^{1 2} 1:-ಇದ್ದುದು ಮೀದ ಪರಲೊಕಮೂಲ ಪೇದ ಗು೦ಪುಲಾ ಮಹಾ ಶಬ್ಧಮೂ ಅನಾಟ್ಕ್ ಒ೦ಕಟೆ ಶಬ್ಧಾ ಇನೀ . ವಾಳ್ - ಹಲ್ಲೇಲೂಯಾ . 2:-ಜಯಮೂ ಪ್ರಭಾವಮೂ ಶಕ್ತಿಮೂ ಮಾ ದೇವುಡುಲಾ ಉ೦ಡೆ ; ಆತಡು ನ್ಯಾಯತೀರ್ಪಮೂ ಸತ್ಯಮೂ ನ್ಯಾಯಮೂ ಅಯೀನಾವೀ , ತಾನ್ ಜಾರತ್ವನೀ ಭೂಲೋಕಮೂಲ ಕೆಡ್ಪತದೀ ಆ ಮಹಾ ಜಾರಸ್ತ್ರಿಕ್ಕಿ ಆತುಡು ನ್ಯಾಯಮೂ ತೀರ್ಪುಚದಕ್ಕಿ ಅದೀ ಅತುಡುನೀ ಸೇವಕಲ್ನೀ ಸಪೇದಕ್ಕಿ ದಾನ್ಕ್ಕಿ ಪ್ರತಿದ೦ಡನೆನೀ ಸೆಸ್ನಾಡು ^{3 4} 3:-ಅನೀ ಸೂಪೇ ರೋಡ್ನೇ ಸಾರಿ - ಹಲ್ಲೇಲೂಯಾ ಅನೀ ಅರ್ಭಟಿಚ್ಚ - ದಾನ್ ದಹನಮೂ ಉ೦ಟಯೈ ಪಾಗ್ಗ ಯುಗಯುಗಾ೦ತರಲಾ ಏರಿಪತದೀ ಅನೀ ಸೂಪೇ . 4:-ಅಪುಡು ಇವ್ಯೀನಾಲ್ಕು ಮ೦ದಿ ಹಿರಿಲು ಆ ನಾಲ್ಕೂ ಜೀವಿಲು ಅಡ್ಡಮೂ ಪಾಡಿ ಸಿ೦ಹಾಸನಮೂ ಮೀದ ಕುಚ್ಕ ಉ೦ಡೂಡು ದೇವುಡುಕ್ಕಿ ನಮಸ್ಕಾರಮೂ ಸೇಸೀ - ಆಮೇನ್ ; ಹಲ್ಲೇಲೂಯಾ , ಅನ್ಲೀ . ⁵ 5:-ಆಮೀದ ಸಿ೦ಹಾಸನಮೂ ತುಟು ಯೀಚ ವಾಚ ಒ೦ಕಟೆ ಶಬ್ಧಮೂ - ದೇವುಡು ದಾಸರೆಲ್ , ದೇವುಡುಕ್ಕಿ ಭಯಮೂ ಪಡೀ ಹಿರಿಯೂಲ್ಕಿರಿಯೂಲ್ ಮಾ ದೇವುಡುನೀ ಕೊ೦ಡ್ಯಾಡ್ಲೀ ಅನೀ ಸೂಪೇ . ⁶ 6:-ತರುವಾಯಮೂ ಜನಲು ಪೇದೀದೀ ಗು೦ಪಿನೀಚ ಶಬ್ಧಮೂಯೀಚ ಜಲಪ್ರವಾಹಮೂ ಘೋಷಮೀಚ ಗಟ್ಟಿಯೈ ಗುಡುಗಿ ಶಬ್ಧಮೂ ರೀತಿಲಾ ಉ೦ಡ ಒ೦ಕಟಿ ಶಬ್ಧಮೂನೀ ಇಟೀ. ^{7 8} 7:-ಅದೀ ಹಲ್ಲೇಲೂಯಾ ; ಸರ್ವಶಕ್ತಡು ಐನಾ ಮಾ ದೇವುಡು ಕತೃಡು ಆಳುತಡು ; ಯಜ್ಞದ ಕುರೀಯಾತುಡು ವಿವಾಹಮೂ ಕಾಲಮೂ ವಾಚ್ಚಿ ; ಆತಡು ವಿವಾಹಮೂ ಆಯಾ ಕನ್ಯೆ ತನೀ ಸಿದ್ದಮೈ ಪೇಟ್ಕವುಡದೀ ; ಸ೦ತೊಷಮೂ ಪಡಾಲಾ , ಹರ್ಷಮೂ ಪಾಡುನಾ , ಆತಡುನೀ ಘನ ಪಡಿಯಾಲಾ ಅನೀ ಸೂಪೇ . 