^{1 2 3 4} 1 . ಮಾನೆರೋ ಥೆಯೋಫಿಲಾ ,ಅಪಣೆಮಾ ಭಾರೊಸೆನ್ ಆಯೋಜಕೊ ಕಾಮೆವುನ . 2. ಅಗಡಿಯಾತಿ ಅಂಕಿತಿ ದೆಕನ್ ಅಚ್ಕಬರೆನ ಪ್ರಾಚಾರ್ ಕರ್ತೆತೆಕೋ ಅಪಣೆನ ಮಾಲಂಕಿದೆಜೆರ್ವಡಿ ಓ ಕಾಮೆವುನ ಚಾಲಿಜೆ ಕಬರೆನ ಸೆಲಕ್ಕೆನ ಘಣೆ ಕೊಷಿಸ್ಕಿದೆಪಣ್ 3.ಮ ಜಡೆತಿ ಸೇನಿ ಆಚೋ ವಿಚಾರಕರನ್ ಮಾಲಂಕರ್ಮ ಲೋಜೆತಿ ಓನೆನ ತೊನ ಬರೋಬ್ಬರ್ ಲಕ್ಕೆರೋ ಆಚೋಕನ್ ಮನ್ನಿ ಕೆರಾಯಿ . 4 .ತೊನ ಭೋದಾಕಿದೆಜಕೋ ಕಬರ್ ಸಾಸ್ಪಣೆರ್ಕೆನೆ ಏತಿ ತೂ ಮಾಲಂಕರ್ಲೆವಾಸ್. ^{5 6 7} 5.ಯೂದಾಯ ಮಲ್ಕೆರ ಹೆರೋದ್ ರಾಜೆರ್ ದಾಡೆಮಾ ಅಬಿಯಾರ್ ವಲಾದೆಮಾ ರಜಕೊ ಜಕರೀಯಾ ಕಜಕೊ ಎಕ್ ಯಾಜಕ್ ವೆತ್ತ್ಹೋ ಹಾರೆನೆರ್ ಬೇಟಿವುಮಾ ಎಕ್ಲಿ ಓರ್ ಗೊಣಿರ ,ಓರ್ ನಾಮ್ ಏಲಿಸಬೇತ್ . 6 . ಓ ದೋಯಿ ''ಪ್ರಭುರ್ ''ಸೇ ಆಜ್ನರ್ ನೇಯ್ ನೆಮರ್ ನೇಯ್ ಚೂಕ್ ನರಜುನ್ ಚಾಲೆತೆ ದೇವೇರೆ ನಂಜೆರೆಮಾ ನಿಯತೆತಿ ರೆ . 7.ಪಣ್ ಎಲಿಸಬೇತ್ ವಾಂಜ್ ಡಿ ರಜೆತಿ ಉಂದೆನ ಬೇಪ್ಪಾವೋ ರಕೊನಿ ;ಉಜ್ಜಿ ಓದೋಯಿ ಬೂಡಪನೆರ್ ರ . ^{8 9 10} 8 . ಜೆಕರ್ಯ ಓರ್ ಹಾಂಸೆರ್ ಕಾರ್ನೆ ದೇವೆರ್ ಮುಂಡಾಗ ಯೂಜಕೇರ್ ಕಾಮ್ ಕರ್ತೊರಜನಾ . 9 . ಯಾಜಕೆರ್ ಸೇವಾರ್ ನಿಯಮೆರ್ ನೈ ಜಕರಿಯಾ ದೇವಳೆಮಾ ಜಾನ್ - 10 . ಧುವಾಡಿದೇರ್ ವಕತ್ ಊದ್ ಘಾಲ್ ರೋಜನಾ ಜನ್ ಸೆ ಗೋಳಾವೆನ ಭಾರ್ ಅರಜ್ ಕರ್ ರೆ ಜನಾ ^{11 12 13} 11 . ಪ್ರಭೂರ್ ಸೊಜ ಊದ್ ಘಾಲೆರ್ ಧೂಣಿರ್ ಜಮಣ್ ಪಾಕ್ ತಿ ಹೂಬ್ರೆನ್ ಓನ್ ದಕಾಯೋ . 