1 2 1 ಸಬ್ಬತು ಕಳುಜು ಅನ್ನಪ್ಪೋರು ಮಗ್ದಲತ ಮರಿಯಳು ,ಯಕೊಬನ ತಾಯಿ ಮರಿಯಳು,ಮತ್ತೆ ಸಲೋಮೆಯೂ ಅತನುಕು ಆಂಟಿಕ್ಕಿರುಕು ಸುಗಂದದ್ರವ್ಯಲಾ ಕೊಂಡುಗೊಂಡು ವಂಚುನು, 2 ವಾರತ್ ಮೊದಲನೇ ದಿನು ನಸುಗೋಟ್ಟಳೇ ಸೂರ್ಯನು ಪರಾಕ್ಕಂದೆ ಅಯಿಗ್ಯ ಸಮಾದಿಯಂಚುಗು ವಂಚುನು. 3 4 3 ಅಯಿಗ್ಯ –ಸಮಾದಿತ ವಸಿಲಿಂಡು ಅ ಕೆಲ್ಲ ನಂಬುರುಕಾಯ್ಯಿ ಉರುಳುಸ್ರಾಯ್ಯ ಏದು?,ಇಂಡು ತಂಗುಲುಕೊರೆ ವಸ್ಸೇತಿಗೊಂಡುಸ್ಸುನು, 4 ಯಂತ್ಗು ಇಂಡೆಕೆ ಅದು ಶನ ಬೇರ್ ದಾಯಿಂಚು; ಅನೇಕೆ ಅಯಿಗ್ಯ ಅಟಿ ಅ ಕೆಲ್ಲ ಉರುಳಿಸಿಕ್ಕಿರತ್ತ ಪಾತುಸ್ಸುನು. 5 6 7 5 ಅಯಿಗ್ಯ ಸಮಾದಿಯೂಲಿಕಿ ಹೊನ್ನಪ್ಪೋರು ವಸುರಿಕ್ಕಿರ ವೋಲ್ಲ ಬಟ್ತುಲಾ ಹೋಟುಗೊಂಡಿಕ್ಕಿರ ಒಂಡು ಯೌವನಸ್ತ ಮಣುಸು ಉನುಗೈಜಾಯಿ ಉಕ್ಕೊಂಡಿಕ್ಕಿರತ್ತ ಪಾತು,ಬಿತ್ಗೊಂಡುಸ್ಸುನು, 6 ಅನೇಕೆ ಅದು ಅಯಿಲಿಕಿ –ಬಿತ್ಗುಮಾನಂಗ ; ಶಿಲುಬೇಕು ಹೋಟಿ೦ದ ನಜರೆತಿನ ಯೇಸುನತ್ತೆಯಿ ದವ್ವುತಿರಂಗ ; ಆತನು ಅದ್ದಿಂದಿದು; ಇಟಿ ಇಲ್ಲ ಅತನತ್ತೆಯಿ ಅಚ್ಚಿಂದ ಜಾಗ್ಯ ಪಾರಂಗೋ, 7 ಅನೇಕೆ ನಿಂಗ ಹೊಯ್ಯಿ ಆತನು ನಿಂಗುಲುಕು ಸೋನ್ನಿಂದಕನೆ ನಿಂಗುಲಿಕ್ಕಿಂತ ಮುನ್ನೆ ಗಲಿಲಾಯತ್ಗು ಹೊಕ್ಕುದು;ಅಟಿ ನಿಂಗ ಅತ್ತ ಪಾಕಾರಂಗ ಇಂಡು ಅತನತ ಶಿಷ್ಯರುಕು ಮತ್ತೆ ಪೆತ್ರನಕು ಸೋನ್ನಂಗೋ ಇಂಡಸ್. 8 8 ಅಪ್ಪೋರು ಅಯಿಗ್ಯ ಬೇಗನೆ ಹೊರುಟು ಸಮಾದಿಯಿಂಡು ಓಡಿಹೊಸುನು;ಯಂತ್ಗು ಇಂಡೆಕೆ ಅಯಿಗ್ಯ ಆಶ್ಚರ್ಯತಿಂಡು ನಡುಗುತಿಂಚುನು,ಮತ್ತೆ ಅಯಿಗ್ಯ ಬಿತ್ಗೋ೦ಡಿಕ್ಕಿರತಿಂಡು ಎತ್ಗು ಯಂತು ಸೋನ್ನುಲುನು. 9 10 11 9 ವಾರತ ಮೊದಲನೇ ದಿನು ಯೇಸು ಅದ್ದಿಂದಪ್ಪೋರು ಆತನು ಮೊದಲು ಅಗು (7 )ದವ್ವಂಗ್ಲ ಉಡಿಪ್ಪಿಚ್ಚಿಂದ ಮಗ್ದಲತ ಮರಿಯಳುಕು ಕಾಂಗುಸು, 10 ಆತನ೦ಟಿ ಇಂದ್ದಾಯ ಆಗುತಿಂದಪ್ಪೋರು ಅದು (ಮರಿಯಳು )ಹೊಯ್ಯಿ ಸೋನ್ನುಸು, 11 ಅನೇಕೆ ಅದು ಆತನು ಪಾಗಿಸಿದು ಮತ್ತೆ ನನ್ಕು ಕಾಂಗುಸು ಇಂಡತ್ತ ಕೊಟುಸುನು ; ಅನೇಕೆ ನಂಬುಲ್ಲನು. 