¹ Nang piya curvu nan kuteskeru kupinyowo nan nhono nah yi, umi nan unsuni a rivin-an zakure mini utenang, nan aya ayha nan rivin. ² Awar, ka rivin rimi ririh inung hwuri ren rih na awuri za marasa. ³ Mapas, ririllipovo nan mavok mahn rih na awuri nang Kasirih Tita nang Yesoh Kristoh, pivezene uputu, a rivin nan usunu. ⁴ Nri nan righarah nagbing awar kuwo nma zuwo anarong na nhono nayinnan si jara inung a rivin, neh kenna timah sere avere ara nang putu. ⁵ Neh kini nsi tanzani ni, ayini anyowo an zakure nkusi nyakara ini avere apas, areh ami na timah Pokoro cette zhon-awar kuwo tika Sunih atih awuri. ⁶ Awar kusunu uru, Tih jar kenna avere ayi a ereh. Ani areh avere ami, kenna tina pokoro cette zhon, awo tijar inung ana vere ami. ⁷ Awar kuo ayhar adung ami asi vataze ayhar amah cira urikuya, ayhan arotoo rume awo Yesoh Kristoh imah ruva ari puhm. Yi ireh pavatani nan piyi kuwa Ikristoh. ⁸ Ka tirkiri riti ripu, awar kuwo pika suka an kusu mumi na pima tumzzana umuhn. Sah pikaka sereh ureze ku gwaki. ⁹ Piya ijari yi, azaku yhazi nmisenu u Kristoh iza kuri Asirih. Piya itakani inung umisenu mih, Piyharuru are yiiri nan putunan pivezene. ¹⁰ Nna pirong eruva nan ayini azakuruva na umisenu, Suhnu sere yi Urarah kuyin agura suh sumaze yi. ¹¹ Piya esumaze yi ima muhnguzuwo inung utuma up viku. ¹² Nri nah ankusu nagbing muh nyakari ini, nza kure asuwu ku nyakara ini anavah nan marunghati mi nyara. Tutenk nri nan kasuwu ku ruva nan ayini, avervene uyin ayizi annyen ayizi, awr kuwo righarha riwuri rinka kohroh. ¹³ Nhono nuh teskeru kuwuri kuyhani kusi sumazini.