12.ಜೆಕರ್ಯಾ ಓನ ದೇಕನ್ ಘಬ್ರಾನ್ ಚಮಕ್ ಗೊ . 13.ಜನ ಉ ಸೋಜಾ ಓನೆ ಜಕರ್ಯಾಚಮಕ್ ಮತ್: ತಾರ್ ಅರಜ್ ದೆವೆನ್ ಪುನ್ಚ್ಗೀಚ . ^{14 15} 14. ತಾರ್ ಗೋನ್ನಿಎಲಿಜಬೆತ್ ತೋನ್ ಏಕ್ ಬೀಟಾ ಜಣಚ . ಓನ್ ಯೋಹಾನ್ ಕನ್ ನಾಮ್ ಪಾಡಿಸ್ , 15. ಉ ಪ್ರಭುರ್ ಮುನ್ದಾಂಗ್ ಮೋಟೋವೆನ್ ರಚ್ ಅoಗುರೇರ್ ರಸಾ ಸಿಂದಿ ದಾರುನ ಪೀಯೇನಿ . ^{16 17} 16. ಓರ್ ಮಾಯೇರ್ ಪೇಟೆಮಾಹಿತಿ ಹುಯೋ ಜನಾತಿ ಪವಿತರ್ ಆತ್ಮತಿ ಭರನ್ ರಚ್ಹಾ . ಇಸ್ರಾಯೇಲಿಯಾಮವರ್ ಸೆಕೆನ್ "ಪ್ರಭು " ಛಜಕೋ ಓರ್ ದೇವೆರ್ ಸಾರ್ ಫೆರ ಛ . 17. ಉಜ್ಜಿ ಬಾಪೆರ್ ದಲ್ಲೇನ್ ಬೆಟಾಸಾಮ್ , ವಾತ್ ಮಾನೆನಿಜೆನ್ ನಿಯತೆದಾರೆರಾ ಗೆನೆಸಾಮ್ ಫೆರೆನ್ ಪ್ರಭುರ್ ವಾಸ್ ವಾಟ್ ದೇಕೆವಾಳ ಜನೇನ್ ತಯಾರ್ ಕರೇನ್ ಉ ಏಲಿಯಾರ್ ಜೋರೆನ್ ಪಾಲೆನ್ ಓರ್ ಆಂಗ್ ಚಲಾಚಕನ್ ಕೊ. ^{18 19 20} 18. ಜೆಕಾರ್ಯಾ ಓ ಸೋಜಾನ - ಎನ್ ಮ ಕೇತಿ ಮಾಲಂಕರ್ಲೂ ? ಮ ಬುಡೋ: ಮಾರ್ ಘರೆವಾಳಿನ್ ಉಮರ್ವೆಗೊಚ ಕನ್ ಕೊಜನಾ , 19. ಊ ಸೋಜಾ ಮ ದೇವೇರ್ ಮುಂಡಾಗ್ ಹುಬ್ರೆವಾಳೋ ಗಬ್ರಿಯೇಲ್ ಛು ತೋತಿ ವಾತೆ ಕರೆನ್ ಎ ಆಚ್ ವಾತ್ ಕರೆನ್ ಮನ್ ಮೇಲೋಚ. 20. ಉಜ್ಜಿ ಮಾರ್ ವಾತೆ ಓರ್ ವಗತೆಮಾ ಪುರೂವಚ್ಚಾ : ಪಣ್ ತೂ ವಿಸ್ವಾಸ್ಕಿದೊಕೊನಿಜೆತಿ ಓಸ್ಸೇ ಚಾಲಜಕೂ ದಾದೇಲಗೋ ವಾತೆ ಕರೆಸ್ನಿಜು ಗುಂಗುವೇನ್ ರೇಚಿ ಕನ್ ಓನ ಜವಾಬ್ ಕೊ . ^{21 22 23} 21ಅತ್ರಮಾ ಜನ್ ಜಕರ್ಯನ ಗಾಸ್ಥೆ ಉ ದೆವಳೆಮ ಥಾತ್ಕಿದೂಜೆಥಿವಿಚಿಥರಪಡೆ 22.