¹ 1.ಪ್ರೇವಾಳೋ ಇ ವಚನ್ ಅಪನೆನ ಛ =ಜೇತಿ ದೇವೇರ್ ಡಾಕೇತಿ ಪವಿತ್ತರೆಮಾ ಪೂರೋವೇನ ಜೇವ ಡಾಮಾನ್ ಆತ್ಮಾಮಾ ವೋಜಕೋ ಹಯರ್ಕ್ ದೋಧೆತಿ ಅಪನೆನ್ ಧೋಲ ^{2 3 4} 2.ತಮಾರ್ ದಕೆಮಾ ಹಮೆನ್ ಜಾಗ್ ದಕಾಲೋ ; ಹಂ ಕೇನಿ ಅನ್ಯಾಯ ಕಿದೇಕೋನಿ , ಕೇನಿನಾಶ್ ಕೀದೇಕೋನಿ , ಕೆನಿ ದೋಕೋ ನಿ. ತಮಾರ್ ಉಪರ್ ಕಸೂರ್ ಘಲೇನ್ ಮಹನೋ ಕೆರೋನಿಕ. 3.ಕಸೇನ್ಕತೋ ಮ ಎನ್ ಅಂಗಜ್ ಕೋಜು ತಮ್ ಹಮೆನ್ ಕತ್ರಾಯಿಕೋ ಪ್ರೇಮೇರ್ ಚೊ ಜೇರ್ವಾಸ್ ಹಂ ಬಂಚಾತೋಯಿ ಮರಾತೋಯಿ ತಮಾತಿ ಭಾಲಿನ್ ರಾಚ. 4.ಘನೋ ಹಿಮ್ಮತೆತಿ ತಮಾರ್ ಸಾತ್ ವಾತೇಕರುಚು; ತಮಾವರ್ಡಿ ಮ ಘನೋ ಮಾಟ್ಟನ್ ಕರಣ್ ಸಂಜಾವನಿನಿ ಭರಪುರ್ ಖುಷಿತಿ ಚು. ^{5 6 7} 5.ಹಮ್ ಮೇಕೆದೋನಿಯಾ ಮಲ್ಕೆನ್ ಆಯೆಜನಾ ಹಮಾರ್ ಜೀವ್ ಡಾನ್ ಕಾಂಯಿ ಆರಾಮ್ಛೆವಾರ್ಡಿ ಧಾಕ್ ಸದಾರ 6.ಅಟೋಯಿ ದಿಕ್ಕು ಛೆನಿಜೆನ್ ಸಂಜಾಯೇವಾಳೋದೇವ್ ತಿತು ಆಯೋಜೇತಿ ಹಮೆನ್ ಸಂಜಾವಣಿ ವೆಗೊ. 7.ಉ ಆಯೋಜೇತಿಜ್ ಕೋನಿಪನ್ ತ್ಮಾರ್ ಅಸಾನನ್ ತಮಾರ್ ಬಾದಾನನ್ ಮಾವರ್ಡಿ ತಮೆನ ಆಯೋಜಕೋ ಭಕ್ತಿರ್ ಅಸಕ್ತಿ ಉ ದೇಕನ್ ತಮಾತಿ ಪಾಯೋಜ ಕೋ ಸಂಜಾವನೇನ ಮಾಲಂಕೀದೋಜನಾಮ ಸದಾ ಹಿಮ್ಮತೇತಿ ಘನೋ ಖುಷಿವೇಗೋ. ^{8 9 10} 8.ಮ ಲಕೋಜಕೋ ಕಾಗದೇತಿ ತಮೆನ್ ಬಾದಾ ಕರಾಯೋತೋಯಿ ಉ ಕಾಗದ್ ತ್ದೊದ್ಸೆಕ್ ವಾಗತಾಜ್ ತಮೆನ್ ಬಾಡಾ ಕರಾಯೋಕನ್ ಮಾಲಂಕರನ್ ಮ ಡಾಡಾ ಕೀದೋಪನ್ ಅಬ್ಬಾಮ ಭಡಾಕರುನಿ . 9.ಪಣ್ ತಮೆನ್ ಬಾಡಾವೋಕನ್ ಮ ಖುಷಿನಕರು ತಮ್ ಬಾದಾಕರನ್ ದುಸಾರೋ ದಲ್ ಬಲೆವಾರ್ಡಿ ಖುಷಿಕರನ್ ದುಸಾರೋ ಕನ್ ಮಖುಶಿನಕರಜು ತಮ್ ಬಾದಾಕರನ್ ಡುಸರೋ ದಲ್ ಬದ್ಮಾಲೆವಾರ್ಡಿ ಖುಷಿಕರೋಚು . ತಮ್ ದೇವೆರ್ ಖಾತರೇರ್ ನ್ಯೆ ಬಾ ಡಾಕೀದೇಜನಾ ಹಮಾತಿ ಕಣ್ಣಿಮಾಯಿ ಖೇಲೆಕೋನಿ . 