¹ Kazon kavere, utuma Upivene Kristoh Yesoh ² Ken na ama nyakara ana vah Annabi Ishaya, tirkiri ama tuma piyu tumu inafsafu urina, ³ rinyi re cira a rimi a seri awo, ''Nafsani a zom kayin nang Kasirih ⁴ Yohanna ima ruvah a seri u baftisma a rimi a seri a veru baftisma awar kuwaska. ⁵ Ayar na sang amayizi mu Yahudiya, nang ahyar nasang un Urushalima ama kanah awar ku woh an rise yhon Ubaftismaise, ima rise yhon ubaftisma umana ku Urdun. ⁶ Makusu ma Yohanna mama re kukwa kurokomi, asisizinu kwa a munu kayi, mariniru mayi mamare na cincin nang matuh. ⁷ Yohanna iseri avereh akuwoh pirong en ruvah a tini kanang ipirim, manka zaku susku vinzi arakayi. ⁸ En kareh eruvah a risini ubaftisma kumazir Mavur. ⁹ Adhar kama ruvah Yesoh i ruvah uNazaret ku Galili, Yohanna iseri baftisma un mana ku Urdun. ¹⁰ Ken nang ama rise a Yesoh ubaftisma icira inung a manimasir, izoh in wontoh Mazir man toroh izoh uyi ne kapuktu. ¹¹ Rinyi rin cira riwori zoh awoh Piv ezenu nang umatini umi nang unrusu uyi nagwing. ¹² Mazir mama zikayi aja'ayi a rimi. ¹³ Imari a rimi ana tuk a kiri anas, pisifu igbekeyi adhar kami ima ri nang i name rimi, Maleku mansi rukseyi tiwomo. ¹⁴ Ama puru Yohanna a wurayi, Yesoh ininghe un Galili aseri aSirih. ¹⁵ Aseri, kadhar kama wana, Tiwomo te Siri tira pitih, senni uwaska ko Siri, a rumeh nang a vereh akan. ¹⁶ Iku masin jarah ugbanti kumana ku Galili, anre aku rehye a Siman nang Andarawus kommina ka Siman ansi tanghazi net, awarku woh amare anari sani. ¹⁷ Yesoh evere uyha awoh, ''ruvani a dhorkonom, man misini ken nang in na wana ayu pusu ko yhar. ¹⁸ adhar kami an cho ajiyi amaciki atu dhorkoroyi. ¹⁹ Yesoh ima puru ujaru anre iku rehye a Yakubu pivezene u Zabadi nang Yohanna kommina, an ri inung u kwalekwale asin nafsa maciki mayhan. ²⁰ Anre Yesoh iku kanghne yhon antu jiyi putu Zabadi, nan arhreh a putu atu dhokoro Yesoh. ²¹ Ama ninghe u Kafarnahum atukka Sabar, Yesoh ininghe Ikkilisiya atura mise Avereh a Siri. ²² Ayhar ami anra seri amina ana vereh mi, awar kuwoh isin miseyhan kenneh pirong seri awereh atiwomo zanken na a nyakararni aku rise. ²³ Adhar kami pirong ininghe inung Ikkilisiya umi iri mazir mayiman atu reni wum. ²⁴ Akura woh Yesoh Banazarat yemmi na ma renevuh, na pe ruvah asa pi wunziri, unyho piyi piya izaku ri ivang. ²⁵ Anre Yesoh iku gwhorkone mazir mayiman mami, awoh kiza, cira un yhi. ²⁶ Mazir mayiman mantu tangane piyami, ana seri wum maka cira ²⁷ Ayhar ami na sang anra seri amina, ara rifsi antih ayhon, awoh yemmi iri kini ipas nang timoh? Ariken asi gbongzo a mazir mayiman maseriyi matini. ²⁸ Masara mayi mantu dhorkoro mayinzi mu Galili. ²⁹ Adhar nang ama cira inung ³⁰ in Ikkilisiya, an ruvah urarh ku Siman nang Andarawus ayhon nang Yakubu nang Yohanna. Ama ruvah an mi'ah Yesoh awoh poyu Siman inhon azaku wara. ³¹ Yi Yesoh i kan nang yi poyo atu puru yi a cara itu war'ah, anre iku rho yhon mariniru. ³² Amarong matukkami an yendeyi ayhar ami azaku warsi, nang ayhami a rimazir mayiman. ³³ Ayhar urho kumi an ruvah akongsuzuwo arivirah ru rarh kumi. ³⁴ Anre ku war'ahze ayhar ami amazaku warsi azovoh mazir mayiman, nang ayhami amariman, ima rotoh roh mazir mayiman adhar man vereh, awar kuwoh mayi yi. ³⁵ Ima cira iwhaku utehyi aka rise atanzu makana nang ka Sirih. ³⁶ Siman nang ayhar ami nang yi anra ringyi. ³⁶ Aka zuwayi awoh uyi ayhar nasang asin rhighi vuh. ³⁸ Anre ikuwo ti kanah anarho a rho marho asa tika miseyhon a maverveneh ma Siri, ki kusu ke rene nama ruvah inakini. ³⁹ Ima wangdana u Galili aseri avereh aSiri inunghin Ikkilisiya, asin zhavho mazir mayiman ⁴⁰ Pih gwanura i ruvah nang yi, a tukuruwo yi, anarhu asin tanzanayi, akuwa uyi inna peh rume unrusu pi war'anem. ⁴¹ Ima pokoro rirulipovoh a raska a cara awoh uyi war'ah. ⁴² Pigwanura umi itu war'ah, tigwanura timi tun jhayimim. ⁴³ Yesoh ima veruh yi ikasu mi'ah a pirong. ⁴⁴ Jaravuh aka mi'ah uPriest ami'ahi u war'ahnu ami ken na Musa imah mi'ihnih. ⁴⁵ Piya nang amah war'ahnehyi, ituh cira akara mise ayhar urho kumi, Yesoh ipizaku susku ninghu rho kumi, anre iku ciru rho kumi, ayhar anra rufsa nangyih ama rho nawam.