¹ Zime yhan an roh ritih ri yhan nan aya a gwakazi, nan a aya tiwomo, nang utomi urip. ² zime yhan ankasu wanna ayhar urowomi nan tisiraru, aji ayhor urine uyhan, nang kunome ka. ³ Tima reh aya a zakure a yhar amatini. A dorkononi urina umi uzakure unpeze a dorkononi Ankusukusu mi rikuya, a zomi z zoni ka ripuvu a zaku zomi a zom ka rip. ⁴ Nna matini ma Sirih piwu waska ku wuri kuma yende kan, ⁵ zakure utuma uwuri ote wuri na te rise, are rililipovo rikan de rene kan waskiri, a guzu ri ti wana a yhar a pas, inung Amazir mavur. ⁶ Kasirih kama wara a mazir mazir na gbink inung piwu waska kuwuri Yesoh kristoh. ⁷ rise ken a warkuwo ti wana a yhar a riving inung a mavur ma kan. A wana nono na kan na riving, nan kuvo kazanan dara. ⁸ U tumu uru are urivin. indusu pi vervene na surum, a warkuwo aye rene rivin nan ka Sirih an rise utuma umi nan ka ro yhan. ivizi mi irip a yhan na sang an ghekse. ⁹ Ranguruwo ini nan urowonna utibana, na ikuwa ima teh. An kusukusu mu mu zakuriva. ¹⁰ Vononi ni ayah a kusi wanza ti inung uyin, ina pima miya yhan dira nan ka vak. ¹¹ A yhar ami ama wuru urina a riseh ivang anatih a yhan. ¹² Ina ma tuma a Artimas nang Tikitus nan piyi, pi rene a rhakarha a ruva azoman un Nikobolis, ateh nan manka rha usamma. ¹³ Rene rhakarha a tuma a Zinas piya uyha kuma teh, nang Afolos, uzakuwo an kasu ka viza irangmwa. ¹⁴ Ayhar a wuri an gbese utuma urip umi unka kana yhan. Awar kuwo an koroze ankusu mumi mohn ka kana yhan. ¹⁵ Aya ari nan mini a sin sumaze ini. Sumaze ayami a suniri. Inung a rivin. Mavur man wan ma yin nasang.