ ಪಂದ್ರೋಮೊ ವರಸೆಮಾ; ಯುದಾಯ ಮಲ್ಕೆನ್ ಪ್ಯೋ೦ತ್ಯ ಪಿಲಾತು ಹಾಕಮ್ದಾರ್ ವೆತೋ. 2. ಹೆರೋದ್ ಗಲಿಲಾಯಮಲ್ಕ್ನ್ ರಾಜ್ ಕರ್ತೊರ ಓರ್ ಭಯಿ ಫಿಲಪ್ ಇತೂರಾಯ ತ್ರಕೋನತಿ ಮಲ್ಕೆನ್ ರಾಜ್ ವತೋ. ³ 3.ಲುಸಾನಿಯಾ ಅಭೀಲೆನ್ ಮಲ್ಕ್ನ್ ಹಾಕಮ್ದಾರ್ ವೆತೋ ಅನ್ನ ಕಯಪ ದೋಯಿ ಮೊಟ ಯಾಜಕರ್ ವೆನ್ ರೆತೆ. ^{4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38} 4 . ಝೂಡಿಮ ರಜೆ ಜಕರಿಯರ್ ಬೇತ್ ಯೋಹನೆರ್ ಡಂಯಿ ದೇವೆರ್ ವಾತ್ಆಯಿ. 5 . ಅತ್ರಮಾ ಉ ಆತಾಣಿನ ಪಾಪ ಮಾಪ ಕರೆವಾಸ್ ಉಜ್ಜಿಕ್ ದಲ್ ಆಯೇಲಗು ಬಾಪತಿಸಂ ಲೇವೆಣೂಕನ್ ಯೊರದನ್ ನಂದಿ ಡಾ೦೦ಯಿ ಚಜಕೊಸಾರಿ ಮಲ್ಕೆಮಾ ಕೆತೊರೂ. 6. ಪ್ರಭೂರ್ ವಾಟ್ ತಯಾರ್ ಕರೋ; ಓರ್ ವಾಟ್ ಸೂದ ಕರೋ; ಹರೆಕೆ ಖಾಡೀ ಭೂರಾಜ್ ಛ.ಹರಕ್ ಗಟ್ಲಿ ಗಟ್ಲ ಬರೊಬರ್ ವೆಜಾ ಛ.ವೋಳಿ ವಾಟ್ ಸುದಿ ವೇಜಾ; ಖಾದ್ ಖೋಬಾಡ ವಾಟ್ ಸಾಪ್ ವೆಜಾಛ . ಸೋಗಾಳಿ ಜೀವ್ ದೇವೇರ್ ರಕ್ಷಣ್ ದೇಕಚಕೆನ್. 7 . ಝೂಡಿಮಾ ಜೋರೆತಿ ಅಟ್ ಕರೋಜಿ ಎಕೆರ್ ಗೋಗ್ ಸಾಮಳನ್ ಭಕ್ತಿದಾರ್ ಯೋಶಯಾರ್ ಗ್ರಂಥೆಮಾ ಲಕೆಜು ಈ ಚಾಲೋ. 8.ಉ ಓರ್ ಹಾತೇತಿ ಬಾಪ್ತಿಸಂ ಲೇಲೇನ್ ಆಯೋಜಕೊ ಜನೇರ್ ಮುಳಾಯೇನ್ ದೇಕನ್ ಏ -ಸಾಪೇರ್ ವಲಾದ್ , ಆವಜಿ ರೀಸೆತಿ ಛೂಟೆನ್ ತಮೇನ್ ಅಕ್ಕಲ್ ಕೋಜಕೋ ಕುಣ್?ತಮಾರೊ ಧಲ್ ದೇವೇರ್ ಸಾಮ್ ಫರಿಚ್ಕ್ನ್ ಆಚೋ ಫಳೆತಿ ದಕಾಳೋ; ಅಬ್ರಹಾಮ್ ಹಮಾರ್ ಬಾಪ್ಕೆನ್ ತಾಮೆಮಾ ತಮ್ ನಕೆಲಜು ದೇವ್ ಏ ಭಾಟಾ ಮಾಯಿತಿ ಅಬ್ರಹಾಮೇನ್ ಛಚ್ಯಬರೆನ್ ಪೇದಾಕರೇನ್ ಜೋರೇವಾಳೂ ಛಕನ್ ತಮೇನ್ ಕೆರೂಚು. 