1 ಕ್ರಿಸ್ತುಯೇಸುನೊ ದಾಸಹುಯಿರಾತೆ ಪೌಲ ತಿಮೊಥೆಯ ಫಿಲಿಪ್ಪಿಮಾ ಕ್ರಿಸ್ತುಯೇಸು ಭಣ್ತಾ ದೇವ್ನಾ ಅದ್ಮಿ ಹುಯಿರಾತೆ ಅಖ್ಹಾವ್ನಾ ಇವ್ಣಾಮ ಸ್ಛಾತಿ ಸಭಾಅಧ್ಯಕ್ಷನಬಿ ಸಭಾಸೇವಕ್ನಾಬಿ ಷಾತ್ ಲಿಖ್ಖೂಕರೂಸ್ ಕತೊ 2 ಅಪ್ಣೋ ಪಿತಾಹುಯಿರೋತೆ ದೇವ್‍ಥಿಬಿ ಖ್ಹೊದಾ ಯೇಸು ಕ್ರಿಸ್ತುಥಿ ತುಮ್ನಾ ಖ್ಹರ್ಸೋಬಿ ಶಾಂತ್ ಹುವಾದೆ ಪೌಲನೆ ಫಿಲಿಪ್ಪಿ ಸಭೆವಾಳನಕಾಜೆ ದೇವ್ನಾ ಕರ್ಯೊತೆ ಕೃತಜ್ಞಾತ ಸ್ತುತಿನಿ ಪ್ರಾರ್ಥನೆ 3 ಮೆ ತುಮಾರಕಾಜೆ ದೇವ್‍ಕನ ಅರಸ್ಝ್ ಮಾಂಗಾನಿ ವಖ್ಹತ್ಮಾ 4 ಖ್ಹುಚಿಥೀಸ್ ಅರಸ್ಝ್ ಮಾಂಗವಾಳೊ ಹುಯಿರೋಸ್ ಮೆ ತುಮ್ನಾ ಖ್ಹಯಾಲ್ ಕರ್ಲೇವನಿವಖ್ಹತ್ಮಾ 5 ತುಮೆ ಆಗಳ್‍ಥಾ ಹಂಕೇಲಗೂಬಿ ಅಚ್ಛಿಖ್ಹಬರ್ನಾ ಬೋಲಾನಿವಖ್ಹ್‍ತ್ ಸ್ಝೂಡ್ ಹುಯಿರಾಃಸ್ ಮಾರ ದೇವ್ನಾ ಕೃತಜ್ಞತಾಸ್ತುತಿ ಕರೂಸ್ ಮೆ 6 ಆ ಅಸ್ಛಾ ಕಾಮ್ನ ತುಮಾರಮ ಶುರುಕರ್ಯೋತೆ ಇನಾ ಖ್ಹಯಾಲ್ ಕರ್ಲಿನ್ ಯೇಸುಕ್ರಿಸ್ತು ಆವಾನ ದನ್‍ಲಗೂ ತಯಾರ್ ಕರಿಷ್‍ಕರಿ ಮನಾ ಭರಾಖ್ಹೊ ಸ್ಛಾ 7 ಮಾರಿ ಬಾರೇಮಾ ಅಲ್‍ಖಣ್ಣಿ ಖ್ಹಯಾಲ್ ಸ್ಛಾತೆ ಅಶೆಲ್‍ಸ್ಛಾ; ಮೆ ಬಂದಿಹುಯಿರೋತೋಬಿ ಅಚ್ಚೀ ಖಬರ್ನಿ ವಿಚಾರ್ಮಾ ಸ್ಝಬಾಬ್ ಬೋಲಿನ್ ತಯಾರ್ ಕರ್ಯೊತೋಬಿ ತುಮೆಖ್ಹರಾ ಮಾರಿ ಸ್ಝೋಡೆ ಖ್ಹರ್ನಾಮಾ ವಾಟೊ ಹುಯಿರಾಸ್ಕರಿ ತುಮ್ನಾ ಮಾರ ದಿಲ್ಮಾ ರಾಖಿರಾಖ್ಯೋಸ್ 8 ಕ್ರಿಸ್ತುಯೇಸುನ ಸ್ಛಾತೆ ಗೋರ್‍ಥಿ ತುಮಾರ ಅಖ್ಖಾನ ಕಾಜೆ ಕೆತ್ರೇಕಿ ಲಾಡ್ ಕರೂಸ್ ಅನಾ ದೇವಸ್ ಸಾಕ್ಷಿ 9 ಮೆ ದೇವ್ನಾ ಪ್ರಾರ್ಥನೆ ಕರೀನ್ 10 ರಿ ಪ್ರೇಮ್ ಸ್ಝಾಖ್ಹತ್ ಸ್ಝಾಖ್ಹತ್ ಹೊತುಹುಯಿನ್ ಪೂರ ಅಕ್ಕಾಲ್‍ಥಿ ಹುಯಿನ್ ಪಶೆನ್ನೂ ಕಾಂ ಕೆಹೂಕರಿ ತುಮೆ ದೇಖಾವಳ ಹುಯಿರಾಃನುಕರಿ ಕ್ರಿಸ್ತು ಆವಾನ ದನ್ಮಾ ತುಮೆ ಅಶೆಲ್‍ನಿ ತರಬಿ 11 ಅ ಮ್ಹೆಲಿದೆವಳಹುಯಿನ್ ಯೇಸುಕ್ರಿಸ್ತು ಭಣ್ತಾ ನಿಯ್ಯಾತ್ನಾ ಫಲ್‍ಥಿ ಭರಾಯಿರವಾಲ ಹುಯಿನ್ ನಸ್ಝ್‍ರಾಯಿನ್ ದೇವ್ನಾ ಘಣತೆನಿ ಸ್ತೋತ್ರನಾ ಲೀಆವ್ನೂಕರಿ ಬೋಲುಕರೂಸ್ ಪೌಲ ರೋಮಪುರಮ ಬಂಧಿಹುಯಿರೋತೆದೆ ಇನಿ ಗತಿನಾಬಿ ಆಖ್ಹ್‍ನಾ ಬೋಲ್ಯೊತೆ 12 ಭಯ್ಯಿಬಂದೊ, ಮನಾ ಸಂಭಂದ್ ಹುಯಿರೂಃತೆ ಅಚ್ಚಿಖಬರ್ನಾ ಬೋಲಾನ ಮದತ್ ಹುಯೂಕರಿ ತುಮೆ ಮಾಲುಂಕರ್ನೂಕರಿ ಆಖ್ಹ್‍ಕರೂಸ್ 13 ಕಿಮ್‍ಕತೊ ಮಾರಿ ಬೇಡಿಖ್ಹರಿ ಕ್ರಿಸ್ತುಭಣ್ತೂಸ್ ಕರಿ ಅರಮನೆ ರಹ್ಯಾತೆ ಪಹರಾವಾಳ ಅಖ್ಖಾವ್ನಾಬಿ ಬಚಿರಹ್ಯಾತೆವ್ನಾಬಿ ಕಾಮ್ನಾ ಆಯೂ 14 ಯೊ ಕಾಹೇತೆ ಭಂಯೆ ಬದ್ಮಾ ಘಣೂಸ್ಝಾಣಾ ಮಾರಿ ಬೇಡಿಥೀಸ್ ಖ್ಹೊದಾಮ ಭರಾಖ್ಹವಳ ಹುಯಿನ್ ದೇವ್ನಿ ವಾಖ್ಯಾನ ಡರ್‍ಕೊಯ್ನೀತೆ ಬೋಲಾನ ಅಸ್ಝೂಬಿ ಕೆತ್ರೇಕಿ ಹಿಮ್ಮಾತ್‍ವಾಳ ಹುಯಿರಾಃಸ್ 15 ಡ ಸ್ಝಣಾ ಪೇಟ್‍ಬಾಳಲೀನ್ ಬಳಾಪೊ ಪೈಧಾಕರ್ನೂಕರಿ ಖ್ಹಯಾಲ್‍ಕರ್ಲಿನ್ ಅಜ್ಹು ಅಲಾದ ಅಸ್ಛಾ ಮನ್‍ಥಿ ಕ್ರಿಸ್ತು ಭಣ್ತೂ ಬೋಲಿವೊತಾಳಸ್ 16 ತೋಬಿ ಮೆ ಅಚ್ಚಿಖಬರ್ನಿ ವಿಚಾರ್ಮಾ ಜಬಾಬ್ ಬೋಲಾನ ಕಾಜೆ ಅಸ್ಝ್‍ಗಾ ಪಡ್ಯೋಸ್ಕರಿ ಮಾಲುಂಕರ್ಲಿನ್ ಪ್ರೇಮ್‍ಥಿ ಬೋಲಿವೊತಾಳಸ್ 17 ಅಲಾದಿರಖ್ಹಮ್ನಾ ತೋಬಿ ಮೆ ಬಂದಿಮಾ ಪಡಿರಹ್ಯೋತೊಬಿ ಮನಾ ಲತಾಡ ದೇನುಕರಿ ಖ್ಹಯಾಲ್‍ಕರ್ಲಿನ್ ಕ್ರಿಸ್ತುನಾ ಬರಾಬರ್‍ಥಿ ಬೋಲಾನ ಮ್ಹೆಲಿದೀನ್ ಖರಾಬ್ ಖ್ಹಯಾಲ್‍ಥಿ ಬೋಲಿವೊತಾಳಸ್ ಕಿಮ್‍ರಹ್ಯೂತೊ ಷಾತ್? 18 ಕೆ ಲಪಟ್ಮಾಬಿ ದಾವೊರಖ್‍ಲೀನ್‍ಬಿ ರಹೈಸ್ಝವೊ ಸತ್ಯಥಿ ರಹೈಸ್ಝವೊ ಕ್ರಿಸ್ತು ಭಣ್ತಾ ಬೋಲಿವತಾಳುಕರಸ್; ಅನ ಮೆ ಖ್ಹುಚಿಪಡೂಸ್ 19 ಷೇಕತೊ ಮನಾ ಹುಯಿರೂತೆ ತುಮೆ ದೇವ್ನಾ ಕರಾತೆ ಅರಸ್ಝ್‍ಥಿಬಿ ಕ್ರಿಸ್ತು ಅರಾಮ್‍ಥಿ ದಯಾಕರಾತೆ ಆತ್ಮನಿ ಮದತ್‍ಥಿಬಿ ಮಾರ ಅಸ್ಛಾನಟೇಕೆ ಅಶೆಲ್ ಹುಷೇಕರಿ ಮನಾ ಮಾಲುಂ 20 ಕಿಮ್‍ಕತೊ ಮೆ ಕಿವ್ಹಿಬಿ ವಿಚಾರ್ಮಾ ರಹೈಸ್ಝವೊ ಷರ್ಮಾವ್ನೂನಾತೆ ಹರಸ್ಝಸಸನಿತರ ಹಂಕೆಬಿ ಘಣೂ ಹಿಮ್ಮಾತ್ ಸ್ಛೂಇನಾವಾಖ್ಹ್‍ತೆ ಜಿವ್ಯೊತೊಬಿ ಅಶೆಲಾಸ್ ಮರ್ಯೊತೋ ಅಶೇಲಾಸ್ ಮಾರ ಶರೀರ್‍ಭಣ್ತೂ ಕ್ರಿಸ್ತುನಾ ಮಹಿಮೆ ಹೋಣುಕರಿ ಮನಾ ಘಣಿ ಆಖ್ಹ್‍ಸ್ಛಾ; ಇಮ್ಮಾಸ್ ಹುಷೆಕರಿ ಭರಾಃಖ್ಹೊ ಸ್ಛಾ 21 ಮನಾತೋಬಿ ಜಿವಾನು ಕತೊ ಕ್ರಿಸ್ತುಸ್, ಮರ್ವಾನು ಫಾಯಿದೋಸ್. 22 ಶರೀರ್ಮಾಸ್ ಜಿವ್ನೂಕತೊ ಜಿವ್ಣೂಕರಿನ್ ಫಲ್ ಲೆವಾನ ಮನಾ ಅಶೇಲ್‍ಹುಷೆ ಅಮ್‍ರಹೈನ್ ಮೆ ಕೆವೂ ಸ್ಛೂಣಿಲೇನೂಕಿ ಮನಾ ಕೊ ನಸ್ಝ್‍ರಾವನಿ 23 ಆ ಬೆಹೇನಾ ಬೀಚ್ಮಾ ಅಟೀರೋಃಸ್; ಅಸ್ಝ್‍ಗಾಥೊ ನಿಕ್ಳೀಸ್ಝಯ್ಯಿನ್ ಕ್ರಿಸ್ತುನಿ ಸ್ಝೋಡೆ ರಃನೂಕರಿಸ್, ಮಾರಿ ಮೋಟಿ ಆಖ್ಹ್ ಯೊ ಪಶೆನ್‍ಥಿಬಿ ಘಣೂ ಪಶೆನ್ 24 ಕತೊ ಮೆ ಅಸ್ಝೂಬಿ ಶರೀಮಾ ಜೀವಂಕರೂಸ್ಕತಿ ತುಮಾರಕಾಜೆಸ್ ಹೋಣೂತೆ. 