¹ Anre ikuwoh un yhon, nsin misini, arong ahyin azaku kizi, sai anku rheyhe Tiwomoh tye siri ten ruvah un siru. ² Atuk utasi ama vharha, anre Yesoh i kanghne Bitrus nang Yakubu nang Yahaya, Anre iku ja'ahyon un pana ku kwangari, ayon uteeyon. Usuwuyi un vakta ana yizi yon, makusu mayi. ³ Man voko na par, ken nan piron un rikuya enka zaku susku guzuman manka ara ken. ⁴ Anre aku rheyhe Musa nang Iliya asin venvene nang Yesoh. ⁵ Anre Bitrus ikuwoh, "Pimisenurip, Sa ti naf sa ankigari mu vah, kipu kirho, ki Musa kirho, Kiluya kirho." ⁶ (Eh verehken awarku kau nagiving nang ku viza ikusu ku vereh.) ⁷ Kurong kuyiri kun tu ruvah a turuyon, anre kutu pokoro riyi inung uyiri kumi, re woh, "Are khono kami nang usuni kang pokoroni Kang." ⁸ Arhakharha, anti rheyhe a roto rheyhe piron, an re Yesoh uteyi. ⁹ Amasin tozzono aworu pana kumi, iwoh uyon asu mi'ah piron ikusu nang a rheyhe, sai Khono ka Piyar kangku co amasek. ¹⁰ Anre ku jha averehmi uncukuyhon, anre kura ripsi a tee yhon, Ikusu na akuwoh ku co amasek. ¹¹ Anre anku rivi Yesoh awoh, "ini nang a miseni attaurat awoh iliya enka semu ruvah? An re iku woh uyhon " ken na muri Iliya enka semu rivah a war'ah ne an kusu nasang. ¹² Awarkiyen nang ah nyakaraka awoh khono kapiyar kang sezu rere uvaktazani, a gura purukan? ¹³ Insin misini, Iliya ima ruvah, an riseyi ikusu nang ah suni nangyi, keng nang avah ahververeh aritiriyi." ¹⁴ Anre kuruvah a zuwa urezeko almajirai, An re ku rhe yhe ayar asiru rhowone nang a miseni altaurat. ¹⁵ Ama tuh rheyheyi, ara seri amina nagwing, anre ku tu kwir anan zuwayi ara sumazeyi. ¹⁶ An re iku rivi Almajirai, "Ande urhowone iyen nang in seri?" ¹⁷ Piron inung anayar ami akong suzuwo, iwoh, "Pimiseni, umma yendevah khonokanang kari a sifu ati bebe. ¹⁸ Akure a co kan, anre ku vakkwakang a jhas umma vereh nang a gwekseni apu an cit da, nakuma suskayhon. ¹⁹ An re ikuwoh inayar urikuya kukeru, ayu za ubangaskiya, kawampa naman kwakturuwo a zomo nang ayini? yende ni kang. ²⁰ An re kuyende yi khono kami, an re mazir mami manku rheyhe yesi, an re man ku tu Vagkwa khonomi kang kara yiah ripum, khono kami kangrhighi ara mitirini, kapuku kanra cizza kang a nha. ²¹ Yesoh imah rivi putu khono kami, "kawampa nang a nangami a semekang, putu mi iwohtum kang rotu nyiza. ²² Akusin thanghazekang a manimasir nang urah, asa an wunkang. Inna penka susku renu wrong, pokoro rirulipovoh a waskiri. ²³ Yesoh iwoh uyi, "Manka suska" koyen iku zuwana nang piya eroriving min. ²⁴ Arhakharha munu khonokami itu Zhakkhwa rinyi awoh. Umma rho riving min. Zhakkhwarhamu za riving kunang. ²⁵ An re Yesoh iku rheyhe ayar kongsuzuwo a rhakharha an re ikutu nyakanu upisifu usir umi woh uyi " Kai, ku bebe kupisifu, mawoh cira a iha khono kana, asu pi ninghu kang" ²⁶ An re pisifu umi ikutu zhakkhwa rinyi atu cira a jha khono mi, khano kami kanka suwa ne ku kiniru, ku rezeh kho yar kun kura woh, "kamakha" ²⁷ Anre yesoh iku puro a carakakang a conekang, khono kami kantu yezene. ²⁸ Yesoh imah nyinghe urarah, agwekseneyi an riviyi apituwa "ikusu ke rene ti zaku ti zaku susku citda pisifumi" ²⁹ An re ikuwoh uyhon, "Imuze ni aku cirayhon sai nang ka tanzu". ³⁰ Anre anku khanu u Galili, yi izayi so uwoh an yha'ahte atek nang ari. ³¹ Imasin mise agweksene ayi, awoh uyhon, kadhar kang ruvah kami nang an rho khono kipiyar ana cara nayar, asa an wunkang, ankare a wunayi enka co atuk ka tar. ³² Ama rhotho ya'ahte averehmi, a gura pok ukau uriviyi. ³³ Anre ku ruvah a Kafarnahum. ka dhar kami nang ima ri urarah, anre iku rivi agwekseneyi, "Averiyen nang in seri un rina?" ³⁴ Anre anku kizayhon, anku ma seru rhawone un rina, apiyah api ya ire piyagwaki inung uyhon. ³⁵ Anre iku zomo a kanghe a gwekseneyi rikiri ana vah, awoh uyhon piyi sunu wana piya zoni inome ritiriyi arerene ajhami nasang. ³⁶ Anre iku zika khono kadundun atara ateti kayhon anre iku panakang anapeme ayi awoh, ³⁷ "Piye sere khono kana arizayirinang mini nanghe serem, piye sere piron mini nanghe serem, azang mini utenang har nang piy ehtuman." ³⁸ An re Yahaya ikuwoh, pimiseni, "Tima rheyhe piron insin cizaza asifu arizayiripu, tima rene tigwa a nukuyi awar kuwoh izakuri nangawuri. ³⁹ Anre Yesoh ikuwoh ihaniyiming, ba piya enka risu muzu tumuh ni agura vereh avereh ayeni makana nang awuri. ⁴⁰ Piyi zaku seri ikuwa nang awuri ere uwuri. ⁴¹ Piye rho ini manimasir mu soh ari zayi ri Kristo, insin mini ni rivin, enka vizayi ulada kuyi. ⁴² Piye rene nhono nayizana nang rukkwuruwo, ku piruwo an dankare rikwang ruwhazha untoh uyi, arivariyi unteku. ⁴³ In na kacara kapiyi kan rene pirukkwuruwo, ku piru woh pi ceskekang, ku piruwoh pinhinghu rarah kosari nang kacara ka kha, nang kuwoh pi nhinghe un rah nang na cara navah. ⁴⁴ A Tek nang itinzi nang urah aku khayhon. ⁴⁵ Inna kacara kapu kan rene pi rukkwuruwo, ceskekang, a nakere, kunka pirkavuh awoh pi ninghe untarah ku sari nang kacara karha, nangkuwoh pinhinghe unrah nang navina navah. ⁴⁶ katek nang itinzi nang urah aku khoyhon. ⁴⁷ Inna riyizi ripiyi ren renevuh pi rukkwuruwa, konkonev rin, anekere, kupiruwoh pinhinghu rarahsiri nang riyizirirha, nang kuwoh pinhinghu rah nang riyizi ri rha. ⁴⁸ Katek nang itinzi nang urah aku khoyhon. ⁴⁹ Are urah nang ank vezeh yar na sang. ⁵⁰ Kutasina kurip, innang urentu ukun orara, ini nang penko rise asa kun rentiwo? wanni urentu, azonzono azon kawari nang ayar nasang.