1 ಅಯ್ಯ ಅಂಫಿಪೊಲೀ, ಅಪುಲ್ಲೋನಿಯ ಪಟ್ಟನಂಘುಳಮೀನ ಥೇಸ್ಸಲೂನಿಕ ಪಟ್ಟಣಂಕು ವೊಂಚು .ಆಟಿ ಯುಧುಘ ಸಮಾನ ಮಂಧಿರಾಮ್ ವುಂಡು ಕೀಧು. 2 ಪೌಳು ಆತುರು ಅಲವಾತಾಳ ಪ್ರಕಾರಮ್ ಆಟುಕು ಪಾಯಿ ಮುಡು ರೂಜುಳು ವಿಸ್ರನ್ತಿ ಧೀನನ್ಘಾ ಲೀಕನಾಳಕೂರುಂಡು ಅಸ್ಲೂಟಿ ಸೊಣ್ಣಿಘಿಸು. 3 ಕ್ರಿಸ್ತು ಹಿಂಸಘ ಬರಿಂಚಿ ಸೊತೋಣಾಸುಲಮಾತಿಂಡಿ ಎದ್ಧಿಕ್ಕಿರುಧು ತಪ್ಪನಸರಿ ಇಂಡು ಲೀಕನಾಳ ವೊಂಗಿ ವಿವರಿಂಚುಸು, ನಾನು ನಿಂಘುಲುಕು ,ರಕಟಿಂಚುರ ಎಸಯ್ಯಮೆ ,ಕ್ರಿಸ್ತು ಇಂಡು ತೇಲಿಯಜೀಯುಸು. 4 ಕೊಂತನೀರು ಯುಧುಲುಘ ವೊಪ್ಪಿಂದು ಪೌಲ್ ಶೀಲಲ ವೋಟಿ ಕಳುಜುಗುಸು , ಭಕ್ತಿಕೀರ ಗ್ರಿಕುಲಾಯ, ಸೇನಾಟ್ಟೇರು ಅವಸಾರಾಂ ಆನ ಸ್ತ್ರಿಘ ಇಂಚು. 5 ಆನಿಕೆ ಆ ಬೋಧಕು ತೇಲಿಲ್ಲರಿ ಯುಧುಲುಘಾ ಅಸೂಯಮೂಟಿ ನಿನ್ದೂಯಿ ವೂರುಕೂರು ಪಣಿಪಾತ ಇಲ್ಲಘುನ್ಡಾ ತಿರುಘುನಾ ಕೊಂತನೀರು ಪೂಕಿರಾಸಲಾ ಪೇರಿಗಿಲಿವೋಟುನ್ಡು ಘುನ್ಪುಘಾ ವುಕ್ಕುಂಡು ಬೇರುತುಘಾ ಅರಿಸಿಘಾಟ ಯಾಸೋನು ವುಟುಮೀನಿಬೂದು ಪೌಳು ಸೀಳಲನ ಜನಮ್ ಮದ್ದಿ ಕೂಕು ಅಸುಂಡೂಘುಮ್ ಇಂಡುಘುಸು. 6 ಆನಿಕೆ ಅಯ್ಯ ಕಂಡಿಬುಘುಲ್ಲಾಘುನ್ದು ಓಘರಾಕಾಡಿಕಿ ಯಾಸೋನೂನು ಮರಿ ಕೊಂತನೀರು ಸೂಧರಿಇಳ ಆಪಟ್ಟಣ ಅಧಿಕಾರಿಳ ಮಾಟಿಕು ಲ್ಲಾಕಿಂದೂಯಿ , ಬೂಲೋಕಮ್ಯುನ ಥಾಲಕ್ರೀನ್ಧುಘಾ ಸೀನ್ಧ ಯೀಯ್ಯ ಇಟು 7 ಕೂಕೂಡವೊಂಚು.ಯಾಸೋನು ಇಸಳ ಅಸ್ಘುವುಟುಕುರು ಎಚುಘುಸು. ಇಯ್ಯದ್ದೇರು ಯೇಸು ಇಂಘಿರ ಯೀರೆ ರಾಜು ಕಿಧಿಂಡು ಚೆಪಿತೂ ಕೈಸರು ಸಟ್ಟಂಗಲಕು ವಿರೋಧನ್ಘಾ ನಡುಧುಘಾದು,ಇಂಡು ಕೇಕಲೋಡುಸು. 8 ಜನಮ್ ಅಧಿಕಾರಿಘಾ ವಾತಳ ಕೀಟು ಆಂದೋಲನಬೋಧಮ್. 9 ಅಯ್ಯ ಯಾಸೋನು ಧಾಟಿ ಜಾಮೀನು ವೊಂಕಿಂಡು ವೀಡುಧಳ ಸೆಯುಸು. 