1 O̱hio̱ si o̱na, mai lo̱ gbi eho̱n o̱vbi emi li mai ho̱n, lo̱i chie sho̱ vbi udu ma re̱. 2 Akha mein eta li oise̱le̱bua ri ehi ta, khi atao̱, bi elian vbi o̱kho̱ bi elian gbu uhai' mien o̱ya lo̱ deo̱ vbo̱. 3 Abi mai lo̱ meti nifan, e̱ghe̱ li mai ri e̱gho gbi o̱li anifan'a? o̱li anifan li o̱lo̱mo̱ima kpao we̱we̱, lo̱i gbo re̱ vbie̱ imamai lo̱ ho̱n o̱li eta na. 4 Oise̱le̱bua gbo dobo̱i re o̱se̱i vbi o̱li eta na bi oyinua, ogbunuan, bi eti odon' dan, bi uvemi si eti lofuan zie̱n labo̱ ho o̱. 5 Ohio si ageli ki Oiselebua re win oli agbon na re, li mai tana. 6 Ama oa vbi ayoso re asei ovbo, oroi, "Oma khi oa, lu ma re iyo woi vbi udu? ila ovbi oa lu wa za ma gbeo khoo? 7 Ke̱re̱ eya re̱ yo to̱ le̱i ehi, uwin uvieru si okhai bi ekpe nia. 8 Emi ere̱me̱n lu wun o̱vbi obo̱ soi, oiselebua o̱ wui egboi neya.Ama e̱yan a̱i mi emi o̱so̱so lu wu ovbi obo̱. 9 Ama mai mi o̱li oise̱le̱bua ma,lo gba lei ehi, vbi uvbi e̱ghe̱ kere, jesu o̱hio̱ si e̱so̱n bi eu soi, ke wei uvieru si okhai bi ekpen na. O̱hio̱ si o̱khai si oise̱le̱bua, odanmi eu si agbo̱n ere̱me̱. 10 o̱deo̱vbo̱ ni oise̱le̱bua, erimidi obo̱ so̱i li emi ere̱me̱ cian vbi obo̱ jian re̱, lo̱ re̱ ri okhai yi agbon ereme,ode 'ovbo̱ lo̱ gbo re ri o̱kpao si amiefan gha, ukpo̱,ohio̱ si e̱so̱n lo mien. 11 Khi o̱lo̱ kpe fuan, bi o̱lo̱ kpe fuan, bi o̱lo̱i kpefuan, uvie̱mi o̱kpa o̱, e̱kho̱ kha vbo̱ lo̱ re̱ cian e̱re̱me̱ imio̱n. 12 O̱ ro̱i " I lo̱ kpokhai si eni se̱ vbie̱ imio̱n me, i lo̱ sio se̱ vbi e̱ke̱n asikoko si o̱se̱. 13 I chie ta " i lo win, uduo̱ vbi egbe. I chie ta "kho me̱ vbian, me̱me̱ bi iviehan li Oise̱le̱bua re̱ ne̱me̱n. 14 Zein labi iviehan si Oise̱le̱bua kin e̱re bi ehu, iyo̱ jesu gbo debai ean ke̱n. Ohio si vbi eken eu, jesu lo̱ re̱ miti hui e̱su fia, lo mo̱i eti si eu. 15 Iyo̱ o̱lo̱ gbo fai'n, eli yan lo̱fe̱n si eu ke rian cien o̱vien. 16 Vekein ata ehi ko pkao bo̱. Ama uanmi si Abraham lo̱ yie̱on. 17 O̱hio̱ si o̱na ,o̱e o̱vbo̱, loi ya gbo wue zie̱n labi imion, vbi ukpode ere̱me̱. Lore̱ moi itueken bi ajuduan reyi emi ere̱me̱ si Oise̱le̱bua, lo̱ gbo re̱ win agbekua si o̱kho̱ si agbon ere̱me̱. 18 Erimidi Jesu legbe soi soi o̱mi e̱son, ate̱o"a. Ohio si o̱na o̱lo̱ gbo miti gbo enhi ele esun dama.