12 13 12 ಇದಾನ್ನಪ್ಪೋರು ಅಯಿಲಿಕೊರು ರಂಡಾಳು ಒಂಡು ಊರುಕು ನಡುದುಗೊಂಡು ಹೋಗುತಿಂದಪ್ಪೋರು, ಆತನು ಅಯಿಲಿಕಿ ಬೇರೆ ರೂಪತ್ಕೊರು ಕಾಂಗುಸು 13 ಅಯಿಗ್ಯ ಹೊಯ್ಯಿ ಉಳುಜಾಯಿಲಿಕಿ ಸೋನ್ನುಸುನು;ಅನೇಕೆ ಅಯಿಲೂನ್ನು ಅಯಿಗ್ಯ ನಂಬುಲ್ಲ. 14 15 16 14 ತರುವಾಯಿ ಕಲಿಕಿ ಉಕ್ಕೊಂಡಿ೦ದ್ದ ಪದ್ದುನ್ನೊಂಡು ಮಂದಿಲಿಕಿ ಕಂಡು, ತಾನು ಅದ್ದಿಂದು ವಂದೆಕೂ ಕಂಡುನೆಕೂ ನಂಬಾರತ್ಗು , ಅಯಿಲಿತಾ ಅಪನಂಬಿಕೆತ್ಗು ಹೃದಯತ ಕಾಟಿಣ್ಯತ್ಗು ಆತನು ಅಯಿಲಾತ್ತೆಯಿ ಗದುರುಸುಸು, 15 ಆತನು ಅಯಿಲಿಕಿ ನಿಂಗ ಸಮಸ್ತ ಲೋಕತ್ಗು ಹೊಯ್ಯಿ , ಅದ್ದಿ ಸೃಷ್ಟಿಕೂ ಸುವಾರ್ತೆ ಸಾರಂಗೋ, 15 ನಂಬಿ ದೀಕ್ಷಾಸ್ನಾನ ಅತ್ಗುರಾದು ರಕ್ಷಣೆ ಹೊಂದಾದು, ಅನೇಕೆ ನಂಬಾದೆ ಇಕ್ಕಿರಾದು ದಂಡನೆಕು ಗುರುಯಾಕ್ಕುದು 17 18 17 ಇದಲ್ಲದೆ ನಂಬುರಾಯಿಲಿಂಡು ಈ ಸೂಚಕಕಾರ್ಯಾಗ ನಡುಕಾನು,ಅಯಿಗ್ಯ ನಟ ಪೆರುಮೆನಿ ದವ್ವಂಗ್ಲ ಉಡಿಪ್ಪಿಕ್ಯನು ; ಅಯಿಗ್ಯ ಪುದೀಭಾಷೆತಿಂಡು ವಸ್ಸೇತಾನು; 18 ಅಯಿಗ್ಯ ಪಾಮುಲಾ ಪೆಚ್ಚನು; ಅಯಿಗ್ಯ ಶಡಿಗ್ಯ (ವಿಸ್ತಾ )ಯಂತಾನ ಕುಡುಸುನೆಕೆನೂ ಅಯಿಲಿಕಿ ಯಂದ ಕೇಡು ಆಗುದಿಲ್ಲ ; ಅಯಿಗ್ಯ ರೋಗಿಲಾಮೇಕು ಕೈ ಅಚ್ಚುನೇಕೆ ಅಯಿಗ್ಯ (ರೋಗಿಗ್ಯ )ಅರಾಮಾಕ್ಕುನು. 19 20 19 ಈ ತರ ಕರ್ತನು ಅಯಿಲಾಂಟಿ ವಸ್ಸೆತ್ತಿ ಅನ್ನಪ್ಪೋರು ಅಕಾಶತ್ಗು ಸ್ವಿಕರಿಸಲ್ಪಟ್ಟು ದವ್ರತ ಬಳಪಾರ್ಶ್ವತ್ಕೊಕು ಉಕ್ಕೊಂಡುಸು, 20 ಮತ್ತೆ ಅಯಿಗ್ಯ ಹೊಯ್ಯಿ ಅದ್ದಿಜಾಯಿನು ಸಾರುಸೂನು , ಮತ್ತೆ ಕರ್ತನು ಅಯಿಲಾಂಟಿ ಸೂಚಕ ಕಾರ್ಯಲಾ ಸೇಯ್ಯಿತಾ ಸುವರ್ತಾ ವಾಕ್ಯತ್ತ ಬಲ ಪಡುಸತಾ ಇಂಚು.