10 ಅನ್ನದೇಮ್ಮಿಘಾರುಗ ಅದೇ ರೂಜು ಪೌಲೂನು ಸಿಲಾನು ಬೇರಾಯ ವೂರುಕು ಅಂಪಿಕ್ಕಿಸು.ಅಯ್ಯ ವೊನ್ಧು ಯೂಧುಳ ಸಮಾಜ ಮಾಂಧಿರುತುಕೂಕು ವೊಸು. 11 ಇಯ್ಯ ಥೀಸ್ಸಲೂನಿಕಾಕೋರು ಇಕ್ಕಿರಾಸುಲಕಂತೆ ವಧಾರಮ್ ಘಲ ಮನುಸು ಘಲಘನವಾರು.ಅಂಥುಕಿಂದುಕೆ ಇಯ್ಯ ಸ್ರದ್ಧೂಟಿ ವಾಕ್ಯಮುನ ವೊಂಕಿಂಡು, ಪೌಳು ಸೀಳ ಸೊನ್ನ ವಾತಳಾ ಅನ ಕೀಧೋ ಇಲ್ಲೊ ಪ್ರತಿ ರೂಜು ಲೀಕನಾಲನ ಥೇರುಜು ಪಾಠಿಘಾತ ವೊಂಚು. 12 ಆತುಕೈ ಅಸುಳುಕೂರು ಸೇನಾಟ್ಟೇರು ನಮ್ಮೂಸು. ಪ್ರಮುಖ ಸ್ತ್ರಿಘ, ಪುರುಶುಡುಘ ವಿಶ್ವಾಸಿನ್ಚಾಕು. 13 ಅನಿಕೀ ಬೆರಿಯಲೊ ಮಾಟಿ ಕೂಡ ಪೌಳು ದೀವರು ವಾಕ್ಯಾಮ್ ಪ್ರಕಟಿಂಚಾಧು ಇಂಡು ಥೇಸ್ಸಇಓಣಿಕೆ ಕೂರು ಊಧುಲಘಾ ತೆಲುಜುಂಡು ಅಟುಕು ಕೂಡ ವೊನ್ಧು ಜಂತ ಎಧಿಪಿಚ್ಯೂ ಕಲವರಪರುಚುಸು.ಘಬಾಣ ಸೂಧರುಡುಗ 14 ಪೌಳುನ ಸಮುದ್ರಂ ಧಾಕ ಪಂಪುಸು ಸೀಳ ,ತಿಮೂತಿಘ ಆಟೆ ಇಂದೋಸು 15 ಪೌಳುನ ಸಾಘನಪುರುತುಕು ಪೂನಾ ಅಯ್ಯ ಅತ್ತ ಯೀಥೆಂಸು ಪಟ್ಟಣಂ ಧಾಕ ಎಥೆಇಂಚು ಸೀಳ ತಿಮೂತಿ ಸಾಧ್ಯವಾನಂಥನ ತ್ತೊಂಧಾರಾಘ ಅತ್ತು ಮಾಟುಕು ವರಂ ಇಂಡು ಪೌಳುನಾ, ಅಸುಳು ದ್ವಾರಾ ಕಭುರು ಪಂಪುಸು 16 ಪೌಳು ಎಥೆನ್ಸುಕೂರು ಅಸುಳು ಘುರಿಂಚಿ ಎಧುರುಪಾಠಿಘಾಟೀಂಚು ,ಆ ಪಟ್ಟನಾಥುಕೂನಿಂಡಿಕಿರ ವಿಗ್ರಹಾಲನ ಘಮನಿಂಚುಸು ಅತ್ತೂರು 17 ಆತ್ಮಪರಿತಪಿಂಚುಸು ಅತ್ತು ಘುರಿಂಚಿ ಸಮಾಜ ಮಂಧಿರತುಕೂರು ಯುಧುಲೂಟಿ ದೀವರ್ಣಾ ಆರಾಧಿನ್ಯಾಚುರಸುಲೂಟಿ ಅಂಘಡಿ ಈಧಿಲಿ ಕೂರು ಪ್ರತಿನ್ದು ರೂಜು ಅತ್ತ ಕಲುಜುಂಡು ಅಸುಲೂಟಿ ವಾಸಿತ್ತುಘಾಟ ವಂಚು 18 ಎಪಿಕೂರಿಯುಳ ಸ್ತೋಯಿಕುಲ ವರ್ಗಾನುಕು ಸೆಂಧುನ ಕೊಂತನೀರು ತತ್ವವೇತಘ ಅತೋಟಿ ವಾಧಿಂಚುಸು ಕೊಂತನೀರು ಈ ವಾತಲ ಸೊನ್ನರಾಯ ಯೆಯ್ಯಾ ಅಂಡು ಸೊಂನಿಘಂಚು ಆಧು ಎಸ್ಸಾಯ್ಯಘುರಿಂಚಿ , ಸೂತೊನಾಥರುವಾತ ಅಯ್ಯ ತೀರಿಘಿ ಪೆಕಿರುತು ಘುರಿಂಚು ಪ್ರಕಂಚುಸು ಗಾಬಟ್ಟಿ ಮರಿಕೊಂತನೆರು ಇಧು ನಂಬುರಕು ತೇಲಿಲ್ಲಾರು ದೀವರು ಘುರಿಂಚಿ ಪ್ರಚಾರಾಂ ಸೆಯಧುನ್ದು ಸೊಂನಿಘಂಚು. 