¹ Ki kusi kimi kiri cette zohn-kimi na timah pokoro, kimi na timah rehye ana yizi a wurih, na timah Tirkiri kin, nacara na wurih nan rike-ki kusi ki na tisu misini, ama kana ana vere uvoh. ² Kuvoh kumi kumah cirah; timah rehye kun arene rivin mim, na tikusi misini avere uvoh ami ama rih nang putu, nah kun mah cidda ritih rikun nang awuri. ³ Tisu misini ikusu na timah rehye a pokoro, awar kuwo ayi ni inka zuwa makonsuzuwo nang a wurih makonsuzuwo mahn mah wurih mari nan putu nang Piveznene uyi, Yesoh Kristoh. ⁴ Teh nyakara avere arah awar kuwo tirehn righarha rih wurih rihn khor. ⁵ Avere ara nah timah pokoro nan yi a miyini, kasirih kareh anpeze, inung ukan zah marini. ⁶ Nna tewoh tiseri makonsuzuwo nan kan, a gura roti sih jara inung amarini tiseri i cotte a zaku gura seri rivin. ⁷ Nna tisu jara inung anpeze, Tih seri makonsuzuwo inung ana tih awurih, manyo ma Yesoh pivezene mansi guzu (veze) ivang iwurih. ⁸ Nna tewo tih zayiri ivang, tisi vata atih awurih, rivin rihn zaku rih inung uwurih. ⁹ Nna teh miya ivang iwurh, yi iri asuwhu nan mavur muh nekere ivang iwurih agura guzu (veskene)a mayiman mah wurih nasang. ¹⁰ Nna tewo tih zayin irih ivang, teh rene yi iwana piyi cotti, avere ayi a zakuri inung uwurih.