¹ ಏ ಅಕ್ಕಳ್ ಛೆನಿಜಕೋ ಗಲಾತ್ಯವಾಳೋ, ಕೂನ್ ಟೇಮ್ನ ದೊಕೋಕೀದೆ? ಯೇಸು ಕ್ರಿಸ್ತುಸೀಳುವಾನ್ ಘಲಾಲೊಇದೋಜು ತಮಾರ್ ಅಂಕೀರ್ ಮುಂಡಾಗ ದಕಾಗೋಛನೀ. ² .ಏ ಖಬರೇನ ಅತ್ರಾಜ್ ತಮಾತಿ ಮಾಲ್ಮ್ಕರ್ಲೆನುಕೇರೋಚು . ತಮ್ ಇವೇರ ಆತ್ಮಾನ ಪಾಯೇಕೋ ಗ್ರಂಥೇತಿಕಾ? ಸಾ ಮಳನ್ ವಿಶ್ವಸ್ ಕಿದೆಜೇತಿಕಾ. ³ .ಥೋದ್ಸೆಕೀ ಅಕ್ಕಳ್ ಛೆನಿಜು ಚೊಕಾಂಯಿ ದೇವೇರ್ ಆತ್ಮಾತಿ ಸುರುಕರನ್ ಅಬ ಭಾರೇರವ್ವಡಿತಿ ಪುರೋಕನುರ್ಕನ್ ಲೇಲೇಚೊಕಾ? ⁴ .ತಮ್ ಅತ್ರಾ ಭಾವೇಟಿ ಖಾದೇಕೋ ಟಾಲ್ ವೇಗಿಕಾ? ಟಾಳ್ ಕನ್ ಕೆಣುಕಾಯಿ ? ⁵ .ದೇವ್ ಓರೋ ಆತ್ಮಾನ ತಮೆನ ಪುರೋದೇನ್ ತಮಾರೇಮಾ ಅಚ್ಜಂ ಕಲಾರ್ ಕಮೇನ ಕರ್ತೋ ಆಯೋಕೋ ಕೇತಿವೇಗಿ? ಗ್ರ್ಮ್ಥೆವರ್ದಿತಿ ಕ ವಿಶ್ವಸ್ ಕೀದೇಜೇತಿಜ್ . ⁶ .ಅಬ್ರಹಾಂ ದೇವೇನ ವಿಶ್ವಸ್ ಕೀದೋ , ಉ ವಿಶ್ವಸ್ ಓರ್ ಲೇಕೇನ ನಿಯತ್ ವೆಗಿ ಕನ್ ಲಕ್ಕನ್ ಕಾಕೋನಿ ಕಾಂಯಿ . ⁷ .ಜೇತಿ, ವಿಶ್ವಸ್ ಕರಜಕೋಜ್ ಅಬ್ರಹಾಮೇರ್ ಬೇಪಾತಕಾನ್ ಮಾಲಂ ಲರ್ಲರ್ . ⁸ .ದೇವ್ ಪರಳ್ ಜನ್ನೇನ ವಿಶ್ವಸೇತಿ ನಿಯತೇಡಾರ್ ಕರಚಕನ್ ಗ್ರಂಥ್ ಅಂಗಜ್ ಕಳ್ಳಿ ನ್ ಅಬ್ರಹಾಮೆನ ತಾತಿ ಜಾತಿಜನ್ನೇನ ಅಸಿಸ್ ಮಲಚಕನ್ ಆಚ ಖಬರೇನ ಮುಂಡಾಗಜ್ ಕೀ. ⁹ .ಹನುರೇತು, ವಿಶ್ವಸ್ ಕರಜಕೋ ವಿಶ್ವಸ್ ಕೀದೋಜೇ ಅಬ್ರಹಾಮೇರ್ ಸಾತ್ ಅಸೀಸೇನ ಪಾಲಚ. ¹⁰ .ಗ್ರಂಥೇನ ನವ್ವನ ರೇವಾಳ್ ಸೇ ಸರಾಪೇರ್ ಹೆಟ್ ಛ. ಕಿಮ್ ಕತ್ತೋ , ಗ್ರಂಥೇಮಾ ಲಕ್ಕನ್ ಛಜೇನಸೇ ಡಾಡಿ ಪಾಲನ್ ಕರೇನಿಕೋ ಸೇ ಸರಾಪಿಕನ್ ಗ್ರಂಥೇಮಾ ಲಕಕನ್ ಛ. ¹¹ . ಉಜ್ಜಿ , ಆಚಾಮೇತಿ ಕೋಯಿ ದೇವೇರ್ ಮುಂಡಾಗ ನಿಯತೆದಾರ್ ವೇನಿಕೆನ್ ಚ. ಕಸ್ನೆ ನಕಕ್ತ್ಹೋ ನಿಯತದಾರ್ ವಿಶ್ವಸಮೇತಿಜ್ ಬಂಚಚಕನ್ ಲಕ್ಕನ್ ಛ. ¹² .