25 ಕಾಜೆ ತುಮನಾ ಕ್ರಿಸ್ತುನೊ ಭರಾಖ್ಹೋಮಾ ಮೊಟುಹುವಾನುಬಿ ಆನಂದ್‍ಬಿ ಹುವಾನಕಾಜೆ ಮೆ ಜಾನ್‍ಥಿ ಬಚೀನ್ ತುಮಾರ ಅಖ್ಖಾಕನ ರಹೈಷ್‍ಕರಿ ಘಟ್ ಮಾನಿರಾಖ್ಯೋಸ್ 26 ಅಮ್ ಮೆ ಫರೀನ್ ತುಮಾರಕನ ಆಯೋತೊ ತುಮೆ ಕ್ರಿಸ್ತು ಯೇಸುನಿ ವಿಚಾರ್ಮಾ ಖ್ಹುಚಿಹುವಾನ ಮಾರೇಥಿ ಸ್ಝಾದಾಕಾರಣ್‍ಹುಷೆ ಕ್ರೈಸ್ತರ್ ಅಚ್ಚಿಖಬರ್ನಾ ಅಸ್ಛಾಹುಯಿನ್ ಸ್ಛಾಲ್ಲೇನುಕರಿ ವಾತೆ 27 ತೋಬಿ ಕ್ರಿಸ್ತುನಿ ಅಚ್ಚಿಖ್ಹಬರ್ನಾ ಅಸ್ಛಾಹುಯಿನ್ ಸ್ಛಾಲಿಲೆವೊ ತೆದೆ ಮೆ ಆವಿನ್ ತುಮ್ನಾ ದೇಖ್ಯೋತೋಬಿ ಬರಬರ್ಸ್, ದೂರ್ ರಹೈಣ್ ತುಮಾರಿ ಬಾರೇಮ ಖ್ಹಂಜ್ಯೊತೋಬಿ ಬರಬರ್ಸ್, ತುಮೆ ತುಮಾರ ವಿರೋಃದೀವ್ನಾ ಕೆವ್ಹಿ ವಿಚಾರ್ಮಾ ರಹೈಸ್ಝವೊ ನಾ ಡರ್ನೂತೆ ಎಕ್ಕಾಸ್ ಆತ್ಮಾ ಘಟ್ ಉಭಿರಹೈನ್ ಅಚ್ಛಿಖಬರ್ಮಾ ರಾಖ್ಯಾತೆ ಭರಾಃಖ್ಹೊನ ಕಾಜೆ ಎಕ್ಟಾಹುಯಿನ್ ಲಡಾಯ್ಯಿಕರಾವಳಾ ಹುಯಿರಾಃಸ್ಕರಿ ಮೆ ಮಾಲುಂ ಕರ್ಲಿಷ್ 28 ತು ಅಮ್ ರಃವಾಣು ವೈರಿವ್ನಾ ನಾಶ್‍ನಾಬಿ ತುಮಾರಿ ಬಸ್ಛಾಣ್‍ನಾಬಿ ದೇವ್‍ಥಿ ಹುಯೂತೆ ಖ್ಹೊಂಗಾತ್ ಹುಯಿರೂಃಸ್ 29 ಕತೊ ಕ್ರಿಸ್ತುನಪರ್ ಭರಾಃಖ್ಹೊರಾಖನೂ ಕ್ರಿಸ್ತುನಾಕಾಜೆ ಲತಾಡ ಖ್ಹಮಾಳನೂ ತುಮ್ನಾ ದೆವಾಯಿರಃಯೂಸ್. 30 ತುಮೆ ಮಾರಮ ದೇಖ್ಯಾತೆ ಅಸ್ಝೂ ಹಂಕೆ ಮಾರಮ ಸ್ಛಾಕರಿ ಖ್ಹಂಸ್ಝಾತೆ ಯೋಸ್ ಲಡಾಯ್ಯಿ ತುಮ್ನಾಬಿ ಸ್ಛಾ