ಉ ಬಾರ್ ಆಯೋಜನ ಉನೆರ್ ಸಾಥ್ ಕಮೀ ವಾಥೆಕಿದೂಕೊನಿಜೆನ್ ಒ-ಎನ ದೆವಲೆಮಾಕಾಂಯೀಕೂ ದೆವೆರೋ ದರ್ಶನ್ ವೆಮ್ಲೋಚಕನ್ ವಲ್ಕ್ಲದೆ.ಉ ಉನೆನ ಸಾಯ್ಗ್ ಕರ್ತ್ ಗೊಗೊರೆನ್ವೇಥೀ. 23.ಓರ ಸೇವಾ ಕರೆರ ದಾಡ ಪೋರೋವಿಜನ ಉ ಓರ್ರ್ ಗರೆನ ಡಗಗ್ರೋ. ^{24 25} 24ತೋಡ್ಸ್ಕ್ ದಾಡೀರ್ ಪ್ಚ ಓರ್ ಗರೆವಳಿ ಎಲಿಸಾಬೇತ್ ಪೆತಿಥಿವೆನ್ ಪಂಚ ಮೀನಾ ಗರೆಮಗೆ ಗೂಸನ್ರೀನ್. 25.ಪ್ರಭು ಮಪರ್ಮೆರಕಾಲ್ನ್ ಜನುಮಾ . ^{26 27 28 29} 26 ಗಲೀಳಾಯ ಮಲ್ಕೆರ್ನಜರೆತ್ ಗಮೇಮಾ ದವಿದೆರ್ ಯೋಸೆಪ್ಹ್ ಕಜಕೋ ಎಕ್ ಆದ್ಮಿನ ಸಗಾಯಿ ಕರ್ಮಲೆಜಕೋ ಚೂರಿಕನ್ ಛೂಮೋ ಮಿನಾಮಾ, 27.ಗಬ್ರಿಯೇಲ್ ಕಜೆ ಸೊಜಾನ ದೇವ್ ಮೆಲೋ;ಓ ಛರಿರ್ ನಾಮ್ ಮರಿಯಾ. 28. ಉ ಸೊಜಾ ಒರ್ ಡಂಯೀ ಆನ್- ದೆವೆರ್ ದಯಾ ಪಮಲಿಕೊ ತೊನ ಕೊಸಳೀದ;ಪ್ರಭು ತರ್ ಸಾತ್ ಛ ಕನ್ ಕೊ. 29.ಉ ಓ ವಾತೀನ ಘಬ್ರಾನ್ -ಈ ಕಸ್ಸ್ಕೋ ಅಸಿಸ್ ಕನ್ ಸೋಸ್ಕ್ರೆಜನಾ, ^{30 31 32 33} 30. ಉ ಸೊಜಾ ಓನ -ಮರಿಯಾ,ಚಮಾಕ್ಮ್ಥ್;ತೊನ ದೆವೆರೂ ದಯಾ ಮಳೀಚ . 31.ಇದೆಕ್, ತು ಪೆಟತಿವೆನ್ ಏಕ್ ಬೆಟಾನ ಜಣಚಿ;ಓನ ಯೇಸು ಕನ್ ನಾಮ್ ಮೆಲ್. 32.ಉ ಮೋಟೋವೆನ್ ಸೊಳೀರ್ ಉಪ್ಪರೆರ್ ದೇವೆರ್ ಬೋತಾಕೆರವಚ; ವಜ್ಜಿ ದೇವ್ 33 .