² . Lo̱lo̱ ya miti mo̱i ifeṉgbere reyi elian e̱e̱n, bi ea li ue̱n sian do̱n shu ukpode̱ re̱, o̱hio̱ si aimi o̱lo̱ mo̱i o̱e̱ e̱me̱n. ³ . Erimidi si ona, io̱n la gbo miti lia isa'a vbi o̱kho̱ sio̱n, zein labo̱ lia ni evie. .v 4. O̱so mie̱n okhia ni egbe so̱i,sokpa Oise̱le̱bua lo̱i chie̱'o, zien labo oe̱ chi Aaron. ⁵ . Iyo̱ gbo khi kristi lo̱i ri o̱khai ni egbe so̱i, lo̱i re̱ ri egbe so̱i chie̱n oje 'ohe̱n, Ama, o̱lo̱i kpai tete re̱oi " ovi me lu'u,ena i chie̱n era" ⁶ . O̱ gbo ubi, ebo̱ ta vbi ayo̱ ve " O̱he̱n lu'u re̱le̱re̱le̱ re̱yi elabi melchizedek tai. ⁷ . E̱ghe̱ li Jesu re̱ ri vbi agbo̱n kpe̱n mai, o̱lia ero̱mo̱ bi evie̱ bi uru'ufimi re̱yi Oise̱ḻe̱bua, lo fian vbi ukpode eu. Oise̱le̱bua, lo̱ fian vbi ukpode eu. Oise̱le̱bua dai ehon o̱hio si ituegbe. ⁸ . O̱re̱ vbi o̱vi Oise̱le̱bua, o̱mami are̱o̱vbi.'eta, ohio̱ si eso̱n lo mie̱n. ⁸ . Ore̱ vbi ovi Oise̱le̱bua, o̱ mami are̱o̱vbi 'eta, ohio̱ si e̱so̱n lo mie̱n. ⁹ Ze̱in labi o̱i miti vbi emi ere̱me̱ li Oise̱le̱bua yieo̱, o̱lo̱ ke miti fian ire̱le̱re̱le̱, agbo̱n lian mo̱i ide'uhumi re. ¹⁰ Oise̱le̱bua ze̱o̱ bi oje̱ ohe̱n re̱ khain ue̱n si melchizedek. ¹¹ Mai mo̱i eta ogbere li mai lo̱ ta vbi e̱mo̱i Jesu, Ama o̱mia'me̱ re̱ ta, ohio̱ si, vba ya ke eho̱n sha. ¹² Uhi o̱vbo̱ li vba chien elian vie' ami Ama vba kpe̱ kho o̱lo̱lo̱ dia vba vbi uhi si Oise̱le̱bua eye̱n vba se̱ ye'ye̱n, o̱ivbi amae lo̱ ohia. ¹³ O̱lo̱ se̱ ye̱n' eyen, O̱ise̱ mo̱i amama si ihumi si o̱fuan o̱hio̱ o̱vehan sian lo u. ¹⁴ E̱mae lo̱ kaka isi edio̱n o' eso ri vbo̱, ohio si o'ohia sian mo̱i ao si emi lo̱se̱n bi o̱lo̱be.