19 ಅಯ್ಯ ಅತ್ತ ಪೇರಿಘಿಲಿ ವೋಟುನ್ಡು ಅರಿಯೋಪಿಯ ಇಂಘಿರ ಸಂವೈಕ್ಯ ಮಾಟುಕು ಅಸುಂಡೊಯ್ಯಿ ನಿ ಸೊನ್ನರ ಆ ಬೋಧ ನಂಘ 20 ತೆಳುಜುಘಣ್ಣಮಾ? ನೀನು ಕೋನ್ನಿ ವಿಚಿತ್ರವನವಾತಳ ನಂಘುಳುಕು ವಿನಿಪಿಕ್ಕಾಕುರ. ಅತ್ತುವಲ್ಲ ಇಸುಗು ಅರ್ಥನ್ಘ ಆಯ್ಯಿದೋ ನಂಘ ನಂಘುಳುಕು ತೆಳುಜುಘುಮ್ ಇಂಡು ಕೀಧು ಅಂಡು ಸೊಂಚು. 21 ಯೆತ್ಶೀನಾಯ ಆಟಿ ಇವಸಂಚಾರ ವಿಧೀಸಿಯುಲುಘ ಯೀಧೂ ವುಂಡು ಪುಧು ವಿಶಿಯಂ ಸೊನ್ನರುತುಕೋರು ಕೀಕುಋತುಕೋರು ಮಾತ್ರಮೆ ಅಸುಘು ಟಯಾಂಘುಳ ಘಡಪರಾಯ 22 ಪೌಳು ಅರೆಯೋಪಘು ಸಬನುದ್ದೆಸಿಂಚಿ '' ಯೀತ್ಸೆನು ವಾಸುಲಾರ'' ನಿಂಘ ಅಡ್ಡಿ ವಿಸಿಯಂಘಲಕೂರು ಭಕ್ತಿಪರುಳುಗಹಿಂಡು. ನಾನು ಘಮನಿಂಚಾಕುರೆ 23 ,ನಾನು ಎಗೋಟೊಘಂಧಿಕೆ ಪೂಜಾಳ ಸೆಯ ರಾಸುಲಪಾತೆ, ಆಟಿ ವುಂಡು ಬಲಿಪೀಟಮ್ ನಾನು ಪಾತೆ, ಅತ್ತಿಮೀನಿ ತೇಲಿಲ್ಲಾರು ದೀವರುಕು ಇಂಡು ರಾಯ ಬೋಧಕೀಧು ಕಾಬಟ್ಟಿ ನಿಂಘ ತೇಲಿಲ್ಲಘುನ್ದಾ ಎತ್ತ ಆರಾಧಿಂಚಾಕುರಂಗೂ ಅತ್ತೆ ನಾನು ನಿಂಘುಲುಕು ತೇಲಿಯಜೀಯಾಕುರೆ. 24 ವಿಸುವಾಸುತ , ಅಟ್ಟುಕೊರು ಸಮಸ್ತುಮ್ನ ಸೀನ್ಧ ದೇವರು , ಅಧೀ ಆಕಾಸಿತುಕು ಬೂಮಿಕಿ ಪ್ರಬುವು ಘಾಬಟ್ಟಿ ಕಿಯ್ಯೋಟಿ ಸೀನ್ಧ ಆಳಯಾಂಘಲಕೂರು ನಿವಾಸಿಂಚಮಾಧು. 25 ಆಧು ಅಡ್ಡೆರುಕು ಪ್ರಾಣಮ್ ವುಪಿರಿಣಿ ತಗ್ಗನದ್ದೀನ ಧಯಾಸೆಯಿರಾಮು. ಕಾಬಟ್ಟಿ ಅತ್ತುಕು ಎಧೋ ಅವಸರಂ ಇಂಧಟ್ಟಿಘಾ ಮೋನುಸುರು ಕಿಯ್ಯಲೂಟಿ ಸೆಯ್ಯರ ಸೇವಲನ ಅಂಧಿಘಿಮಾಧು. 