ಪಣ್ ಅಚ್ ಕಾಮೇನ ವಿಶ್ವಸ್ ಅಧಾರ್ ಕೋನಿ, ಪಣ್ ಗ್ರಂಥೇರ್ ನ್ಯೆ ಛಾಲೇವಾಳೋಜ್ ಉನ್ನೇ ತಿ ಬಂಚಚಕನ್ ಲಕ್ಕನ್ ಛ. ¹³ .ಅಬ್ರಹಾಮೇನ ಲಾಭೀಜಕೋ ಅಸೀಸ, ¹⁴ .ಕ್ರಿಸ್ತು ಯೇಸುಮಾ ಪರಳ್ ಜನ್ನುನಿ ಮಲಜು ದೇವ ವಾಗ್ಹಾನ್ ಡಿನೋಕೋ ಆತ್ಮಾ ಅಪನೇನ ವಿಶ್ವಸಮೆತಿ ಮಲಜು ಕ್ರಿಸ್ತು ಅಪನೇವಾರ್ಸ್ ಸರಾಪ್ ವೆನ್ ಗ್ರಂಥೇಮಾ ಕೆನ್ ಛಕೋ ಸರಾಪೇತಿ ಅಪನೇನ ಚೊಡಾಯೋ. ಝಾಡೆನ ಟ್ತಾಮೇಲೇಕೋ ಹಯೇಕೀ ಸರಾಪಿ ಕನ್ ಗ್ರಂಥೇಮಾ ಲಕ್ಕನ್ ಛ. ¹⁵ .ಭಾಯಿಯೋ , ಜಗತಿವಡಿತಿ ವಾತೇಕರೂಚು, ಘಟ್ ಕೀದಿಕೋ ಏಕ್ ಕರಾರ್ ಮನಕ್ಯಾರ್ ವತ್ತೋ ಓನ ಕೋಯಿ ಥಾಮೇನಿ. ಓನ ಘಣ್ ವಾತೇನ ಭೇಳೆನಿ. ¹⁶ .ಅಚೋಜ್ , ದೇವ್ ಅಬ್ರಹಾಮೆನನ್ ಓರ್ ಪೀಡಿನ ವಾಗ್ಹಾನ್ ದೀನೋ, ಉ ತಾರ್ ಪೀಡಿವಾಲೇನ ಕನ್ ಘನೆನ ಕನ್ ಕೇನಿಜು , ತಾರ್ ಪಿಡಿನ ಕನ್ ಎಕ್ಕೆನಜ್ ಕೇರೋಚ. ಉ ಎಕ್ಲೊಂ ಕ್ರಿಸ್ತುಜ್ . ¹⁷ .ಮಾರೋ ಅರ್ಥ್ ಈಜ್ , ದೇವ್ ಅಂಗ ಘಟ್ ಕೀದೋಜಕೋ ಕರಾರೇನ ಚಾರ್ ಸೇ ತೀಸ್ ವಸೇರ್ ಪಚ್ಚ ಆಯೋಕೋ ಗ್ರಂಥೇನ ಥಮಾಡನ್ ಉ ವಾಗ್ದನೆನ ಟಾಳ್ ಕರೇನಿ. ¹⁸ .ಉ ಸ್ವತಂತ್ರ ಆಚ್ ಕಾಮೇತಿ ಮಳಿಕೋನಿಕನ್ ವೆಗಿ ; ಪನ್ ದೇವ್ ಓನ್ ಅಬ್ರಹಾಮೇನ ವಗ್ಧನೆರವ್ವಡಿತಿಜ್ ಡಿನೋಚ. ¹⁹ .ಹನುವತೋ, ಮೋಷೆರೋ ಗ್ರಂಥ್ ಕಸ್ಸೆನಾ ? ವಾಗ್ಹಾನೆಮಾ ಕೆಮ್ಲೋಕೋ ಹೂನ್ ಆವಜೇತಾಣು ಉ ಆಗಭುಕ್ಕೆರವ್ವ ಡಿ ಗೋಲಾವೇನ್ ದೇವೇರ್ ಸೋಜಾತಿ ವಚೇಲಾರ್ ಹಾತೇಮಾ ನಿಯಂವೇಗೋ. ²⁰ .