1 La re̱ gaze̱ o̱se lan vo̱n ulaga mai, vba win ikha bi o̱kho̱ fia, vba zuan ri ifun'egbere li o̱li ula lo̱ ri vbi isao mai na. 2 vba zuan mo̱i ide'ehon yi jesu, igbanre bi are̱so si ajuduan mai, vbi o̱li eghon'hon la wun kpe̱n o̱i, oziengbe si ogbe̱n, o wui ile̱ho̱i so̱i fia,, lo̱ re̱ miti gia vbi obo̱ o̱dio̱n si e̱kpe̱te̱ si oise̱le̱bua. 3 o̱hio̱ si o̱na ' o'oi e̱moi, lo̱ miti mo̱i izie̱ngbe̱ si ikhian vbi e̱ke̱n o̱kho̱ re̱ yo̱i. La re̱ mie̱ khi u mo̱i o̱e̱ vbi udu se̱ re̱ win o̱li uwe̱n na fia. 4 Vba se̱ sile̱gbe sho̱ vbi o̱kho̱ re, re̱yi ukpo̱ 'hio̱ si e̱re; 5 Vba ei iria'ha la wun lavba zie̱n labi o̱mo̱ a; '' Ovi me̱, veawin uke̱ke̱ si Oise̱le̱bua he'ghe. dai loi e̱'vba sa deli' vba vie'' 6 O̱li ois̱le̱bua uhe̱ke̱n'o lo̱ vie emi o̱li si ke egbe ilo̱ gbe. 7 Mo̱i ozie̱n si e̱so̱n, Oise̱lebua kpa vba vie zie̱n labi o̱mo, iyi o̱mo̱ li era shall khi uke̱ke̱ ni. 8 Eghe̱ lu mo̱ are̱ vbe̱, uvie o̱vio̱ 9 Vba mo̱i era vbi e̱ke̱n egbe lo̱ vie vba emi, li vba ri ekpen yi, mai kha ke ri ekpen ni eramai si eti bi agbo̱n 10 Vbi oḇo o̱kpai na, eramai ri emi vie̱ mai, vbi ikpe eso, zie̱n la wia'an e̱o̱ kuere. obo̱ o̱no̱i Oise̱le̱bua o̱vi eli emi na li ma ke̱n vbi o̱fuan so̱i 11 Ai mi are̱o̱ uvbi uhi lo̱ e̱ghe̱n oli e̱ghe̱n lian, Ama o̱to ikpu'oho owin ipe'ko̱mi si o̱fuan re̱yi elian remi vie̱. 12 Toto obo̱ se̱ bi awe si lo̱ ke e̱. 13 Ehien ukpodo lo̱ gia ni ikpawe̱ se̱, la re̱ mie̱n emi lo̱ de'kin o̱kpa'no̱, ama lo̱ re̱ mo̱i amiegbe dan. 14 Ri emi ere̱me̱ ikhui o̱fure bi o̱fuan, si o̱e̱ vbo̱, lo̱ o̱so kha re̱ mi Oise̱le̱bua. 15 Vba mo̱i ifuengbere lare̱ mie̱n o̱so do'an vbi ese' ohen si Oise̱le̱bua, bi are̱ mi ikpi'l si o̱la'a gbo̱n lo̱lo̱ miti si o̱mia'me, lo̱lo̱ miti ria udu si agbo̱n'a. 16 Vba mo̱i ifun'egbere li vba mo̱i uwe̱n si okhe̱ vbi us'e vba. dai ea lian mo̱i uwe̱n si Oise̱le̱bua labi eso̱u, lo̱ri o̱hio̱ emae slin o̱dio̱n so̱i . 17 O̱hio̱ si uwe̱n ikpu'okho,lo̱ ke re̱ kho lo̱ uku si ohan are̱ so̱in fia, erimidi o̱ike mi ukpode si are' hume ̱ o̱re̱ ri evie̱ kho'o 18 Khi udi oko̱ re̱ la kha miti ri obo̱ so, oko si eran lo̱ to, bi aso̱n , lo̱i gbo, be efio ame̱. 19 U vbare vbi uro si tatafi.dai uru lo̱ totoi, li elian da'ehon dua'obo̱ eke hko liuan ho̱n. 20 Ian mo̱i izie̱gbe si ase̱ la gbe eami kha ri egbe sui o̱li o̱ke, ai ri udo gbo̱.21 Iyo̱ o̱li emi ri o̱fe̱n win ,moses lo̱ re̱o '' ofe̱n o̱ wu me̱ ya kuo̱ 22 Sokpe̱n udi oko̱ si zio̱ni re, bi e̱vbo si oise̱le̱bua, Ijerusale̱m si ohumi eimi, bi e̱gbe̱n ' egbe̱n si ehi lian vbi ukpe. 23 Udi asikoko si o̱mo̱' o̱dion re, la ke vie ani sian vbi ohumi'eimi, uvare vbi si Oiuse̱le̱bua, o̱lo̱ ghai e̱zo̱n ere̱me̱, bi eti si elian fuan, la ke fi ma. 24 Uvare vbi si Jesu, o̱lo̱ muzan namai vbi atamasi lo̱'gbo̱n bi umi'an han si eire lo̱ teta le̱i e̱re si Abe̱li. 25 Mio̱i khi sin o̱lo̱ teta fia, e̱gbe̱ lian nio̱fan o̱li'an sain fia, o̱lo̱ hi ukeke nian vbi o̱li uhumi oto̱ na, eka ma lo̱ miti ni'fan vbi o̱lo̱ khin uke̱ke̱ vbi ohumi'eimi. 26 E̱ghe̱ o̱kpa, uru so̱i win o̱li uhumi oto̱ na re'khe, Ama e̱yan o̱ re̱hi, otai '' iso̱'kpa ilo̱ che re'khi o̱li o̱humi oto̱ na o̱kpa, ilo̱ gbo re'khi ohumi eimi. 27 Eli eta na '' iso̱'kpa de'wun awun vbo̱'re si emi lian miti rekhe, o̱an khi emi lamai, lai re̱ mie̱n emi lo̱ ya re'khe o̱fi ma 28 O̱hio̱ si o̱na, mie̱n e̱ghe̱ o̱ba lo̱ kha miti re'khe, vba zuan yain khue̱me̱ vbi eli ue̱n na, gi Oise̱le̱bua be ekpe̱n bi oyin'nuan. 29 Oise̱le̱bua, era lo̱ lei emi'e o̱.