1 2 1 ಆತನು ತಿರ್ಗಿ ಸಭಾಮಂದಿರತ್ಕು ವಂದಪ್ಪೋರು, ಅಟಿ ಕೈ ಬತ್ತಿಕ್ಕಿರ ಒಂಡು ಮಣುಸ್ ಇಂಚು, 2 ಅಯಿಗ್ಯ ಅತ್ತಮೆನಿ ತಪ್ಪು ಹೊರುಸುರುದು ಇಂಡು ಸಬ್ಬತ್ ದಿಂತ್ಕೊರು ಆತನು ಅತ್ತತ್ತೆಯ್ಯಿ ಆರಾಮು ಸೇಯ್ಯದೋ ಯಂದೋ ಇಂಡು ಕಾಕ್ತಿಂಚುನು, 3 4 3 ಆತನು ಕೈ ಬತ್ತಿಕ್ಕಿರ ಮಣುಸ್ನೂಕು ಅದ್ದಿಂದು ನಿಂಡ್ರಗೋ ಇಂಡಸ್, 4 ಆತನು ಅಯಿಲಿಕಿ ---ಸಬ್ಬತ್ ದಿಂತ್ಕೊರು ನಲ್ಲತ್ತ ಸೇಯ್ಯಿರದು ನ್ಯಾಯನಾ?ಇಲ್ಲ ಕೊಟ್ಟಿತ್ತ ಸೇಯ್ಯರದು ನಲ್ಲದ?ಜಿವುತಾ ಉಳುಸ್ರಾದೋ? ಇಲ್ಲ ಕೊಲ್ಲರದೋ?ಇಂಡು ಕೊಕುನು; ಅಯಿಗ್ಯ ಸುಮ್ಮದೇ ಇಂಚುನು, 5 6 5 ಅಪ್ಪೋರು ಆತನು ಅಯಿಲಾತ ಹೃದಯತ ಕಟಿಣತೆ ಪಾತು ದುಃಖ ಪಟ್ಟು ಸುತ್ತಲೂ ಯಸುರಿಂಡು ಆಯಿಲ್ಯ ಪಾತು,ಆ ಮಣುಸ್ನುಕು,---ನಿಟ ಕೈ ಚಾಚು ಇಂಡು ಸೋನ್ನುಸು,ಅದು ಚಾಚುನ್ನಪ್ಪೋರು ಅತ್ರ ಕೈ ನಲ್ಲಗಾಯಿ ಇನ್ನೊಂಡು ಕೈ ತರ ಅಸು, 6 ಪರಿಸಾಯರು ಹೊಯ್ಯಿ ತಂಗ ಅತ್ತನತ್ತೆಯ್ಯಿ ಕೊಲ್ಲರದು ಇಂಡು ಅತನುಕು ವಿರೋದವಾಯ್ಯಿ ಹೆರೋದ್ಯರಂಟಿ ಆಲೋಚನೆ ಸೆಂದುಗೊಂಡುಸ್ಸುನು, 7 8 7 ಅನೇಕೆ ಯೇಸು ತಟ ಶಿಷ್ಯರಂಟಿ ಸಮುದ್ರುಜಾಯಿ ಹೊಸು,ಅಪ್ಪೋರು ಗಲಿಲಾಯತಿಂಡು ಯೂದಯತಿಂಡು, 8 ಯೆರೋಸಲೆಮಿಂಡು ಇದೂಮಾಯತಿಂಡು ಯೋರ್ದನಿನ ಅಕ್ಕಿಡಿಂಡು ಜನ್ರಾ ಬೇರ್ ಗುಂಪು ಅತನ್ನತ್ತೆಯಿ ಹಿಂಬಾಲಿಸುಸುನು, ಆತನು ಸೇಂದಿಕ್ಕಿರ ಮಹತ್ಕಾರ್ಯಲ ಕೋಟು ತೂರ್ ಸಿದೋನೋ ಸುತ್ತ ಇಕ್ಕಿರ ಜನು ಗುಂಪಯ್ಯಿ ಅತನಂಚುಗು ವಂಚುನು. 11 12 11 ಅಶುದ್ದತ್ಮಗ ಆತನತ್ತೆಯ್ಯಿ ಪತಪ್ಪೋರು ಆತನ ಮುನ್ನುಕು ಬೂದು –ನೀನು ದೇವಕುಮಾರನು ಇಂಡು ವದ್ರಿ ಸೋನ್ನಂಚುನು, 12 ಅನೇಕೆ ಆತನು ತನ್ನತ್ತೆಯ್ಯಿ ಎತ್ಗು ತಿಲಸ್ರದಲ್ಲ, ಇಂಡು ಅಯಿಲಿಕಿ ನೆರವಾಯಿ ಆಜ್ಞಾಪಿಸ್ಸುಸು, 13 14 15 16 12 ಅನೇಕೆ ಆತನು