¹ Utimoti ya tseyi Nde bani gabi mee avu befe te, ba fulu aba awulu ne tuzu gee ne nu nonono tumozi gii usigapa aka wa tutu la. ² Befe mee nba wulu ne tuzu gee ne te, baka vu bani mee nba fulu aba gyagya la te, gabo gede bavu baniko. Gabo guye te, bavu bani ga fulu aba ituzu gee sesele gabo ka gede batuzu gee mee afulu aba ba te, bavu baniko mee nba ye idiya te. Tsine gii ana gaba ibeme. ³ Nde uni mee utsine ibe mee iya gee tii niyo ada uyesu ne la te, baka gu gatseni gume uwayi tii ne gabi ne la te. ⁴ Unawa wa likene iwu nde wa kpu gyagya la, ni gayi te, uvu laba ni aka ga gee uvu ba agee gaza. ⁵ Dudu ga gini kaba wayi nu utuwezi la nba gye ibe sesele nu gayi te, ba moa te, woga gyene gade ibe ya gabi vu ibe ya iku gawa. ⁶ Kekeme, usigapa gaba nu ga gege nu ubeme nna gya tene uvu tumozi ya giibe. ⁷ Yabe ne gegene la, yase gini akolegi ni gegene la. ⁸ Nu gayi tete ibelili nu gugye ne, ya tsiyi. ⁹ Keke mee, bani mee nba ya gede bavu bani gibe baa mopili ni aka ibibi, ba pili ni giigye ko ibe izaza bani ya gase gume itutu ya banide ibe gase moa ni gazu ge te, ba tsi. ¹⁰ Iku gaye nanu vu utuwezi ya ka ibibi game . Bani diya iku geye gigi nba nabo aka itii game nba gini bane aka itsuku vu iwu yaba. ¹¹ Nde ngya, uni wo usigapa, tsaki ki ibeme. gii nna de nu lika tii, wo gabi, uni tsa, gaye, liye gamọ́,sẹ ga sene lutu. ¹² Mo tipi ko sele nu ga de iyi. Mẹẹ liyẹ ne lika tii ne gina wa uliye wa gabyi ume uvale te, nu lika gume nna gii useda nu bani ne gadune tse uvu lika usele. ¹³ Nami, ma gii ibe izizi mee tse gii uwavu ada, uni mee ugigi ibe gbii wa uliye te, se ada uyesu uni mee ugee lika nu tii gii upontius upilate. ¹⁴ Fulu ba ibe izizi mee sesele gii naka va la, se utu wa gebe ko ada uyesu. ¹⁵ Te gede usigapa uwa gigi gii uyesu abe nu utu usesele. Uni anibalika nukpukpu wo batigomo mee uwavo litse ni bani gbii te. ¹⁶ Nna keli uvu uni mee uwa tsutsu la te. ¹⁷ Gabani gii be ka gase gume gede baka vu bani lutu gali kene la baka ba iyapo ni gibe gede yavu gibe gbogbo agee la, gabo guye te, bade gakpu kaba nu usigapa, umee uwa gii ibe gamonu nu utumozi tii mee iya wa gade tsim te. ¹⁸ Gaba gede ba mee lika sele gii ba gya gibe nu lika sele game, gii nba vu bani ga yegaza nibanine. ¹⁹ Nde baa mete, wavu gade baye ya iwu yaba kili la nde ba ye yo utu wa gasu gee me uwa bete, gii nba wa uliye tii. ²¹ Bani diya ba gẹ lika gọmẹ, nba nabọ lika tii. Ụanihẹli aba nẹnẹ.