ಉ ಯಾಕೊಬೇರ್ ವಲಾದೆನ ಹಮೇಶಾ ಪಾಲನ್ ಕರಚ ;ಓರ ರಾಜ್ಯಮೆನ ಆಖರಿ ಛೆನಿಕಲ್ ಕೊ . ^{34 35} 34.ಮರಿಯಾ ಓ ಸೋಜಾನ -ಈ ಕಿಂ ಚಾಲಿಯೇ ? ಮ ಕುಮ್ವಾರಿ ಛೂ ಕನ್ ಕಿಜನಾ , 35.ಸೋಜ -ತಾಪರ್ ಪವಿತರ್ ಆತ್ಮ ಆವಚ ;ಮೋಟೋ ದೇವೆರ್ ಜೋರೆರ್ ಛೇಂಡಿ ತಾಪರ್ ಪಡಚ ;ಜೇತಿ ಹುಯೇವಾಳೋ ಉ ಪವಿತ್ತರ್ ಬಾಳಾ ದೆವೆರೋ ಬೇಟಾ ಕೆರಾವಚ . ^{36 37 38} 36 ಅನ್ ತಾರ್ ತನ್ನೆರ್ ಏಲಿಸಬೇತ್ ಸದಾ ಬುದ್ವೇನ್ರತ್ತೊಯಿ ಪೆಟೆತಿ ಛ ;ಓರ್ ಪೆಟೆಮಾ ಮಾಟಿರ್ ಬೆಟಾಚ ; ವಾoಜ್ವಿ ವೆತ್ತಿಜಕೋ ಓನ ಅಬ್ಬ ಚೋಮೋ ಮೀನಾ . 37. ದೇವ್ ಕಜಕೋ ಕುನ್ಸಿವಾತ್ ಟಾಲ್ವೆನಿ ಕನ್ ಕೊ . 38.ಜನಾ ಮರಿಯಾ -ಇದೆಕ್ ,ಮ ಪ್ರಭುರ್ ಬಾಂದಿ ;ತಾರ್ ವಾತೆರ್ ನೈಮನ್ನ ವೇದ ಕನ್ಕಿ. ಜೆರ್ಪಚ್ಚ ಉ ಸೊಜಾ ಓರ ದಾಮ್ಯಿತಿ ಡಗರ್ಗೋ . ^{39 40 41} 39.ಓ ಪೋರೆಮಾ ಮರಿಯಾ ಉಟನ್ ವತ್ರಾವಳೆತಿ ಮಲಾಡೆನ್ ನಿಕಳನ್ ಯುದಾಮಾರ್ ಏಕ್ ಗಾಮೆನ ಜಾನ್ , 40.ಜಕರಿಯಾರ್ ಘರೆನ ಆನ್ ಎಲಿಸಬೇತೆನ್ ಕಾಸಳ್ ಕೀದಿ . 41 .ಎಲಿಸಬೇತ್ ಮರಿಯಾರ್ ಕೊಸಳೆನ ಸಾಮ್ಳೆರ್ ಖಮತ್ ಓರ್ ಪೇಟೆಮಾರ್ಬಾಳಾ ಕುದೋ. ^{42 43 44 45} 42.ಅನ್ ಎಲಿಸಬೆತ್ ಪವಿತರ್ ಆತ್ಮಾತಿ ಭರಾನ್ ಮೊಟ್ ಆಟೆತಿ-ತು ಬಿರೆವುಮಾ ಅಸಿಸ್ ಪಾಮಲಿಜಕೋ ಅನ್ ತಾರೆಮಾ ಹುವಜಕೋ ಬಾಳ ಅಸಿಸೆರೋ ಛ . 43.ಮಾರ್ ಪ್ರಭೂರ್ ಯಾಡಿ ಮಾರ್ ಡಾಮ್ಯಿ ಆವಜತ್ರಾ ನಸಿಬ್ ಮನ್ನ ಕತೆತಿ ಆಯಿ ? 