ಏಕ್ವ ಡಿರೋ ರತ್ತೋ ವಚ್ಚೆಲಾ ಚಾಯೇನಿ, ದೇವ್ ತೋ ಏಕ್ಲೋ ಜ್ , ²¹ .ಹನುವಾತೋ , ಗ್ರಂಥ್ ದೇವೇರ್ ವಾಗ್ಹಾನೆನ್ ವಿರುದ್ದ್ ಕಾಂಯಿ? ಹನು ಕನ್ನಾಯಿ ಕೇಲೆಣು ಕೋನಿ ಬಂಚಾಡೆರೋ ಜೋರ್ ಛಕೋ ಗ್ರಂಥೇನ ದಿನೋವತ್ತೋ ಸಂದೇಹ್ ಛೆನಿಜು ಆಚ್ ಕಾಮೇತಿಜ್ ಮೋಯತೆದಾರ್ ವೇತೆ . ²² .ಹನುವತ್ತೋ ಯೇಸು ಕ್ರಿಸ್ತುಮಾ ವಿಶ್ವಸ್ ರಕಾಡಜೇತಿ ಮಲಕೋ ಉ ವಾಗ್ಹಾನೆರ್ ಫಳೆನ ಕರೆವಾಳೆನ ದೇಣುಕನ್ ಗ್ರಂಥ್ ಸೋಳಿನ ಪಾಪೇಮಾ ರಕಾಡಿಚಕನ್ ಕೋ. ²³ .ಕ್ರಿಸ್ತುರ್ ವಿಶ್ವಸೇರ್ ಪೋರೋ ಆಯೇರ್ ಅಂಗ ಅಪಣ್ ಮುಂಡಾಗ ಪ್ರಕಟ್ ವೇಣುಕೋ ಉ ವಿಶ್ವಸೇನ ನವ್ವೆರ್ ಕಾಣ್ ಗ್ರಂಥೇರ್ ಹೇಟ್ ಗಾಸನ್ ಬೂರಾಮೇಲೆತೆ. ²⁴ .ಹನುರೇತು ಗ್ರಂಥ್ ಅಪನೆನ ಗಾಸೇರ್ ಬಾಂಯಾಜು ಚ; ಅಪನೇನ ಗಾಸಚ. ²⁵ .ಪಣ್ ಕ್ರಿಸ್ತುಮಾರ್ ವಿಶ್ವಸ್ ಆಯಿಜೇರ್ ಪಚ್ಚ ಉಜ್ಜಿ ಅಪಣ್ ಗಾಸೇವಾಲೇರ್ ಹಾತೇಹೇಟ್ ರೇವಾಳ್ ಕೋನಿ . ²⁶ . ತಮ್ ಸೇ ಕ್ರಿಸ್ತು ಯೇಸುಮಾ ಮೇಲ್ಮಲೇಜಕೋ ವಿಶ್ವಸಮೆವರ್ದಿತಿ ದೇವೇರ್ ಬೆಪ್ಪವೇಚೊ ²⁷ .ಕಿಮ್ ಕತೋ ಕಿಸ್ತುಮಾ ಆಯೇನ ಬಪ್ತಿಸಂ ಲೆಮೇಲೆಕೋ ತಮ್ ಸೇಜ್ ಕ್ರಿಸ್ತುನ ಪೆಲಿರ್ ದೇಚೊ. ²⁸ .ತಮ್ ಸೇ ಕ್ರಿಸ್ತು ಯೇಸುಮಾ ಏಕ್ಕಜ್ ವೇನ್ ಚೊಜೇತಿ ಯೂದುಲೇರೋ ಗ್ರಿಕೇರೋ ಕನ್ ಬಾಂಯಾ ಮಾಲಿಕ್ ಕನ್ , ಮಾಟಿ ಬೀರ್ ಕನ್ ತೇಡಾಛೆನಿ ²⁹ .ತಮ್ ಕಕ್ರಿಸ್ತುವಾಳ್ ವತ್ತೋ ಅಬ್ರಾಹಾಮೇರ್ ಪಿಡಿವಾಲನ್ ವಗಾನೆಅರವಡಿ ವರ ಸದಿರ್ ವೇಗೇಚೊ.