1

1 ದೇವ್ನೀ ಮರ್ಜಿನಿಲಪಟ್ ಕ್ರಿಸ್ತು ಯೇಸುನೊ ಅಪೋಸ್ತಲ ಹುಯಿರೋತೆ ಪೌಲ ಎಫೆಸಮಸ್ಛಾತೆ ದೇವ್ನಾ ಅದ್ಮಿನಾನಬಿ ಕ್ರಿಸ್ತು ಯೇಸುಮಾ ಭರಾಖ್ಹೋಮ ಸ್ಛಾತಿ ಅಖ್ಖಾವ್ನಾ ಷಾತ್ ಲಿಖ್ಖೂಕರೂಸ್ಕತೊ 2 ಪ್ಣೊ ಬಾ ಹುಯಿರೋತೆ ದೇವ್‍ಥಿಬಿ ಖ್ಹೋದಾ ಯೇಸು ಕ್ರಿಸ್ತುಥೀಬಿ ತುಮ್ನಾ ಖ್ಹರ್ನೊಬಿ ಶಾಂತಿ ಹುವಾದೆ ದೇವ್ನೇ ಕ್ರಿಸ್ತುಮಾ ದಿಧೋತೆ ಆತ್ಮಾನಿ ವರನಕಾಜೆ ಪೌಲನೆ ಕರ್ಯೊತೆ ಸ್ತೋತ್ರ 3 ಅಪ್ಣೋ ಖ್ಹೊದಾ ಯೇಸು ಕ್ರಿಸ್ತುನೊ ದೇವ್ ಬಾಹುಯಿರೋತೆ ಇನಾ ಸ್ತೋತ್ರ ದೇವ್ ಪರಲೋಕಮಾ ಸ್ಛಾತೆ ಕೆತ್ರೀಕಿ ಆತ್ಮಾನಿ ವರನ ಅಪ್ಣಾ ಕ್ರಿಸ್ತು ಯೇಸುಮಾ ದೀರಾಖ್ಯೋಸ್ 4 ಕಿಮ್ ಕತೊ ಅಪ್ಣೆ ಪ್ರೇಮ್ ಮಾ ಸ್ಛಾಲೀನ್ ಇನಿ ಸನ್ನಿಧಿಮಾ ಪರಿಶುದ್ಧಾಖ್ಹರಾ ಗಲತ್ ಕೋಯ್ನೀತೆಖ್ಹರಾ ಹುಯಿರಾನುಕರಿ ಅಪ್ಣಾ ಜಗತ್ ಉಚ್ ಸ್ಛಾನ ಆಗಳ್ ಕ್ರಿಸತುಮಾ ಸ್ಝೂಣಿರಾಖ್ಯೋಸ್ 5 ದೇವ್ ಇನೊ ಖ್ಹರ್ನಾನಾ ಉಪ್ಪಾರ್ ಲ್ಯಾವ್ನೂಕರಿ ಅಪ್ಣಾ ಯೇಸು ಕ್ರಿಸ್ತುನ ಭಣ್ತೋ ಇನಾ ಛಿಯ್ಯಾಕರಿ ಕರ್ಲೇವಾನಕಾಜೆ ದಯಾ ಪೂರಾಹುವಾನ ಇನಿ ಮರ್ಜಿನಿ ಘೋಣಿ 6 ಅಗಾಡಿಸ್ ಖ್ಹೂಸ್ಝ್‍ಕರಿರಾಖ್ಯೋತೊ, ಯೊ ಖ್ಹರ್ನೊ ದಾನ್ ಇನೊ ಪ್ರೇಮ್ನೋ ಛಿಯ್ಯಾ ಭಣ್ತೋ ಅಪ್ಣಾ ಮಳ್ಯೂ 7 ಕ್ರಿಸ್ತು ಅಪ್ಣಾ ಕಾಜೆ ಇನಾ ಲೊಹ್ಹೀನಾ ಸ್ಛೂವಾಡ್ತಾಲಿ ಅಪ್ಣೊ ಅಪರಾಧ್ ಪರಿಹಾರ್ ಹುಯಿನ್ ಅಪ್ಣಾ ಸ್ಚುಟ್ಕಾರೊಹುಯೊ. ಆ ದೇವ್ನೋ ಖ್ಹರ್ನೊ 8 ಕಾಠೆಹುಯಿರೂತೆ ರಹಸೈ ಇನಿ ಖ್ಹೂಸ್ಝ್‍ನಾ ಅಪ್ಣಾ ಮಾಲುಂಕರಾವನ ಭಣ್ತೂ ವಿಶೆಷ ಹುಯಿರೀತೆ ದಿಮೇಕ್‍ನಾ ಅಕ್‍ಲ್‍ನಾ ದೀನ್ ಯೊ ಖ್ಹರ್ನಾನಾ ಅಜ್ಹೂ ಸ್ಝಾಖ್ಹತ್ ವೊತಾಳಿರಾಖ್ಯೊಸ್ 9 ದೇವ್‍ನೆ ವೇಳ್ ಪರಿಪೂರಣ್ ಹುವಾದಿನ್ ಕರಾನುಸ್ಛಾತೆ ಏಕ್ ಖ್ಹರ್ನಾನಿ ಖ್ಹೂಸ್ಝ್‍ನಾ ಇನೆ ಕ್ರಿಸ್ತುಮ ಪೈಹ್ಲೇಸ್ ಖ್ಹಣಾದ್ ಕರಿರಾಖ್ಯೋತೊ 10 ಯೊ ಷಾತ್‍ಕತೊ ಧರ್ತಿ ಪರಲೋಕ್ಮಾ ಸ್ಛಾತೆ ಹರ್‍ಯೇಕ್ನಾ ಕ್ರಿಸ್ತುಮಾ ಏಕ್ ಕರ್ನೂಕರಿ ಕ್ರಿಸ್ತುಮಾಸ್ ಹರ್‍ಯೇಕ್‍ಬಿ ಏಕ್ಟೂಹುಷೆತೆ 11 ಯೊ ಕಾಹೇತೆ ಕ್ರಿಸ್ತುಮಾ ಅಪ್ಣೆ ದೇವ್ನಾ ಅರಾಮ್ನಾ ಪ್ರಜೆಹುಯಿರಾಸ್. ಆವಾನು ಸ್ಛಾತೆ ಕ್ರಿಸ್ತುನಾ ಸ್ಝಪಿ ದೆ ಕರಿಯೆಂತೆ ಅಪ್ಣೆ 12 ಇನಿ ಮಹಿಮೆನಾ ವತಾಳ್ನೂಕರಿ ಹರ್‍ಯೇಕ್ ಕಾಂನಾ ಇನಿ ಮರ್ಜಿನಿತರ ಸ್ಛಲಾವಳೊ ದೇವ್ ಇನಿ ಖ್ಹೂಸ್ಝ್‍ನಿ ಲಪಟ್ಮಾ ಅಪ್ಣಾ ಆದಿಮಾಸ್ ಸ್ಛೂಣಿರಾಖ್ಯೊಸ್. 13 ತುಮಾರಿ ರಕ್ಣೆನಿ ವಿಚಾರ್ ಹುಯಿರೀತೆ ಅಚ್ಚಿಖಬರ್ನಿ ಸತ್ಯವಾಖ್ಯಾನಾ ಖ್ಹಂಜೀನ್ ಕ್ರಿಸ್ತುಮಾ ಭರಾಖ್ಹೊರಾವಾಳ ಹುಯಿರಾತೆ ತುಮೆಬಿ ವಾಗ್ದಾನ್ ಕರಾಯಿರಾಃತೆ ಪರಿತ್ರಾತ್ಮ ಕರಿ ಮುದ್ರೆನಾ ಲೀರಾಖ್ಯಾಸ್. 14 ದೇವ್ನೆ ಕಮಾಯಿರಾಖ್ಯೊತೆ ಅದ್ಮಿನಾ ಸಛುಟ್ಕಾರೊ ಮಳ್ಷೇಕರಿ ಇನಾವಾಖ್ಹ್‍ತೆ ಪವಿತ್ರಾತ್ಮನೆ ಅಪ್ಣಾ ಸುಮ್ಮಾನ ಸ್ಛಲಾವವಾಳೊ ಹುಯಿರೋಃಸ್. ಯೊ ಸ್ಛುಟ್ಕಾರೊ ದೇವ್ನಿ ಮಹಿಮೆನ ಕೆತ್ರೇಕಿ ನಸ್ಝ್‍ರಾವನಕಾಜೆ ಹುವಾಸ್ ದೇವ್ನಾ ಅದ್ಮೀವ್ನಿ ಮೋಟಿ ಹಕ್‍ಸಿ ವಿಚಾರ್ಮಾ ದೇವ್ ಸಭೆವಾಳನ ಸ್ಝಾಖ್ಹತ್ ಅಕ್ಕಲ್ ದೇನುಕರಿ ಪೌಲನೆ ಕಯೋತೆ ಪ್ರಾರ್ಥನೆ 15 ಅಮ್ ರಹೈತೆ ಖ್ಹೊದಾ ಯೇಸುಮಾ ತುಮೆ ರಾಖಿರಾಕ್ಯಾತೆ ಭರಾಖ್ಹೊನಿ ಬಾರೇಮಾ ದೇವ್ನಾ ಅದ್ಮೀವ್ನಾ ಖ್ಹಾರಾವ್ನಾ ತುಮೆ ವೊತಾಳತೆ ಪ್ರಮ್ನಾ ಮೆ ಖ್ಹಂಜೀನ್ ತುಮೆ ಭಣ್ತೋ ಹಮೇಶ ದೇವ್ನಾ ಸ್ತೋತ್ರ ಕರೂಸ್ 16 ಮಾರಿ ಪ್ರಾರ್ಥನೆಮಾ ತುಮಾರಕಾಜೆ ಅರಸ್ಝ್‍ಮಾಂಗಿನ್- 17 ಅಪ್ಣೋ ಖ್ಹೊದಾ ಯೇಸು ಕ್ರಿಸ್ತುನೊ ದೇವ್ ಪ್ರಭಾವನಿ ಸ್ವರೂಪ್ ಹುಯಿರೋತೆ ಪಿತಾ ಹುಯಿರೋತೆ ಇನಿಬಾರೇಮ ಖ್ಹೂಸ್ಝ್‍ನಾ ದೀನ್ ಹಂಕೆಲಗೂ ಲಪಿರಹೈತೆ ಸತ್ಯಾನಿ ಅಥ್‍ನಾ ಮಾಲುಂ ಕರ್ವಾನಿ ದಿಮಾಖ್ನೋ ಆತ್ಮನಾ ತುಮ್ನಾ ದೇನೂಕರಿ ಪ್ರಾರ್ಥನೆ ಕರೂಸ್. 18 ಖ್ಹೊದಾನೆ ತುಮಾರೊ ಮನ್‍ನೊನೇಣ್‍ನಾ ಉಖ್‍ಡೀನ್ ಇನಾಭಣ್ತೂ ಪುಕರಾಯಿ ಹುಯಾ ಆಖ್ಹ್‍ಕರೂಕರಾತೆ ಪದವಿ ಕೆಲ್‍ಖಣ್ಣೀಕರಿ ದೇವ್ನಾ ಅದ್ಮಿಕರಿ ಇನಿ ರಾಜ್ಯನಿ ಮಹಿಮೆ ಕೆಲ್‍ಖಣ್ಣಿಕರಿ ಮಾನವಾಳ ಛಿಂಯೇತೆ ಅಪ್ಣಾಮ 19 ಪಮೇಶ್ವರ್ ಜೀತ್‍ಷೇತೆ ತಾಖತ್ ಕೆತ್ರೆ ಮಹಿಮೆನು ಹುಯಿರೂಸ್ಕರಿ ತುಮೆ ಮಾಲುಂ ಕರಕಾಜೆ ದೆವಾದೆ 20 ಇನಿ ತಾಖತ್ ಕೆತ್ರೆ ಮೋಟಿಕರಿ ಕ್ರಿಸುಮಾ ನಸ್ಜ್‍ರಾಯಿರಹೈಸ್ ಕಿಮ್‍ಕತೊ ಇನೆ ಮರಿಗಯೋತೆ ಕ್ರಿಸ್ತುನಾ ಬಸ್ಛಾಡಿನ್ 21 ಪರಲೋಕ್ ರಾಜ್ಯಾಮಾ ಹರ್‍ಯೇಕ್ ರಾಜ್ನೀ ಹಕ್‍ನಾ ತಾಖತ್, ಪ್ರಭುತ್ವಾನ ಉಪ್ಪರ್ ಜಗತ್ಮಾಸ್ ಕಾಹೇತೆ ಆವ್ಷೇತೆ ಜಗತ್ಮಾಬಿ ನಾಂ ಲೀರಾಖ್ಯಾತೆ ಇವ್ಣಾಪರ್‍ಬಿ ಇನಾ ಖವಾಹಾತ್ಭಣಿ ಬೆಖ್ಹಾಡಿ ಲಿಧೊ. 22 ಖ್ಹೊದಾ ಪರ್ಮೇಶ್ವರ್ನೆ ಹರ್ ಯೇಕ್ನಾ ಕ್ರಿಸ್ತುನಾ ಪಗ್‍ನಾ ಹೇಟ್‍ನಾಖ್ಯೊ. ಯೊ ಕಾಹೇತೆ ಕ್ರಿಸ್ತುನಾ ಖ್ಖಾನಪರ್ ಹಕ್‍ದೀನ್ ಸಭೆನಾ ಶಿರ್‍ಕರಿ ಮ್ಹೊಲ್ಯೊ 23 ಸಭೆ ಕ್ರಿಸ್ತುನು ಶರೀರ್ ಹುಯಿರೂಸ್; ಅಕ್ಖೂಸ್ನಾ ಅಖ್ಖಿ ಸಂಬಂಧಮಾ ಫೈಲಾವಳೊ ದೇವ್‍ಥಿ ಯೊ ಬರೋಬರ್ ಹುಯಿರಹ್ಯೂಸ್