44.ಇದೆಕ್ ,ತಾರ್ ಕೋಸಳ್ ಮಾರ್ ಕಾನೆಮಾ ಪಡೆರ್ ಖಮತ್ ಬಾಳಾ ಮಾರ್ ಪೇಟೆಮಾ ಖುಷಿತಿ ಕುದೋ . 45.ವಿಸ್ವಾಸ್ ಕಿದಿಜಕೋ ತು ನಸಿಬ್ದಾನ್ನಿ ;ಪ್ರಭೂ ತೊನ ಕೊಜಕೋ ವಾತೆಸೆ ಪುರೋವಚ ಕನ್ ಕೀ . ^{46 47} 46.ಜನಾ ಮರಿಯಾ ಕಿಕೊ ಕಾಂಯಿಕತೋ -ಮಾರ್ ಜಾನ್ ಪ್ರಭೂನ ಸ್ತುತಿ ಕರಚ , 47.ಉ ಓರ್ ಬಾಂದಿರ್ ನಾನ್ಕಯಾ ಪನೆಪರ ನಂಜರ್ ಮೆಲ್ಮಲೋಚ ಇದೆಕ್ , ಆಜೆತಿ ಪಿಡಿರ್ ಪಿಡಿವಾಳ್ ಸೇ ಮನ್ನ ನಸಿಬ್ದಣಿ ಕನ್ ಕೀಯೇ . ^{48 49} 48.ಮಾರ್ ಆತ್ಮ ಮಾರ್ ರಕ್ವಲ್ವ್ಲಿರ್ ದೇವರ್ ಖಬರೆಮಾ ಖುಶಿಕರ್ರ್ಚ. 49.ಜೋರೆವಳೋ ಮನ್ನ ಘಣ್ ಮದ್ದತೆನ ಕಿದೋಚ; ಓರೊ ನಾಮ್ ಪವಿತರ್ ಛ ^{50 51} 50.ಓಪರ್ ಧಾಕೆರ್ ಭಕ್ತಿತಿ ರೆವಾಳೋಪರ್ ಓರೊ ದಯಾ ಜಗುಜಗೂಮಾಯಿ ರಚಾ. 51.ಉ ಓರ್ ಹಾತೇರ್ ಜೋರೆನ್ ದಕಳನ್ ಮಸ್ಥೀರ್ ದಲಿತಿ ಛಜೇನ್ ವಿಕ್ರಾನಕೋಚ. ^{52 53} 52. ಸಿಂಹಾಸನೇಪರೇತಿ ಪ್ರಭುವೊನ್ ಪಟಕ್ದೆನ್ ಕಮ್ ಜೋರೆವಾಳೂನ್ ಉಪರ್ ಬೆಸಡೋಚ. 53.ಭುಕೆನ ಖಾನೇತಿ ಧಾಪದ್ ಸ್ಕರೇನ್ ಮೇಲ್ದೆನೋಚ. ^{54 55} 54. ಉ ಅಪಣೆರ್ ವಡುಡೆನ್ ಕೊಜುಜ್ ವಲಾದೆವಳೂನ್ ಕನಾಯಿ ದಯಾ ದಕಾಳೋಕಜಾಕೆ ಹದ್ರೆಲಾಲೆನ್, 55. ಓರ್ ಸೇವಕ್ ಇಸ್ರಯೆಲ್ ಹತ್ ಜುಲೋಕ ಕನ್ ಕೋ. ^{56 57 58} 56.ಮರಿಯಾ ಕಂ ಸರಸ್ ತೀನ್ ಮೀನಾ ಎಲಿಸಬೇತೇರ್ ಘರೇಮಾರೇನ್ ಓರ್ ಘರೆನ್ ಹೋಟೋಗಿ ಬಾಪ್ತಿಸಮ್ ಯೋಹಾನೇರ್ ಜನ್ಮ್. 