10.ದೇವೇ ರ್ ವಾಡಿರೋ ಬಡಾ ಪಚ್ಚ ದುಃಖ ಪಾಯೇನ ಜಾಗ ದೇನಿಜು ರಕ್ಷಾನೆರ್ ವಾಡಿರ್ ದಲ್ ಬದ್ಮಾವಾಣಿನ್ ಲಾವಚ , ಪಣ್ ದರತಿರ್ ಬಾದಾ ಮೋತನ್ ಲಾವಚ, ^{11 12} 11.ತಮ್ ದೇವೆರ್ ವಾಡಿ ಬಾದಾ ಕಿದೇಚೊ; ಉ ತಮೆಮಾ ಕತ್ರಾಯಿಕೋ ಜಟನೆನನ್ , ದೋಷ ಚುತೇನನ್ , ಕತ್ರಾಯಿಕೋ ನೇವ್ ಕರಜೇನನ್ ಕತ್ರಾಯಿ ಕೋ ಇಂಆರೇನನ್ ಕತ್ರಾಕೋ ದಕೆನನ್ ಕತ್ರಾಯಿಕೋ ಹಮ್ಸೇನನ್ ಕತ್ರಾಯಿಕೋ ಭಕ್ತಿರ್ ಆಸಕ್ತಿನನ್ ಕತ್ರಾಯಿಕೋ ಸಜಾನ್ ಪೆದಾಕಿಛ ಈ ಖಬರೆಮಾ ಸೇ ತಮ್ ತಮೆನ್ ಬಣಾದೊಷೆರ್ ಕನ್ ರುಜುವು ಕೀದೆಚೋ. 12.ತಮೆನ ಮ ಲಕ್ಕೋತೋ ಯಿ ಅನ್ಯಾಯಿ ಕಿದೋಜೇವರ್ಡಿಕೋ ಅನ್ಯಾಯಿ ಆಲೋದ್ಜೇರ್ ವಾಡಿಸದಾ ಕೋನಿ ಪಣ್ ದೇವೆರ್ ಅಂಗ್ ತ್ಮಾವಡಿ ಹಮಾರ್ ಧಾಕ್ ತಮೆನ ಮಾಲಂವೇನುಕನ್ ಹನುಳಕ್ಕೋ. ^{13 14} 13.ಜೆರ್ವಾಸ್ ಹಂ ಸಂಜಾಲೆಡ್ಚಾ . ಸೇತಿಜಾಡಾ ತಿತುರ್ ದಲ್ ತಮಾತಿ ಸಂಜಾಗಿಜೇತಿ ಓನ್ ವೋಜಕೋ ಅನಂದೇವಾರ್ಡಿ ಘನೋ ಖುಷಿಕೀದೇಚಾ. 14.ಕಸ್ಸೆನಕ ತೋ ಮ ಓರ್ ಮುಮ್ದಾಗ್ ತಮೆನ ಫುಲಾಯೋಜೇಮಾ ಲಜ್ಕ್ಕರೇರ್ ಆಯೋಕೋನಿ . ಹಂ ತಮೆನ ಕೆಜಕೋ ಸೇ ವಂತೆ ಕಿಮ್ ಸತ್ರೆರರಕೋ ಹನುಜ್ ಹಂ ತಿತುರ್ ಮುಂಡಾಗ ಕಿದೆಕೋ ಪುಉಲಾಯೇರ್ರ್ ವಾಟೆ ಸಾಸ್ಕೆನ್ ದಕಾಯೇ. ^{15 16} 15.ಉಜ್ಜಿ ತಮ್ ಸೇ ತೀತುರ್ ವಾಟ್ ಮಾನನ್ ಧಾಕೇತಿನ್ ದೊಜೆಮ ನ್ ಓನ್ ಮಾನಿದೆಜೇನ್ ಉಹದೆರ್ ಲಾವಜನಾ ಒರ ದಲ್ ತ್ಮಾರ್ ವಾಡಿ ಘನೋ ಪ್ರೇಮೇತಿ ಛ. 16.ಜೇತಿ ಸೋಲಿ ಖಬರೆಮಾಯಿ ತಮಾರ್ ಬಾರೆಮಾ ಮನ್ನಾ ಘಟ್ಟೋ ಹಿಮ್ಮತ್ ವೇಗೋಕನ್ ಖುಷಿಕರುಚು.