9. ಅಬ್ಬಜ್ ಕೂರಾಡಿ ಝೂದೆರ್ ಜಡೇಪರ್ ಮೇಲನ್ ಛ;ಜೇತಿ ಆಚ್ ಪಳ್ ಧೆನಿಜಕೊ ಝೂದ್ ಸೇ ಕಾಟನ್ ಅಂಗರೇಮಾ ಪೇಕ್ದಚಕನ್ ಕೋ. 10.ಜನಾ ಓನ್ ದೇಕನ್ ಜನ್ ಸೇ ಹನೊಕತೊ ಹಮ್ ಕಾಯಿ ಕರಣು ಕನಪೂಚೇ. 11. ಜನಾ ಉ- ಧೀ ಝಗ್ಲಾ ಛಜಕೋ ಕಾಯಿ ಛನಿಜೇನ್ ದೇಣೂ; ಕನ್ ಖಾನೋ ಛಜಕೊ ಛೆನಿಜೆನ್ ಹನುಜ್ ದೇಣು. 12.ಸುoಕಾವಾಳ್ ಬಾಪ್ತಿಸಂಲೇನ್ ಆನ್-ಹಮ್ ಕಾಯಿ ಕರಣು ಕೇನ ಪೂಚೇ. 13. ಜನಾ ತಮೇನ್ ದೇರ್ ನೇ ಮ್ ಕರಮೇಲೆ ಜೇತಿ ಜಾದಾ ಪಿಸಾ ಲೋಮತ್ ಕನ್ ಉನೇನ ಕೋ. 14.ಸಿಫಾಯಿವೋ ಸದಾ ಆನ್- ಹಮ್ ಕಾಯಿ ಕರಣು ಕೆನ್ ಓನ ಪೂಚೆ; ಜೇರ್ವಾಸ್ ಉ-ಕೇನಿ ಭಾವಟಿ ನಘಾಲಣು ಕನ್, ಕೇರ್ ಉಂಪರ್ ಲಬಾರಿ ದಾವೋ ಪಾಡೊ ಮತ್ ಕನ್ ತಮಾರ್ ಕಮಾಯಿಮಾಜ್ ಧಾಪಾನ್ ರೊ ಕನ್ ಕೋ. 15.ಯೊಹಾನೆರ್ ಬಾರೆಮಾ ಈಜ್ ಕ್ರಿಸ್ತು ಕಾಯಿ ಕೇನ್ ಜನ್ ಸೇ ಉಂದೇರ್ ದಲೆಮಾ ಸೋಸ್ ಕರ್ರೆ ಜನಾ. 16.ಯೋಹಾನೆರ್ ಮ ಪಾಣಿಮಾ ತಮೇನ್ ಬಾಪತಿಸಂ ದೆರೋಚು ;ಫಣ್ ಮಾತಿ ಜೋರೆವಾಲ್ ಏಕ್ಲೋ ಆರೋಛ ಓರ್ ಚೆಪ್ಲುರ್ ದೋರೆನ್ ಚೋಡೆನಿ ಮ ಚಾಜುನಿ :ಉಪವಿತ್ತರ್ ಆತ್ಮಾತಿ ಅಂಗಾರೆತಿ ತಮೇನಿ ಬಾಪ್ತಿಸಂ ದಚ್ಚ. 17.ಓರ್ ಚದ್ಲ ಓರ್ ಹಾತೆಮಾ ಛ; ಉ ಓರ್ ಖಳೆನ್ ಆಚ್ಚೋ ಲಿಪನ್ ಘoವುನ್ ಓರ್ ಕೊಟಡಿಮಾ ಗೋಳಾಕಾರಛ ಪಗರೆನ ವಲಾಯೇನಿಜಕೋ ಅಂಗಾರೇತಿ ಬಾಳಚ ಕನ್ ಕೋ. 18.