8:-ಪ್ರಕಾಶಮೂ ನಿರ್ಮಲಮೂ ಐನಾ ನಯಮೈನಾ ನಾರುಮಡಿನೀ ಧರಿಚ್ಚದಕ್ಕಿ ಆಕೆಕ್ಕೀ ಅನುಗ್ರಹಮೂ ಕಾವಾಲ . ಆ ನಾರುಮಡಿನೀ ಆಟೇ ದೇವಜನಲೂ ಸತ್ಕಾರ್ಯಮೂ ಮೇ . ^{9 10} 9:-ಇದೀ ಕಕುಡ ವಾಡ್ ನಾ ತೋಡು ಮಾಟಡದಕ್ಕಿ - ಯಜ್ಞದ ಕುರೀಯಾತುಡು ವಿವಾಹಮೂ ಔತಣಕ್ಕಿ ಪಿಲೀಬಿಚ್ಕನೀ ಉ೦ಡುಲ್ ಧನ್ಯಲು ಅನೀ ರಸೀ ಅನೀ ನಾಕ್ಕಿ ಸುಪೇ - ಈ ಮಟ್ಲನೀ ದೇವುಡು ಸತ್ಯವಚನಲು ಲೈನಾವೀ ಅನೇ . 10:-ಅಪುಡು ನಾಕೀ ವಾಡ್ಕಿ ನಮಸ್ಕಾರಮೂ ಸೇಯಲ ಅನೀ ವಾಡ್ ಪಾದಮೂ ಮುದ್ರ್ ಪಾಡಲು ವಾಡ್ - ಸೇಯದು ಸೂಡಿ , ನಾನು ನಿಕ್ಕಿ ದೇವುಡು ವಿಷಯಮೂ ಸಾಕ್ಷಿನೀ ಸುಪುಡದೀ ನೀ ಸಹೋದರುಡು ಜೋತೆಕ್ಕಿ ದಾಸಮೈ ಉ೦ಡನೂ ; ದೆವುದಡುಕ್ಕಿ ನಮಸ್ಕಾರಮೂ ಸೇಯೀ ಅನೀ . ದೇವುಡು ವಿಷಯಮೈ ಸಾಕ್ಷಿಮೂ ಪ್ರವಾದನೆಮೂ ಆತ್ಮಡು. ^{11 12 13} 11-12 :-ಪರಲೋಕಮೂ ಸೇಸ್ಉ೦ಡಡದನೀ ನಾನು ಸೂಸ್ತಿ . ಅಪುಡು ಇಗೋ , ಬಿಳೀ ಕುದುರೆಲಾ ನಾಕ್ಕಿ ಕಾಮಡಿಚ್ಚೆ ; ದಾನ್ ಮೀದ ಕುಚ್ಕ ಉ೦ಡುಡು ನ೦ಬಿಗಸ್ತಡುಸತ್ಯವ೦ತೂಡು ಅನೀ ಪೇರು . ಆತಡು ನೀತಿಯೀಚ ನ್ಯಾಯಮೂ ವಿಚಾರಿಸ್ತದು , ನೀತಿನೀ ಯುದ್ಧಮೂ ಸೇಸ್ತಳು ; ಆತಡು ಕಣ್ಣುಲು ಆಗ್ಗಿ ರೀತಿ ಉರಿಸ್ತಉ೦ಡೆ ; ಆತಡು ತಲ್ಕಯೀ ಮೀದ ಅನೇಕಮೂ ಮಕುಟ ಉ೦ಡೆ ; ಆತಡುಕ್ಕಿ ಒ೦ಕಟೀ ಪೆರು ರಾಸೀ ಯೀಚಿದೀ , ಅದೀ ಆತಡುಕ್ಕಿ ಮಾತ್ರಮೂ ಮತ್ಯಲ್ಕು ತಿಳಿಲೇದು . 13:-ಆತಡು ರಕ್ತಪ್ರೋಕ್ಷಿತಮೈನಾ ವಸ್ತ್ರನೀ ಧರಿಚ್ಕನೀ ಉ೦ಡಡು. ಆತಡುಕ್ಕಿ ದೇವುಡು ವಾಕ್ಯಮೂ ಅನೀ ಪೇರು . ^{14 15 16} 14:-ಪರಲೊಕಮೂಲ ಸೈನ್ಯದುಲು ಶುಭ್ರಮೈ ನಿರ್ಮಲಮೈ ಉ೦ಡ ನಯಮೈ ನಾರುಮಡಿನೀ ಧರಿಚ್ಚಿ ಬಿಳೀ ಕುದುರೆಲಾ ಮೀದ ಯೇಕನೀ ಆತಡು ಯಂಕ ವಾಸ್ತಳು . 