^{1 2 3} 1 ಆತನು ಅಯಿಲಿಕಿ –ಇಟಿ ನಿಂಡ್ರಿಕ್ಕಿಯಲುಕೊರು ಕೆಲವರು ದವ್ರುತ ರಾಜ್ಯ ಬಲತ೦ಟಿ ವರ್ರತ್ತ ಪಾಕುರುತನ, ಮರಣತ ರುಚಿ ಪಾಕೆದಿಲ್ಲನು ಇಂಡು ನಾನು ನಿಂಗುಲುಕು ಸತ್ಯವಾಯಿ ಸೋನ್ನರೆ ಇಂಡಸ್, 2 ಯೇಸು ಅರುನಾಲು ಅನಪ್ಪೋರು ಪೇತ್ರ ಯಕೊಬ ಯೋಹನನತ್ತೆಯಿ ತನ್ನಂಟಿ ಅಗುಸುಗೊಂಡು, ಎಕಾಂತವಾಯಿ ಗಟ್ಟುಕು ಹೊಸು;ಅಪ್ಪೋರು ಆತನು ಅಯಿಲಾ ಎದುರುಕು ರೂಪಾಂತರಗೊಂಡುಸ್ಸು, 3 ಮತ್ತೆ ಅತನತ ಬಟ್ಟುಗ ಭೂಮಿಯಾ ಮಿನ್ನಿಕ್ಕಿರ ಎ ಅಗಸಾನು (ದೊಬಿಯಾದು )ಹೊಲುಪು ಸೇಯ್ಯಿರಿಕು ಅಗರದ್ನ ಹೊಲೇನಾ ಹಿಮತ ತರ ಹೊಲೇನಾ ಹೋಳಿತಿಂಚು, ^{7 8} 7 ಅಪ್ಪೋರು ಅತಿ ಮಾಡು ಅಯಿಲಿಮೆನಿ ಕವಿದುಗೊಂಡಿ೦ಚ್ಚು; (ಮಾಡು ಮುಸುಕಿಟ್ಟುಗೊಂಡಿ೦ಚು )ಮತ್ತೆ –ಈತನು ಪ್ರಿಯನಾಯಿಕ್ಕಿರ ನನ್ನ ಮಾವ್ವು ಈತನತ ವೋಕ ನಿಂಗ ಕೊರಂಗೋ;ಇಂಗಿರಾ ಮಹಾದ್ವನಿ ಮಾಡುತ ವುಲಿಂಡು ವಂಚು; 8 ತಕ್ಷಣ ಅಯಿಗ್ಯ ಸುತ್ತಾ ಪಾತ್ತಪ್ಪೋರು, ಯೇಸುನೊಂಡೆ ಉಟ್ಟು ಬೇರೆ ಎದು ಕಾಂಗುಲ್ಲ, ^{9 10} 9 ಅಯಿಗ್ಯ ಗಟ್ಟು ಇಗುಜು ವಾರಾಂದು, ಮಣುಸು ಕುಮಾರನು ಶತ್ತಯಿಲಿಂಡು ಅದ್ದಿಂದು ವಾರ್ರುತನಕ, ತಂಗ ಪಾತ್ತತ್ತ ಎತ್ಗು ಸೋನ್ನುರುದಲ್ಲ ಇಂಡು ಖಂಡಿತವಾಯಿ ಸೋನ್ನುಸು, 10 ಅಯಿಗ್ಯ ಶತ್ತಲಿಕೋರಿಂಡು ಅದ್ದಿಂದು ವಾರ್ರಾದು ಇಂಡೆಕೆ ಯಂದಾದು ?ಇಂಡು ತಂಗುಲುಕೊರು ತಂಗಲೇ ವಸ್ಸೇತಿಗೊಂಡುಸ್ಸುನು, ^{11 12 13} 11 ಇದಲ್ಲದೆ ಅಯಿಗ್ಯ ಆತನಕೂ –ಎಲಿಯಾನು ಮೊದಲು ವರ್ರದು ಅಗತ್ಯ ಇಂಡು ಶಾಸ್ತ್ರೀಗ್ಯ ಯಂತ್ಗು ಸೋನ್ನನು,ಇಂಡು ಕೊಟುಸುನು, 