^{1 2} 1:-ತರುವಾಯಮೂ ನೂತನಾಕಾಶ ಮ೦ಡಲವನೀ ನೋತನಭೂಮ೦ಡಲ್ನೀ ಸೂಸೀ . ಮೊದಲಿಚ ಆಕಾಶಮ೦ಡಲ್ಮೂ ಮೊದಲಿಚ ಭೂಮ೦ಡಲ್ಮೂ ಲೇಕುಡ ಪಾಯಾ .ಇಕು ಸಮೂದ್ರಮೂ ಲೇದು . 2:-ಇದೀಕಕುಡ ಪರಿಶ್ದುದ ಪಟ್ಟಣಮ್ ಮೈನಾ ಕೊತ ಯೆರಸಲೇಮ್ ಪರಲೋಕ ಮೀಚ ದೇವುಡು ಒಳೀಯೀಚ ದಿಗೀ ವಾಚದನೀ ಸೂಸೀ ; ಅದೀ ತಾನ್ ಮೊಗುಡುಗ್ಕೊಸರಮೂ ಅಲ೦ಕ್ರತಮೂ ಮೈನಾದೀ ಮದಲಗಿತ್ತಿಳಕ್ಕ ಶೃ೦ಗರಮೂಆಯಾ . ^{3 4} 3:-ಇದೀಕಕೂಡ ಸಿ೦ಹಾಸನಮೂ ಒಳ್ಗ ವಾಚ್ಚಿ ಮಹಾ ಶಬ್ಬಮೂ ನಾಕ್ಕಿ ಇಮ್ಬ್ಡೆ ಅದೀ - ಇಗೋ ದೇವುಡು ನಿವಾಸಮೂ ಮನುಷ್ಯಲಾ ಉ೦ಡೆ ; ಆತನೀ ವಾಳ್ಜೋತ್ಹ್ಲ ವಾಸಮು ಸೇಸ್ತಾಳು , ವಾಳ್ ಆತಡುಕ್ಕಿ ಪ್ರಜೆಲೈಉ೦ಟಲು ; ದೇವುಡು ತಾನೇ ವಾಳ್ ಜೋತ್ಹ್ಲ ಉ೦ಟಡು , 4:-ವಾಳ್ ಕಣ್ಣೀರುನೀ ಒರಸುತಾಡು . ಇಕು ಮರಣಮೂ ಲೇದು , ಇಕು ದುಃಖಮೈನೀ ಗೋಳಾಟಮೂ ಕಾನೀ ಕಷ್ಟಮೂ ಕಾನೀ ಉ೦ಡಟ್ಲೇದು ; ಮೊದಲುಉ೦ಡ್ಡ್ದೀ ಲೇಕುಡ ಪಯಾ ಅನೀ ಸೋಪ್ಪಿ . ^{5 6} 5:-ಅಪುಡು ಸಿ೦ಹಾಸನಮೂ ಮೀದ ಕೂಚ್ಕುಉ೦ಡುಡು - ಇಗೋ ಎಲ್ಲವಾ ಕೋತೀದೀ ಸೇಸ್ತ ಅನೀ . ಮಳೀ ಒ೦ಕಡು ನಾಕೀ - ದಿನೀ ರಾಯೀ ; ಈ ಮಟ್ಲನೀ ನ೦ಬತಕ್ಕಮೈನಾ ಸತ್ಯಮೂ ಆಯಾನವೀ ಅನೀ ಸೋಪ್ಪಿ . 6:-ಅಪುಡು ಸಿ೦ಹಾಸನಮೂ ಮೀದ ಕುಚ್ಕಉ೦ಡುಡು - ಎಲ್ಲಮೂ ನೆರವೆರ್ದೀ ನಾನೆ ಆಧಿಮು ಅಂತ್ಯಂ ಪ್ರಾರ೦ಭಮೂ ಸಮಾಪ್ತೀಮೂ ಆನಾಡು ದಾಹಮುವ್ನ್ದೊಕಿ ಜೀವಾಜಲಂಲಾ ಬುಗ್ಗೆನಿಂಚ ಕ್ರಯಮೂ ಲೇನಾಟ್ಕ್ಕ ಕುಡುಚಕ ಯೀಸ್ತಾನು. ^{7 8} 7:-ಜಯಮೂ ಹೋದದಕ್ಕಿ ಇವುತ್ಲಿಕಿ ಬಾಧ್ಯಮೂ ಐತಡು ; ನಾಕ್ಕಿ ವಾಡಿಕ್ಕಿ ದೇವುಡು ಐನಾನು, ವಾಡ್ ನಾಕ್ಕಿ ಕೂಡ್ಕ್ಕು ಐನಾಡು . 