Chapter 5

1 2 మీరు థేమటింకి పేమగా మంథాని పిల్లాక్కాసి మినిరి గాబట్టి, ఓని తిస్తె నడసోర్వే మంథాటి. 2 కిరిస్తు మనసేంకా ఓని ఒల్దిని థేమటింకి మంచి వాసన ఈథాని బలిగ ఈసి మనాని పేమిస్తాటు, మీరు గూడ పేమాతె నడుముటు. 3 4 ఇంకా థేమటిని నమ్ముకుట్టోరికి తగ్తాటు, మీయమటె లంజతనమ్, పతి కుల్లు, సెడ్డ ఆసె ఇమ్వ బేమాతరమ్ 4 ఆలాకె బూతి మాటాకు, పంథికి వం్రో వెర్రి మాటాకు, ఆస్కెమ్ తుంగాని మాటాకు మీకు అసలె కుదురో. వాటికి బదులుగా దండాకు వాటోరె మంథాటి. 5 6 7 లంజ అత్కన్నా, సెడు తుంగనోండు అత్కన్నా, పొతిమేకిని మొడక్కాని పీసివాండు అత్కన్నా, ఈరంథోరు థేమండు పాలిసాని కిరిస్తుని థేసాతికి అక్కుథారిర్కు అయ్యోరు ఇంజి మీరు పున్ని మినిరి. 6 ఈలోంటి పనుంగు తుంగనోరు థేమటింకి లోబరువొవారుగా మినోరు గాబట్టి ఓరి పొం్రొ థేమటె కోపమ్ వెయుతె. గాబట్టి బేనో గూడ మీమిని అడ్డగోలు మాటాకినితోటె బొక్కిసకుండా జాగర్దగా మంథాటి. 7 ఓరు తుంగాని పనుంగినె మీరు పాలాదకుండా మంథాటి. 8 9 10 11 12 పూర్వకాలాతె మీరు సీకటాసి మత్తీరి. గోని, ఇంజె బోనో పెబుని థోరింపినె వెన్నిలాసి మినీరి. గాబట్టి వెన్నిల్తె మంథాని పిల్లాకిని తిస్తె నడుముటు. 9 వెన్నిలాతె నడదంథాని పెయుసి వాథాని పండి అన్నిటె మంచిగా మంతె. వాంటె థేమటె నీతి నినె నిజాయుతి వేడకత్తె. 10 పెబుంకి ఇస్టమత్తదు బేథో ఇంజి మీరు సోథిసి ఊడాటి. 11 పలితమ్ ఆథో సీకటి పనుంగినె పాలాదకుండా వాటిని గథ్దిసాటి. 12 ఓరు సాటినె రాసియంగా తుంగాని పనుంగిని గురించి తిరియటమ్ గూడ సిగ్గుపాటు మంత్తెె. 13 14 వాటన్నిటిని వెన్నెలతికి తత్తస్కె, వాటిని తుంగ్తోరు బేలోంటోరో ఇంజి వెన్నెల్తె తేటంగా వేడకయుతె. 14 గాబట్టి థేమటె మాట కెత్తాటు: ఉంజి మందనోనె నిమ్మ తేథా 15 16 17 గాబట్టి, మీరు గ్యానమ్ ఇల్లోవారి చెంతమ్ నడదకుండా, గ్యానమ్ మందనోరి చెంతమ్ జాగర్దగా నడిసి, 16 రోజ్కు సెడ్డవి గాబట్టి పతి అవకాసకిని జాగర్దగా వాడుకునుటు. 17 గాబట్టి మీరు తెలివి తక్కువవారిగా మందకుండా, పెబుని ఇస్టమ్ బాతథో తెలుసుకునుటు. 18 19 20 21 దుస్టతికిచెంత నిసాతె మందకీరి; గోని థేమటె ఆత్మాతె నిండి మంజి, 19 కీర్తనాకు సథివిసి, పథాకు పాడోరే మంథాటి; థేమటె గురించి రేలా పథాకు పాడోరే ఒరోంకొరో మంచి మాటాకు కెచ్చి, మీ రుదయకినె పెబుని గురించి పాడోరె గొప్ప తుంగాటి. 20 మన పెబు అత్త యేసు కిరిస్తుని పెథేటె బెస్కెటికి పతిథాంటె తప్పె అత్త థేమటింకి దండాకు వాటి, 21 థేమటింకి వెర్సి మంజి, ఒరోంకొరో లోబరిసి మంథాటి. 22 23 24 ముత్తెకినీరె, మీరు పెబుంకి లోబర్దనాటు మీ ముత్పలోరికి లోబరిసి మంథాటి. 23 కిరిస్తు సంగతికి తలకయు ఆసి మందనాటు, ముత్పాలు ముత్తేంకి తలకయు ఆసి మినొ. ఒల్లాసి మంథాని సంగతిని ఓండె కాపాడనోండుగా మినొ. 24 గాబట్టి సంగమ్ కిరిస్తుంకి లోబరిసి మత్తాటు, ముత్తేకు ఓరి సొంత ముత్పలోరికి అన్ని పనుంగినె లోబరిసి మందవాలె. 25 26 27 ముత్పలోరే, మీరు మీ ముత్తెకిని పేమిసాటి. ఆలాకె కిరిస్తు గూడ సంగతిని పేమిసి, 26 థానిని ఓని మాటా ఇంథాని యేత్తె నొరిసి, సుబ్బరమ్ తుంగి, 27 మరక బాత మందకుండా, తప్పు బాత ఇల్లకుండా, సుబ్బరమ్ మంథాని, గొప్ప వెన్నిలా ఈథాని సంగంగా ఓని మున్నె నిలవాటి మందనాంకి ఓనినే ఓండు థానిసేంకా ఒపగిస్తో. 28 29 30 ఆలాకె ముత్పలోరు గూడ ఓరి ముత్తెకిని ఓరి సొంత ఒల్లు ఇంజి అనుకునుంజి ఓరిని పేమిసవాలె. ఓని ముత్తెని పేమిసనోండు ఓనినే ఓండు పెమిసనో. 29 ఓని సొంత ఒల్దిని పొం్రొ ఈర్స మందనోండు బేనో గూడ మన్నో గథా? పెబు సంగతిని పోసిసి కాపాడనాటు పతివాండు ఓని ఒల్దిని పోసిసి కాపాడనోండుగ మందవాలె. 30 మనాడు ఓని ఒల్దె బాగాకు ఆసి మినాడు. 31 32 33 థీనిని పెయుసి మనుసుండు ఓని తల్లూరు తప్పేని విడిసిసి, ఓని ముత్తేనితోటె కలియు, ఇరుమరు ఒరోటె ఒల్లాసి మంత్తోరు. 32 థీంటె గొప్ప రాసియమ్ మింథె. నన్న కిరిస్తుని గురించి సంగతిని గురించి కెచ్చనాన్. 33 బేలాయుతుక్కన్నా, మీయమటె పతివాండు ఓనిని పేమిస్తాటు, ఓని ముత్తేని గూడ పేమిసవాలె. ముత్తే గూడ ముత్పానగ్గ మరియూద కలియు మందవాలె.