26 ಆಧು ವುಂಡು ಮೊನಸಮೀನ್ದು ಲೋಕಮಾಡ್ದಿಕೂರು ನಿವಾಸಿಂಚುರ ಅಡ್ಡಿ ಜಾತಿ ಮೊಣಸರಳ ಸೆಂದು, ಅಸುಳು ಘುರಿಂಚಿ ಕಾಲಂಘಲ ನಿಯಮಿಂಚುಸು, ನಿವಾಸಿಂಚುರ ಸರಿಹದ್ಧುಲೂನು ಏರ್ಪರುಚುಸು, ಅತ್ತುವಲ್ಲ ಯ್ಯ ದೀವರುಣ ದೀವಿ ಕಂಡೀಪುಡಿಕಿಮ್. 27 ವಾಸ್ತವಾಣಿಕಿ ಆಧು ನಂಬುರು ಕೂರು ಎತ್ತುಕು ಧೂರಂಗ ಇಕ್ಕಿರಮಲ್ಲ. 28 ನಂಬುರು ಅಟ್ಟುಕೊರು ಪೆಯ್ಯಿಕಾಕುರಾಮ್, ಅತ್ತೂರು ಕೋರೆ ಅಂಬುರು ಖಾಧಿಲಿಕಘ ಇಮಿಡಿಕೀಧು. ನಂಬುರು ಅತ್ತೂರು ಸಂತಾನಂ,ಇಂಡು ಇಂಗ ಕವಿಲಕೂರು ಗೋಡಾ ಕೊಂತನೀರು ಸೊಂಚು. 29 ಘಾಬಟ್ಟಿ ನಂಬುರು ದೀವರು ಸಂತಾನಾ ಅಲ್ಲೇ , ದೇವರುಥನಂ ಇಂಘಿರುಧು ಮನುಸುರುಳ ಆಲೋಚನಾ ನೈಪುಣ್ಯಾಲೂಟಿ ಸೆಕ್ಕನ ಬಂಘಾರಂ , ವೆಂಡಿ , ಕೆಲ್ಲು ಬೊಮ್ಮಲನ ಪೋಲಿ ಇಕ್ಕಾಕಿಂದು ಅಂಡುಗುಘುಡಧು. 30 ಆ ಅಜ್ಞಾನ ಕಾಲಂಘುಳ ದೇವರು ಪಾತು ಅಕುಳ್ಳರಟ್ಟಿ ಕೀಧು . ಇಪ್ಪುದಾಣಿಕೆ ಅಡ್ಡಿಕೂರು ಅಡ್ಡೆರು ಆಶ್ಚತಾಪಂ ಬುಘುಮ್ ಇಂಡು ಅಘ್ನಾಪಿಂಚಾಧು. 31 ಅಂತಹುಕಿಂಡುಕೆ ಆಧು ಪ್ರಾರಂಭಿನಂಚಿನ ಒಣಸಮೂಟಿ ಲೋಕತುಕು ತೀರ್ಪುತೀರ್ಚೆ ವುಂಡುರೂಜು ನಿರ್ಣ ಇಂಚುಸು.ಸೊತ್ತೊಂಥಕೂರು ನಿಂಡು ಅತ್ತ ಎದ್ಧಿಪಿಕ್ಕಿಸು.ಘಾಬಟ್ಟಿ ಇತ್ತ ನಮುರುತುಕು ಅಡ್ಡೆರುಕು ಆದಾರಮ್ ಕಳುಗುಜೀಯುಸು. 32 ಮೃತಹುಳು ಸೂತೂಇ ತೀರಿಘಿ ಎದ್ಧಿಕಿರುತು ಘುರಿಂಚಿ ಅಯ್ಯ ಕೇತಪ್ಪುಡೂ ಕೊಂತನೀರು ಎಘಥಾಲಿ ಸೆಯ್ಯಿಸು. ಮರಿಕೋಂತನೇರು ಇತ್ತು ಘುರಿಂಚಿ ನೀನು ಸೊನ್ನರುತು ಇನ್ಕುಂಡರಕ್ಕ ಕೀಕರೆ ಇಂಡು ಸೊಂಚು. 33 ತರ್ವಾತ ಪೌಲು ಅಸುಳು ಮಾಟಿ ಇಂಡು ಪೋಯೂಡುಸು. 34 ಆನಿಕೆ ಕೊಂತನೀರು ಅತ್ತೋಟಿ ಸೇರಿ ವಿಶ್ವಾಸಿನಚುಸು . ಅಸೂಲುಕೋರು ಅರೆಯೋಪಘಿಯಿತು ಆನ ಧಿಯೂನುಸಿಯ , ಧಮರಿ ಇಂಘಿರ ವುಂಡು ಸ್ತ್ರೀ ,ಇಸುಲೂಟಿ ಘುಡ ಮರಿ ಕೋಂತನೀರು ಕೂಡಾ ಇಂಚು.