57. ಎಲಿಸಬೇತ್ ದಾಡ ಭರನ್ ಭೇಟನ್ ಜನಮ್ ದಿನಿ. 58. ಓರ್ ಅಗಲ್ ಬಗರೆನ್,ಭಾಯಿಭಂದ್ ಸೆ ಓ ರ್ ಉಪ್ಪರ್ ಪ್ರಭೂ ಓರ್ ಉಪ್ಪರ್ ಪ್ರಭು ಓರೊ ದಯನ ಘಣೂ ಆಚೋ ದಕಾಳೋಚಕನ್ ಸಾಮ್ಳನ್ ಓರಳನ್ ಖೂಷಿಪಾಯೇ. ^{59 60 61} 59 ಆಟ್ಮೋದಡೆಮ ಓ ಉ ಬಾಳಾನ ಸುಮ್ತಾಕರೆವಾಸ್ ಆನ್ ಓನ ಜಕರ್ಯ ಕಕೊ ಬಪೆರ್ ನಮೆನ ಮೇಲ್ನೋಕಲ್ದೆಜನಾ 60. ಏ ಖಬರೆಮಾ ಓರ್ ಯಾಡಿ-ಉ ಮತ್ ಯೋಹಾನ್ ಕನ್ ನಮ್ ಪಡೋಕಿಜನಾ, 61. ಓ-ತರ್ ಭಾಯಿ ಭಂದೆಮ ಏ ನಾಮೆವಾಳ್ ಏಕ್ಲೋಯಿಛೆನಿ ಕನ್ ಕೆನ್. ^{62 63} 62.ಎನ ಕಾಂಯಿ ನಮ್ ದೇನು ಕನ್ ಓರ್ ಬಾಪೇನ ಸೈಗ್ ಕೀದೆ. 63. ಉ ಏಕ್ ಪಲ್ಕ್ನನ್ ಮoಗನ್- ಓರ್ ನಾಮ್ ಯೋಹಾನ್ಜ್ ಕನ್ ಲಕ್ಹ್.ಓನ ಸೇ ವಿಚಿತರ್ ಪಡೆ. ^{64 65 66} 64 . ಜನ್ನಜ್ ಓನ ಮುಂಡ್ದೋ ಆಯಿ ,ಜೀವ್ ಡಿಲ್ವ್, ಉ ವತೆಕರೆರ್ ಜೊರೆವಳೋವೆನ್ ದೇವೇನ ಸ್ತುತಿ ಕೀದೋ.. 65. ಏನ್ ಸಾಮಳೆಜಕೊ ಅಗಲ್ ಬಗಲೆವಳೂನ್ ಸೇನ್ ಧಾಕ್ಲಗ್ಗಿ;ಅನ್ ಏಸ್ಸ್ ಖಬರೆರ್ ಬರೆಮ ಯೂದಯರ್ ಮಲಾಡೀಮ ಸೆ ವಾತೆಕ ರೆರ. 66.ಸಾಮಳ್ಜಕೊ ಸೆ-ಆಹಾ , ಈ ಬಾಳ ಕಸ್ಸ್ಕೊ ವಚೋ ಕನ್ ಏ ಖಬರೆನ್ ಸೆ ದಲ್ಲ್ಮ ಘಲಿದೆ ಅನ್ ಪ್ರಭುರೋ ಹಾತ್ ಓಪರ್ ರ. ^{67 68 69 70 71 72 73 74 75 76 77 78 79 80} 67.ಉಜ್ಜಿ ಓ ಬಾಳಾರ್ ಬಾಪ್ ಜಕರ್ಯ ಪವಿತರ್ ಆತ್ಮತಿ ಭಾರನ್ ಪ್ರವಚನ್ ಕೊಜಕೋ ಕಾಂಯಿಕತೊ- 68. ಇಸ್ರಯೆಲ್ ಜನೆರೋ ದೇವ್ಛಕೊ ಪ್ರಭುನ ಸ್ತುತಿ; 69.