^{1 2} 1 ಯೇಸು ಕ್ರಿಸ್ತನ ಸೇವಕನನ ಪೌಲ ತಿಮೋತಿ ಕ್ರಿಸ್ತ ಯೇಸುಕುರು ಪಿಲ್ಲಿಪಿಯನ ಪರಿಶುದ್ದರದೆರ್ಕು ಅಲೆನ್ಟಿಯಿಕ್ರ ಸಭಾದ್ಯಕ್ಷರ್ಕು ಸಭಾಸೇವರ್ಕು 2 ನಗ್ಟ ಅವ್ವಯಿಕ್ರ ದೌರ್ಯಿಂಡು ಕರ್ತನಾನ ಯೇಸುಕ್ರಿಸ್ತನಿಂಡು ನೀಂಗುಲ್ಕು ಕೃಪೇನು ಶಾಂತಿ ಹಗೊಟ್ಟು . ^{3 4 5 6} 3 ನಾನು ನಿಂಗುಲ್ನ ನೆನಿಸ್ಗರಪೋದಾದಿ ದೌರ್ಕು ಕೃತಜ್ಞತೆ ಸುತ್ತಿ ಸೈಯಾರೆ . 4 ನಾನು ನಿಂಗುಲ್ಕು ಸೈರ ನಟ್ಟ ಪ್ರತಿಯೊಂಡು ಪ್ರರ್ಥನೆಕುರು ಸಂತೋಷತಿಂಡು ಬೇಡಿಗ್ಯರೆ . 5 ನಿಂಗ ಮುನ್ನಿಂಡು ಇಮಂತಂಕ ಸುವಾರ್ತ ಸೇವೆಕಾಯಿ ಸಹಕಾರಿಯಾಯಿರಂಗಯಿಂಡು ದೌರ್ಕು ಕೃತಜ್ಞತೆ ಸುತ್ತಿ ಸೈಯಾರೆ . 6 ನಾಲ್ಲ ಪನ್ನಿನ ನಿಂಗುಲ್ಕುರು ಪ್ರಾರಂಬಿಸ್ನಾದು ಅತ ಯೇಸುಕ್ರಿಸ್ತನ ದಿನತ್ಗು ಸಿದ್ದಿಕಿ ಅತೆರಕುಯಿಂದು ನಂಕು ಭಾರವಾಸೆಯಿದು ^{7 8} 7 ನಿಂಗ್ಲದೆರ್ರ ವಿಷಯಾತ್ಕುರು ಯೋಚಿಸ್ರದು ನಂಕು ನ್ಯಾಯವಾಯಿದು ; ಯೆನ್ತಿಗಿನ್ಡೆಕೆ ನಂಕು ಬೇಡಿ ಬುದಪೋದು ಸುವಾರ್ತೆಯ ವಿಷಯತ್ಕುರು ಉತ್ತರ ಸೋನಿ ಸ್ಥಪಿಸ್ರಪೋದು ನಿನ್ಗದೆರು ನಾನು ಹೊಂದಿಕ್ರ ಕೃಪೆಕುರು ಪಾಲುಹೊಂದಿರಂಗ ನಿಂಗುಲ್ನ ನಟ್ಟು ಹೃದಯಾತ್ಕುರುಯಿರಂಗ . 8 ಯೇಸುಕ್ರಿಸ್ತನ್ಕುರುಯಿಕ್ರ ಕನಿಕರತಿಂಡು ನಿಂಗ್ಲದೆರ್ಕೊಸ್ಕರ ನಾನು ಹಂಬಲಿಸರೆ; ಹೆಂತಿಗಿನ್ಡೆಕೆ ದೌರೆ ನಟ್ಟು ಸಾಕ್ಷಿ. ^{9 10 11} 9 ನಿಗ್ಟ ಪ್ರೀತಿ ಹೆಚ್ಚುತ ಹೆಚ್ಚುತ ನಿಂಗ ಜ್ಞಾನ ಪೂರ್ಣ ವಿವೇಕತಿಂಡು ಇಕುರ್ದು . 10 ಉತ್ತಮ ಕಾರ್ಯಾಂಗ ಯೇದುಯಿಂಡು ನಿಂಗ ವಿವೇಚಿಸುರ್ದು ಕ್ರಿಸ್ತನ ದಿನತಂಕ ನಿಂಗ ನಿರ್ಮಲವಾಯಿಕ್ಕುರ್ದು . 