¹ Bulus, pirereh u Sirih nan piyi tumah u Yesoh Kristo, awar kuwo rivin reh yhar nan ka Sirih kama teske yhan nang kuyha ku rivin kumi ko rume nan ku dorkononi ku Sirih. ² Nang uzazu uh Suwu kuvo-ku-zanandara a war kuwo kasirih kaku zaku risi- icotti kama tazzana nang zhoni. ³ Adahar ka rip kama wana kan wono ayi zi ana vere kan. Awarkuwo utumu umi na kama royiri ti rise. in rise utuma usirih piyi waska ku wuri. ⁴ Makana nang Titus, pivezene u wuri uh rivin. Mapes nang mavok masirih tita nang Yesoh piyu waska ku wuri. Kikusu kima rene injha vuvum un karita. ⁵ Asa pi napsa ankusu mumi na ama rutoh a tazza tin a ya gwaki inung ama ro ken na imma miyah vu. ⁶ Mu rotoh rifkwah an zuk piya gwaki ana anang ayhini, pirumi pinyowo urah, piya nhono na matinih aya nang a Zaku si vervene yhan awo are ayha uza matini, an zaku pokricimu. ⁷ Mu rip kuwo piyi yab ayhar nasang piya cirvu urara, ko Sirih iza yi ivang, iza kureh piya vere na wam agura kuza kuri ancin mu yhar. Aku zaku seri rikhazah archakarha, a zaku sin seze amasaku, a zakuri uvuku kama vervezene, a zakuri arigbeyeh. ⁸ Kurekuwo, Eku sese ayhar, are pijam pi kusu kirip, aritipamva, aku rise anang arip, are piya Ekure pidorkononi, Asirih aruyap-kuriti. ⁹ I kayap mavervene ma Sirih ma riving dimi na ama misiri, aveh tika misi arong avere mi na tenk, a mise ayami asin vunzono yhan. ¹⁰ Arong ayhar roksi ati, anang yhar nar a vurha yhan. Asirih fataze ayhar. ¹¹ Areh an nuku yhan, an kasu yetireh iliya nang umise nu uwami. ¹² Anreh pirong uyhan, piya tipanva iwoh, "Kirangwa a kori icotti,mayiman nang inam erimi nang tipai." ¹³ A vere ara areh rivin, awar ku ken napsa yhan nagbing awar kuwo anka nirhani inuna anasuwhu nah yhan. ¹⁴ Kasu nha'ah atoh ama managha'ahtani ma yahuda anang avere amareveh. ¹⁵ Aya vurse, anang a yhan aku vurse.aya a zaku vursi naang aya aroto rume zah kirang ki vur inung uyhan awar kuwo nasuwu na yhan nanku yha kuyha kurih marik. ¹⁶ serih neh aya yha Asirih, ariken amah vonoh yhan yi awar kan kusu na aserih. muh zaku riva nan uzah matini. A roto rume nan muhn, ntuma urif.