1 2 1 ದೌರ ಚಿತ್ತಾನುಸಾರವಾಯಿ ಯೇಸು ಕ್ರಿಸ್ತನ ಅಪೋಸ್ತಲನಾನ ಪೌಲ ಎಪೆಸತ್ಕುರುಯಿಕ್ರ ಪರಿಶುದ್ದರಲ್ಯಕಿ ಕ್ರಿಸ್ತ ಯೇಸುಕುರು ನಂಬಿಗಸ್ತರಲ್ಯಕಿ 2 ನಂಗ್ಟ ಅವ್ವಯಿಕ್ರ ದೌರ್ ಯಿಂಡು ಕರ್ತನಾನ ಯೇಸು ಕ್ರಿಸ್ತನಿಂಡು ನಿಂಗುಲ್ಕು ಕೃಪೆ ಶಾಂತಿ ಹಾಗೊಟ್ಟು. 3 4 3 ನಂಗ್ಟ ಕರ್ತನಾನ ಯೇಸು ಕ್ರಿಸ್ತನ ದೌರ ಅವ್ವಯಿಕ್ರತ್ಗು ಸ್ತೋತ್ರ .ಅದು ಪಲೋಕತ್ಕುರ ಆದಿ ಆತ್ಮೀಯ ಆಶೀರ್ವಾದನ ನಂಗುಲ್ಕು ಕ್ರಿಸ್ತನ್ಕುರು ಅನುಗ್ರಯಿಸಿಡದು. 4 ನಂಗ ಪ್ರೀತಿಕುರುಯಿಂದು ಆತನ ಸನ್ನಿದಿಕುರು ನಿರ್ದೊಷಿಗ್ಯರಾಯಿಂದು ಆಗುರ್ದುಯಿಂಡು ಆದು ಜಗತ್ಗು ಅಸ್ತಿವಾರ ಹೋಡುರ್ಕಿನ ಮುನ್ನೆ ನಂಗುಲ್ನ ಕ್ರಿಸ್ತನ್ಕುರು ಆರಿಸ್ಗೊಂಡುಸು. 5 6 5 ಆತ್ರ ತನ್ನ ಚಿತ್ತ ದಯಾ ಪೂರ್ವಕವಾನ ಆನಂದಕನುಸಾರವಾಯಿ ಯೇಸು ಕ್ರಿಸ್ತನಿಂಡು ನಂಗುಲ್ನ ತಂಕಾಯಿ ದತ್ತು ಮೌನ ಸ್ವಿಕಾರ ಸೆಂದುಗುರ್ಕಾನಿ ಮುನೇ ಸಂಕಲ್ಪವಾಸು. 6 ತಟ್ಟ ಕೃಪೆ ಮಹಿಮೆ ಸುತ್ತಿಕಾಯಿ ಆದು ನಂಗುಲ್ನ ಆ ಪ್ರಿಯನತ್ಕುರು ಅಂಗಿಕಾರ್ಸಿದು. 7 8 7 ಆದು ಕೃಪಾ ಐಶ್ವರ್ಯಾತ್ಗು ಅನುಸಾರವಾಯಿ ಆತ್ರ ರಕ್ತತಿಂಡು ಆತ್ಕುರು ನಂಗುಲ್ಕು ವಿಮೋಚನೆ ಅಂಡೆಕೆ ಪಾಪತ ಕ್ಷಮಾಪಣೆಸು. 8 ಹಿಂಗು ಅದು ತಟ್ಟ ಕೃಪತಿಶಾಯಾತಕುರು ಆದಿ ಜ್ಞಾನತ್ಕುರು ಬುದ್ದಿನ ಇನ್ನೂ ಶ್ಯಾನ ನಗ್ಲಂಚಿಲಿ ಕಟ್ಸು. 9 10 9 ಅದು ತನ್ನಂಚಿಲಿ ಉದ್ದೇಶಿಸಿಂದ ಪ್ರಕಾರ ಆನಂದ ಪುರ್ವಾಕವಾನ ತಟ್ಟ ಚಿತ್ತ ರಹಸ್ಯವಾಯಿ ನಂಗುಲ್ಕು ತಿಳಿಸ್ಸು. 10 ಅದೆಂದಯಿಂಡೆಕೆ ಕಾಲ ಪರಿಪೂರ್ಣವಾನ ಯುಗತ್ಕುರು ಆದು ಪರಲೋಕತ್ಕುರುಯಿಕ್ರತ ಭೂ ಲೋಕತ್ಕುರುಯಿಕ್ರತ ಆತಂಚಿಲಿ ಇಂಡೆಕೆ ಕ್ರಿಸ್ತನ್ಕುರು ಆದಿನು ಒಂಡುಗೂಡಿಸುರ್ದುಯಿಂಡು ಇಂಚು. 11 12 11 ಅದು ಸ್ವಚಿತ್ತ ಆಲೋಚನೆಯಾನುಸಾರವಾಯಿ ಹದಿ ಕಾರ್ಯಾನ ಸಾದಿಸ್ರ ಅತ್ರ ಉದ್ದೆಶತಾನುಸಾರವಾಯಿ ಮುನೇ ನೇಮಿಸಿಕ್ರ ನಂಗ ಆತ್ಕುರು ಬಾದ್ಯಾತೆನ ಹೊಂದಿರೋ. 12 ಕ್ರಿಸ್ತನ ಮಹಿಮೆ ಸ್ತುತಿಸಲ್ಪಡ್ರುಕಾನಿ ಆತ್ಕುರು ನಂಗ ಮುನೀ ನಂಬಿಕೆಚೋ. 