¹ Emo̱i si obia si eliyiamiahon, o̱i deo̱vbo li re̱ vin ebe yi vba. I ri emi li vba kho li vba u ruo yi agbon lian rivbi Mesidona. ² I ta niain khi re̱ za vbi elaukpe vare li achai o̱ za wui egbe o̱vbi oto̱i. Agbayiegbe sa vba o̱ ke zi vbi emi. ³ Ya yi eli imio̱n kpao ne̱ me̱ loza mie̱ khi yiain kha ga vba ze, yiain lo̱ nie khi aho'i ki re̱ vbi ire vba, la ke za mie khi vba wui egbe re̱ foi oli obia, ebi ro̱i re̱hi khi vba lo̱ e. ⁴ O̱li Macidona kha re̱han me̱ lo̱ mie khi vbai wegbe, mai lo̱ le̱gho̱i ita emio̱so emo̱n vba, li za mo̱e̱ ijuduan re̱ yi vba. ⁵ I o̱ khi o deo̱vbo̱ li rē̄ sui imio̱n mai udu yiain re̱ kpao vae o̱ mai emo̱i si o̱li ohan li vba hio. O̱na vbi yo̱ lo̱ vbi vba ri udu vba wui re̱ lo̱ vbi emi la o̱ vba o̱i vba ze̱. ⁶ O̱ li emo̱i ikhi o̱na, o̱lo̱ ko̱i kere o̱ lie kere, o̱lo̱ ko̱i vbi si ikhuanba o̱ lie vbi ikhianba. ⁷ Vba zi o̱do̱de re̱re ebo̱i oo̱i vbi udu. lo̱i re̱re vbi e̱ke̱in iriakean. Oise̱le̱bua khumeken o̱lo̱ re̱ vbi obo̱ re. ⁸ Oise̱le̱bua lo̱ meti zi ikhuaba se̱ bun le̱se̱n, la re̱ mie̱ khi vbi e̱ghe̱ ere̱me̱, vbi emi ere̱me̱, u lo̱ mo̱i emi lua ho'o. ⁹ Ebi oi vio̱i khi, "O̱ ke̱ni e̱fe ere̱me̱ so̱i ni eli yai mo̱e o̱fuan so̱i o̱ si re̱so. ¹⁰ yo̱in lo̱ wui ikpe̱kani ni o̱lime lo̱ ko̱i bi eko isi emai, o̱lo̱ gbo wui ikpe̱komi lo̱ bun le̱i yo̱ yie̱ re̱ ko̱. ¹¹ O̱lo̱ re̱ vo̱in akhuakoko si akpefuan. U lo moi efe uein ereme yi Oiselebua. ¹² Khi la re̱ vbi o̱li o̱bia na o̱ivbi la re̱ kpai eliameho̱n obo̱ o̱kpa, o̱gbo bun yi ue̱n evbe si ekhue̱mi re̱ yi Oise̱le̱bua. ¹³ O̱hio̱ si adama vba gho vbi o̱li obia na, vba gbo re̱vbie̱ ea la bi vba u. Vba wui ekpe̱n ni Oise̱le̱bua vba re̱ re̱o̱ vbi emi lo̱ ta vbi eta si o̱khume̱me̱ re̱yi Kristi. ¹⁴ Yian hoo vba, yiain gbo liero̱mo̱n yi vba. E vbi o̱na o̱hio̱ si eseo̱he̱n si Oise̱le̱bua li vba mo̱en. ¹⁵ lai ri ekueme yi Oise̱lē̄bua vbi ohan lo̱ re̱ yi mai li mai miunu re̱ tai.