^{1 2 3} 1 ದೇವಕುಮಾರನಯಿಕ್ರ ಯೇಸುಕ್ರಿಸ್ತನ ವಿಷಯವಾನ ಸುವಾರ್ತೆಯ ಪ್ರಾರಂಬ, 2 ಪ್ರವಾದೆನೆಲೆಕೊರು ವರ್ಜಿಕ್ರ ಪ್ರಕಾರ –ಇಗೋ ನಿಟ ಮಾರ್ಗತ ಸಿದ್ದ ಸೇಯ್ಯಿರ ನಟ ದೂತನತ್ತೆಯಿ ನಿನ್ನ್ ಮುನುಕು ನಾನು ಅಂಪರೆ, 3 ಕರ್ತನ ಮಾರ್ಗತ ನಿಂಗ ಸಿದ್ದ ಸೇಯ್ಯಂಗೋ;ಅತನತ ಎಗಿಲತ್ತೆಯಿ ನೆಟ್ಟುಗು ಸೇಯ್ಯಂಗೋ ಇಂಡು ಅಡವಿಲಿಕೊರು ವದ್ರುರಾ ಒಂಡುತಾ ಶಬ್ದವಿದು ಇಂಗ್ರಾದೆ, ^{7 8} 7 ಮತ್ತೆ ಅದು –ನನಕ್ಕಿಂತ ಶಕ್ತನಿಯಿಕ್ಕ್ರದು ನನ್ನ ಪರುಗೋಟೆ ವರಾದು;ನಾನು ಬಗ್ಗಿಗೊಂಡು ಅತನತ ಶರುಪುಲುತಾ ಬಾರತ್ತೆಯಿ ಇಚ್ಚುರುಕು ನಾನು ಯೋಗ್ಯನಲ್ಲ, 8 ನಾನು ತನ್ನಿಂಡು ದಿಕ್ಷಸ್ನಾನ ಸೇಯಿಪಿಕ್ಕ್ಯರೇ, ಆತನು ನಿಂಗುಲೂಕು ಪವಿತ್ರತ್ಮಾನಿಂಡು ದಿಕ್ಷಸ್ನಾನ ಸೇಯಿಪ್ಪಿಕ್ಯದು ಇಂಡು ಸಾರಿ ಸೋನ್ನುತಿಂಚು, ^{9 10 11} 9 ಆ ದಿವಸಲುಕೊರು ಅನಾದು ಯಂದಾದು ಇಂಡೆಕೆ, ಯೇಸು ಗಲಿಲಾಯಾತ ನಜರೆತಿನಿಂಡು ವಂದು ಯೋರ್ದನಕೋರು ಯೋಹಾನನಜಾಯಿಂಡು ದಿಕ್ಷಸ್ನಾನ ಸೇಯ್ಯಿಪಿಚ್ಚುಗೊಂಡುಸು, 10 ಆತನು ತನ್ನಿಂಡು ಬೆಲಿಕಿ ವಂದಾತಕ್ಷಣ ಆಕಾಶ ತೆರಿದಿಕ್ಕ್ರತ್ತೂ ಆತ್ಮನು ಪಾರಿವಾಳತರ ಆತನ ಮೇಕು ಇಗುಜು ವರತ್ತ ಯೋಹಾನನು ಪಾಚು, 11 ಅಪ್ಪೋರು –ನೀನು ಪ್ರಿಯನಾಯಿಕ್ರ ನನ್ನ ಮಾವ್ವು, ನಿನ್ನ ನಾನು ಮೆಚ್ಚಿರೆ ಇಂಗ್ರಾ ಆಕಾಶವಾಣಿ ಅಸು, ^{12 13} 12 ತಕ್ಷಣ ಯೇಸು ದೇವರಾತ್ಮ ಪ್ರೆರಿತನಯ್ಯಿ ಅಡವಿಕಿ ಹೊಸು, 13—14 ಆತನು ನಡ್ರಕ್ಕಪ್ಪತುನಾಲು ಅಡವಿಕೊರು ಸೈತಾನನಿಂಡು ಶೋದಿಸಲ್ಪಡ್ತ, ಕಾಡು ಪ್ರಾಣಿಲಾಂಟಿ ಇಂಚು; ಮತ್ತೆ ದೂತರು ವಂದು ಅತನತ್ತೆಯಿ ಉಪಚಾರ ಸೆಂಚುನು. ^{14 15} 14 ಯೋಹಾನನತ್ತೆಯಿ ಸೆರೆಮನೆಕೋಕು ಹೋಟು ಅನ್ನಪ್ಪೋರುತಿಂಡು, ಯೇಸು ಗಲಿಲಾಯತ್ಗು ವಂದು ದವ್ರು ರಜ್ಯಾತ ಸುವರ್ತೆ ಸಾರುತ್ತಾ. 