8:-ಐನಟೇ ಹೇಡಿಲು , ನ೦ಬಿಕೆಲೆಕುಡ , ಅಸಹ್ಯಮೂದ್ನಟಲಾ ಸೇರಿಕೋ ಉ೦ಡುಲ್ , ಕೊಲೆಗಾರಲು , ಜಾರಲು , ಮಾಟಗಾರಲು , ವೀಗ್ರಹಾರಾಧಕಲು , ಆನೀ ಸುಳ್ಳುಗಾರಲು ವುಲ್ಕ್ಕಿ ಸಿಕ್ಕ ಪಾಲು ಆಗ್ಗಿ ಗ೦ಧಕಲು ಉರಿಚಟ ಕಾವ್ಲಯೇ ; ಅದೀ ರೋಡು ಮರಣಮೂ ಅನೀ ನಾಕ್ಕಿ ಸೂಪ್ಪಿ . ^{9 10} 9:-ಕಡೇ ಯುಡು ಉಪದ್ರವಲುಲಿಚ್ಚ ನಿಡೀ ಯುಡು ಪಾತ್ರೆಲು ಪುಟಕ್ನೀವುಡ ಯೂಡು ಮ೦ದಿ ದೇವದೂತಲು ಒಕ್ಕಡು ವಾಚ್ಚಿ ನಾ ತೋಡು ಮಟ್ಲಡ್ತ - ರಾ ಯಜ್ಞದ ಕುರಿಯಾತುಡು ಪೆಡ್ಲಮ್ ಅಯದಕ್ಕಿ ಮದಲಗಿತ್ತಿನೀ ನೀಕ್ಕಿ ಸೂಬಿಸ್ತ ಅನೀ ಸೋಪ್ಪಿ . 10:-ದೇವುಡು ಆತ್ಮವಶಮೈ ನಾನೀ ಎತ್ತರಮೂಮೈನಾ ಪೇದೀದೀ ಬೆಟ್ಟಕ್ಕಿ ಎತ್ಕನೀ ಪಾಯೀ ಯೆರೂಸಲೇಮ್ಕ್ಕಿ ಪರಿಶುದ್ಧಮೂ ಪಟ್ಟಣಮ್ ದೇವುಡು ತೇಜಸ್ಮೈನಾ ಪರಲೋಕ ಲೋಕ್ಕಿ ದೇವುಡು ತೂಟ್ ಯೀಚ ದಿಗೀ ವಾಚದ್ನೀ ನಾಕ್ಕಿ ಸೂಬಿಚ್ಚಿ . ^{11 12 13} 11:-ಪಟ್ಟಣಮ್ ಪ್ರಕಾಶಮೂ ಅಮೂಲ್ಯ ರತ್ಯಕ್ಕಿ ಪ್ರಕಾಶಕ್ಕಿ ಸಮಾನಮೂ ಅಯೀದೀ , ಥಳಥಳಚ್ಚಿವು ವಜ್ರಮೂ ಅನೀ ಕಮಡೀಚ್ಚಿ . 12:-ಆ ಪಟ್ಟಣಕ್ಕಿ ಎತ್ತರಮೂ ಐನಾ ಪೇದೀದೀ ಪ್ರಾಕಾರಮೂ ಉ೦ಡೆ ; ದಾಕ್ಕಿ ಪಾನ್ನೆಡು ಹೆಬ್ಬಾಗಿಲು ಉ೦ಡೆ ; ಆ ವಾಗ್ಲಿ ತೋಡು ಪಾನ್ನೆಡು ಮ೦ದಿ ದೇವದೂತಲು ಉ೦ಡಲೀ ; ಅವುಟ್ಲಕ್ಕಿ ಮೀದ ಇಸ್ರಾಯೇಲು ಪಾನ್ನೆಡು ಕುಲಕ್ಕಿ ಪೇರುಲು ಉ೦ಡೆ . 13:-ಪೂರ್ವಮೂ ದಿಕ್ಕಕಿ ಮೂಡ್ ವಾಗ್ಲಿಲು , ಉತ್ತರದಿಕ್ಕಿಕಿ ಮೂಡ್ ವಾಗ್ಲಿಲು , ದಕ್ಷಿಣದಿಕ್ಕಿ ಮೂಡ್ ವಾಗ್ಲಿಲು , ಪಶ್ಚಿಮದಿಕ್ಕಿಕಿ ಮೂಡ್ ವಾಗ್ಲಿ ಉ೦ಡೆ . ^{14 15} 14:-ಪಟ್ಟಣಮ್ ಪ್ರಾಕಾರಕ್ಕಿ ಪಾನ್ನೆಡು ಅಸ್ತಿವಾರಮೂ ಉ೦ಡೆ ; ಅವುಟ್ಲಕ್ಕಿ ಮೀದ ಯಜ್ಞದ ಕುರೀಯಾತುಡು ಪಾನ್ನೆಡು ಮ೦ದಿಲು ಅಪೋಸ್ತಲ್ ಪೇರು ಉ೦ಡೆ. 15:-ನಾ ತೋಡು ಮಟ್ಲನೀ ಅಡತಾವುಡುಡು ಆ ಪಟ್ಟಣಮ್ನೀ ದಾನ್ ವಾಗ್ಲಿಲ ದಾನ್ ಪ್ರಾಕಾರಮೂ ಅಳತೆ ಸೇಸ್ದಕ್ಕಿ ವಾಡ್ ಸೇತ್ಲಾ ಚಿನ್ನಮೂ ಅಳತೆ ಕೋಲ್ನೀ ಪುಟಕ್ನೀ ಉ೦ಡೆ . ^{16 17} 16:-ಪಟ್ಟಣಮೂ ಚಚ್ಚಾಟು ಆಯೀಡೆ ; ದಾನಟಲಾ ಉದ್ದಮೂ ದಾನ್ ಅಗಲಮೂ ಅಷ್ಟು ಉ೦ಡದೀ .ವಾಡ್ ಆ ಪಟ್ಟಣಮೂನೀ ಕೋಲಿಯೀಚ್ಚ ಅಳತೆಸೇಸ್ಸೇ ; ಅಳತೆಯೂ ಪಾನ್ನೆಡು ನೂರು ಮೈಲಿ ಆಯಾ . ದಾನ್ ಉದ್ದಮೂ ಅಗಲಮೂ ಎತ್ತರಮೂ ಸಮಮೈ ಉ೦ಡೆ . 17:-ದಾನ್ ಪ್ರಾಕಾರಮೂ ಅಳತೆ ಸೇಸ್ಸೇ ; ಅದೀ ನೂರ ನಾಲ್ಪಯೀ ನಾಲ್ಕೂ ಮೊಳಮಯ ; ಈ ಲೆಕ್ಕಕ್ಕಿ ಮನುಷ್ಯಡು ಮೊಳ ಆಟೇ ದೇವದೂತಡು ಮೊಳ . ^{18 19 20} 18:-ಆ ಪ್ರಾಕಾರಮೂ ಸೂರ್ಯಕಾ೦ತಶಿಲೆಯೀಚ ಕಟ್ಟಲ್ಪಡೆ . ಪಟ್ಟಣಮೂ ಶುದ್ಧ ಗಾಜಿನೀಚ್ಚ ಸೋಸಿನಾ ಬ೦ಗಾರಮೂ . 19:-ಪಟ್ಟಣಮೂ ಪ್ರಾಕಾರಮೂ ಅಸ್ತಿವಾರಲು ಸಕಲ ವಿಧಮೈನಾ ರತ್ನಮ್ಯಿಚ್ಚ ಅಲ೦ಕೃತ ಮೈಉ೦ಡೆ . ಮೊದಲ್ಲು ಅಸ್ತಿವರಮೂ ವಜ್ರಮೂ , ರೋಡ್ನೆದೀ ವ್ಯೆಡೂರ್ಯಮೂ , ಮೂಡನೆದೀ ಪಚ್ಚೆ ,ನಾಲ್ಕೂನೇದೀ ಪದ್ಮರಾಗಮೂ , 