¹ Suroo bi ituanu lọ ri esesẹ vba shian ore? Ọiu aoo vba lọbe lọsi oshio hi esesẹ eli vba rẹ kuan miehọn? ² . Ebu mọin ọdaa. Vba gbe, vba kpo lẹ khui ebi vbai mati moin . vba khọrin, vba roo vbai kpe moin, Ọhiọ vba ivbi vbọbọ Oisẹlẹbua. ³ Vba vbi, vbai miọin me, Ọhiọ khi vba vbi evba emi lọi họnmọn, li vba da kpe we ọi hiọ evba aoo ọbe vba. ⁴ Vba vba igbo ghẹrẹ! vbaiẹn khi ọlogho ọla gbọna khi ọghian Oisẹlẹbua ọ? Ọhiọ ọna, uan ikhuan lọ ui ọlogho ọla gbọna, ọre gbe ghọi kii oghian Oisẹlẹbua. ⁵ Da vbi, eru ooọi khi ebe lofuẹn khai oọi hi oma ẹghẹ lọrẹ tai khi eti loisẹlẹbua mu imai vbegbe ki vọn ji akhọọ ekẹn egbe? Sokpẹn Oisẹlẹbua ọrẹ ẹsee ọhẹ ghọi lọ bu re. ⁶ Lọzi eta ghọi ta ''Oisẹlẹbua rẹ san elọ ruọ, ọrẹ rẹ ẹsee ọhẹ ghọi lelọ de gbe re''. ⁷ . Ọhiọ ọna, de egbe wẹ re li Oisẹlẹbua, rẹ san esu, erọ lẹna khọi ka hiọ. ⁸ . Siẹ vba Oisẹlẹbua li ọin siẹ vba. Vba kpobọ vba fuẹn vba vba elọ u okhọọ, vba zu udu vba fuẹn vba vba elọ mọin aoo eva. ⁹ . Mọin iria ẹkẹian, gbai guẹ, wuee! De lọ ojẹwẹ hi esuẹn, de lọ eghọnghọn wẹ hi ogbunu. ¹⁰ . De egbe wẹ re rẹji Olọimai, erọ khuae yi oke. ¹¹ Vba vba imiọn, vba khai ki runu ria egbe vba a vbọ, Uanha lọ gui ezọ lọi họnmọn da ọrẹ ghaẹzọ lọi họnmọn. gi omiọin ọfa uhi bi igha ẹzọ Oisẹlẹbua avbọ, sokpẹn ukha rọ uhi rui igha ẹzọ khu rọi u, eru deha wọn ọluhi ni yẹn. ¹² . Otu ọkpa ọgbuhi imai lọ gbo gha ẹzọ, Oisẹlẹbua, lọ mati sumuan lọ gbo mati wuee uan o. Dọli khu wẹwẹ lọ ghan ẹzọ ọzeva wẹ ? ¹³ Da ehọ, wẹwẹ lutai ''ẹẹna da vbi akhuẹ ma yi ehe inina, li mai da we ukpe ọkpa, li ma zi igha a, la da mi eee''. ¹⁴ Da ọlọ ki ẹn ebọ ruan akhuẹ, Da ẹgbẹ la gbọn wẹ ki ri bọi na? Ọrẹ bi ovbuu lọ de evbievbiẹ lọ che da an vbẹ kẹn ọitẹ gbe. ¹⁵ . Ebu khata ikhi, ''Ọkha uaoo Ọlọmọimai, eri ma kha riọ ma gbo mati u ebi mati u''. ¹⁶ . Sokpẹn bọi na wa wuọn amama wẹ hi iruọmi. Eli iruọmi ni eesẹn uza ọ. ¹⁷ Ọhiọ ọni, uan ikhuan lọ ẹn ebọ ehiọ lọ u, lọi iki uọi, rẹji ọnuan, ọkhọọ ọ.