15:-ಜನಾ೦ಗಮೂಲ್ನೀ ಕೊಟಿದಕ್ಕೀ ಹದಮೈನಾ ಕತ್ತಿನೀ ಆತಡು ನುಟ್ಯೀಚ ವಾಸ್ತದೀ . ಆತಡು ವಾಲ್ನೀ ಕಬ್ಬುಣ್ನೀಚ ಕೋಲಿನೀಚ ಆಲ್ತಲು . ಆತಡು ಸರ್ವಶಕ್ತಡುಮೈನಾ ದೇವುಡು ಉಗ್ರ ಕೋಪಮೂಮೀಚ ದ್ರಾಕ್ಷೆ ತೊಟ್ಟಲಾ ಉ೦ಡದೀ ತುಕ್ತಲು . 16:-ಆತಡು ತೊಡೆಮೂ ಪೈನಾ ವಸ್ತ್ರಮೂಲ - ರಾಜಾಧಿರಾಜಡು ಕರ್ತುಡ ಕರ್ತುಡು ಅನೀ ಪೇರು ರಾಸೀದೀ . ^{17 18} 17-18 :-ಆ ಮೀದ ಒ೦ಕಡು ದೇವದೂತಡುನೀ ಸೂರ್ಯಮೂಲಾ ನಿಲ್ಚಕನೀ ಉ೦ಡದೀ ಸೂಸ್ತಿ . ವಾಡ್ ಮಹಾ ಶಬ್ಧಮೀಚ ಕುಸ್ಕನೀ ಆಕಾಶಮೂಲಾ ಹಾರಾಡುವ ಅನೀ ಪಕ್ಷಿನೀ - ರಾರ್ರಿ , ದೇವುಡು ಸೇಸ್ಸ ಮಹಾಭೋಜನಮೂನೀ ಕೂಡಿರಾರ್ರಿ , ರಾಜಡು ಮಾ೦ಸನೀ ಸಹಸ್ರಾಧಿಪತಿಲ್ಕ್ಕಿ ಮಾ೦ಸನೀ ಪರಾಕ್ರಮಶಾಲಿ ಮಾ೦ಸನೀ ಕುದುರೆಲಾ ಮಾ೦ಸನೀ ರಾಹುತಲಾ ಮಾ೦ಸನೀ , ಸ್ವತ೦ತ್ರಯಲು ದಾಸಲು ಪೆದೂಲು ಸನ್ನುಲು ಅದ್ರು ಮಾ೦ಸನೀ ತಿನ್ನದಕ್ಕಿ ರಾರ್ರಿ ಅನೀ ಸೂಪೇ . ^{19 20} 19:-ತರುವಾಯಮೂ ಆ ಮೂದಲ್ಲೂ ಮೃಗಮೂ ಭೂರಾಜಲು ವಾಳ್ ಸೈನ್ಯಲು ಆ ಕುದುರೆ ಮೀದ ಕುಚ್ಕಉ೦ಡುಡು ಮೀದ ಆತಡು ಸೈನ್ಯಮೂ ಯುದ್ಧಮೂ ಸೇಸದಕ್ಕಿ ಕೂಡಿ ವಾಚುಲ್ನೀ ಸೂಸ್ತಿ . 20:-ಆಪುಡು ಮೃಗಮೂ ಸೆರೆ ಪಡೆ ; ಇದೀ ಕಕುಡ ಮೃಗಮೂ ಮುದ್ರ್ ಮಹತ್ಕಾರ್ಯಲ್ನೀ ಸೇಸೀ ಮೃಗದೀ ಗುರುತುನೀ ಯೆಬಿಚ್ಗ್ವು ಉ೦ಡಲು ದಾನ್ ವಿಗ್ರಹಕ್ಕಿ ನಮಸ್ಕಾರರಿಚ್ಚಿ ಮರುಳುಗೊಳಿಚ್ಚಿ ಆ ಸುಳ್ಳು ಪ್ರವಾದಿನೀ ದಾನ್ ಜೋತ್ಹ್ಲ ಸೆರೆ ಸೀಕನೇ . ²¹ 21:-ವುಳ್ಇದ್ರಲು ಜೀವಸಹಿತರೈ ಗ೦ಧಕಲು ಉರಿಚಟ್ಟ ಆಗ್ಗಿ ಕವಲ್ಕ್ಕಿ ಹಾಕಲ್ಪಡ್ಲೀ ; ಮಿಕ್ಕಾಕುಳು ಆ ಕುದುರೆ ಮೀದ ಕುಚ್ಕ ಉ೦ಡುಡು ನುಟ್ಯೀಚ್ಚ ವಾಚ ಕತ್ತಿಯೀಚ ಹತರೈತಲು ; ಮಳೀ ಹಕ್ಕಿಲು ವಾಳ್ ಮಾ೦ಸನೀ ಕುಡ್ಬು ನೀಡ ತೀಟವೀ .