ಈಜ್ ಕೋನಿ ಉ ಉಜ್ಜಿ ಘಣ್ ವಾತೆನ್ ಜನೂನ್ ಖಬರ್ದ್ಕರ್ ಕೇತೋ ಉನೇನ್ ಆಚ್ ಖಬರ್ ಕೆತೊ ರ. 19. ಪಣ್ ಹೆರೋದ್ ರಾಜ್ ಓರ್ ಭಯಿರ್ ಗೋನ್ನಿ ಹೆರೋದಿಯೋಳಿರ್ ವಡಿನ್ , ಉ ಕೀದೋಜಕೋ ದುಸರೇ ಕೀಡೆಛರ್ ಕಾಮೇರ್ ವಡಿ ಯೋಹಾನ್ ಓನ್ ದಲ್ಕಾರೋ. ಯೇಸುರ್ ಬಾಪ್ತಿಸಂ ಅನ್ ನಾತೋ 20. ಜೇರ್ವಾಸ್ ಜನಾಲಗು ಉ ಕಿದೋಜಕೋ ಸೇಕಿದೇರ್ ಕಾಮೆರ್ ಸಾತ್ ಯೊಹಾನೆನಿ ಕೈದೆಮಾ ಘಳಯೋ . 21.ಜನ್ ಸೇ ಬಾಪ್ತಿಸಂ ಲಿದೇಜನ ಯೇಸು ಸದಾ ಬಾಪ್ತಿಸಂ ಲೇನ ಅರಜ್ ಕರೋ ಜನ ಆಸ್ಮಾನ್ ಉಗಡ್ಗೋ. 22.ಪವಿತ್ತರ್ ಆತ್ಮ ರೋಪಲೆಲೆನ್ ಕಬುತರೆರ್ ನೈ ಒಪರ್ ಉತರೋ ;ಜನಾ ಆಸ್ಮನೆತಿ -ತು ಮಾರ್ ಪ್ರೇಮಾರ್ ಬೇಟ ತಾರ್ ಮಾಯಿ ಆನಂದ್ ಪಾರೋಚುಕನ್ ಏಕ್ ಆತ್. 23.ಯೇಸು ಜನಾ ಕಂ ಜಾದ ತೀಸ್ ವಸ್ರೆರೋ ರ ;ಉ ಯೋಸೆಫರ್ ಬೇಟಕನ್ ಕೆರಾಯೋ ಯೋಸೆಪ್ ಹೆಲಿರ್ ಬೇಟ . 24.ಹೇಲಿ ಮತ್ತಾತುರ್ ,ಮತ್ತತು ಲೇವಿರ್ ಬೇಟ ;ಲೆವಿ ಮಲ್ಕಿನರ್ ಬೇಟ ;ಎನ್ನ ಯೋಸೆಪರ್ ಬೇಟ ; 25.ಮತ್ತತಿಯರ್ ಬೇಟ ;ಮತ್ತಾತಿಯ ಅಮೊಸಾರ್ ಬೇಟ ;ಅಮೆಸ್ ನಾಹುಮೆರ್ ಬೇಟ ನಾಹು ಎಸ್ಲಿರ್ ಬೇಟ ;ಎಸ್ಲಿ ನಗ್ಗಯಿರ್ ಬೇಟ ; 26.ನಗ್ಗಯಿ ಮಯತುರ್ ಬೇಟ ;ಮಯತುರ್ ಮತ್ತತಿಯರ್ ಬೇಟ ;ಮತ್ತಾತಿಯ ಸಿಮಿಯರ್ ಬೇಟ ಸಿಮಿಯ ಯಾಷೆಖುರ್ ಬೇಟ ;ಯಾಷೆಖು ಯುದಾರ್ ಬೇಟ ;ಯುದ ಯೋಹನ್ನಾರ್ ಬೇಟ; 27.ಯೋಹಾನ್ ರೆಸಾರ್ ಬೇಟ ;ರೆಸ ಜರುಬ್ಬಬೇಲರ್ ಬೇಟ ;ಜರುಬ್ಬಬೇರ್ ಸಲತಿಯೇರ್ ಬೇಟ ;ಸಲತಿಯೇರ್ ನೆರೀರ್ ಬೇಟ ; 28.ನೇರಿ ಮಲ್ಕಿರ್ ಬೇಟ ;ಮಲ್ಕಿ ಅದ್ದಿರ್ ಬೇಟ ;ಅದ್ದಿ ಕೊಸಮೆರ್ ಬೇಟ ; 29.ಕೋಸಂ ಎನ್ಮದೆರ್ ಬೇಟ ;ಎಲ್ಮಾದಾಂ ಏರುರ್ ಬೇಟ ;ಎರು ಯೆಹುಶುವಾರ್ ಬೇಟ ;ಯೆಹೊಶುವ ಎಲಿಜಯೇರ್ ಬೇಟ ;ಎಲಿಯೇಜರ್ ಯೆರೆಮಿಮೀರ್ ಬೇಟ ;ಯೋರಿಂ ಮತ್ತಾತುರ್ ಬೇಟ ;ಮತ್ತಾತು ಲೇವಿರ್ ಬೇಟ ; 30.