^{1 2 3 4} 1.ಸಭರ್ ಮೋಟೋ ನ್ ಮ ಸಾಸಪತ್ನೆತಿ ಪ್ರೇಮ ಕರೂ ಜಕೋ ಗಾಯುನ್ ಲಕ್ರೋಜಕೋ ಕಾಂಯಿಕತೋ 2.ಪ್ರೇಮೆ ರೋ, ತು ಆತ್ಹ್ಮಾಮಾ ಬದ್ಮಾ ಲೋಜು ಸೇ ಖಬರೆವುಮಾ ಬಡನ್ ಸೊಕ್ಕೆತಿ ರೆನೂಕನ್ ಅರಜ್ ಕರೂಚು . 3. ತು ಹಮೆಷಾ ಸತೆಮಾ ರೋಜು ಥೋಡಾಸೇಕ್ ಭಾಯಿ ಬಂದ್ ಆನ್ ತು ಸತೇರ್ ಕಾಣ್ ಭರೋಸೇತಿ ಭಿ ಕನ್ ಮನ್ ಕೇಜನಾ ಮ ಖುಷಿಪಾಯೋ. 4.ಮಾರ್ ಬೆಪ್ಪ ಸತೆಮಾ ಚಕನ್ ಸಾಮ್ ಳೋ ಜೇ ತಿನ್ ಮ ಜಾದಾ ಖುಷಿವೇರ್ ಕುಣಿಸಿ ಛೆ ನಿ . ^{5 6 7 8} 5.ಪ್ರೆಮೆರೋ, ಮಾಲಂ ಛೆನಿಜೆ ಭಾಯಿವೂನಿ ತು ಭಲಾಯಿ ಕರಜೆಮಾ ವಿಶ್ವಸ್ ಕರೆವಾಳೆನ ಮಾನೆವಾಳೆರ್ ನ್ಯೆ ಚಾಲೆಂಚಿ. 6. ಓ ಸಭರ್ ಆಂಗ್ ತಾರ್ ಪ್ರೇಮೆರವ್ಡಿ ಸಾಕ್ಯಾ ದಿನೇ ಉನೆನೆ ತು ದೇವೆರ್ ಸೆವಾ ಕರೆವಾಳೋನ್ ಛಾಜಜೂ ಮೆಳಸೋ ಆಚೋವಿಯೇ 7.ಕಸೆನಕತೋ ಓ ಕ್ರಿಸ್ತುರ್ ನಾಮೆನ ಫೆಲಾಯೇ ವಾಸ್ ನಿಕಳನ್ ಗೆಚ ಅನ್ ಪರಲ್ ಜನೂತಿ ಕಾಂಯಿ ಲೆವಾಳ್ ಕೋನಿ 8.ಜೇರ್ವಾಸ್ ಅಪನ್ ಸಾಸನೇನ್ ಮದತ್ ಕರೆವಾಳ್ ವೆನ್ ಅಸುನ್ ದಾಂಯಿ ಕರೆವಾಳೆನ್ ಛಾ. ^{9 10} 9.ಸಬಾನ ಥೋಡೆಸ್ಕ್ ವಾತೆವೋನ್ ಲಕೊತೋ ; ಪಣ್ ಸಬಾವಾಳುಮಾ ಮೆಟ್ಟೋ ವೇಣು ಕೇಲೋಕೋ ದಿಯೊತ್ರೆಫಾ ಹಮಾರ್ ವಾತೆನ ಮಾನೆನ್ನಿ. ಜೆರಾಕ್ಸ್ ಮ ಆವೋಜನಾ ಉ ಕರಜಕೋ ಕಾಮೆರ್ ಬಾರೆಮಾ ತ ಮೆನ ಸೇನ್ ಹರೆಲಾವುಂಚು. 10.ಉ ಬಡಾಯಿ ಕರೆವಾಲೋ ವೆ ನ್ ಹಮಾರ್ ಬಾರೆಮಾ ಮಂದ್ ಮಂದ್ ವಾತೆನಕರಚ ವಜ್ಜಿ ಓ ಭಾಯಿವುನ ಭೇಲೆಣು ಕೆವಾಳೆನಿ ಆಡೊಕರನ್ ಉನೆನ ಸಬಾಮಾತಿ ಭಾರಕ್ಕದೊಚ. ಪ್ರೆಮೆರೋತು ಬಲಾಮಚಲರ್ ನ್ಯೆ ಚಾಲಲೆನ ಚಾಲ್; ^{11 12} 11.ಆಚಿನ ಕರೆವಾಳೋ ದೇವೇತಿ ಹುಯೂಚ ಬಲಾನ ಕರೆವಾಳೋ ಡಿಟ್ಟೋಜಕೋ ಕೋನಿ 12.ದೆಮತ್ರಿಯಾ ಮಾನ್ ಲೆವೋಜಕೊನ್ ಸೇತಿ ಸಾಸ್ಪಣೆರ್ ಗವಾಯಿ ಲೆಮಲೋಚ . ಹಮನದಾ ಓರ್ ಖಬಾರೆಮಾ ಗವಾಯಿ ದೆವಾಳ್ವೆನ್ ಛಾ; ಹಮಾರ್ ಗವಾಯಿ ಸಾಸ್ಪಣೆರ್ ಕನ್ ತು ಮಾಲಂ ಕರ್ಮಲೋಚಿ. ^{13 14 15} 13.ತೊನ ಲಕ್ಕೆರೊ ಘಣೆ ಖಬರ್ ರ, ಪಣ್ ಮಾಸಿರ್ ಸಿಕಾತಿ ಲಕ್ಕೆನ ಮನ್ನ ಖಾತರ್ ಛೆನಿ. 14.ಜಲ್ದಿ ತೊನ ದೆಕುಚುಕೆರೋ ಭಾರೋಸೊ ಛ. ಜನಾ ಸಮನ್ಕ್ ವಾತೆಕರಾತೊನ ಶಾಂತ್ ರೇದ . ದೋಸ್ತಿಯೂ 15.ತೊನ ಕೊಸಳ್ ಕೆರೆಚ. ದೊಸ್ಥಿಯೂನ ನಾಮೆನ್ ಕೊಸಳ್ ಕ.