¹ .ಮನಕ್ಯ ಸಾಮೇತಿರೇದ ಮನಕ್ಯಾವರ್ಡಿ ರೆದ ಅಪೋಸ್ತ್ಲಾಲ್ ವೋಕೋನಿಜು ಯೇಸು ಕ್ರಿಸ್ತವಾರ್ಡಿತಿನ್ ಓನ್ ಮಗೇಜೆಮಾತಿ ವಟದೋಕೋ ಬಾಪ್ ದೇವೇತಿನನ್ ಅಪೋಸ್ತಲರ್ ಕಾಮೇನ ಲೇಮೇಳೋಕೋ ಪೌಲಕೋ ಮ. ² ಮಾರ್ ಸಾತ್ ಛಜಕೋ ಸೇ ಭಾಯಿ ಯೂನ ಗಲಾತಿಯೂಮಾ ಛಜಕೋ ಸಭಾವೊನ ಲಕ್ಕರೋ ಕಾಯಿಕತೋ ³ ದೇವೇಟಿನ್ ಅಪನೇರ್ ಪ್ರಭು ಯೇಸು ಕ್ರಿಸ್ತ್ತಿನ್ ತಮೇನ ಕೃಪಾನ್ ಶಾಂತಿ ವೆಜಾಯೇದ. ⁴ .ಈ ಅಪನೆನ ಬಲ್ಮಛಜಕೋ ಅಬ್ಬೆರ್ ಮಾದೋ ಜಗೆಮಾತಿ ಚೊಡಾನುಕನ್ ಅಪನೆರ್ ಬಾಪ್ ದೇವೇರ್ ಖಾತ್ರೆರ್ ನ್ಯೆ ಅಪನೆರ್ ಪಪೇತಿ ಓನ ಮೋತೇನ್ ಹವಾಲ್ ಕೀದೋ . ⁵ .ದೇವೇನ್ ಜಗುಕಗುಮಾಯಿ ಸ್ತುತಿವೇದ. ಅಮೆನ್. ⁶ .ಕ್ರಿಸ್ತುರ್ ಕೃಪಾತಿ ತಮೇನ ಬಲಾಯೋಜೇನ ತಮ್ ಅತ್ರಾ ಜಲ್ದಿ ಚೊಡನ್ ದೂಸರ್ ಅಚ್ ಖಬರೆನ್ ಝುಲಲ್ಮ್ಮ್ಜೇತಿ ವಿಚಿತ್ತರ್ ಪ ಡ್ರೋಚು. ⁷ .ಉ ಅಚ್ ಖಬರ್ ಕೋನಿ, ಪನ್ ಧೋದರೆಕ್ ತಮಾರೇಮಾ ತೇಡಾನ್ ಲಾತೇ ಕ್ರಿಸ್ತುರ್ ಆಚ್ ಕಬರೆನ್ ಬದಲಾಯೇನ ಕೋಷಿಸ್ ಕರೆಚ. ⁸ .ವತೋ ಹಮ್ ಟೇಮ್ನ ಕೇಕೋ ಆಚ್ ಖಬರೆನ್ ವಿರುದ್ ಛಜೇನ ಹಮ್ ರೇದ ಸ್ವಗೆತಿ ಆಯೋಕೋ ದೇವೇರ್ ಸೋಜ ರೇದ್ ತಮೇನ ಕತ್ತೋ ಸರಾಪಿವೇದ. ⁹ .ತಮ್ ಮಾನಿದೆಕೋ ಅಚ್ ಖಬರೇನ ವಿರುದ್ ಛಜೇನ ಕೋನಿತೋಯಿ ಟೇಮ್ನ ಕತ್ತೋ ಉ ಸರಾಪಿವೇದ ಕನ್ ಹಮ್ ಅಗಡಿಯಾ ಕೇಜುಜ್ ಅಬ್ಬ ಮ ಪೇರ್ ಕೇರೋಚು. ¹⁰ .ಮ ಅಬ್ಬ ಕೆನ್ ವಸಾಲೆರೋಚು ಆದ್ಮಿನ್ ಕೋ ದೇವೇನ ಕೋ ಮ ಅಬ್ಬ ಕೇನ್ ಮನೆರೋಚು ಮ ಆದ್ಮಿನ ಮಾನ್ ವೇನ್ ದೇಕ್ರೋಚುಕಾ ಉಜ್ಜಿ ಆದ್ಮಿನ್ ಮಾನ್ ಕರೋತೋ ಮಾ ಕ್ರಿಸ್ತುರೋ ಬಾಂಯಾಕೋನಿ. ¹¹ ಭಾಂಯಿಯೋ , ಮ ಪ್ರಚಾರ ಕೀದೋಕೊ ಅಚ್ ಖಬರ್ ಅದ್ಮೀ ರ್ ಸಾಕಿಕೋನಿಕನ್ ತಮೇನ ಮಾಲಂ ಕರೋಚು. ¹² .