1 I ne am inabi ki jirewa,afikga nai aci ne baci kamgu. 2 A sika na gapta tawanke da kun ga mi a bar ɗi bai, kuru a salamta na gapta tawanke mi bari ɗi gaɗa da bar ɗi gawa. 3 Kun da vi nakun gaɗ labar wara na ramdikun. 4 A dlaɓina i kun ga 'yu ye na dlaɓi i kuna kun kaki miwara gapta a dumu bar ɗi aɗagara bai a tika guvu wakau, kun ye kwa dumugu bai sai kwa dlaɓu i kunuga. 5 'yu ne guvu wakau, kun gaptatingu, nən wara dlaɓu i kunga nən i ke na kunugəri a bar na ɗi gawa.Gaɗa in na 'yu bin kwa dumu dlam be bai. 6 In tawanke dlaɓu a kunugan bin,nda vurka na aci kaki gapta waka, da wuɗingəri nda cacpi na gaptau i ɗa gayi nda pudu i kun aka nda bakinakshi. 7 In kwa dlaɓu a kunu gan maragaye a kuna kun a jayina be kwan cu nda dlama di kun. 8 Nda dlamna kərmai i afik ga i kun tuku, gaɗa kwa bar ɗi gawa kuru tatikidu kun pukuraucinga. 9 kaki miwara fikgu ntutu 'yu i ye na intutuna kun a dlaɓina i kun intuga. 10 In har kwa jib na dumaya ga nən kwa dlaɓa a kun intuga, kaki mi na jibna dumaya afikga i kun intugəri. 11 Na ramekun jandau tuku gaɗa perɗai ga da dlaɓi i kuna kun,gaɗa perɗi kun ye da jibungara. 12 sutuku dumayaga,kwa intuci tika kunkaki mi na intutu kun. 13 Na intau mi da rimi su bai,nən da taɗina arro gəri gaɗa mangaucingəri. 14 kun mangaucin ga in kwa dlam be tuku wara na barikun dumayan. 15 Na ɗaura kun ma mamu wənduwa wam bai ,gaɗa mayim munduwa ziga be wara baci wənduwa a dlamau bai, na ɗauri kun mangitau gaɗa duk be na kimau da ri afikga na ramadikun. 16 kwa cik ɗa yin kun bai,amman na cikɗina kun, na mina kun gaɗa kwa bar ɗi, ɗikun kuru ɗikun a dlaɓa sutku kasunu, be tawanke kwa jayu i kun dlgunganən, aci a bar dikun. 17 Jandau na ramikun gaɗa kwa intuci aɗakun. 18 In duniya kurna kun nən, a zigina du kurna 'yu bamba da kurkun. 9 In da kun ki dduniya nən duniyau da a intutu na kun gaɗa kun kara.Amman gaxɗa kun ki duniya bai kuru gaɗa na cikɗik na kun da duniya,gaɗa kasən Duniya a kurna kun. 20 A tanina tlam mi wara na rame kun,mayum wənduwa a rumu baci munduwa gəri bai,in akshi bara ni bone nən kun a barikun bone, in har akshi jib na tlamgun kun ye a jiba na kukun. 21 Akshi a dlamekun jandu giɗ gaɗa dlugun ga, gaɗa akshi ziga aci babu wanai ga bai. 22 In da in da na dina na ramikshi bi nən da aksggghi na aipu bai amman, gususku kasau, akshi na be da rami i aɗak aipapin shi bai. 23 Nən mi kuru 'yu ,kurna afikga cam. 24 In da na dlama wana tuku bən,da na nən wam bai a dumu da dlami da gadavakshi da akshi na aipu bai amman gususku akshi i kadu amman gaɗ nda kurna 'yu na afikga. 25 Amman jandu tuku mak gaɗa nda jibki tlam wara nda tarnu i kun dumayakshi. Akshi kurna 'yu go pirtək 26 sartu ba ci impi gəshj wara nda ji wanagu da ri afik gu wato Nənwa jirewa wara a virrai da ri Afik, den aci a rama be i ɗaga. 7 Kun ye kwa ramadu gaɗa kwa ɗagayi na 'yu tən da səkur gara.