1 ಪ್ರೇಮ್ ರವಾದೆವೊ 2 ಷಾಣಾವ್ನೀ ಸ್ಛಾಕ್ರೀ ಕರ್ವಾನು ಭಯ್ಯಿಕ್ಷೂ ನಕೊ; ಇನ ಕರ್ವಾನ ಥೊಡಸ್ಝಣ ದೇವ್ನಾ ಮಾಲಾಕ್ನಾ ಸ್ಛಾಕ್ರೀಕರಿರಾಖ್ಯಾಸ್. 3 ಬಂಧೀಮಾ ರಹೈತೆ ಇಣ್ಣೀ ಸ್ಝೋಡೆ ತುಮೆಬಿ ಸ್ಝೋಡ್ಮಾನ ಭಂದಿಹಯ್ಯಿರಾಸ್ಕರಿ ಖ್ಹಯಾಲ್ ನ್ ಇವ್ಣಾಭಣ್ತಾ ಕ್ಹಯಾಲ್ ಕರ್ಲೇವೊ ತುಮ್ನಾಬಿ ಅನ್ಯಾಯ್ ಆಯೂ ಕರಿ ಮಾಲುಂ ಕರ್ಲಿನ್ ಅನ್ಯಾಯ್ ಹುಯಿರೂತೆ ಇವ್ಣಾ ಭಣ್ತಾ ಖ್ಹಯಾಲ್ ಕರೊ 4 ವ್ಯಾಂಹಾ ಕರ್ಲೆವಾನು ಅಶೆಲ್‍ಕರಿ ಅಖ್ಖೂಸ್ಝಣೂ ಖ್ಹಯಾಲ್‍ಕರ್ನೂ; ಭಾವಣ್ ಬಾವ್ರೀನಿ ಸಂಭಂದ್ ಖೋಟಿ ಬರಾಬ್ ಕೊಯ್ಯೀಸ್ತೇ ರಃನೂ. ಪರ್ಮೆಶ್ವರ್ ಛಿನಾಲಿಯೆಂನಬಿ ವ್ಯಬಿಚಾರಿವ್ನಾಬಿ ನ್ಯಾವ್‍ಕರ್ಷೆಕರಿ ಮಾಲುಂ ಕರ್ಲೆವೊ 5 ಆಖ್ಹ್‍ನಾರನೂತೆ ಇಮ್ ರವೊ; ತುಮ್ನಾ ಸಛಾತೆ ಬಷ್‍ಕರೀನ್ ರಹೋಃ ಮೆ ತುನಾ ಕೆದೇ ಹಾತ್ ಕೋಂಹೆಲೀಷಿ. ಕೆದೇಬಿ ಕೊ ಧಕ್‍ಲೀಕ್ನೀ ಕರಿ ದೇವ್ನೇಸ್ ಬೋಲಿರಾಖ್ಯೋಸ್ 6 ವಾಖ್ಹ್‍ತೆ ಪರ್ಮೇಶ್ವರ್ ಮಾರಿ ಮದತ್ ಕರಾವಳೊ, ಡರೀಷ್ ಕೊಯ್ನೀ ಮನ್‍ಖ್ಯೂ ಮನಾ ಷಾತ್ ಕರ್ಷೆ? ಕರಿ ಅಪ್ಣೆ ಹಿಮ್ಮಾತ್‍ಥಿ ಬೋಲ್ಷೂ. ತುಮ್ನಾ ದೇವ್ನೀ ವಾಖ್ಯ ಮಾಲುಂಕರಾಯತೆ ತುಮಾರ ಸಭಾನಾಯಕರ್ನಾ ಖ್ಹಯಾಲ್‍ಕರ್ಲೆವೊ; 7 ವ್ಹಿ ಲಪಟ್ಮಾ ಸ್ಛಾಲೀನ್ ಜಾನ್ ಮ್ಹೆಲ್ಯಾಕಿ ಖ್ಹಾಯಾಲ್ ಕರ್ಲೆವೊ; ಇವ್ಣಿ ಭರಾಖ್ಹೋಮಾ ಸ್ಛಾಲೂ. ಕ್ರಿಸ್ತು ಕಾಳ್‍ರಹ್ಯೊ ಇಮ್ಮಾಸ್ 8 ಆಸ್ಝ್‍ಬಿ ಸ್ಛಾ, ಹಮೇಷಬಿ ಇಮ್ಮಾಸ್ ರಾಃಸ್ 9 ಅಲ್ಲಾಕ್ ಬೋಧನೆನಾ ಕಬಜಾಮಾ ನಕೊಖ್ಹಪಡ್ಷೂ ದೇವ್ನೀ ಖ್ಹರ್ದಾನಾ ಲೀಲಿನ್ ಮನ್‍ನಾ ಘಟ್‍ಕರ್ಲೆವನು ಅಶೆಲ್; ಖಾಣಾನ ರಾಸ್ಛಾವ್ನಾ ಬಿವಾನಾ ಕೊಹುವಾನಿ ಖಾಣಾನ ರಾಸ್ಛಾವ್ನಾ ಮಾನಿನ್ ಸ್ಛಾಲಾವಳು ಷಾತ್‍ಸ್ ಷಾಯ್ದೊಕೊಲಿಧಾನಿ 10 ಏಕ್ ಯಜ್ಞಾವೇಧಿ ಸ್ಛಾ ಆ ಯಜ್ಞಾವೇಧೀನಿ ರಾಸ್ಛಾವ್ನಾ ಖವಾನಕಾಜೆ ಯೆಹೂದ್ಯರ್ನಾ ಡೇರಾಮ ಸೇವೆ ಕರಾವಳನ ಹಕ್ ಕೊಯ್ನೀ 11 ಯಾಜಕ್ ದೋಷ್‍ಫಿಟಾನು ಢಾಂಡಾವ್ನೂ ಧಡ್‍ಖ್ಹರೂ ಡೇರಾನು ಪಾಳಿನ್ ಬಹಾರ್ ಬಳಾಯ್ಯಿಸ್ಝಾಸ್ನೀ. 12 ನೀನಿತರಸ್ ಯೇಸುಬಿ ಬಾಚ ಇನೂ ಲೊಹ್ಹಿಥಿ ಇನಾ ಅದ್ಮೀವ್ನಾ ಪವಿತರ್ ಕರ್ವಾನಕಾಜೆ ಖ್ಹಯೇರ್ನಾ ಬಹಾರ್ ಮರ್ಯೋ. 13 ವಾಖ್ಹ್‍ತೆ ಅಪ್ಣೆ ಇನೇಥಿ ಹುವಾತೆ ದಾವೋನ ಖ್ಹಮಾಳಿವಾಳಹುಯ್ಯಿನ್ ಪಾಳಿನ ಬಹಾರ್ ಇನಾಕನ ನಿಕ್ಳೀಸ್ಝಂಯೇ 14 ಧರ್ನಿಪರ್ ಹಮೇಶನು ಖ್ಹಯೇರ್ ಅಪ್ಣಾ ಕೊಯ್ನೀ; ಅನಾಪರ್ ಹೋಯ್ತೇ ಖ್ಹಯೇರ್ನಾಕಾಜಿ ಢೂಡಾನ ಕಾಮ್ ಛಿಂಯೆ 15 ಖ್ಹ್‍ತೆ ಇನಾ ಭಣ್ತೂಸ್ ದೇವ್ನಾ ಸ್ತೋತ್ರ ಯಜ್ಞನಾ ನಾಹೆಲ್ನೂತೆ ಸಮರ್ಪಣ್ ಕರಿಂಯೆ ಯೊ ಪರ್ಮೆಶ್ವರ್‍ಕರಿ ಮ್ಹೊಡೇಥಿ ಬೋಲಾಮಸ್ ಅಪ್ಣೆ ಸ್ಛಡಾವನು ಯಜ್ಞಹುಯಿರೂಸ್ 16 ಹೇತೆ ಅಲಾದನ ಮದತ್ ಕರ್ವಾನುಬಿ ಧರಮ್‍ಕರ್ವಾನು ಭಯ್ಯೀಕ್ಷೈನಕೊ ಸ್ ದೇವ್ನಾ ಸ್ಛಢಾಂಯೇತೆ ಯಜ್ಞಖ್ಹರೂ 17 ತುಮಾರ ಸಭೆನೊ ಷಾಣಾಬಿ ವಾತೇನ ಖ್ಹಂಸ್ಝೋ ಇವ್ಣಾ ಕಬ್ಜಾಮಾ ರವೊ ಇವ್ಣೆ ಇಷಾಬ್ ದೆವಾಳಹುಯಿನ್ ತುಮಾರ ಆತ್ಮನಖ್ಹರೂ ಕಾಮ್‍ಕರಾವಳ ಹುಯಿರಾಸ್ ಇವ್ಣೆ ನರಾಸ್ಝ್ ನಾಹೋಣುತೆ ಖುಚಿಥಿ ಅನಾ ಕರ್ವಾನಕಾಜೆ ದೇಕ್ಹೊ; ಇವ್ಣೆ ನರಾಸ್ಝ್‍ಥಿ ರವಾನು ತುಮ್ನಾ ಫಾಯ್ದೊ ನಿಘೋಣಿ ಕಾಹೇ ಆಖ್ಹ್‍ರೀ ವಾತೆ 18 ರಕಾಜೆ ಪ್ರಾರ್ಥನೆ ಕರೊ. ಹಮೆ ಅಖ್ಖೀ ವಿಚಾರ್ಮಾ ಅಸ್ಛಾಹುಯಿನ್ ಸಛಾಲಿಲೇನುಕರಿ ಆಖ್ಹ್‍ಕರಾವಳ ಹುಯಿನ್ ಹಮಾರ ಮನ್‍ಥಿ ಅಚ್ಛಿ ಸಆಖ್ಷಿ ಲಿಷುಕರಿ ತಿರ್ಮಾನ್ ಕರೀರಾಖ್ಯಾಸ್. 19 ರಕಾಜೆ ಪ್ರಾರ್ಥನೆ ಕರ್ನೂಕರಿ ತುಮ್ನಾ ಘಣೂ ವಿಶೇಷ್‍ಥಿ ಬೋಲಿಲೆಂವಕರೂಸ್ ಷೇಕತೊ ತುಮಾರಿ ಪ್ರಾರ್ಥನೆಭಣ್ತೂ ಮೆ ಘಣು ಸ್ಝಲ್ದೀಸ್ ತುಮಾರಕನ ಫರೀನ್ ಆಯೋ 20 ಕರಾರ್ ಖ್ಹಣಾದ್ ಕರ್ವಾನವಾಖ್ಹ್‍ತೆ ಇನಾಲೊಹ್ಹೀನಾ ರೇಡಿನ್ ಸಭೆಕರಿ ಮೆಂಢಾನೊ ಗೊಲ್ಯೊಹುಯಿರೋತೆ ಅಪ್ಣೊ ಪರ್ಮೇಶ್ವರರ ಯೇಸುನ ಮರ್ಯಾಹುಯಾಮಥೊ ಉಠಾಡ್ತೋತೆ ಶಾಂತಿನೊ ದೇವ್. 21 ಇನಿ ಮರ್ಜಿನಾ ಪೂರಕರಾನಿ ಘೋಣಿ ಹರ್‍ಯೇಕ್ ಅಸ್ಛಾನ ಹೋಣೂತೆ ಅರಾಮ್ನಾ ತುಮ್ನಾ ದೆವಾದೆ ದೇವ್ ಯೇಸುಕ್ರಿಸ್ತು ಭಣ್ತೊ ಇನಾ ಸಮರ್ಪಣ್‍ಹುಯಿರೂತೆ ಇನಾ ಅಪ್ಣಾಮಾ ಸಛಲಾವದೆ. ಸ್ಝಗ್‍ಸ್ಝಗ್ಮಾಬಿ ಇನಾ ಸ್ತೋತ್ರ ಆಮೇನ್ 22 ಬಂದೊ, ಆ ಹೊಷಾರ್ನಿವಾತೆನ ಖ್ಹಮಾಳಿಲೇನುಕರಿ ತುಮ್ನಾ ಬೋಲಿಲೆಂಕರೂಸ್; ತುಮ್ನಾ ಮಾಲುಂಹಿವಾನಿತರ ಲಿಖ್ಖೀರಾಖ್ಯೋಸ್ 23 ಭಯ್ಯಿಹುಯಿರೋತೆ ತಿಮೊಥೆಯನ ಸ್ಛುಟ್ಟಿಹುಯ್ಯಿಕರಿ ತುಮ್ನಾ ಮಾಲುಂರವಾದೆ. ಯೊ ಎಗ್ಗೀ ಆಯೋತೊ ಮೆ ಇನಿ ಸೋಡೆ ಆವಿನ್ ತುಮ್ನಾ ದೇಖೀಷ್ 24 ತು ಸಭನೊ ಷಾಣಾವ್ನಾ ದೇವ್ನಾಅಸ್ಮೀಅಖ್ಖಾವ್ನಾ ಖ್ಹಲಾಮ ಬೋ ಲೊ ಇತಾಲ್ಯ ದೇಖ್‍ಥೂ ಆಯಾ ಹುಯಾಬಿ ತುಮ್ನಾ ಖ್ಹಲುಂ ಕರೂಕರಾಸ್ 25 ತುಮಾರ ಅಖ್ಕಾವ್ನಾಸ್ಜೋಡೆ ರಃವಾದೆ.