¹ Minu penuko minan mo shi minu ɗiji ta yei ma buɓɓuruko, minu kan mandi mina ti piɗno Yamba umo mina sha dihu shira ninyam, peneng i mina shi kpar dungu ti gaƙ. ² Elengƙwi ta shiƙ mo minu nɗi foɗo ɓalala minu nɗi daanghu we shiƙ kan pidi pidiya mu shiri gak. ³ Minu nɗi daanghui umor elengƙwi i ma munƙen mu lanɗan mu a wi mu shiƙ wanimm. ⁴ I shun kulli tuku shira shi minu ta ƙaaran mop, minun nɗi fodo ɓalala, minu ndi kuma tiɗɗa. minua minaji minu dina shirwanimm. tuku umoi minu miniji mun shupu mu landa ti shiƙ mu, elengƙwi shirin delko we shira wattu ka muro. ⁵ An rimbo wemmoi shun kulli i Yamba mu munƙemu shirim ta kabani shi kakkon sha ta wattu. ⁶ Elenghu umoi kama diya kan tseran shira shi nama sheƙƙon ta shiƙ, kama talli nan Ankuya. ⁷ Ɓiran minu ta yu merjei ta munan shun kulli, a kelengku mu ninyan wam. ⁸ Elengƙwi umoi minu kan tseran shiƙ. minu miniji ɓwara kan shuran shiƙ, elengƙwi minu deimu kan Ankuya. ⁹ Minu luu cakkeita yimo mu, tuku shira shi minu ta shiƙ kan tserinyer talli minun yu we sha minji. ¹⁰ Elengƙwi i kulli shi kama dwei kama ta tserani ta toom kon no Almasihu, elengƙwi we irui we shiƙ foro ni shi yiko tuku shira shi yikon diji ta shiƙ. ndan shin wala yoo ndan shin wala yoo. ¹¹ Elengku ume, kama diya kan shooro Yanba,kaman ndi yiru ninya. Yamba ndi wa we shi kama nɗi yi ti piira, nin ndi yu yamo mui deiro kijimo ta shirim ma. ¹² Minu ar kabani elengƙwi we yiremo elengƙwi man wacceimu shia minu a ninya ma walinamm, kan kijimo, minu ta muma kumbili shima ta yun tseran shiƙ kelangƙwi mu, elengƙwi man wa kokko shimma tawan bang shiƙ, peneng a kelangku we shira bonghum. ¹³ Ɓiran minu ma binaruko kan yimo mu, i kelangku no yamba. minu ma ti cakki yimo mu, i kelangku ma. ¹⁴ Elengƙwi menan no Almasihu shokemu ta yei. Elengƙwi minu penuko ko wemmo shi kokko cha i kulli ninya ɗok ta murun kelangku wemmo shinu dwei muruko. ¹⁵ Almasihu muruko kelangku ninya dwei, elengƙwi mi kan ɗoju, mu kar yu piɗi ya kelangkujum. kan kijimoi, mu yi pidiya kelangku. kan kijimoi, mu yi pidiya kelangƙu ma murukoi ɓiran ilirum ka cakka. ¹⁶ Elengku wemmoi, minu ar yu kon ta ninya ka kon ninyam, kan kiji ka pi minu banoi ¹⁷ Almosihu ka kijimo peneng shoofei minu waccuko yu kon ta ninya tuku wemmoi. Kelangku umoi foyo. ¹⁸ Wemmo dwei ta pidno Yamda. mu kawune kama a ka nun na ta shobonoi Almasihu, biran mumu kama foro we kawu kuu. ¹⁹ Peneng ta shombono Almasihu, Yamba kamuru ninya ku psira we wattu, sheleini akam ndi maron daƙam nodaanor kawui kui. ²⁰ I kelangku kijimoi shi shakiromu kama mu kama diya an foro noi Almasihu, i kijimo sha Yamba nda yeiru ninya ta pidmu. minu ta dimemo, elengku no Almasihu, "ma kamurun ti pidno Yamba! ²¹ Muna Amasihu no cakkei a naɓui noɗo wem. yiko kijimoi elengkwi mu kama diya min ɓong ɓong no Yamba ta yaani.