¹ Kasgana Iyu ka ki marim nən gasgara, na təka dlame ci taran tuku, manga ntau ga Gayus wara jirewa na ntutu. ² Manga ga jayu Kakasəku, i aɗa be tawanke da rakini bəlan na ci da dəvo tawanke. Na bi kəlapiya təka ci ka ki mi ci kəlapiya i kunu dlama nakwana i Səku. ³ Iyu na arawai gəshi gaɗa yaganaucin nda ɗiga deu i ri tuku da rama nai ma kam mbasa ci kalkal i aɗa jirewa ramak Masihu. Akshi rama ma, ka tatika mbasa ci wara gajibak na jirewa Səku. ⁴ I na arawai gəshi lakwtu na kəmau ma ndawa wara na banatu da bar jirewa i kunu Masihu a mbasakshi i aɗa dəvo kalkal na jirewa. ⁵ Manga ga, ka guzapana yeso kalkal lakwtu wara dlama be gaɗa banata nda bari jirewa, har na magərafcin wara kasgagum bai, wara a rakan i rawanke a dlama wana Səku. ⁶ Karɗa bai na banata zada ndangu da dlam wanakshi i kunu dəvo martapatak Səku. ⁷ Lakwtu nda bari iman tunu ji vəda da rami ndawa i aɗa labar Yeso, Akshi kure na gəngyi dagwda dari ndawa wara kuru na bari iman i Masihu. ⁸ Gaɗa kasən, wa wara wa barna iman i masihu jəbin gara i wa, wa bari abin na dagwda i zada ndangu ka sau wa dlam wana na akshi nda banata ndawa jəgab da zəgi jirewa təlam Səku. ⁹ Na tarnu kakkadi i cacpa ndak dəga kə ri tunu na ramikshi i aɗa da banati nda bari jirewa jəgab. Amman Diyotarifis kurna gəngyi kakkdu gagu, gaɗa a ci ancu dlaman gəri ba ci ngərzəlma aɗa kun. ¹⁰ To lakwtu na zadan ga i ri tunu nin na ramadu i patata i tike be a ci a dlamau. A ci a rama be gabshu i ndawa gaɗa da dlami ci wa dari be a ci a ramau, a ci ɗiwatli na dlama sən rugara bai, amman a ci na aɗa gəri kurna gənyi duk bari jirewa wara a rakan i riwu a wanak Səku. Na ndawa wara ancu gənyakshi, a ci dabtina akshi dari dawakshi daivina kunu ndak dəga Səku. ¹¹ Manga, ka tatəka zada hal gabshu ka su bai amman kar ɗa bai na tatəka hal bəlan na tanke i aɗa ndawa duk dlama be belan jirewa akshi, kə Kakasəku nin tawanke ridi bai na dlama be gabshu ngalte i ka Səku bai. ¹² Duk nda dəga wa zəgana Dimitiriyas a ramau ma a ci nən bəlan. In jire gə nən, a ci ye a ramau kasən. Wa ramau ma a ci bəlan. Kuru kasgadu wa dlam rama i ɗa gəri ramawa jire. ¹³ Lakwtu na jəb taran kakkadi tuku, Iyu na be gawa nancu rame ci amman gusku nan cu rame ci i kunu kakkadu bai. ¹⁴ Gaɗa kasənu Iyu na tuman nye i ri ci yuwan dantau. I lakwtu wa dlamana rama miya na miya. ¹⁵ Na magita i aɗa Kakasəku da bari ci salam. magitu wa ki ri tuku a jubate ci dimakshi.