15 ಕಾಲವು ಪರಿಪೂರ್ಣವಾಸು,ದವ್ರುತಾ ರಾಜ್ಯ ಕಿಟ್ಟುಗು ವಂಚು;ನಿಂಗ ಮಾನಸಾಂತರ ಪಟ್ಟು ಸುವಾರ್ತೆ ನಂಬಂಗೋಇಂಡಸ್. ^{16 17 18} 16 ಆತನು ಗಲಿಲಾಯಾತ ಸಮುದ್ರುತಾಂಚುಲಿ, ಓಡಾಡುತಾ ಇಂದಾಪ್ಪೋರು ಸೀಮೊನನು ಮತ್ತೆ ಅತ್ರ ಸಹೋದರ ಅಂದ್ರೆಯನೂ ಸಮುದ್ರುತ್ಗೊರು ಕಟ್ಟಹೊಡುರತ್ತ ಆತನು ಪಾಚು; ಯಂತ್ಗು ಇಂಡೆಕೆ ಅಯಿಗ್ಯ ಬೆಸ್ತರಾಯಿಂಚುನು. 17 ಯೇಸು ಅಯಿಲಿಕಿ –ನಿಂಗ ನಟ ಪರುಗೋಟೆ ವಂಗೋ;ಮಣುಸುರುಲಾ ಪುಡಿಕ್ರ ಬೆಸ್ತರನ್ನಯಿ ನಿಂಗುಲುನಾ ನಾನು ಸೇಯ್ಯರೆ ಇಂಡಸ್, 18 ತಕ್ಷಣನೆ ಅಯಿಗ್ಯ ಅಲ್ತ ಕಟ್ಟುಲಾ ಉಟ್ಟೋಟು ಅತನತ್ತೆಯಿ ಹಿಂಬಾಲಿಸಿಸುನು. ^{19 20} 19 ಆತನು ಅಟ್ಟಿ೦ಡು ಮುನುಕು ಹೊನ್ನಪ್ಪೋರು,ಜೆಬೇದಾಯನ ಮಾವ್ವುನಾಯಿಕ್ರ ಯಕೊಬನು ಮತ್ತೆ ಅದ್ಗ ಸಹೋದರನಾಯಿಕ್ರ ಯೋಹಾನನೂ ದೋಣಿಕೋರು ತಂಗುಲುತಾ ಕಟ್ಟ್ ಲಾ ಸರಿಸೇಯ್ಯಿರತ್ತ ಪಾಚು. 20 ತಕ್ಷಣ ಆತನು ಅಯಿಲೆತ್ತೆಯಿ ಅಗುಸು;ಅದ್ಗ ತೋಪುನಾಯಿಕ್ರ ಕೂಲಿಯಾಳುಲಾ ಸಂಗಡ ದೋಣಿಕೋರು ಉಟ್ಟು ಆತನ ಪರುಗೋಟೆ ಹೊಸುನು. ^{21 22} 21ಅಪ್ಪೋರು ಅಯಿಗ್ಯ ಕಪೆರ್ನೌಮಿಕು ಹೊಸುನು; ಕೂಡಲೇ ಸಬ್ಬತ್ ದಿನತ್ಕೊರು ಸಭಾಮಂದಿರತ್ಕೊರು ಪ್ರವೇಶಿಸಿ ಬೋದನೆಸೆಂಚು. 22 ಅಯಿಗ್ಯ ಅತನತ ಬೋದನೇಕು ಆಶ್ಚರ್ಯಪಟ್ಟುಸುನು; ಯಂತ್ಗು ಇಂಡೆಕೆ ಆತನು ಶಾಸ್ತ್ರೀಲತಾರ ಅಲ್ಲ, ಅದಿಕಾರ ಇಂದತ್ತಕಾನಿ ಅಯಿಲಿಕಿ ಬೋದನೆ ಸೆಂಚು. ^{23 24 25 26} 23 ಅಪ್ಪೋರು ಅವರ ಸಬಾಮಂದಿರತ್ಗೊರು ಅಶುದ್ದಾತ್ಮವಿಂದ ಒಂಡು ಮಣುಸ್ ಇಂಚು, 24 ಅದು –ನಂಗುಲುನಾ ಉಟ್ಟೋಡು; ನಜರೆತಿನ ಯೇಸುವೆ,ನಂಗುಲ್ತಾ ಗೊಡವೆ ನಿನಕು ಯಂತ್ಗು?ನಂಗುಲುನಾ ನಾಶ ಸೇಯ್ಯಿರುಕು ನೀನು ವಂದಿರಿಯ್ಯ ?