11 ಯೇಸು ಕ್ರಿಸ್ತನಿಂಡು ನೀತಿ ಪಲತಿಂಡು ದೌರ್ಕು ಮಹಿಮೆನು ಸ್ತೋತ್ರನು ಅತೆರ ರಾಗುರ್ದುಯಿಂಡು ಪ್ರಾರ್ಥಿಸಾರೆ. ^{12 13 14} 12 ಅನ್ನಬೇಮ್ಬಿಮಾರೆ ,ನಂಕು ಸಂಭವಿಸಿಕ್ರ ಸುವಾರ್ತೆ ಪ್ರಸಾರ್ಣೆಕಿ ಸಹಾಯವಾಸುಯಿಂಡು ನಿಂಗ ತಿಳಿಜುಗುರ್ಡುಯಿಂಡು ನಾನು ಅಪೇಕ್ಷಿಸಾರೆ . 13 ಹೆಂಗಿಂಡೆಕೆ ನಟ್ಟು ಬೇಡಿಗ್ಯ ಕ್ರಿಸ್ತನಿಂಡು ಆದಿ ಅರಮನೆಕುರು ಮಿಕ್ಕುನ್ನ ಆದಿ ಸ್ಥಳತ್ಕುರು ಪ್ರಸಿದ್ದವಾಸು . 14 ಕರ್ತನ್ಕುರು ಶ್ಯನ್ನ ಅನ್ನಬೇಮ್ಬಿಮಾರು ನಟ್ಟು ಬೇಡಿಯಿಂಡೆ ಭಾರವಾಸೆಯಿಂಡು ನಿರ್ಭಯತಿಂಡು ಸೋನ್ನುರ್ಕು ಇನ್ನೂ ವಿಷೆಸ ದೈರ್ಯನ್ನ ಹೊಂದಿನ್ನು. ^{15 16 17} 15 ಸ್ವಲ್ಪ ಮಂದಿಗ್ಯ ಹೊಟ್ಟೆಕಿಚ್ಚು ಭೇದ ಪರಿಪ್ಗಿರ್ದುಯಿಂಡು ಬೇರೆಗ್ಯ ನಾಲ್ಲ ಭಾವತಿಂಡು ಕ್ರಿಸ್ತನ್ನ ಪ್ರಚಾರ ಸೈಯಕ್ನು . 16 ಆ ಬೇರೆಗ್ಯ ನಟ್ಟು ಬೇಡಿಕಿ ಸಂಕಟ ಅತೆರ್ದುಯಿಂಡು ಯೋಚಿಸಿ ಕ್ರಿಸ್ತನ್ನ ಯಥಾರ್ಥವಾಯಿ ಪ್ರಸಿದ್ದ ಪಡ್ಸುದೆ ಕಕ್ಷಿಬಾವತಿಂಡು ಪ್ರಸಿದ್ದ ಪಡ್ಸಕ್ನು . 17 ಮಿಕ್ಕಿನಾಗ್ಯ ನಾನು ಸುವಾರ್ತೆ ಪರವಾಯಿ ನೇಮಿಸಲ್ಪಟ್ಟಿರೆಯಿಂಡು ತಿಳ್ಜು ಪ್ರೀತಿಯಿಂಡು ಸಾರಕ್ನು . ^{18 19} 18 ಹೆಂಗಿನ್ಡಕೆ ?ಏ ರೀತಿಕುರಾಗೊಟ್ಟು ಕಪಟತಿಂಡಕೊಟ್ಟು ಇಲ್ದೆ ಸತ್ಯತಿಂಡು ಕ್ರಿಸ್ತನ್ನ ಪ್ರಸಿದ್ದಿ ಪಡ್ಸಕ್ನು ;ಇತ್ಕು ನಾನು ಸಂತೋಸಿಸಾರೆ .ಮುನ್ಕು ಸಂತೋಸಿಸರೆ . 19 ನಿಗ್ಟ ಪ್ರಾರ್ಥನೆಕುರು ಯೇಸು ಕ್ರಿಸ್ತನ್ನ ಆತ್ಮನ ಸಹಾಯತಿಂಡು ಇನ್ನು ತಟ್ಟು ರಕ್ಷಣೆಕಿ ಪರಿಣಾಮಿಸಾಕುಯಿಂಡು ನಂಕು ಗೊತ್ತು. ^{20 21} 20 ಹೆಂಗಿಂಡೆಕೆ ,ನಾನು ಏ ವಿಷಯತ್ಕುರಾಗೊಟ್ಟು ನಾಚಿಕೆ ಪಡದೇ ಇಪೋದು ದೈರ್ಯತಿಂಡು ಬದ್ಕುನೆಕು ಸರಿನೇ ಸೇತ್ಕು ಸರಿನ್ನೇ ನಾಟ್ಟು ವಡ್ಮಿಂಡು ಕ್ರಿಸ್ತನ್ಕು ಮಹಿಮೆಯಾಗುರ್ದುಯಿಂಡು ನಂಕು ನಿರೀಕ್ಷೆ ಇದು . 