12 ಆತನು ಅಯಿಲಿಕಿ –ಕರಾಣೆಕೆ ಎಲಿಯಾನು ಮೊದಲು ವಂದು,ಅದ್ದಿನು ತಿರಿಗಿ ಸರಿ ಸೇಯ್ಯಿರಾದು ಕರಾ, ಅನೇಕೆ ಮಣುಸು ಕುಮಾರನತ ವಿಷಯವಾಯಿ ಅದು ಶನ ಕಷ್ಟತ ಅನುಭವಿಸಿ ತಿರಸ್ಕರಿಸಲ್ಪಡಾದು ಇಂಡು ವರ್ಜಿದು ಇದು ಏನಾಗು? 13—14 ಅನೇಕೆ ನಾನು ನಿಂಗುಲುಕು ಸೋನ್ನಾರದು ಯಂದಾದು ಇಂಡೆಕೆ – ಎಲೀಯಾನು ಸತ್ಯಾವಾಯಿ ವಂಚು;ಅತ್ರ ವಿಷಯವಾಯಿ ವರ್ಜಿಕ್ಕಿರ ಪ್ರಕಾರ, ಅಯಿಗ್ಯ ತಂಗುಲುಕು ಮನುಸುಕೂ ವಂದುಕನಿ ಅತ್ಗು ಸೆಂಚುನು ಇಂಡಸ್. ^{14 15 16} 14 ಆತನು ತನ್ನ ಶಿಷ್ಯರ೦ಚುಗು ವಂದಪ್ಪೋರು ಅಯಿಲಾ ಸುತ್ತ ಜನ್ರುತಾ ಬೇರ್ ಗುಂಪು ಮತ್ತೆ ಶಾಸ್ತ್ರೀಲಿತಾ ಬೆರ್ ಗುಂಪು ಅಯಿಲಾಂಟಿ ವಾದುಸ್ತಿಂದಾತ್ತ ಪಾಚು, 15 ತಕ್ಷಣ ಜನುರದ್ದಿ ಅತನತ್ತೆಯಿ ಪಾತು,ಬಹು ಆಶ್ಚರ್ಯಪಟ್ಟು ಓಡುತ್ತಾ ವಂದು ಅತನತ್ತೆಯಿ ನಮಸ್ಕಾರ ಸೆಂಚುನು, 16 ಅಪ್ಪೋರು ಆತನು ಶಾಸ್ತ್ರಿಲಿಕಿ –ಅಯಿಲಾ೦ಟಿ ನಿಂಗ ಯಂತ ವಾದಸೆಯ್ಯಿತಿರಂಗ ಇಂಡಸ್, ^{17 18 19} 17 ಅಪ್ಪೋರು ಅಯಿಲಿಕೊರು ಒಂಡು –ಬೋದಕನೆ ಮೂಕ್ ದವ್ವು ಪುಡಿಸಿಕ್ಕಿರ ನಮ್ ಮಾವ್ವುನ ನಿನ್ನಂಚುಗು ಅಗುಸ್ಸೆರೆ , 18 ಅದು ನಮ್ ಮಾವ್ವುನ ಏಟ್ಗೆ ಅಗುಸ್ಸೇಕ್ರೆನೋ ಅಟಿ ಅದ್ದಿನೂ ಅತ್ತ ಒದ್ದಾಡುಸಾದು; ಮತ್ತೆ ಅದು ಬುರುಗು ಸುರುಸ್ಸದು ತಟ ಪೆಲ್ಲುಲಾ ಕಡಿಕ್ಕಿತಾ ಕುಂದಿ ಹೊಕ್ಕುದು;ಅತ್ತ ಉಡಿಪ್ಪಿಕಿರುದು ಇಂಡು ನಾನು ನಿಂಗುಲಾತ ಶಿಷ್ಯರುಕು ಸೊನ್ನೆ;ಅನೇಕೆ ಅಯಿಲಿಂಡು ಆಗುಲ್ಲ ಇಂಡಸ್, 19 ಅತ್ಗೆ ಆತನು –ಓ ನಂಬಿಕೆ ಇಲ್ಲರಂತ ಸಂತಾನವೇ , ನಾನು ಎದ್ನಾಲು ನಿಂಗಲಾಂಟಿ ಇಕ್ಕಿಯೋಟು ? ಎದ್ನಾಲು ನಾನು ನಿಂಗುಲಾನ ಸಹಿಸೋಟು?ಅತ್ತ ನನ್ನಂಚುಗು ಅಗುಸ್ಸೇಂಗೋ ಇಂಡಸ್, ^{20 21 22} 20 ಅಪ್ಪೋರು ಅಯಿಗ್ಯ ಅತ್ತ ಅತನಂಚುಗು ಅಸ್ಸೆಂಚುನು;ಅದು ಅತನತ್ತೆಯಿ ಪಾತು ತಕ್ಷಣ ಆ ದವ್ವು ಅತ್ತ ಒದ್ದಾಡಿಸಿನ್ನತ್ಗು ಅದು ದಿಕು ಬೂದು ಬುರುಗು ಸುರುಸುತಾ ಹೋರಾಳಾಡುಸು, 21 ಆತನು ಅದ್ಗ ಅವಿಕಿ –ಇದು ಅತ್ತ ಪುಡುಸು ಎದ್ನು ಕಾಲಾವಾಸು;ಇಂಡು ಕೋಟತ್ಗೂ ಅದು ಚಿನ್ನಪ್ಪೋರು ತಿಂಡೂ ಇಂಡಸ್, 22 ಅದು ಅತ್ತ ಕೊಲ್ಲುರುಕು ಅನೇಕ ಸತಿ ತನ್ನಿಕೊಕು ನೆರ್ಪುಕೊಕು ಓಟುಸು;ಅನೇಕೆ ನೀನು ನಂಗುಲುಕು ಯಂತನ ಸಹಾಯ ಸೇಯ್ಯಿರುಕು ಸಾದ್ಯವಿಂದೆಕೆ ನಂಗುಲುಮೆನಿ ಕರುಣೆ ಅಚ್ಚು ಸಹಾಯ ಸೇಯ್ಯಿ ಇಂಡಸ್, ^{23 24 25} 23 ಅಪ್ಪೋರು ಯೇಸು ಅತ್ಗು –ನೀನು ನಂಬುರಾದನೇಕೆ ಅಕ್ಕುದು;ನಂಬುರತ್ಗು ಅದ್ದಿನು ಸಾದ್ಯನೇ ಇಂಡಸ್, 24 ತಕ್ಷಣ ಆ ಮಾವ್ವುನತಾ ತೋಪು –ಕರ್ತನೆ ನಾನು ನಂಬಾರೆ; ನನ್ಕು ಅಪನಂಬಿಕೆ ಇಲ್ಲರಕನಿ ನನುಕು ಸಹಾಯ ಸೇಯ್ಯಿ ಇಂಡು ಕನ್ನೆರು ಅಚ್ಚು ವದ್ರಿ ಸೋನ್ನುಸು, 25 ಅಪ್ಪೋರು ಜನುದ್ದಿನು ಓಡೋಡಿ ವರ್ರತ್ತ ಪಾತು,ಯೇಸು ಆ ಅಶುದ್ದತ್ಮಕು ಗದರಿಸಿ ಅತ್ಗು –ಮೂಕ ಮತ್ತೆ ಕಿವುಡನಯಿಕ್ಕಿರ ಆತ್ಮವೇ, ನೀನು ಅತ್ತ ಉಟ್ಟು ಬೆಲಿಕಿ ವಾ;ಇನ್ನೆಮಾನು ಅತ್ತುಲಿಕಿ ಸೇರುದ್ದಲ್ಲ ಇಂಡು ನಾನು ನಿನುಕು ಖಂಡಿತವಾಯಿ ಸೋನ್ನರೆ ^{26 27} 26 ಅಪ್ಪೋರು ಅದು ವದ್ರಿ ಅತ್ತ ಶನ ಒದ್ದಡಿಸಿ ಅತ್ತ ಉಟ್ಟು ಬೆಲಿಕಿ ವಂಚು;ಮತ್ತೆ ಅದು ಶತ್ತಯಲ ತಾರ ಬೂದುನ್ನತ್ಗು ; ಅದ್ದಿನು ಅತ್ತ ಶತ್ತೊಯಿದು ಇಂಡಗೊಂಡ್ಸ್ನು, 27 ಅನೇಕೆ ಯೇಸು ಅತ್ರ ಕೈ ಪುಡುಸು ಅದ್ದಿಪ್ಪಿಚ್ಚಪ್ಪೋರು ಅದು ಅದ್ದಿಂಚು, ^{28 29} 28 ಆತನು ಅ ಉಟೂಲ್ಲಿಕಿ ವಂದಪ್ಪೋರು, ಅತನಾತ ಶಿಷ್ಯರು ಪ್ರತ್ಯೇಕವಾಯಿ , ನಂಗಿಲಿಂಡು ಯಂತ್ಗು ಉಡಿಪ್ಪಿಕಿರುಕು ಆಗುಲ್ಲ ಇಂಡು ಕೊಟುಸುನು, 29 ಆತನು ಅಯಿಲಿಕಿ –ಈ ತಾರುತ್ತಾದು ಉಪವಾಸ ಪ್ರಾರ್ಥನೆಯಿಂಡೆ ಹೊರೆತು ಬೇರೆ ಯಂತ್ರಿಂಡು ಬೆಲಿಕಿ ವರುದಿಲ್ಲ (ಉಡುಪ್ಪಿಕಿರುಕು ಆಗುದಿಲ್ಲ ) ^{30 31 32} 30 ಅಯಿಗ್ಯ ಅಟಿಂಡು ಹೊರಟು ಗಲಿಲಾಯಾತ ಹಾದುಹೋಗುತಿಂದಪ್ಪೋರು, ಇದು ಗೊತ್ತಗುರುದಲ್ಲ ಇಂಗಿರ ಮನಸಿಂಚು, 31 ಯಂತ್ಗು ಇಂಡೆಕೆ ಆತನು ಶಿಷ್ಯರುಕು ಬೋದಿಸುತ್ತಾ –ಮಣುಸು ಕುಮಾರನು ಮಣುಸುರುತಾ ಕೈಕಿ ಒಪ್ಪಿಸಲ್ಪಡದು; ಅಯಿಗ್ಯ ಅತನತ್ತೆಯಿ ಕೊಲ್ಲಾನು;ಆತನ ಕೊಂಡ್ರಾ ಮೂಡುನಾಲು ಅನ್ನಪ್ಪೋರು ಆತನು ಅದ್ದಿಕ್ಯದು , 32 ಅನೇಕ ಅಯಿಗ್ಯ ಅತನತ ವೋಕ ಗ್ರಹಿಸುಲ್ಲನು;ಮತ್ತೆ ಅತನತ್ತೆಯಿ ಕೊಕುರುಕೂ ಬಿತ್ಗೊಂಡುಸ್ಸುನು, ^{33 34 35} 33 ಆತನು ಕಪೆರ್ನೌಮುಕು ವಂದು,ಉಟುಕೋರು ಇಂದಪ್ಪೋರು ಅಯಿಲಿಕಿ –ಎಗಿಕೊರು ನಿಂಗುಲುಕೊರು ನಿಂಗ ಯಂತ ವಾಗ್ವಾದ ಸೇಂದ೦ಗ ಇಂಡು ಕೊಟುಸು, 34 ಅನೇಕೆ ಅಯಿಗ್ಯ ಸುಮ್ಮದೇ ಇಂಚುನು;ಯಂತ್ಗು ಇಂಡೆಕ್ ಅಯಿಗ್ಯ ತಂಗುಲುಕೊರು ಎದು ಅತಿ ಬೆರಾದಾಯ್ಯಿ ಇಕ್ಕಿರುದು ಇಂಡು ವಾಗ್ವಾದ ಸೆಂದುಗೊಂಡಿಂಚುನು, 35 ಅಪ್ಪೋರು ಆತನು ಉಕ್ಕೊಂಡು ಪನ್ನೆಂಡು ಮಂದಿಲಾ ಅಗುಸ್ಸು ಅಯಿಲಿಕಿ –ಎದಾನ ಮೊದಲೆನೆದು ಅಗುರುದು ಇಂಡು ಇಷ್ಟಪಟ್ಟುನೇಕೆ ಅದು ಅದ್ದಿಕ್ಕಿಂತನು ಕಡೆಯದಾಯ್ಯಿನೂ ಅದ್ದಿತ ಸೇವಕನೂ ಅಯಿಕ್ಕಿರುದು ಇಂಡಸ್, ^{36 37} 36 ಆತನು ಒಂಡು ಚಿನ್ನತ ಅತ್ಗೊಂಡು ಅತ್ತ ಅಯಿಲಿ ನಡುವುಕು ನಿಪ್ಪಿಚು ಅತ್ತ ಇಡಿಕಿಗೊಂಡು ಅಯಿಲಿಕಿ -- 37 ಎದಾನ ಇಂಥ ಮಕ್ಕಿಲಿಕೋರು ಒಂಡಾತ್ತೆಯಿ ನಟ ಪೆರುಮೆನಿ ಅಂಗಿಕರಸುನೇಕೆ ನನ್ನ ಅಂಗಿಕರಸುನುಕನಿ; ಮತ್ತೆ ಎದು ನನ್ನ ಅಂಗಿಕರುಸಾದೋ; ಅದು ನನ್ನ ಅಂಪಿಕ್ಕಿರತ್ತ ಅಂಗಿಕರುಸಾದು ಇಂಡಸ್, ^{38 39} 38 ಯೋಹಾನನು ಅತನುಕು –ಬೋದಕನೆ ನಂಗುಲುನಾ ಹಿಂಬಾಲಿಸನ್ನತ್ಕೊರು ಒಂಡು ನಿಟ ಪೆರು ಮೆನಿ ದವ್ವಂಗಲಾ ಉಡಿಪ್ಪಿಕಿರತ್ತ ನಂಗ ಪಾತು,ಅದು ನಂಗುಲುನಾ ಹಿಂಬಾಲಿಸುರಾದು ಅಯಿಕ್ಯರತ್ಗು ಅತ್ಗು ಅಡ್ಡಿ ಸೆಂದೋ ಇಂಡಸ್ನು, 39 ಅನೇಕೆ ಯೇಸು ---ಅತ್ಗು ಅಡ್ಡಿ ಸೇಯ್ಯಿಮಾನಂಗ; ಯಂತ್ಗು ಇ೦ಡೆಕೆ ನಟ ಪೆರುಮೆನಿ ಅದ್ಬುತ ಕಾರ್ಯಲಾ ಸೆಂದು, ನಟ ವಿಶ್ಯತ್ಕೊರು ಹಗುರಾಯ್ಯಿ ಕೆಟ್ಟತ್ತ ವಸ್ಸೇತ್ರದು ಒಂಡುನೂ ಇಲ್ಲ, ^{40 41} 40 ಯಂತ್ಗು ಇಂಡೆಕೆ ನಿಂಗುಲುಕು ವಿರೋದಿ ಅಗಾರದು ನಂಬರತ ಪಕ್ಷತಾದೆ ಅಯಿದೂ, 41 ಇದಲ್ಲದೆ ನಿಂಗ ಕ್ರಿಸ್ತನುಕು ಸೇರಿಕ್ಕಿರಯ್ಯ ಅಯಿಕ್ಕಿರತಿಂಡು ಎದಾನ ನಟು ಪೆರ್ ಮೆನಿ ಒಂಡು ಶಂಬು ತನ್ನಿ ತಂದೆಕೆ, ಅತ್ಗು ಸಿಕ್ಕಿರ ಪ್ರತಿಪಲ ತಪ್ಪುದಿಲ್ಲ ಇಂಡು ನಾನು ನಿಂಗುಲುಕು ಕರಣೆಕೆ ಸೋನ್ನಾರೆ, ^{42 43 44} 42 ನನ್ನ ನಂಬುರ ಈ ಚಿನಯಿಲಿಕೊರು ಒಂಡುಕು, ಎದಾನ ಅಡ್ಡಿ ಅನೇಕೆ ಅತ್ರ ಕಗುತ್ಗು ಇಸ್ರುಗೆಲ್ಲು ತೂಗು ಹೋಟು ಅತ್ತ ಸಮುದ್ರು ಕೋಕು ಪೇಟೆಡರಾದು