ನೀನು ಎದು ಇಂಡು ನಾಕು ಗೊತ್ತಿದು;ನೀನು ದವ್ರ ಮಾವ್ವು ಪರಿಶುದ್ದನು ಇಂಡು ವದ್ರಿ ಸೋನ್ನುಸು, 25 ಅಪ್ಪೋರು ಯೇಸು ಅತ್ತತ್ತೆಯಿ ಗದರಿಸಿ ಸುಮ್ಮದಿರು, ಅತ್ತ ಉಟ್ಟು ಬೆಲಿಕಿ ವಾ ಇಂಡಸ್. 26 ಅಪ್ಪೋರು ಅಶುದ್ದತ್ಮಾ ಅತ್ತ ಒದ್ದಾಡಿಸಿ ಜೋರಾಯಿ ವದ್ರಿ ಅತ್ತ ಉಟ್ಟು ಬೆಲಿಕಿ ವಂಚು. ^{27 28} 27ಅತ್ಗು ಅಯಿಗ್ಯದ್ದಿ –ಇದು ಯಂದಾದಾಯಿಕಿಬೋದು?ಈ ಪುದೀ ಬೋದನೆ ಎದು?ಯಂತ್ಗು ಇಂಡೆಕೆ ಇದು ದವ್ವಂಗುಲುಕೂ ಅಪ್ಪಣೆ ಕೂಡುಕಾದೆ; ಅಯಿಗ್ಯ ಅತಾನುಕು ವಿದೆಯರಾಕ್ಕುನೆ ಇಂಡು ತಾಂಗುಲೂನಾ ತಂಗ್ಲೆ ಪ್ರಶ್ನೆ ಸೆಂದುಗೊಂಡು ವಿಸ್ಮಯರಾಸುನು. 28 ತಕ್ಷಣ ಅತನತ ಕೀರ್ತಿ, ಗಲಿಲಾಯಾತ ಸುತ್ತಮುತ್ತಾ ಅದ್ದಿಜಾಯಿ ಅಬ್ಬುಸು. ^{29 30 31} 29 ಆತನು ಸಭಾಮಂದಿರತಿಂಡು ಬೆಲಿಕಿ ವಂದ ತಕ್ಷಣ , ಯಾಕೋಬ ಯೋಹಾನನರಂಟಿ ಸೀಮೋನ ಅಂದ್ರೆಯನತ ಉಟುವುಲ್ಲಿಕಿ ಹೊಸುನು, 30 ಅನೇಕೆ ಸಿಮೋನನತ ಅತ್ತೆವ್ವ ಜ್ವಾರು ವಂದು ಬೂದುಗೊಂಡಿಂಚು; ಅಪ್ಪೋರು ಆ ವಿಷಯಾತ ಅಯಿಗ್ಯ ಅತನಕು ಸೋನ್ನುಸುನು. 31 ಆತನು ವಂದು ಅತ್ರ ಕೈ ಪುಡುಸು ಅತ್ತ ಮೇಕುಪೆಚ್ಚುಸು; ತಕ್ಷಣ ಜ್ವಾರು ಎಲ್ಲೆಸು ಅದು ಅದ್ದಿಂದು ಅಯಿಲಿಕಿ ಉಪಚಾರ ಸೆಂಚು. ^{32 33 34} 32 ಅಂದಿಬೇರಿ ಸೂರ್ಯ ಮುಳುಗಿಂದ್ದಪ್ಪೋರು ಅಯಿಗ್ಯ ಆರಾಮು ಇಲ್ಲರಯ್ಯಲಾ, ದವ್ವು ಪುಡಿಸಿಕ್ಕ್ರಯಲಾ ಅತನಂಚುಗು ಅಸ್ಸೆಂಚುನು 33 ಅಪ್ಪೋರು ಊರುಯ್ಯದ್ದಿ ಒಟ್ಟಯ್ಯಿ ವಂದು ವಸೂಲ್ಕೋಕು ನಿಂಡ್ರಸುನು. 34 ಇದಾಲ್ಲದೆ ಆತನು ವಿದವಿದವಾಯಿಕ್ಕ್ರ ಕಾಯಿಲೆತಾಯ್ಯಲಾ ಆರಾಮು ಸೆಂಚು,ಶನ ದವ್ವಂಗಲಾ ಉಡಿಪ್ಪಿಚ್ಚುಸು; ಮತ್ತೆ ದವ್ವಂಗುಲೂಕು ಆತನ ಬಗ್ಗೆ ಗೊತ್ತಿಕ್ಕಿರತಿಂಡು ಆಯಿಲ್ಯ ವಸೆತ್ತುರುಕೂ ಉಡುಲಾ, ^{35 36 37} 35 ನಸುಗೋಟ್ಟಳ್ಳಿ ಇನ್ನು ಪಗುದು ಎರಾರಕ್ಕಿಂತ ಮುನ್ನೆ ಆತನು ಅದ್ದಿಂದು ಬೇಲಿ ಎದು ಇಲ್ಲಾರಜಾಯಿ ಹೋಯಿ ಪ್ರಾರ್ಥನೆ ಸೆಂಚು. 