1 Po̱lu, li ovbiodogho si Jesu Kristi vbe̱ke̱n aho si Oise̱le̱bua, elabai hio̱i vbi e̱ke̱n aye lo̱rivbi e̱ke̱n Jesu, 2 re̱yi Timoti, ovbime̱n li hume̱ke̱o̱n: O̱khai, itue̱ke̱n, bi o̱fure si Oise̱le̱bua li Era bi Jesu Kristi O̱lo̱moe̱mai. 3 Ikhue̱mi Oise̱le̱bua, lia ga re̱zavbi obo̱ si eramai vare, vbe̱ke̱n udu lo̱fuan, elabiai e'evbare vbi ero̱mo̱ me̱n vbe̱ghe̱'ikhe̱ghe̱. Aso̱n bi odiamin 4 yia ho'o li ya mie̱vba, li e̱ke̱nme̱n yia e̱ghe̱n. Ie'e e̱mo̱n amievie̱ vba're. 5 I gbo e'e̱mo̱n amie̱nho̱n se̱'e̱re lo̱u khuzavbi obo̱ si iyo̱n lo̱dio̱n li Lois mie̱n bi iyo̱n li Yunisi. Eri e̱in kh'erugbo mo̱in o̱li ohan. 6 O̱na ikhi emo̱ze̱i lia re̱ e'e̱re lure̱ zi erain si ohan si Oise̱le̱bua lumo̱e̱n yavbae O̱hio̱ si obo̱ lare̱o̱we̱ vbuhumi. 7 Oise̱le̱bua o̱iri eti si ilofe̱n yuan, sokpe̱n isi utotomi bi ihume̱ke̱n bi o̱lo̱ mo̱in ilofe̱n si uhi. 8 O̱hio̱ so̱na eze̱kho̱i oe̱ lulo̱re̱ ro̱se̱'e̱ o̱vbi e̱mo̱in O̱lo̱mo̱e̱mai, da'a vbi e̱mo̱in me̱me̱n li Po̱lu, li isighan so̱i. Sokpe̱n, ke̱n vbi ioya vbe̱mo̱in eta si o̱hume̱me̱n vbi utotomi si Oise̱le̱bua. 9 Oise̱le̱bua lo̱ fan main lo̱ ecie main vbe̱ke̱n o̱fuan. O̱vbi o̱na, o̱iu re̱yi obia si obo̱mai, sokpe̱n o̱hio̱ si amama so̱i bi e̱se'e o̱he̱n. O̱vbi elemina namain vbegbe si Jesu Kristi o̱kpe̱se̱ khi e̱ghe̱ gbanre. 10 Ake ri amie̱nfan si Oise̱le̱bua vbie̱ vbe̱ke̱n avare si o̱mie̱nfan mai li Jesu Kristi. Kristi lo̱ wuin ireso̱ o̱vbi e̱mo̱i eu, lo̱re̱ wui aye lo̱i mo̱in ire̱so re s̱ian vbi eta si o̱hume̱me̱n. 11 O̱hio̱ so̱na, laza ze̱me̱n re̱kie̱n o̱lo̱ wewe, uvbiodogho, bi o̱vbie̱'emi. 12 O̱lukpo̱hio̱ na liare̱ o'oya si elemina. Sokpe̱n e̱kho'iome̱n o̱vbo̱, erimidi khi'e̱n o̱li mie̱nho̱n. Emo̱ some̱n'udu ikhi ero̱lo̱meti re̱okhui emi liwuo̱in vbobo̱ se̱vbi o̱lukpe̱de̱an. 13 Vba ri e̱mo̱in si ata si o̱li uko̱ na livba ho̱in vbunu me̱n ya vbie̱ vbi ukpode̱ le̱se̱n, vbe̱ke̱n amie̱nho̱n bi ihume̱ke̱n lo̱ rivbi Jesu Kristi. 14 Vba re̱o khui emile̱se̱n li Oise̱lē̇bua reo̱vba vbobo̱ vbe̱ke̱n etilo̱fuan, lo̱rivbo̱ kpe̱nvba. 15 Ue̱in o̱na, khi ea lian dia vbi Esia cie me̱n uokho. Vbi use'e siain laza mi Figelo̱s bi Hamojens. 16 Oise̱le̱bua o̱i mo̱n itue̱ke̱n yi iwe si Onesiforo̱s, o̱hio̱ si eo lo̱re̱ khume̱n bi o̱ile̱kho̱i vbo̱hio̱ si ighain se̱me̱n. 17 Oise̱le̱bua o̱i mo̱in itue̱ke̱n yio̱i vbi o̱lukpe̱de̱ ain. Vba dobo̱ vba e̱in ikho̱'obo̱ lo̱ re̱ne̱me̱n vbi E̱fe̱so̱s.