² Garva sǝku a gǝnawa na dəgəm ɗagai mi wara shirayatu ngumuru wu'ya gəri. ³ wana guzabcin gəri da daure ndawa mi wara ndampekshi miya dani i iri ngumuru zubau,amman da kurnani. ⁴ Sai dəgəmgu da wanyi guzabcin gu dama wam,aci maya, a rami ne ndawa mi wara ndanpekshi miyau, "Aiki na shiryatu na ngumuru ganai. Nda zidina kwamin ga na akshiyayin' ga dəbayak, nda shiryatu na tamke. Anna i ri ngumuru zəbau. ⁵ Amman ndau nkaltu na saktugubai sai da dlamrakanshi. Dagai dayin gəri kamgəri, dagaike iri asək gəri. ⁶ Ndo gafikai ke da jib guzacin dəgəmgu,akshi da barikshi bone,da rəbəna akshi. ⁷ Sai gəshi dəgəmgu da dlumacin gara.Da wanyi askarabugəri,"ada kwa rəbəna nda təkgu,kwa təkina akshi ke. ⁸ se da rami guzabcingəri. Ndawa mi damu na shiri, amman ndiwa mi wara ndampekshi miyau gu i akshibai. ⁹ Gada kasən ade miya dəvu kwanpe miyau i ndawa gwəd mi wara kwa bau danai i ri zəbau bai. ¹⁰ Guzabcin gu dayi i miyak dəvu da cacpe ndawa gwəd mi wara akshi beu, ndawa mi wara gabshu na blanmin. zaure zəbau ke da niyingara cal na magərafcin. ¹¹ Amman,dəgəm gu dew gada daiki magərafcin gu,se daiki ɗagai mi wara dawu zanai zəbau bai. ¹² Se dəgəm gu, da rami ci,"Manga, ka dlam nana katəfai, cina kare zəba bai? warau kuwa da buki na bi rama. ¹³ Se dəgəm gu da rami guzabcingəri,Amɗina na aikwak nənangu na zəgir gəri cam,kwa vurkina aci i kun ayuwa ri wara aci adlam aɗan na gada yanau gəri. ¹⁴ Aturo nda daure ndawa gawa,amman,nda cikɗu rab." ¹⁵ se farisaucin dainakshi a maka dəvu mi wara akshi a jiba na aci i ɗa ramagəri. ¹⁶ Sai akshi da da bi ci pukuraucin shi,na Hirudiyaucin.akshi da rami yeso ma,"malum,jazəgadu ci baci jirewa,ka gugza dəvu məgənyi na jirewa ke. ka ma rama nən wam bai, katatka ntu aɗa i gadava ndawa ke bai ¹⁷ To a ramija, kai ka nana? kalkal bi nda bari arajo i Kaisar? ko nda bare ci bai? ¹⁸ Amma yeso ziga na kəmangarshi,aci maya,"Kwa katla ga gaɗa gəmo kun munafaucin? ¹⁹ atatkina dagda arajogu," se akshi dandi ci dagdau. ²⁰ Yeso da ramikshi," I jampel na dləgun gaye a vəɗau? ²¹ Akshi da rami ci,"ki kaisar"se yeso da ramikshi,"To a barina be mi wara ki kaisar i kaisar,be kə səku ke kwa bari səku," ²² akshi kəma kasən tin, se da jabci se akshi dainakshi daivu na aci. ²³ Gafau ɗagai se sadukiyaucin ɗagai,mi wara akshima nda tlai da kun mutu bai,dani i rigəri. Da jayaci. ²⁴ ,"malum,musa ram maya,"Nən mutəngərin,acina kutli bin dolle yaganagəri da zəbna amagəri gu da "yawi kutli i yagana gəri. ²⁵ Na yaganaucin ɗagai gatkasa.Ki səkur dlam zəba se da mutəngəri.buzu kutli bi tən dai vi na amagəri i yagana gəri. ²⁶ Se yagana gəri kə ,mashirən ke da dlam kasən, ki ma kwan ke kasən har da nai ɗa yaganagəri ki gatkasa. ²⁷ Daku gədshi nabai,se amau ke damucingara. ²⁸ To i tlai da kun mutu,amau a dlaɓa ka ye i kunakshi gatkasa gu? gaɗa gwəd shi zəbatu. ²⁹ AmmanYeso da ngumikshi maya,"kwa ɗayu na kun,gaɗa kwa ziga kakkadudadin na kərmai səku bai. ³⁰ Gaɗa i kun tlayi da mutu na zəba bai nda bari zəba ke bai.Gaɗa kasən akshi a dlama nakshi gənawa malekawad dəsku. ³¹ Gaɗa i kun tlayi da mutu na zəba bai nda bari zəba ke bai.Gaɗa kasən akshi a dlama nakshi gənawa malekawad dəsku. Amman i ɗak tlayi i daku mutu, kwa karatu be mi wara Seku rami kun bai, maya ³² Seku Ibrahim nen iyu, Seku Ishaku, na Seku Yakubu? Kakasku ke ndawa mi wara rabənakshi bai, amman ken nəɗawa mi wara na aro. ³³ Algi kema kasen tən,se da jabci gugzagəri,"To nda dlam nana Dauda i kun Nənwa səku ɗaura ci ma məgənyi, aci maya. ³⁴ Amman Farisaucin kəma, ma yeso tana awayu Sadaukiyaucin,se dacacpi aəɗakshi. ³⁵ Gayi da kunakshi baci zigayak dumaya,dlamikshi jaya a kaktlagəri ³⁶ "Malum linok tawan rumadu i marəm i kun dumaya? ³⁷ Yeso da ramici maya,"An ntuci Məgənyi kakaskaci na gəshaci gwəd,na aro ci gwəd,na ankalci gwəd. ³⁸ sutku atune marəm linok ki səkur. ³⁹ Linok kə shirən ke, kaki atu cam.A ntuci makaput ci kaki aɗa ci. ⁴⁰ I ɗa linok tuku ne dumaya nabaucin gwəd, dadligaya a ɗau. ⁴¹ Lockwtu mi wara Farisaucin gwəd da cacpa a ɗa gayi, yeso da dlamikshi jaya. ⁴² Aci maya,"kwa tuman gəmo i ɗa masihu? Aci wən gaye? Akshi da rami ci,"wən Dauda. ⁴³ Yeso da ramishi maya,"To nda dlam nana Dauda i kun Nənwa səku ɗaura ci ma məgənyi, aci maya. ⁴⁴ "məgənyi rami məgənyi ganai maya,am mbashi i ami ga ki mata,se na katana nda kuraci i diɗa zəgirci. ⁴⁵ Dauda ɗauru masihu,"məgənyi"nən nda dlam nana da dlam məngəri wən Dauda? ⁴⁶ Go nən wara a dəmu ngume ci,go baci sukuna dlameci jaya ke tən gafau.