ಲೇವಿ ಸಿಮಿಯೋನೆರ್ ಬೇಟ ;ಸಿಮಿಯೋನ್ ಯುದಾರ್ ಬೇಟ ;ಯದಾಯೋಸೆಪೆರ್ ಬೇಟ ; ಯೋನಾಮೆರ್ ಬೇಟ ;ಯೋನಾಂ ಎಲ್ಯಕಿ ಮೇರೆ ಬೇಟ 31.ಎಲ್ಯಾಕಿಂ ಮೆಲೇಯಾರ್ ಬೇಟಾ ;ಮೇಲೆಯಾಮೆನ್ನಾರ ಬೇಟಾ ;ಮೆನ್ನಾಮತ್ತಾತೆರ್ ಬೇಟಾ ;ಮತ್ತಾತ್ ನಾತನೆರ್ ಬೇಟಾ ;ನಾತಾನ್ ದಾವಿದೇರ್ ಬೇಟಾ 32.ದಾವಿದ್ ಇಷಾಯಿರ್ ಬೇಟಾ ;ಇಷಾಯಿ ಓಬೇದೇರ್ ಬೇಟಾ ;ಓಬೇದಬೋಯಾಜೇರ್ ಬೇಟಾ ;ಬೋಯೆಜ್ ಶಲ್ಮಾನೆರ್ ಬೇಟಾ;ಶಲ್ಮಾನ್ ನಯಾಸೋನೆರ್ ಬೇಟಾ ; 33.ನಯಾಸೋನ್ ಅಮ್ಮಿನಾದೆರ್ ಬೇಟಾ ;ಅಮ್ಮಿನಾದಾಂ ಆರಾಮೇರ್ ಬೇಟಾ ;ಆರಾಮ್ ಏಸ್ರೋಮೇರ್ ಬೇಟಾ ;ಎಸ್ರೊಂ ಫೆರೆಸುರ್ ಬೇಟಾ ;ಪೇರೇಸ್ ಯುದಾರ್ ಬೇಟಾ ; 34.ಯೂದಾ ಯಾಕೋಬೇರ್ ಬೇಟಾ ;ಯಾಕೋಬ್ ಇಸ್ಸಾಕೇರ್ ಬೇಟಾ ;ಇಸಾಕ್ ಅಬ್ರಾಹಾಮೆರ್ ಬೇಟಾ ;ಅಬ್ರಾಹಾಂ ತೆರಹುರ್ ಬೇಟಾ ;ತೆರಹು ನಹೋರೆರ್ ಬೇಟಾ ; 35.ನಹೋರ್ ಸೇರೂಗೇರ್ ಬೇಟಾ ;ಸೆರಗ್ ರಯೂರ್ ಬೇಟಾ ;ರಯೂರ ಪೇಲೇಗುರ್ ಬೇಟಾ ;ಪೇಲೇಗು ಹೇಬೇರುರ್ ಬೇಟಾ ;ಹೇಬೇರು ಷೆಲಹುರ್ ಬೇಟಾ ; 36.ಷೆಲಹು ಕಾಯಿನಾನುರ್ ಬೇಟಾ ;ಕಾಯಿನಾನ್ ಅರ್ಪಷದುರ್ ಬೇಟಾ ;ಅರ್ಪಕ್ಷದು ಕ್ಷೇಮುರ್ ಬೇಟಾ ;ಕ್ಷೇಮು ನೋಹಾರ್ ಬೇಟಾ;ಅರ್ಪಕ್ಷದು ಕ್ಷೇಮುರ್ ಬೇಟಾ ;ಕ್ಷೇಮು ನೋಹಾರ್ ಬೇಟಾ;ನೋಹಾ ಲೇಮೇಕೆರ್ ಬೇಟಾ ; 37.ಲೇಮೇಕ ಮೇತುಷೇಲಾರ್ ಬೇಟಾ ;ಮೇತುಷೆಲಾ ಹನೋಕೇರ್ ಬೇಟಾ ;ಹನೋಕ ಯೇರೆದುರ್ ಬೇಟಾ ;ಮಹಲಲೇಲು ಕೆಯಿನಾನುರ್ ಬೇಟಾ ; 38.ಕೇಯಿನಾನು ಏನೋಷರ್ ಬೇಟಾ ;ಏನೋಷ ಶೇತುರ್ ಬೇಟಾ ;ಷೆತು ಆದಾಮೇರ್ ಬೇಟಾ ;ಆದಂ ದೇವೇರ್ ಬೇಟಾ .