ಅತ್ಗು ನಲ್ಲದು, 43 ನಿಟ ಕೈ ನಿಕು ಅಬ್ಯಾಂತರ ಪಡುಸುಸುನೇಕೆ , ನಿಟ ಕೈ ಬಟಿ ಪೇಟೆಡು; ಯಂತ್ಗು ಇಂಡೆಕೆ 44 ರಂಡು ಕೈ ಇಕ್ಕಿರವ ಅಯ್ಯಿ ಎಮಾನತ್ಗು ಅರಾರಂತ ನೆರ್ಪುತಾ ನರಕತ್ಕೊಕು ಹೋಗರತ್ಕಿಂತ ಅಂಗಹಿನನಾಯಿ ಜಿವುತ್ಕೊಕು ಸೇರ್ರಾದು ನಲ್ಲದು, ಅಟಿ ಇಕ್ಕಿರ ಪುರುವು ಸಾಗುದಿಲ್ಲ ಮತ್ತೆ ನೆರ್ಪು ಅಮಿದಿಲ್ಲ, ^{45 46} 45 ನಿಟ ಕಾಲು ನಿನುಕು ಅಬ್ಯಾಂತರ ಪಡುಸುನೇಕೆ; ಅತ್ತ ಬಟಿ ಪೇಟೆಡು,ಯಂತ್ಗು ಇಂಡೆಕೆ ನೀನು ರಂಡು ಕಾಲು ಇಂದ್ದವಾಯ್ಯಿ ಎಮಾನು ಅರಾರಂತ ನೆರ್ಪುತಾ ನರಕತ್ಕೊಕು ಹೋಗುರತ್ಕ್ಕಿಂತ; ಕುಂಟಾನಯ್ಯಿ ನಿತ್ಯ ಜಿವತ್ಕೊಕು ಸೇರ್ರದು ನಿನುಕು ನಲ್ಲದು, 46 ಅಟಿಕ್ಕಿರ ಪುರುವು ಸಾಗುದಿಲ್ಲ ನೆರಪು ಅಮಿದಿಲ್ಲ, ^{47 48} 47 ನಿಟ ಕನ್ನುಗಾ ನಿನ್ನ ಅಬ್ಯಾಂತರ ಪಡುಸುನೇಕೆಅತ್ತ ಪಿಚ್ಚೋಡು;ಯಂತ್ಗು ಇಂಡೆಕೆ ರಂಡು ಕನ್ನು ಇಂದವಾಯಿ, ಎಮಾನು ಅರಾರಂತ ನೆರುಪುತಾ ನಿತ್ಯ ನರಕತ್ಕೊಕು ಸೇರತ್ಕ್ಕಿಂತ , ಒಂಡು ಕನ್ನಿಕ್ಕಿರವಾಯಿ ನಿತ್ಯಾ ಜಿವುತುಕೊಕು ಸೇರಾದು ನಿನುಕು ನಲ್ಲದು, 48 ಅಟಿ ಅಯಿಲಾತ ಪುರುವು ಸಾಗುದಿಲ್ಲ;ನೆರ್ಪು ಅಮಿದಿಲ್ಲ, ^{49 50} 49 ಯಂತ್ಗು ಇಂಡೆಕೆ ಪ್ರತಿಯೊಂಡುಕು ನೆರ್ಪಿಂಡು ಸಾರವಾಗುರುದು;ಪ್ರತಿಯೊಂಡು ಯಜ್ನತ್ಕು ಉಪ್ಪಿಂಡು ಸಾರವಾಗುರುದು, 50 ಉಪ್ಪು ನಲ್ಲಾದು;ಅನೇಕೆ ಉಪ್ಪು ತನ್ನ ಸಾರತ ಕಳ್ಜುಗೊಂಡೆಕೆ ಇನ್ನಿಯಂತರಿಂಡು ನಿಂಗ ಅತ್ತ ರುಚಿಗೊಳುಸರಂಗ? ನಿಂಗುಲುಕೊರು ಉಪ್ಪು ಇಕ್ಕಿಯೋಟು; ಮತ್ತೆ ಒಂಡಾ೦ಟಿ ಒಂಡು ಸಮಾದನವಾಯಿರಂಗೋ ಇಂಡಸ್,