¹ Ipolu, apo̱sto si Jesu Kristi, re̱shan vbi ihume̱ke̱n isi Oise̱le̱bua, ze̱n ebi Oise̱le̱bua hoi, re̱ yi elofuan isi Oise̱le̱bua le ri vbi Efiso̱s, lian muzain gidi vbi Jesu Kristi. ² Eseo̱he̱n o̱ re̱ yi vba bi o̱fure lo̱ za vbi isi Oise̱le̱bua vare, li Eramai bi Olomo̱e̱nma Jesu Kristi. ³ Ire o̱ yi Oise̱le̱bua li Eri Jesu Kristi O̱lo̱mo̱e̱nmai, lo̱ ri ihianba isi emi ere̱me̱n vbi ihianba si etin lo̱ ri vbi okhumeimi vbi Kristi. ⁴ Oise̱le̱bua ze̱ mai yi o̱in re̱ za vbi ibe̱re si agbo̱n re̱re, khi mai lo̱ mo̱in o̱fuan bi elo̱i mo̱in afido̱n vbe̱o so̱i. ⁵ vbi e̱ke̱n ihume̱ke̱n Oise̱le̱bua ze̱ main o̱vboto̱i, lo̱ lo̱re̱ chie̱n ivbia vbi Jesu Kristi, o̱ ui o̱na erimidi kho̱ hoo lo̱ ui emi le̱se̱n lo̱ e̱ghe̱n o̱n. ⁶ O̱na lo̱ ze̱ la re̱ ree Oise̱le̱bua vbo̱'khai si e̱seo̱he̱n so̱i, lo̱ re na main o̱he̱n vbi o̱lo̱hume̱ke̱n o̱n. ⁷ Vbi o̱lo̱hume̱nke̱n o̱n, mai mo̱in ade̱chiere lo̱ rekhain e̱reso̱i, bi are̱hume̱n isi o̱kho̱. Mai mo̱in o̱na ohio̱ si e̱fe si e̱seo̱he̱n so̱i. ⁸ O̱ ro̱i o̱ li e̱se so̱i na yi main vbi ukpode̱ si e̱wain ere̱me̱n bi awue̱o kuere. ⁹ Oise̱le̱bua ri o̱i vbie̱ main, uhegbe lo̱ ri vbi ao so̱i re̱yi main, re̱ yi emi lo̱ e̱ghe̱n o̱n, lo̱ za vbi egbe si Kristi re̱vbie̱. ¹⁰ Lo̱ re̱ mi amama lo̱ ri vbi isao, re̱ si uvo̱n mi e̱ghe̱, lo̱ re̱ huai emi ere̱me̱n koko, emi lo̱ ri vbi okhumeimi bi agbo̱n li mo̱n uhumi o̱kpa, li khi Kristi. ¹¹ Vbi e̱ke̱in Kristi a ze̱ main vbi elelo dia vbehe so jie. Amamai yi main kpao elabi amama si aoo si yo̱in lo̱ uiemi emi ere̱me̱n, ebo̱i mama vbi aoo so̱i. ¹² Oise̱le̱bua ze̱ main vbe le lo̱ uku li main re̱ chie̱n elo̱ kpao le mo̱in adui an vbi ideaeho̱n si Kristi, li main re̱ chien ire si o̱khai so̱i. ¹³ Vbi Kristi, we̱we̱ achie̱, ukha hin eta si ata, eta lo̱se̱n isi amieho̱n, mieoi ho̱n ari Etin lo̱ fuan vboe̱. ¹⁴ Etin Lofuan li khi aduidu an toto, si uku main, se̱ vbi e̱ghe̱ lo̱lo̱ se̱ main obo̱ re, re̱ yi ire isi okhai so̱i. ¹⁵ O̱hio̱ so̱ na, obo̱ li re hemo̱in vbu emo̱in amieho̱n vbi O̱lo̱moe̱nma, Jesu bi ihume̱ke̱n vba yi eia le fuan si Oise̱le̱bua. ¹⁶ I chie dobo̱ yie̱n khi khuemi Oise̱le̱bua, ebi ai sueni vba vbero̱mo̱n me̱. ¹⁷ I li'ero̱mo̱n khi Oise̱le̱bua si O̱lo̱mo̱e̱mai, Jesu Kristi, Ero̱ khai, o̱lo̱ ri etin si eawain bi are̱vbie̱ vbi aire e̱o̱in so̱i. ¹⁸ I li ero̱mo̱n le̱o si udu vba remo̱ itan eoa, li vba re̱ e̱n aduidu an vbe mi man mo̱ ideo so̱i lae za echie vba bi efe so̱i okhai si uku re̱ yi eia si Oise̱le̱bua ere̱me̱n. ¹⁹ Vb'ero̱mo̱n men ya main li vba re̱ e̱n ugbami si utoto mi lai khameti man, vbi main li ain mieho̱n re̱ shian obia siutotomi so̱i lo̱ gbai. ²⁰ O̱li utotomi o̱kpa na o̱ li Oise̱le̱bua wei vbe egbe si Kristi e̱ghe̱ lo̱ wo̱in sho̱ vbidi re, o ke re̱ o̱ dia vbi obi obo̱ dion so̱i vbi okhumiemi. ²¹ O̱ wuin Kristi dia vbe bo̱ dale̱ gbeigbei le̱ uhi ere̱me̱n bi ase̱ bi utotomi, bi agba an bi eni la soi ere̱me̱n. Kristi o̱lo̱ remi ere̱me̱n shian vbo̱ reina bi agbo̱n lo̱ vade. ²² Oise̱le̱bua huai emi ere̱me̱n o̱ vbi okpoto a we̱ si Kristi, o̱za wo̱in lo̱se lo̱i re̱ chie̱n uhumi emi ere̱me̱n. ²³ O̱se̱ ikhi egbe so̱i, ei re̱ vo̱n so̱i lo̱ vo̱n emi khemi ere̱me̱n.