1 2 1.ಯೇಸುಕ್ರಿಸ್ತುರ ಅಪೋಸ್ತಲ್ ಪೇತ್ರು- ಪೊಂತು, ಗಲಾತಿಯೊ, ಕಪ್ಪದೋಕೀಯೋ, ಅಸಿಯ ಮಲ್ಕೆಮಾ ವಿಕ್ರಾರೆಜೇಮಾ, 2.ಬಾಪ್ದೇವ ಸೋಸ್ ಕೀದೋಜೇರ್ ನ್ಯೆ ಧಿರೇಜೇಮಾ, ಆತ್ಮಾತಿ ಪವಿತರ್ ವೆನ್ ಯೇಸು ಕ್ರಿಸ್ತುರ್ ವಾತ್ ಮಾನೇನನ್, ಓರ್ ಲೋಯಿತಿ ಛಣಕೆಣ 3 4 5 3.ಮಾಲ್ಮ್ವೆಜಕೋ ಪರದೇಶಿಯುನ ಲಕ್ರೋಜಕೋಕಾಮ್ಯಿ ಕತೋ ತಮೆನ ಕೃಪಾನ್ ಸಮಾಧಾನ್ ಬದಜಾಯೇದ. 4.ಯೇಸುಕ್ರಿಸ್ತು ಮೋತೇಮಾತಿ ಜಿವ್ಯಾಯೋಜೇತಿ ಹಾಳ್ವೇನಿಜಕೋನ್, ದೋಷ ಛೆನಿಜಕೋ ನ್ ಕಳಾಯೇನಿಜಕೋ ಹಾಂಸೇನ ಛಜೇನ ಜಿವೇರ್ ಭರೋಸೋ ಮಳ್ಜಾಯೇನ ಓರ್ ಮೋಟೋ ದಾಯಾತಿ ಅಪನೇನ ಪೇರ್ ಪೇಡಾಕಿದೋಚ. 5.ಆಕರಿರ್ ವತೇಮಾ ಡಕಾಯೇನ ತಯಾರ್ ಛಜಕೋ ರಕ್ಷಾಣಾವಾಸ್ ವಿಶ್ವಸ್ ಮೇತಿನ್ ದೇವೇರ್ ಜೋರೇತಿ ಜತ್ತನ್ ವೇಜ್ಕೋ ತಮಾವಾಸ್ ಉ ಹಂಸೋ ಸ್ವರ್ಗೆಮಾ ತಯಾರ್ ಛ. 6 7 6.ಎವರ್ಸ್ ತಮ್ ಘನೋ ಆನಂದ್ ಪಾರೆಚೋ ಫಣ್ ಬಾವೇಟಿ ಪಡೆರ್ ಜರುರ್ ಚಜೇತಿ ಅಬ್ಬ ಧೋದ್ಸೆಕ್ ದಾಡ್ ತರಾ ತರಾರ್ ವೇಲಾಮಾ ಡುಹಕ್ ಪಾರೆಚೋ. 7.ಹಾಳ್ ವಜಾಕೋ ಸೋನೋ ಅಂಗಾರೇತಿ ಪರಿಚೊ ವಚ್ಚ; ವೋತಿನಿ ಘನೋ ವೋಲೇರ್ ತಮಾರ್ ವಿಶ್ವಸ್ ಪರಚೊವೇನ್ ಯೇಸು ಕ್ರಿಸ್ತು ದಕಾವಜನಾ ತಮೆನ ಅಚ್ಹೋನಾಮನ್ ನಾಮನ್ ಘನತಾನ್ ಮಹಿಮಾ ವೇನ ಕಾರಣ್ ಛ. 8 9 10 8.ಓನ ತಮ್ ಡಿಟ್ಟೋಕೋನಿ ತೋಯಿ ಓ ನ ಪ್ರೇಮ್ ಕರಚೋ; ಅಬ್ ಓನ ಅಂಕೀತಿ ದೇಕೋನಿಸೋಯಿ ಒಅನ ವಿಶ್ವಸ್ ಕರಣ್ ಕೇಸಕ್ಕೆನಿಜಕೋ ಮಹಿಮಾರ್ ಅನಂದೆಮಾ ಭರಾನ್, 9.