20:-ಐದನೇದೀ ಗೋಮೇದಕ , ರಾರ್ನೆದೀ ಮಾಣಿಕ್ಯಮೂ ಏಳನೇದೀ ಪೀತರತ್ನಮೂ , ಎ೦ಟನೇದೀ ಬೇರುಲ್ಲಮೂ , ಒ೦ಭತ್ತನೇದೀ ಪುಷ್ಯರಾಗಮೂ , ಪದ್ದನೆದೀ ಗರುಡಪಚ್ಚೆ , ಹನ್ನೊ೦ದನೇದೀ ಇ೦ದ್ರನೀಲ , ಪಾನ್ನೆಡುನೇದೀ ನೀಲಸ್ಪಟಿಕ. ^{21 22} 21:-ಪಾನ್ನೆಡು ಹೆಬ್ಬಾಗಿಲೊ ಪಾನ್ನೆಡು ಮುತ್ತುಲೈಉ೦ಡೆ ; ಒ೦ಕಟೀ ವಾಗ್ಲಿ ಒ೦ಕಟೀ ಮುಟ್ಟಿಲಹಟ್ಕಾ ಸೇಸುಡೆ . ಪಟ್ಟನಮೂ ಬೀದಿಯೂ ಸ್ವಚ್ಚಮೈ ಗಾಜಿನಟ್ಕ್ಕ ಸೋಸಿನಾ ಬ೦ಗರಮೂ ಆಯೀಡೆ . 22:-ಪಟ್ಟನಮೂಲಾ ನಾಕೀ ದೇವಾಲಯಮೂನೀ ಕಾಮಡೀಲೇ ಎದುಗುಅ೦ಟೆ ಸರ್ವಶಕ್ತಡು ಅಯೀನಾ ದೇವುಡು ಐನಾ ಕರ್ತಡು ಐನಾ ಯಜ್ಞದ ಕುರಿಯಾತುಡು ದಾನ್ ದೇವಾಲಯಮೂ ಐನಾಲೂ . ^{23 24 25} 23:-ಪಟ್ಟಣಕ್ಕಿ ಏಳಕುನೀ ಯೀಚದಕ್ಕಿ ಸೂರ್ಯಡು ಐನಾ ಚ೦ದ್ರಡು ಐನಾ ಉ೦ದೂ .ದಕ್ಕಿ ದೇವುಡು ಪ್ರಭಾವಮೂ ಯೇಳಕು ಇಚ್ಚೆ ; ಯಜ್ಞದ ಕುರಿಯಾತುಡು ದಾನ್ ದೀಪಮೂ . 24:-ದಾನ್ ಯೇಳಕು ನೀಚ ಸರ್ವಜ೦ನಾಗಲು ಸ೦ಚಾರಮೂ ಸೇಸ್ತಳು ; ಭೂರಾಜಲು ವಾಳ್ ವೈಭವಕ್ಕಿ ಅನ್ಕ್ ಎತ್ತಕನೀ ವಸ್ತವುಡ್ಲೀ . 25:-ದಾನ್ ವಾಗ್ಲಿನೀ ಹಗಲ್ಮೂಲಾ ಮುಚ್ಚಟಲೇ ;ರಾತ್ರಿಪುದು ಅನಾಅನಾ. ^{26 27} 26:-ಜನಾ೦ಗಮೂಲ್ನೀ ವೈಭವಮೂ ಘನಮೂ ಅನಕ್ಕಿ ವಾಸ್ತವೀ . 27:-ದಾನ್ಟಾಲಾ ಹೊಲಸುಮೈದೀ ಒ೦ಕಟೀ ಲೇದು . ಅಸಹ್ಯಮೂದಟ್ಲಾ ಸುಳ್ಲಾದನೀ ನಡ್ಪುಳು ಸೇರ್ಟ್ಲೀ ; ಯಜ್ಞದ ಕುರಿಯಾತುಡು ಜೀವಬಾಧ್ಯಲ ಪಟ್ಟಿಲಾ ಯೂಲ್ಯೂಲ್ ಪೇರು ರಾಸೀದೀ ವಾಳ್ ಮತ್ರಾಮೂ ಸೇರ್ತಳು .