¹ Pireruh Yesoh Kristoh Bulus nang Timoti koni pijam pijam pisirih, Filomon piya. ² Arifus bichu tumah atek kama gwaramana nang koni ki Afriya, anang ayah peze ami eku kangsuzuwa urarah kupu. ³ Mavok nang mapes man zomupu, mami mawori nan Yesoh Kristo Titugwaki, nang Kasirih Putuwuri. ⁴ Nseri usanjighi ana ahar na vaktazi awar kuwo maku dinne nang pu atanzu kanang. ⁵ Ummapokoru sunu nang rivin ripu inung apiyu titugwaki Yesoh nang a ceyi ayan peze. ⁶ Insere tanzu makonsuzowo mapu man suwana, a yendu gha ko nang ahrip ami ari nang ahwuri inung u Yesoh. ⁷ Umma gharhanha kasuwu kanang kama nomo, awar kusunu upu nasuwu na yanpeze na mah nomo a warkapu koni. ⁸ Inrina was inungu yesoh awarka ni,asa in mikvuh I kusu na pen rise kimi ki kanni ⁹ a war ku sunuh, unrusu tanzanavuh mini Bulus pirereh a warka Yesoh mini pirereh. ¹⁰ A warka onisimus insin tanzana vuh, mini piya. mawana putuh, adhar nang ummari innung un nyeng. ¹¹ Imah zakureh kirangwa nang ayini azohn, neh kini irarayi kirangwa nang piyi nang mini. ¹² umma tumayi nang pu, yi piya ire suwu kanang nagbing . ¹³ Umma rusu uwoh Onisimus Izomo nang mini, arise mu tumah a warka pu, a dharkami na umma ri unnyeng, a warka ma veverne ma Sirih. ¹⁴ Un zaku sunuwoh inrisi kusu kima na pi zaku yha, Un zaku rusu utumu pu urip ne ku dole sai ko uwori ana nang arip ¹⁵ An ka gita rhe kikusu ke rene i jhavuhm anatuk atini asa pi ser yi ka ren. ¹⁶ Neh kini en zaku wana pirereh in pirka pirereh koni, ku sunuh nang mini aka pirka nang pu, unung ari pum, nang Titugwaki. ¹⁷ Sereyi ken napenka Serem, in na pima zika yi pijam putumah. ¹⁸ In na ima renevuh ikusu kizaku rivah, Vah pi dorkoniyi in rangwah zika ne nang mini. ¹⁹ Na chara na nang na ma nyakarahm, mini Bulus man bevuh, vahse unkuwo, un dorkononivuh vasi. ²⁰ Koni renehm mapes inung UTitugwaki, Vhansori a suwu kanang inung UKristoh. ²¹ Un yhavuh nang matini marip ma nyakarakavuh awar nan yha penka risikusu nama tanzanavuh aka vanrhaken. ²² Nafsam a teheh kari jhan, Nri suwuh a tanzu kayin asa an guddum nang ayini kin-kini. ²³ Bichu tumah Efafaras un rha`ah ku rereh, inung Kristo Yesoh isirih sumazevuh. ²⁴ Markus nang Aristarkus, nang Dimas nang Luka abichu tumah asin sumazevuh. ²⁵ Mapes ma Titugwaki [Yesoh Kristoh] man zomoh amazir mapu, mun wanken.