ತಮಾರ್ ವಿಶ್ವಸ್ ಮೇರ್ ಫಳ್ ಆತ್ಮಾರ್ ರಕ್ಷನಾನ ಪಾರೆಚೋ. 10.ತಮೇನ ಮಲೋಜ್ ಕೋ ಕೃಪಾರ್ ಬಾರೆಮಾ ಪ್ರವಚನಂ ಕೇಜಕೋ ಭಕ್ತಿದಾರ್ ಈ ರಕ್ಷಣಾನ ಜಟನೆತಿ ಪರಿಚೋಕರನ್ ಡಿಟ್ಟೋ. 11 12 11.ಉಂದೇಮಾ ರಾಜಕೋ ಕ್ರಿಸ್ತುರೊ ಆತ್ಮ ಕ್ರಿಸ್ತುನ ಅವಜಕೋ ಭಾವೇಟಿನನನ್, ಓಲರೆತಿ ಅವಜಕೋ ಮಹಿಮಾನ ಅಮ್ಗಜ್ ಮಾಲ್ಮ್ಕಿದೇಜನಾ ಅಸೋ ದಾಡೆನ ನಿಯ್ಮ್ಕಿದೊಚ ಕಜೇನ ಉ ದಾಪೆರ್ ಶ್ರಸ್ಟ ಕಾಯಿಛಕಜೇನಿ ಫೋಲನ್ ದಿಟ್ಟೋ. 12.ಉಂದೇವಾಸ್ ಕೋನಿ ಪಣ್ ಅಪನೇವಾಸಜ್ ಇಂದೇನ ಕೇಮ ಲಛಕನ್ ಉಂದೇನ ಮಾಲಂವೋ; ಸ್ವಗೇರ್ತಿ ಮೇಲಾಯೋಜ್ ಕೋ ಪವತರ್ ತಮೆನ ಅಚ್ ಖಬಸ್ರೇನ ಪ್ರಚಾರ ಕೀ ದೇಜೇತಿ ಇ ಅಬ್ಬ ಟಮೇನ ಮಾಲಂ ವೇರಿಛ; ಇಂದೇನ ನರಕನ್ ದೇಕೇನ್ ದೇವೇರ್ ಸೋಜಾಯ ಛ. 13 14 13.ಜೇತಿ ತಮ್ ತಮಾರ್ ಮಣ್ಣೇರ್ ಕಡೆನ ಭಾಂದೇನ್ ಕಲಾ ಲೇರ್ ಗೇನೆತಿರೇನ್ ಯೇಸು ಕ್ರಿಸ್ತು ಡಾಕವಜನಾ ತಮೆನ ದಜಕೋ ಕೃಪಾಪರ್ ಪೋರೋ ಭರೋಸೇತಿ ರೋ. 14.ಅಂಗ ತಮೆನ ಕಾಲೇನಿಜನಾ ರಾಜಕೋ ಮಂದ್ ಅಸಾರ್ ನ್ಯೆ ಅಬ್ಬೆಪ್ ರ್ ಚಾಲೇನಿಜು ವಾಟ್ ಮಾನಜಕೋ ಬೆಪ್ಪಾರ್ ನ್ಯೆ ರೇನ್ ; ಛಲನಿಮಾ ಸೇ ಪವಿತರೆತಿ ರೋ. 15 16 17 15. ತಮೇನ ಬಲಾಯೋ ಜಕೋ ಪವಿತರ್ ಛಜು ತಮ್ ತ್ಮಾರ್ ಚಾಳ್ ಚಲಣಿಮಾ ಸೇ ಪವಿಟರೇತಿ ರೋ. 16.ಉಜ್ಜಿ ಓರ್ ಓರ್ ಕಾಮೇವಾರ್ಡಿ ಕಸ್ದೋ ಛೆನಿಜು ನೇವ್ ಕರೆವಾಳೋ ಬಾಪೆನ ತಮ್ ಅರಜ್ ಕರೋಜೇತಿ ಅತ್ತ ಪರದೇಶಿ ನ್ಯೆ ರಜತ್ರಾ ಧಡ್ ಧಾಕೆತಿ ಚಾಲ್ ಜಾವೋ. 