ತನ್ನತ್ತೆಯ್ಯಿ ಎತ್ಗು ತಿಲಸ್ರದಲ್ಲ, ಇಂಡು ಅಯಿಲಿಕಿ ನೆರವಾಯಿ ಆಜ್ಞಾಪಿಸ್ಸುಸು, 13 ಪರ್ಗುಂಡು ಆತನು ಗಟ್ಟು ಮೇಕು ಹೋಯಿ ತನುಕು ಬೆಕಕಾಯಿಕ್ಕಿರಲ ಅಗುಸ್ಸಪ್ಪೋರು ಅಯಿಗ್ಯ ಅತನಂಚುಗು ವಂಚುನು, 14 ಆತನು ಪನ್ನೆಂಡು ಮಂದಿಯತ್ತೆಯಿ ತನ್ನಂಟಿ ಇಕ್ಕಿರುಕೂ (ಸುವಾರ್ತೆ) ಸಾರುರುಕಾಯ್ಯಿ ತಾನು ಅಯಿಲಿನ ಅಂಪುರುಕ್ಕಾಯ್ಯಿ 15 ವ್ಯಾದಿಲಾ ಆರಾಮು ಸೇಯ್ಯಿರಕಾಯ್ಯಿನೂ, ದವ್ವಂಗಲಾ ಉಡಿಪ್ಪಿಕ್ಕಿರುಕು ನೇಮಿಸಿ ಅಯಿಲಿಕಿ ಅದಿಕಾರತ ಕುಡುತ್ಸ್ಸು 16 ಆತನು ಸೀಮೋನನಾಕು ಪೇತ್ರ ಇಂಡೂ ಪೆರು ಅಚ್ಚುಸು, 17 18 19 17 ಮತ್ತೆ ಜೆಬೇದಾಯನ ಮಾವ್ವು ಯಾಕೊಬನಕೂ, ಯಾಕೊಬನ ಸಹೋದರನಾಯಿಕ್ರ ಯೋಹಾನನಕು ಬೋವನೆರ್ಗಸ್ ಇಂಡು ಪೆರು ಅಚ್ಚುಸು, ಇಂಡೆಕೆ ಗುಡುಗುತಾ ಮಕ್ಕಿಗ್ಯ ಇಂಡು ಅರ್ಥು, 18 ಮತ್ತೆ ಅಂದ್ರೆಯಾ,ಫಿಲ್ಲಿಪ್ಪ,ಬಾರ್ತೊಲೋಮಾಯ, ಮತ್ತಾಯ,ತೋಮ,ಅಲ್ಪಾಯನ ಮಾವ್ವುನಯಿಕ್ರ ಯಾಕೊಬ, ತದ್ಹಾಯ,ಕಾನನ್ಯಾತ ಸಿಮೋನ, 19 ಅತನತ್ತೆಯಿ ಪುಡುಸುಕುಡುಕುರಾಂತ ಇಸ್ಕಾರಿಯೂತ ಯೂದ ಇಂಗ್ರಾದೆ,ಮತ್ತೆ ಅಯಿಗ್ಯದ್ದೆ ಒಂಡು ಉಟು ವುಲ್ಲಿಕಿ ಹೊಸುನು, 20 21 22 20 ಜನಸಮೂಹ ತಿರ್ಗಿ ಕೂಡಿ ವಂದಿಕ್ಕರ್ತಗು,ಅಯಿಲಿಕಿ ರಟ್ಟಿ ತಿಂಗಿರುಕು ಆಗುಲ್ಲ, 21 ಆತನ ಸ್ನೇಹಿತರು ಇತ್ತ ಕೋಟು ಅತನತ್ತೆಯಿ ಪುಡಿಕ್ಕಿರುಕು ಹೊಸುನು,ಯಂತ್ಗು ಇಂಡೆಕೆ ಅಯಿಗ್ಯ ಈತನುಕು ಹೇರ್ರಿ ಪುಡಿಸ್ಸಿದು ಇಂಡಸ್ನು, 22 ಇದಲ್ಲದೆ ಯೋರೆಸಲೆಮುತಿಂಡು ವಂದ ಶಾಸ್ತ್ರಿಗ್ಯ –ಈತನು ದವ್ವಂಗಲಾ ಅದಿಪತಿಯಾಯ್ಯಿಕ್ಕಿರ ಬೆಲ್ಜೆಬೂಲನ ಸಹಾಯತಿಂಡು ಇದು ದವ್ವಂಗಲಾ ಉಡಿಪ್ಪಿಕ್ಕ್ಯದು ಇಂಡಸ್ನು, 23 24 25 23 ಆತನು ಅಯಿಲಾತ್ತೆಯಿ ಕಿಟ್ಟುಗು ಅಗುಸು,ಅಯಿಲಿಕಿ –ದವಂಗಲಾ ದವ್ವಂಗಲೇ ಬೆಲಿಕಿ ಹೋಡುರದು ಹೆನಾಗು? 