36 ಸೀಮೋನ ಮತ್ತೆ ಅತ್ತಂಟಿ ಇಂದಯ್ಯ ಆತನ ಪರುಗೋಟೆ ಹೂಸುನು, 37 ಅಯಿಗ್ಯ ಅತ್ತನತ್ತೆಯಿ ಪತಪ್ಪೋರು ಅತನಕು ಅದ್ದಿ ನಿನ್ನ ದವ್ವುತಿನೂ ಇಂಡತ್ಗು. ^{38 39} 38 ಆತನು ಅಯಿಲಿಕಿ –ನಂಬ್ರು ಮುನ್ನು ಊರುಕು ಹೋಗೋಮು;ಯಂತ್ಗು ಇಂಡೆಕೆ ನಾನು ಅಟಿನೂ ಸೋನ್ನುಬೇಕಾಯಿದು;ಇತ್ತಕಾಯೇ ನಾನು ವಂದಾದು ಇಂಡಸ್, 39 ಮತ್ತೆ ಆತನು ಗಲಿಲಾಯಾತ ಅದ್ದಿ ಸಭಾ ಮಂದಿರಲಾಕು ಸಾರಿ ದವ್ವಂಗಲಾ ಉಡಿಪ್ಪಿಚ್ಚುಸು, ^{40 41 42} 40 ಅಪ್ಪೋರು ಒಂಡು ಕುಷ್ಟರೋಗುತಾದು ಆತನಂಚುಗು ವಂದು ಮೊಣಕಾಲೂರೀ ಅತನುಕು –ನಿನಕು ಮನಸ್ಸಿಂದೆಕೆ ನೀನು ನನ್ನ ಶುದ್ದ ಸೇಯ್ಯರ ಇಂಡು ಕೋಟುಗೊಂಡುಸು, 42 ಅಪ್ಪೋರು ಯೇಸು ಕನಿಕರ ಪಾಟ್ಟು ತಟ ಕೈ ಚಾಚಿ ಮುಟ್ಟಿ ಅತ್ತುಗು ನನ್ಕು ಮನಸ್ಸಯಿದು ನೀನು ಶುದ್ದನಾಗು ಇಂಡು ಸೋನ್ನುಸು, ಇಪೋದು ಆದು ಸೋನ್ನು ತಕ್ಷಣ ಆ ಕಷ್ಟು ತಕ್ಷಣ ಹೋಯಿ ಅದು ಶುದ್ದನಸು ^{43 44} 43 ಆತನು ಅತ್ತಗು ನೇರವಯಿ ಆಜ್ಞಾಪಿಸಿ ತಕ್ಷಣ ಅಂಪುಸು. 44 ಅತ್ತುಗು ಸೋನ್ನದು ಯಂದದಿಇಂಡೆಕೆ –ಎ ಮಣುಸ್ಸುನುಕು ಯಂತು ಸೋನ್ನಮನ ಪಾರು ‘ ಆನೇಕೆ ನೀನು ಹೋಯಿ ಯಾಜಕನಕು ನಿನ್ನತ್ತೆಯಿ ಕಟಿಗೊಂಡು ಅಲಿಕಿ ಸಾಕ್ಷಿಯಾಯಿ ಇಕ್ಕಿರ್ಕನಿ ನಿನ್ನ ಶುದ್ದಿಕಯಿ ಮೋಶೆ ಆಜ್ಞಾಪಿಸಿಕ್ಕರತ್ತ ಅರ್ಪುಸು ಇಂಡಸ್. ⁴⁵ 45 ಅನೇಕೆ ಅದು ಹೋಯ್ಯಿ ನಡಿದ್ದಿಕ್ರತ್ತ ಅದ್ದಿಕು ಸೋನ್ನಿ ಆ ವಿಷಯಾತ ಅದ್ದಿಜಾಯಿ ಅಬ್ಬುಸುರುಕು ಪ್ರಾರಂಬಸ್ಸುನತ್ಗು ಯೇಸು ಇನ್ನು ಊರು ವುಲ್ಲಿಕಿ ವರಾದೆ ಆತನು ಬೇಲಿ ಅಡವಿಕೊರು ಇಂಚುನು: ಅಪ್ಪೋರು ಪ್ರತಿಯೊಂಡುಜಾಯಿಂಡು ಜನರೂ ಅತನಂಚುಗು ವಂಚುನು.