17.ತಮಾರ್ ವಡಬೂದೇತಿ ಪೇನಾರ್ ದಾದೆರ್ ಹೇವಾರ ನ್ಯೆ ತಮ್ ಚಾಲೇಜ್ ಕೋ ಟಾಲ್ ಹೇವಾ ಹಾಳ್ವೆರ್ ಚಿಜ್ ರೂಪೇತಿಕೋ ಸೋನೆತಿಕೋ ತಮ್ ರಕ್ವಾಲಿ ವೇಕೋನಿಪ್ ಣ್; 18 19 18.ದೋಷ್ ಕೋ ಖೇಡ್ ಕೋ ಛನಿಜಕೋ ಗೋಲಿರ್ ಪಿಲ್ಮಾ ಕ್ರಿಸ್ತುರ್ ಮೋಲೇರ್ ಳೋಯಿತಿ ರಕ್ವಲಿವೆಕ್ ನ್ ಮಾಲಂ ಕಮೇಲೆಚೊ. 19.ಉ ಧಾರತಿ ಪೇದಾವಿಕೋನಿಜೇರಂಗಜ್ ನಿಯಂವೇನ್ ಓತಿ ದೇವೇಪರ್ ವಿಶ್ವಸೇಮ್ತಿ ಛಜ್ ಕೋ ತಮಾವಾಸ್ ಈ ಅಕರಿರ್ ದಾಡೂಮಾ ಡಕಾಯೋಛ. 20 21 20.ತಮಾರ್ ವಿಶ್ವಸಮನ್ ಭರೋಸ ದೇಪರ್ ರೇನ ಓನ ಮೋತೇಮಾತಿ ವತಾದನ್ ಓನ ಮಹಿಮಾನ ದಿನೋಛ. 21.ಜೇತಿ ತಮ್ ಬಣಾ ಕಪತೆರ್ ಭಾಯಿ ರ್ ಪ್ರೇಮೇರ್ ನ್ಯೆರೇರ್ ನ್ಯೆರೇನ ಸತ್ತೆನ ನವನ್ ತಮೆನ ಪವಿಟರ್ ಕರಲೆದೇಜೇತಿ ಶುದ್ದ್ ಡೇಲ್ತಿ ಎಕ್ಕ್ನ ಏಕ್ ಪೋರೋದಲ್ಲೇತಿ ಪ್ರೇಮ್ ಕರೋ 22 23 22.ತಮ್ ಹಲವೆರ್ ಬಿಜಾತಿ ಕೋನಿನ್ ಜಗುಜಗಾಮಾಯಿ ಧಾಮ್ಮನ್ ಜೀವರೋಜಕೋನ್ ದೇವೇರ್ ವಾತ್ ಹಾಳ್ ವೇನಿಜ್ ಕೋ ಬಿಜಾತಿ ಪೇರ್ ಪೇಡಾವೇಗೇ ಚೊ. 23.ಜಿವಡಾ ಸೇರ್ ಖದೇರ್ ನ್ಯೆನ್ ಉಂದೇರ್ ಮಹಿಮಾಸೇಖದೇರ್ ಪೋಲೇರ್ ನ್ಯೆಛ; ಖದ್ ಸುಖಾನ್ ಓರ್ ಪೋಲ್ಝುಡಛ. 24 25 24.ಫಣ್ ದೇವೇರ್ ವಾಟ್ ಹಮೆಶಾ ರಚ್ಚ ತಮೆನ ಆಚೆ ಖಬರೇರ್ ನ್ಯೆ ಪ್ರಕಟ್ ವೇರಿಜಕೋ ವಾಟ್ ಈಜ್. 25ಆದರೆ ಕರ್ತನ ಮಾತೋ ಸದಾಕಾಲವೂ ಇರುವುದು.>> ಆ ಮಾತು ಯಾವುದೆಂದರೆ ನಿಮಗೆ ಸಾರಲ್ಪಟ್ಟ ಸುವಾರ್ತಾವಾಕ್ಯವೇ