24 ಒಂಡು ರಾಜ್ಯ ತನ್ನಕೊರೆ ವಿಬಾಗಿಸಲ್ಪಟ್ಟೆಕೆ ಆ ರಾಜ್ಯ ನಿಲ್ಲಲ್ಲಾರದೆ ಅಂತ್ಯವಾಕ್ಕುದು, 25 ಮತ್ತೆ ಒಂಡು ಉಡು ತನ್ನುಕೊರೆ ವಿಬಾಗಿಸಲ್ಪಟ್ಟೆಕೆ ಆ ಉಡು ಸಹ ನಿಕ್ಕಿದಿಲ್ಲ, 26 27 26 ಸೈತಾನನು ತನುನು ತಾನೆ ವಿರೋದವಾಯ್ಯಿ ಅದ್ದಿಂದು ವಿಬಾಗಿಸಲ್ಪಟ್ಟೆಕೆ ಅದು ನಿಲ್ಲಲಾರದೆ ಅಂತ್ಯವಾಕ್ಕುದು, 27 ಇದ್ದಲಾದೆ ಒಂಡು ಮಣುಸ್ ಮೊದಲು ಬಲಿಷ್ಟನಾಯ್ಯಿಕ್ಕರತ್ತ ಕಟ್ಟಿಹೋಡದೇ, ಅತ್ರ ಉಟುವೂಲ್ಲಿಕಿ ಹೋಯಿ ಅತ್ರ ಸೊತ್ತ ಅತ್ಗುರುಕು ಅಗುದೀಲ್ಲ; ಅತ್ತ ಕಟ್ಟಿ ಹೋಟಾನ್ನಪ್ಪೋರು ಅದ್ದಿನು ಸುಲುಜುಗುರುಕು ಅಕ್ಕುದು, 28 29 30 28 ನಾನು ನಿಂಗುಲುಕು ಕರಾಣೆಕೆ ಸೋನ್ನಾರೆ –ಅದ್ದಿ ಪಾಪಂಗ ಮತ್ತೆ ದೇವದೂಷಣೆ ಸೇಂದಿಕ್ಕಿರ ಮಣುಸ್ ಕ್ಷಮಿಸಿಲಪಡದು: 29 ಅದರೆ ಎದು ಪವಿತ್ರಾತ್ಮನ ವಿರೋದವಾಯಿ ದೂಷಣೆ ಸೇಯ್ಯದೋ ಅತ್ಗು ಎಮಾನತ್ಗು ಕ್ಷಮಾಪಣೆ ಇಲ್ಲ:ಅದು ನಿತ್ಯಾವಾಯಿಕ್ಕಿರ ದಂಡನೆಯಾ ಅಪಾಯತ್ಗು ಒಳಗಾಕ್ಕುದು,ಇಂಡಸ್, 30 ಪರ್ಗುಂಡು ಅಯಿಗ್ಯ ಅತ್ಗು ಅಶುದ್ದತ್ಮವಿದು ಇಂಡಸ್ನು. 31 32 31 ಪರ್ಗುಂಡು ಅದ್ಗ ಅಮ್ಮ ಮತ್ತೆ ಅನ್ನ್ –ದೆಂಬಿಮಾರು ವಂದು,ಬೆಲಿಕಿ ನಿಂಡ್ರುಗೊಂಡು ಅತನತ್ತೆಯ್ಯಿ ಅಕಿರುಕು ಸೋನ್ನಿ ಅಂಪುಸ್ಸುನು 32 ಜನೂ ಆತನ ಸುತ್ತ ಉಕ್ಕೊಂಡು ಅತನುಕು –ಇದೋ,ಬೇಲಿ ನಿಂಗ ಅಮ್ಮಿನೂ, ಅನ್ನ್ –ದೆಂಬಿಗಿನ ನಿನ್ನ ಕಾಕುತಿನು (ದವ್ವುತಿನೂ ) ಇಂಡಸ್ನು, 33 34 35 33 ಆತನು ಅತ್ಗು ಅಯಿಲಿಕಿ –ನಂಗ ಅಮ್ಮ ಇಲ್ಲವೇ ಅನ್ನ್ – ದೆಂಬಿಗಿನ ಎದು ?ಇಂಡು ಕೋಟು, 34 ತನ್ನ ಸುತ್ತ ಉಕ್ಕೊಂಡಿಕ್ಕರಯ್ಲ ಪಾತು,--ಇದೋ, ನಂಗ ಅಮ್ಮ ಮತ್ತೆ ಅನ್ನ –ದೆಂಬಿಮಾರು! 35 ಯಂತ್ಗು ಇಂಡೆಕೆ ಎದು ದವ್ರುತಾ ಚಿತ್ತದಂತೆ ನಡುಕದೋ ಅದೇ ನಟ ತಾಯಿ, ಅನ್ನ್–ದೆಂಬಿ , ಅಕ್ಕ–ದ್ದಾಸ್ಸಿಗಿನೂ ಅಯ್ಯಿಕ್ಕ್ಯನು ಇಂಡಸ್,