¹ Damiga nǝngasgara, i magǝra mi wǝnduga na kutligara wara na ntutu, na jirewa, ayu ruga bai amman na dǝk ndawa mi zǝgana jirewa. ² Gadak jirewa wara a kunajala a dlaɓa na kwa har dumaro. ³ Herr, kanjǝno na salam a dlaɓa na wa, dami kakasǝku afek na dami Yeso masihu wǝn, i kun jirewa na ntau. ⁴ Na pǝrɗai tlapar lakwtu na ba kutle kǝm jǝgab a rakan i kun jirewa; kaka wara wa gǝnu ramatku dami afǝk. ⁵ Miwǝnduwa amarci, na tarne kǝm karara rama dama bai amman wara wa bau tǝn warci, mi ram ma wa ntuti aɗawa. ⁶ Sutku ne ntugu. Ma na wa rakǝnyi kakǝ be m i aci rami wa. so be aci ramiwa. kakǝ wara kwa kǝmau kǝ sǝkur, ma kwa rakǝnyi ikunu (kusǝn), ⁷ Gada ndak mbalasta gawa tǝfe nakshi i duniya wara ardati bai ma yeso deu i kun tǝka nǝngaiwa. Stkugu baci mbalasta, na baci yabak Yeso. ⁸ Adlamina ankal ma adakun gada kwa buka be wara kwa dlam na waria i adua bai amman gada kwa gǝnyina tumanmau. ⁹ Dǝk nǝn wara ta kǝna bai i kun gugza, masi̇ hu bǝn, aci na kakasǝku bai. nǝn wara mbasingǝm i kun gugzo nin aci dagayi na afǝk, na wǝngu . ¹⁰ Nǝn tawanke demci, amman de na gugzatǝku bin ka gǝnaci wǝnduwaci bai kan dǝmaci bai. ¹¹ Gada nǝn wara ndəmacin, dlam mantukwina na aci i kun waragǝm kəmangar. ¹² Ina be gawa wara nanci na tarnyi kǝm amman, am tawarda kǝ tanan na kakkachi a dumu man bai, amman dǝk na kasǝn na tuman ni iri kǝm gada wa dlam rama, da na da. gada pǝrdaiwa da niyin gara lakcak. ¹³ Kutli uya mi kǝ mi imari, an dǝmakǝm.