21 ನಂಕು ಬದುಕ್ರದು ಕ್ರಿಸ್ತನೇ ,ಸಾಗ್ರದು ಲಾಭಾನ . 22 ವಡ್ಮುಕುರು ಬದ್ಕ್ರದಾನೇಕೆ ಪಾನಿ ಸೆಂದು ಪಲ ಹೊಂದಿ ನಂಕು ಅನುಕೂಲ ವಕ್ದು .ಇಂಗಿಕ್ರಪೋದು ನಾನು ಎತ್ತಾ ಆರಿಸ್ಕುರ್ದುಯಿಂಡು ನಂಕು ಗೊತ್ತಿಲ್ಲ. ^{22 23 24} 23 ಈ ರಂಡು ಮದ್ಯತ್ಕುರು ಪತ್ಗೊಂಡಿರೆ ;ಇಟ್ಟಿಂಡು ಹೋಯಿ ಕ್ರಿಸ್ತನ ಜೋತೆಕುರು ಇಕ್ರುರ್ದುಯಿಂಡು ನಟ್ಟು ಅಬಿಲಾಷೆ , ಅದು ಉತ್ತಮೋತ್ತಮವಾಯಿದು 24 ಆನೇಕೆ ನಾನು ಶರೀರತ್ಕುರು ವಾಸಸೈರದು ನಿಂಗು ಶ್ಯಾನ್ನ ಅವಶ್ಯವಾನದು . ^{25 26 27} 25 ನಿಂಗುಲ್ಕು ನಂಬಿಕೆತ್ಕುರು ಅಬಿವೃದ್ದಿನು ಸಂತೋಷನು ಆಗುರ್ದುಯಿಂಡು ನಾನು ಜೀವತ್ಕುರು ನಿಗ್ಲಂಚಿಲಿ ಇಕಾರೇ ಇಂಡು ದೃಡವಾಯಿ ನಂಬಿರೆ. 26 ಹಿಂಗು ನಾನು ತಿರ್ಗಿ ನಿಗ್ಲೆಂಚ್ಲಿ ವಾರ್ರೆ ನಟ್ಟು ವಿಷತ್ಕುರು ನಿಗ್ಟ ಸಂತೋಷ ಯೇಸು ಕ್ರಿಸ್ತನ್ಕುರು ನಂಕು ಶ್ಯನಕ್ದು . 27 ಕ್ರಿಸ್ತ ನ ಸುವಾರ್ತೆಕಿ ಯೋಗ್ಯರಾಯಿ ನಡ್ಗೊಂಗೋ .ಆಪೋದು ನಾನು ನಿಂಗುಲ್ನ ಪತೇಕು ಸರಿನೇ .ತುರ್ಕುರು ಇಂದೆಕು ನಿಗ್ಟ ಸುದ್ದಿನ ಕೊಟ್ಟೇಕು ಸರಿನೇ ,ನಿಗ್ಟ ವಂಡೇ ಆತ್ಮತ್ಕುರು ದೃಡವಾಯಿ ನಿಡ್ರು ಸುವಾರ್ತೆಕುರು ನಂಬಿಕೆಗೊಸ್ಕರ ಐಕ್ಯಾ ತಿಂಡು ವಂಡೇ ಮನಸ್ಸಿಂಡು ತಿಳಿಜ್ಗ್ಯರೆ . ^{28 29 30} 28 ಎ ವಿಷತ್ಕುರಾಗೋಟ್ಟು ನಿಗ್ಟ ವಿರೋದಿಕಿ ಭಯ ಪಡ್ಮಾನಗ್ಗ ;ನಿಂಗ ಭಯಪಡ್ದೆದು ಅಲ್ಕಿ ನಾಶತ್ಕಾಯಿ ರಕ್ಷಣೆಕಾಯೀ ದೌರಿಂಡು ಪ್ರಮಾಣವಾಯಿದು . 29 ಹೆಂಗಿಡೆಕೆ ಕ್ರಿಸ್ತ ಮೇನಿ ನಂಬಿಕೆಯಿಂಡು ಅತ್ಕೊಸ್ಕಾರ ಬಾದೆಯನ್ನನುಭಾವಿಸ್ರದು ಅತ್ರ ಪರವಾಯಿ ನಿಂಗುಲ್ಕು ಅನುಗ್ರಹವಾಯಿದು. 30 ಹಿಂಗು ನಿಂಗ ನಂಕುರು ಪಾತದು ನಂಕುರು ಇದುಯಿಂಡು ನಿಗಾ ಕೊಕ್ರದು ಹೊರಟನೆ ನಿಂಗುಲ್ಕು ಈದು