¹ A farisawa nan arung a nyakarani ama ruvah awari urushalima ankonsuwoh, a tekkami na Yesoh Irim. ² An rhe ku rheghe a Almajirai a Yesoh asin rha mafhokori ana cara namarik na zama guru. ³ (Afarisiyawa nang a Yahudawa aku zaku rho sai anku guzu ana cara, awar ku woh a dhor koni anang a reveh ayan. ⁴ Afarisiyawa aku rhe a guru a wore tek kapizeh, sai anku zura, anu rhe mariniru, a dokononi arong nang a zoni, me ku guzu ki mada nang aruruk nang na rira na zom.) ⁵ Afasiyawa nang anyakarani, an rivi Yesoh awoh, ''Yene rene a Almajirai apu azaku dorkononi u al'adu oh reveh, asin rha mariniru a roto gazu na cara?'' ⁶ An re ukuwoh ayon, ''Ishaya ima vereh avereh anayu tumoh Yizi ima woh aron asin ruksen ti cirvu ananho, ama nasuwu nayon nan ranganani nang minio''. ⁷ U sujada uwam nang aserim, asin mise anang'ayar nang an kusu nang a Yer'ehnim. ⁸ Nmma nekere avereh Asiri, anre inku wavare a vere ayar. ⁹ Anre ikuwoh uyon, nmma zuwu Nasara asa in dorkono a al'adu uyin ayar. ¹⁰ Musa imma nyakara awoh, ''Rurse nawi nang Tiu ti cirvuh, piyami ejamana putu nang muna ima hamu kha. ¹¹ Ama ayini enwoh, ki kusu nang ummana rovuh umma rho Asiri. ¹² Awarku ken imma rhume ivhonoyu rho putu nang munuyi irangwa. ¹³ Imma zika mavervene masiri ki kusu ku wam, awarka al'adu ayin nang imma rho yhon, a rana nang arong anangami nang in seri. ¹⁴ Imma gura kanghne ayar awoh uyhon pokoroni, a rheeeh. ¹⁵ Azan kikusu kimi napiyar eh porkono ken ka, nazeyi .Amma kikusu ke cira nang piyar kin ken ka nazeyi. ¹⁶ Piya toh I pokoroh. ¹⁷ Kadhar kami nang Yesoh ejho ayar'ami a ninghe Urarah a Almajirai ayi an riviyi atisika tina. ¹⁸ Anre Yesoh ikuwoh,''inku rhoto ya'ahteh kikusu na piyar eh forkoro,keku zaku nazeyi. ¹⁹ Manka zaku ravah asuwu kayi sai dai man nighe aripum aka vhoro cira a rizayi rimatighi, a verehni a Yesoh a rene mariniru manka vurka. ²⁰ Yesoh ehwoh, ki kusu kerhe ripum ri piyar, kin keku nazayi. ²¹ Inung apiyar, inung asuwu kayi an kusu miyimun nang ulalata nang U tuwu nang ku wonza. ²² Uzina nang rhiizhi, nang anang ayini, nang uhainci, uburi zaku rivah, ripuvuh uzargi ugwaku iri ti nang tibana. ²³ An kusu mummuna muyimun Mho ku cira inung Upiyar, Mum Mhoku nazeyi. ²⁴ Eh co daga atekkanmi an re iku jarayi un suku sur nang sida. A nhighe urong kurarah awar kuwoh Izakurusu uwoh an yha'ahtee a woh irim, duk nang ken Iroto wukunuwoh. ²⁵ Sai ga pironuyhowo napirinni iri mazir mayiman,piyhowuru ika tukuru wo a Yesoh. ²⁶ Piyhowo Umi i wori un Girka, amma asali ayi un fonishiya. eh tanzanayi i citda mazir mayiman un pirinni. ²⁷ Anre Ikuwoh unyi, sa an zan nonoh.Ku zaku rivah uwoh an zika mariniru manono a rho asang. ²⁸ Anre piyhowu umi uwoh, ''Areken piyaGwaki Asang aku rha mariniru mami masin riksi nono. ²⁹ Yesoh awoh uyi ken nang pevereh jarahvuh asifu ami ama cirunkang. ³⁰ Pinyowu mi ima khanu rarah aka zuwa pirinnuyi inhan'uh kumi, pisifu umi, ima cirah aripum riyi. ³¹ Ima yura cira un suku sur, a vharha tu suku sidon, aka vharha makanu mana ku Galali un suku Dikafolis. ³² Ama yendeyi pirhon urakarah ugura rhe kubebe a sin tanzanayi itarkara carunyi. ³³ Anre iku kokaneyi apituwa anre iku rene acarakayi ana atohubebe kumi anrhe iku tukkuwane-tukkwane yi matau, anre iku rike arirem riyi. ³⁴ iku tirkiri izoh, akokonu Voh, anre ikuwoh unyi, ''Ifatha,'' awo, ''Whanto''. ³⁵ Anre iku gudduyi upok kuyi, ki kusu ke sisi arirem riyi, kanda vervene marivah. ³⁶ I woh uyhan ansu mi'ah pirung, nang ken nang ehwoh asu mi'ah, amara mise ko iki. ³⁷ An ra sere amina akurawoh, ''Ima rise ko arike nang arip, ima rene Arakarah anda puksevereh, nang mabebe manda verveneh''.