¹ labarr kadugum kǝ Yeso wǝn Dauda, wǝn Ibrrahim. ² Ibrrahim wǝn afǝk Ishaku, ishaku afǝk Yakubu, Yakubu afǝk Yahuda na yaganaucing ǝri. ³ Yahuda afǝk Perresa na Zerra kutli Tamarr, Perresa afǝk Hesrruna, Hesrruna afǝkArram. ⁴ Arram aci ne Afǝk Aminadab, Aminadab ke afǝkNashon, Nashon afǝk Salmon. ⁵ Salmon aci ne afǝk Boaz wǝn Rahab, Boaz ke afǝk Obed wǝn Rrutu, Obed afǝk Jesi. ⁶ Jesi aci afǝk dǝgǝm Dauda, Dauda ke afǝk Sulemanu, mi 'yawacin ama Urriya, ⁷ Sulemanu aci ne afǝk Rohoboam afǝk ke Afǝk Abija, Abija afǝk Asa. ⁸ Asa afǝk Yehoshafat, Yehoshafat afǝk Jorram, Jorram afǝk Azarriya. ⁹ Azarriya aci ne 'yawu Yotan, Yotan afǝkAhaz, Ahaz ke 'yawu Hezikaya. ¹⁰ Hezikaya afǝk Manassa, Manassa afǝk Amon, Amon aci afǝk Yosiya. ¹¹ Yosiya afǝk Yekoniya na yaganaucingǝri, lakwtu mi nda ngwakshi i nye lardi Babila. ¹² Daku ngwakshi i nye Babila Yekoniya da 'yawi Sheyaltiyel, Sheyaltiyel aci ne 'yawu Zarrubabel. ¹³ Zarrubabel afǝk Abihudu,, Abihudu afǝk Eliyakim, Eliyakim 'yawu Azurru. ¹⁴ Azurru aci afǝk Sadiku,Sadiku da 'yawi Akimu, Akimu da 'yawi Aliyudu. ¹⁵ Aliyudu afǝk Elezar, Elezar afǝk Matana, se Matana da 'yawi Yakubu. ¹⁶ Yakubu aci afǝk Isǝbu, Isǝbu mǝsǝk Marryamu warra 'yawu Yeso mi nda ɗaurau Masihu. ¹⁷ Da lakwtu Ibrahim harr i nye kǝ Dauda nda dlam kadugumamin guma ayawu fuɗu, da lakwtu Dauda harr i nye lakwatu warra nda ngwakshi nye Babila kadugumamin guma ayawau fuɗu, zam da lakwtu warra nda ngwakshi i nye Babila harr lakwtu Masihu; kadugumamin guma ayau fuɗu. ¹⁸ Ɗi Yeso wakatu kasutǝku; Lakwtu Isǝbu a ɗǝga maryamu mi 'yawu Yeso i patla, amman nda de nati sugara bai, se nda duguratu na madau, dari Nǝnwa Sǝku. ¹⁹ Baci ɗǝga garau, Isǝbu, nǝn ne baci adalta, amman aci acu da zhirwatu i patata bai. Se aci da maki daivi na ɗǝga zǝbau da dǝɓsa. ²⁰ Aci akun darrurra i ɗak biwu tǝnu, se maleika Sǝku da pakeci, i kun sǝwan, da ram ma; "Isǝbu wǝn Dauda, ka kalwa zǝba Marryamu amaci bai. Gaɗa madu kunu garau, bau dari Nǝnwa Sǝku. ²¹ Atu aye ɗi mayim, ka ɗauri dlugunGǝri Yeso, gaɗa aci aye ra ndaGǝrI da kun aipapinshi." ²² Bitku wakatu mak gaɗa niya bee mi Kakasǝku ramu, da miya nabaucin ma, ²³ "Aikina; dabaku mi zǝga gǝmsǝk bai, aye bi madau, da 'yawi mayim , nda ɗauri dlugunGǝri Immanuwel"", wato atune, "Kakasku a wita wa". ²⁴ Isǝbu da gǝrradi da yiwan gǝru, da dlam bee warra maleika Mǝgǝnyi ramicigu, da mi na Maryamu i mbasu amagǝri. ²⁵ Dǝk na kasǝn, Isǝbu wǝnu na atu bai , se aku atu 'yawu mayim gǝmsǝk. Dan da barici dlugun Yeso.