ಮ ಓನ ಮಣಿಕ್ಯಾತಿ ಪಾಲೋಕೊನಿ. ಮನ್ನ ಕೋಯಿ ಉಪದೇಶ್ ಕೀದೆಕೋನಿ , ಯೇಸು ಕ್ರಿಸ್ತು ಓನ ಮನ್ನ ಪ್ರಕಾಟ್ ಕೀದೋ . ¹³ ಮ ಯೂದುಲೆರ್ ಜಾತೇಮಾ ರುಜನ್ನಾ ಮಾರ್ ಚಾಲ್ ಕಸ್ಸೆ ಕ್ ರ ಕನ್ ತಮ್ ಸಮಳ್ ಮೇಲೇಚೋ, ಅತ್ರಾಜ್ ಕೋನಿ ದೇವೇರ್ ಸಭಾನ ಘನು ಭಾವೆಟಿದೇನ್ ಹಾಳ್ ಕರೋತೋ . ¹⁴ .ಉಜ್ಜಿ ಮ ಮಾರ್ ವಾಡ್ ಬುಉದೆತಿ ಆಯೇಕೋ ಹೇವವೂಮಾ ಘಣೂ ಅಸಾತಿರೇನ್ ಮಖಾಸ್ ಜನ್ನೇ ಮ ಹೇವಾತಿ ಆಯೇಕೋನ್ ಸೇತಿ ಜಾದ ಪಾಲನ್ ಕರ್ತೋ ತೋ . ¹⁵ .ಪಾನ್ ಮ ಯಾಡಿರ್ ಪೇತೇಮಾ ರುಜನ್ನಾಜ್ ಮನ್ನ ಟಾಳನ್ ಓರೋ ಕೃಪಾತಿ ಬಲಾಯೋಕೋ ದೇವ್ . ¹⁶ .ಓರೋ ಬೇಟಾನ ಮ ಪರಲ್ ಜನ್ನೇ ಮಾ ಪೇಲಾದೇನೂಕ್ ನ್ ಓನ ಮಾರೆಮಾ ಪ್ರಕಟ್ ಕರೇಸಾರೂ ಅಸಾಕಿದೋಜನ್ನಾಜ್ ಮ ಆದ್ಮೀ ರ್ ಸೋಸೆನ್ ವಿಚಾರ ಕೀದೋಕೋನಿಜು, ¹⁷ .ಯೇರುಸಲೆಮೆನ ಮಾತಿನ ಅಂಗಜ್ ಅಪೋಸ್ತಲ ವೆಮೇಲೆ ಜಕೋ ರ್ ಕನ್ನ ಜಾ ಯೇನಿಜು ಅರಬ ಜಾಗೆನ ಜಾನ್ ಫೇರ್ ದಮಸುಕ್ಕನ್ ಆಯೋ . ¹⁸ .ಟಿನ್ ವರಸ್ ವೇರ್ ಪಚ್ಚ ಕ್ ಫಾತಿ ಕೇಫಾತಿ ದೋಸ್ತಿಕರ್ಲೆನುಕನ್ ಏರುಸಲೇಮೇ ನ ಜಾನ್ ಓರ್ ದಾಂಯಿ ಪಂದ್ರೆ ದಾಡ್ ರೇಗೋ . ¹⁹ .ಪ್ರಭುರ್ ಭಾಯಿ ಯಾಕೋಬೆರ್ ಸವಾ ಅಪೋಸ್ತಲೆಮಾ ದುಉಸರ್ ಕೇನಿ ಡಿಟ್ಟೋ ಕೋನಿ . ²⁰ .ಮ ತಮೇನ ಲಕ್ರೋಜಕೋ ಖಬರ್ ಲಬ್ಬಾರ್ ಕೋನಿಕೇನ ಇದೆಕ್ ದೇವಜ್ ಸಾಕ್ಯಾ. ²¹ .ಓರ್ ಪಚ್ಚ ನೆರಿಯ ಆನ್ ಕಿಲಿಕ್ಯಾ ಶೇರೇವೊನ ಗೋ. ²² .ಪಣ್ ಕ್ರಿಸ್ತುಮಾ ಛಕೋ ಯೂ ದಾಯಾರ್ ಸಭಾವೂನ್ ಮಾರೋ ವಲಕಾನಿ ರಕೋನಿ. ²³ .ಆಂಗ್ ಅಪ್ನೆನ ಭಾವೇಟಿ ಘಲೋಕೋ ಉ ಹಾಳ್ ಕರೋತೋಕೋ ವಿಶ್ವಸೇನ ಅಬ್ಬ ಪ್ರಚಾರ ಕರೋಛ. ²⁴ .ಕಜಕೋ ಖಬರೆನ ಓ ಸಾಮಳನ್ ಮಾರ್ ಕಾಣ್ ಸ್ತುತಿಕದೆ.