ಓಪೆನಾಮ ವೆತ್ತೆಕೊ ಓರ್ ಭಕ್ತಿದಾರೆ ಉ ಕೊಜಿಮ್ಮಜ್ ಓರ್ ಜನೇನ್ ದಯಾದಕಾಳನ್ ಒನೇನ್ ಛೂಡಾಯೋ; 70. ಓರ್ ಸೇವಕ್ ದವಿದೆರ್ ಪರಿವರೆಮ ಅಪಣೆರ್ವಾಸ್ ಏಕ್ ಜೋರೆವಳೂ ರಕ್ಷಕೆನ್ ವಟಡೂಚ. 71. ಉ ಅಪಣೆರ್ ದಯಾದಕಳೆವಾಲೂನ್, 72. ಅಪಣೆರ್ ವಡ್ಬುದೇರೂ ಅಬ್ರಹಾಮೆನ ಸೊಕನ್ಭನ್ ದಿನೊಜಕೋ ಓರ್ ಪವಿತ್ತೆರ್ ಕರಾರೆನ ವಾರೆನ್. 73.ಅಪಣೆರ್ ವೆರಿವುತಿನ್ ಅಪಣೆನ್ ದುಸ್ಮ ಣ್ ಕರೆವಾಳೆರ್ ಹತೆತಿ ಅಪಣೆನ್ ಛೂಡಾನ್ ರಕ್ವ ಲೀಕಿದೊಚ. 74 .ಹನು ಅಪಣ್ ಅಪಣೆರ್ ವೆರಿಯುರ್ ಹತೆಮಾತಿ ಛೂಟಾನ್ ಧಾಕ್ಚೆನಿಜು ರೇನ್ ಅಪಣೆರ್ ಜಿವಣ್ ದಾದ್ಸ್. 75. ಶುದ್ಹು ಖಾತರೆತಿನ್ ನಿಯತೆತಿನ್ ಓರ್ ಸನ್ನಿಧೆಮ ಸೇವಕರೆನ ಅಪಣೆನ ವತ್ಕ್ರ್ದಿದೊಚ 76.ಅಪಣೆರ್ ವೆರಿವುತಿನ್ ಅಪಣೆನ್ ದುಸ್ಮ ಣ್ ಕರೆವಾಳೆರ್ ಹತೆತಿ ಅಪಣೆನ್ ಛೂಡಾನ್ ರಕ್ವ ಲೀಕಿದೊಚ. 77.ಮೋಟೂ ದೇವೆರ್ ಭಕ್ತಿದಾರ್ ಕೇರಾಲೆಚಿ. ತು ಪ್ರಭೂರ್ ಆಂಗ್ ಜಾರ್ನ್ ಓರ್ ವಾಟೆನ ತಯಾರ್ ಕರೆವಾಳೂನ್, 78. ಉ ದಯಾತಿಜ್ ಅಪಣೆನ ಉಪ್ಪರೆತಿ ವಜಾಳೋವೆನ್ , 79. ಅಂದಾರೆಮನ್ ಮೋತೆರಂದಾರೆಮಾನ್ ವಾಸೂಕರ್ರ್ತೆಕೋ ಅಪಣೆನ ವಜಾಳೋದೆನ್ ಅಪಣೆರ್ ಟಂಗೆವುನಾ ಸಮಧನೆರ್ ವಾಡೇಮಾ ಭೇಳನ್ ಚಲಾವಚ ಕನ್ ಕೊ. 80. ಉ ಬಾಳ ವದನ್ ಆತ್ಮಮಾ ಜೊರೆವಾಳೂವೆನ್ ಇಸ್ರಯೇಲ್ ಜನುನ ಓನ್ ಉ ದಕ್ಕಾಳೆರ್ ದಾಡಲಗೂ ಅಡವಿಮಾರೊ.