13 14 13 ನಿಂಗ್ಟ ರಕ್ಷಣೆತ ವಿಷಯಾವನ ಸುವಾರ್ತೆಯಿಂಗ್ರ ಸತ್ಯ ವಾಕ್ಯಾತ ಕೊಟ್ಟು ಕ್ರಿಸ್ತನ್ಕುರು ನಂಬಿಕೆ ಅಚ್ಚ ನಿಂಗ ವಾಗ್ದಾನ ಸೆಂದಿಕ್ರ ಪವಿತ್ರಾತ್ಮಯಿಂಗ್ರ ಮುದ್ರೆನ ಹೊಂದಿರಂಗ. 14 ಅತ್ರ ಮಹಿಮೆ ಸ್ತುತಿಕೊಸ್ಕಾರ ಕೊಂಡುಗೊಂಡ ಸ್ವಾಸ್ಥ್ಯಲ್ಯಾಕಿ ವಿಮೋಚನೆಯಾಗುರ್ತನಂಕ ಅದು ನಂಗುಲ್ನ ಬಾದ್ಯಾದೆತ್ಗು ಸಂಚರಕಾನಾಯಿ ಸೇದಿದ. 15 16 15 ಇಂಗಿಕ್ರಪೋದು ನಾನು ಸಹ ಕರ್ತನಾನ ಯೇಸು ಕ್ರಿಸ್ತನ್ಕುರು ನಿಂಗ್ಲ ನಂಬಿಕೆ ವಿಷಯವಾಯಿ ಪರಿಶುದ್ದರಾದೆರ್ಕು ಕೊನೆತ್ಗು ಪ್ರೀತಿಯಾ ವಿಷಯವಾಯಿ ಕೊಟ್ಗೊಂಗೋ. 16 ನಟ್ಟು ಪ್ರಾರ್ಥನೆತ್ಕುರು ನಿಂಗುಲ್ಕೊಸ್ಕಾರ ವಿಜ್ಞಾಪನೆಸೆಂದು ನಾನು ನಿಂಗುಲ್ಕೊಸ್ಕಾರ ಎಡಬಿಡದೆ ದೌರ್ಕು ಸ್ತೋತ್ರ ಸೈಯಾರೆ. 17 18 17 ನಂಗ್ಟ ಕರ್ತನಾನ ಯೇಸು ಕ್ರಿಸ್ತನ ದೌರಾಯಿಕ್ರ ಪ್ರಭಾವ ಪೂರ್ಣಯಯಿಕ್ರ ಅವ್ವ ತಾಟ್ಟ ವಿಷಯಾವನ ತಿಳುವಾಳಿಕೆನುಸಾರವಾಯಿ ಜ್ಞಾನತ ಪ್ರಕಟನೆತ ಆತ್ಮನ ನಿಂಗುಲ್ಕು ಅನುಗ್ರಹಿಸ್ರಕಾನಿ. 18 ಅದು ನಿಂಗ್ಲ ಮನೋನೆತ್ರನ್ನ ಬೆಳಗಿಸಿ ಅತ್ರ ಹಗ್ಸಿಕ್ರದು ಎಂಥದುಯಿಂಡು ಪರಿಶುದ್ದತ್ಕುರುಯಿಕ್ರ ಆತ್ರ ಮಹಿಮಾತಿಶಯ ಎಂಥದುಯಿಂಡು. 19 20 21 19 ನಂಬಿಕ್ರ ನಂಗುಲ್ಕುರು ಅದು ಸಾದಿಸ್ರ ಪರಾಕ್ರಮ ಎದ್ನು ಅತಿಶಾಯವಾನದುಯಿಂಡು ಎದ್ನು ಮಹಾತ್ವಾನದುಯಿಂಡು ನಿಂಗ ತಿಳಿಜ್ಗುರ್ದುಯಿಂಡು ಅನುಗ್ರಯಿಸೋಟ್ಟು. 20 ಬಾಲತಿಶಯ ಕ್ರಿಸ್ತನ್ಕುರು ಕಂಗಕು ;ಹೆಂಗಿಂಡೆಕೆ ದೌರು ಕ್ರಿಸ್ತನ ಸತ್ತಲಿಂಡು ಹದಿಪ್ಚುಸು. 21 ಆದಿ ರಾಜತ್ವ ಅದಿಕಾರ ಮಹತ್ವ ಪ್ರಭುತ್ವತ್ ಮೇನಿ ಈ ಲೋಕತ್ಕುರು ಮಾತ್ರಲ್ಲದೆ ವರ್ರ ಲೋಕತ್ಕುರು ಅದೇರ್ ಮೆಮೇನು ಪರಲೋಕತ್ಕುರು ತಟ್ಟ ಸ್ವಂತ ಹೊಂಗೈ ಪಾಶ್ವತ್ಕುರು ಆತತೆಯ ಉಪಿಚ್ಗೊಂಡುಸು. 22 23 22 ದೌರು ಆದಿನ ಆತ್ರ ಕಲ್ತ ತರ್ಗಿಲಿ ಹೊಟ್ಟುಸು .ಇದಲ್ಲದೆ ಆದೇರ್ ಮೇನಿ ಸಬೇತ್ಗು ತಲ್ಕಯಾಯಿ ನೇಮಿಸಿದು . 23 ಸಭೆ ಅತ್ರ ವಡ್ಮಾಯಾಯಿದು ;ಅದಿನು ಆದಿ ಸಂಬಂದತ್ಕುರು ವ್ಯಾಪಿಸ್ರತಿಂಡು ಆದು ಪರಿಪುರ್ಣವಾಯಿದು