¹ Yahuda, timzani ure a Yesoh, khommina ka Yakuvu, amma jaghah nan a yhar na ma kanghah, aya na ka Siri ka pok marentuh mayen a tari awar ka Yesoh ² In ka yahp a zom ku za mapono asu pizzinuwoh a zom ku yhan kuri khommina ³ Ina khoni ka dhar nan masi ringhih u nyakara ni awar ku waskah, imma nyakara ni awar kuwo in nirghanini a sa in sisah inung a yazuh kami na ma yaze ni rum kare karah kare kayah amma sere rumme ⁴ Arong ayhar amma nnghe u yin ati pamba. Are imuze ayhar ami na vonoyhen ani, asi suksa mate. Ayhar a zayhen matini, imuzi iyhen asi anan azavari asiri ka wuri un rina uyu ni, ahyar vonzono yhen api yi ire riti nan piwomoh, Yesoh Kristo. ⁵ san gura miyhi ni, nyhan in mire ayhar ken iran ghah awoh piwomo ima waska ayhar a cidda yhan a mayenze mu Masar, anangura soskoro yhen ayhar amma rotuh rume nan yi ⁶ Malaiku ma mi mama vono man azan nan usiri uti womoh, amma vono hyen ate yhan ka zom yhen, Kasiri kan de wure yhenan sisizi ati puk, amma rini, an da zonzi ara suksa a nyhi muma te atook ka gwaki ⁷ Anang mi asighi anan aroh u Sodom nan Gomorrah nan aron ami apate nan yha, amma nnghe anon nan uringhu u zawu ni rina kin ne a zan ayhar. Amma changha yhan ken ne ayhar iri inung in vura urah uza marasa. ⁸ Anreh kun kuvah, amma suwa aya ma motozono mu naze napum yhan ¹⁰ Mu zamun ken nan ayhar rah asi yendeze a vere yhan, amma yhan ana ti yha a zaku yha, Ki kisu nan ayhar, uviyha u ya kun, i muzu yhan ku zakun awarah ki kisu kisi sotori yhan ¹¹ Rilillitovo riyhen, awar ku jaru mi na sari ure ujaru asighi u Kaiyinu, amma nnghe ivang ku Balaam, kuriyizi ri kusu ku yah. Ayhan amma rufurwo imusu ayak ka Korah. ¹² Imus iyhan arkini ne ayhar amma tini inung ari kama rinuri mayin marip, yhan aku yeku a ri kaza chin, ana ti ayhan na zik. A siyhih u riru uza uru, oku soskuruwa awar ku vunu. A siyhih na ti nazan isumuru - akini ti vah, amma chattazana ati na yi. ¹³ Are ki kisu ku kawoh kin ne ku girkini ku vendere ku gwaki ku cizaza a puku kan chin. Asi wangdana kin ne a re runga nuna a rinu masir mazu rara. ¹⁴ Enoch, piviyha pi zhoni, amma jayheh nan ka Adamu, imama vere amma jayhah nan yhan, "re yeni! Kasiri ka righin un rina uma ruva nan di piyih ayhar amatini ¹⁵ An ruva awar ka matemene ma-ko-riku-yhar. En ruva nan ma te mu mighar imuzu utuma imu uzawu un rina, o yah amma zaku si jara mariva, na imuzu a vere mi azani un rina nan ayi ivang a seri ¹⁶ Ayhan areh aya mayaurana, aya avere aza matinih, a pok urentu anang ayhan atisifu, aku vuwu awar kuwoh an zuk ikisu na si ringhi, aya ti jam te jami ¹⁷ A yini mi na ma rume na yhin, in kasu ka wunnu nan avere me na ma veru uhyin, adar kari ka tumi a piwomoh Yesoh Kristo. ¹⁸ Amma vere uyhin" adkar ka wuri arong ati vata an chira a ringhih udorkoro urina uti sifu uzan Osiri. ¹⁹ Ayhar arah avaktazi. Are ayu duniya, azaye uvoh ko Siri ²⁰ Ayini nan ma rume nan hyin, kun zani inung u yah Kasiri ama vere a rivin, yelluni atanzu un rina u voh Kasiri. ²¹ Yaptani ati ayhin an cara Kasiri, asuksa a matini ma piwomoh Yesoh Kristo. ²² Dorkononi na za ayhar, amese yhan na za. ²³ Waskam a manzu tu siru a chidda yhan unrah ²⁴ Kini kini, pirong iyazi a si kani ni inkasu ka rukkwuruwo. Arene ni uzana awar kuwoh in kasu ka riyigh a sa'in kaka yazane an nhyan a za ini ivang, anreh rigarah. ²⁵ Amma kan nan Kasiri piwomoh Yesoh Kristo, yi ye powomoh pi ya gwaki, kikusa ku kawo, ti rume nan ti siru ti re nan yi, kini, kini nan kadkar ka zama rarah.